11/02/2025
که ستاسو سيمه کې دغه بوټی وي نو ډېر ګټور بوټی دی، خصوصا په روژه کې خو بيخي زيات ضرورت ورته پېښېږي ،
پښتو کې ورته خمزوره يا خمه زوره وايي، فارسي کې پنيرباد ورته وايي، ځينې خلک يې پنيربوټي هم بولي
پنیر بوټي یو طبی بوټی دی چې د حکیمي درملو او آیورویدیک طب کې کارېږي. دا بوټی Withania coagulans په نوم یادیږي، او په انګلیسي کې ورته Indian Rennet یا Vegetable Rennet وايي.
خمجیره (پنیر بوټي) ګټې:
1. د معدې او کولمو لپاره: د هاضمې ښه کولو، ګیس کمولو، او کولمو پاکولو کې مرسته کوي.
2. د وینې پاکوالی: د بدن زهرجن مواد خارجوي او د وینې شکر تنظیموي، نو ځکه د شکر ناروغانو ته هم ګټور دی.
3. د پښتورګو لپاره: د پښتورګو فعالیت ته وده ورکوي او د ادرار له لارې اضافي مواد خارجوي.
4. د اعصابو ارامولو لپاره: ذهني فشار کموي او خوب ښه کوي.
5. د شیدو جوړولو لپاره: د شیدو د جوړېدو طبعي پروسه تقویه کوي، نو ځینې خلک یې د لبنیاتو د جوړولو لپاره هم کاروي.
استعمال:
د چای په بڼه: د دې وچې مېوې یو څو دانې په ګرمو اوبو کې جوش کړل شي او وڅښل شي.
پوډر: د دې بوټي پوډر د شاتو یا اوبو سره مخلوط کېږي.
کپسول او درمل: په آیورویدیک او یوناني طب کې یې تیار درمل هم شته.
چېرته پیدا کېږي؟
دا بوټی زیاتره په هند، پاکستان، افغانستان، ایران، او منځني ختیځ کې موندل کېږي، او د طبی درملو دوکانونو کې یې د وچو مېوو یا پوډر په شکل موندلی شې
