ډاکټر عزیز الرحمن مسلم معالجوي کلینیک

01/04/2026

الحمدلله!
د ۲۰۲۶ کال د مارچ په میاشت کې زموږ په کلینیک کې ګڼ شمېر ناروغانو ته بریالۍ درملنه او تشخیص ترسره شو.
په دې میاشت کې مو په لاندې ناروغیو کې خدمات وړاندې کړي دي:
🔹 د ګردو او مثانې ناروغۍ
🔹 د وینې لوړ فشار او شکر
🔹 د هضمي او تنفسي سیستم ناروغۍ
🔹 او نورې داخله ناروغۍ

زموږ هڅه تل دا ده چې ناروغانو ته دقیق تشخیص، مناسب درملنه او صادقانه خدمت وړاندې کړو.

🤝 ستاسو روغتیا پالنه ، زموږ لومړیتوب دی

پته: خوست ښار نوي زرګرانو مارکیټ کوڅه بابکرخیل پلازه
📞 اړیکه: 0777905533

19/03/2026

17/02/2026

د بښنې، رحمت او برکت میاشت مو مبارک شه.

31/12/2025

🌟 یو کال خدمت | یو کال باور | یو کال روغتیا 🌟

الحمدلله 🤲
خوشبختانه د 2025 کال په جریان کې د ډاکټر عزیزالرحمن مسلم معالجوي کلینیک چې د عمومي داخله او نفرالوجي (پښتورګو ناروغیو) په برخه کې روغتیایي خدمات عرضه کوي وتوانېد چې ګڼو ناروغانو ته معیاري، صادقانه او پر وخت درملنه وړاندې کړي.

هڅه مو وکړه چې هر ناروغ ته یوازې دوا نه، بلکې هیله، پاملرنه او باور هم ورکړو.

موږ ویاړو چې د ډېرو ناروغانو روغتیا مو ښه شوې او د هغوی باور مو ګټلی دی، چې دا باور زموږ لپاره تر هرې لاسته راوړنې ارزښتناک دی.

له ټولو ناروغانو او درنو مراجعینو څخه مننه چې پر موږ یې باور کړی او موږ ژمن یو چې په راتلونکي کې به هم د لا ښه خدمت، نوې تجربې او غوره درملنې لپاره خپل مسلکي تعهد لا پیاوړی کړو.

ستاسو روغتیا پالنه، زمونږ لومړیتوب دی.

16/12/2025

د وینې د لوړ فشار د کنټرول لپاره پنځه (5) مهمې سپارښتنې:

دا چې د درملو په واسطه د وینې د لوړ فشار کنټرول ډیر آسانه او موثره دی اما قیمته او جانبي عوارضو لرونکی دی.
د درملو څخه علاوه پنځه (5) هغه سپارښتنې چې د وینې لوړ فشار په کنټرول کې کلیدي رول لري:
1- د وزن کموالی.
2- منظم ورزش کول (لږ تر لږه په اونۍ کې پنځه (5) ورځې هره ورځ 30 الی 60 دقیقې).
3- د سګرټو څکولو څخه ډډه کول.
4- د مالګې کم استعمال.
5- د پوتاشیم لرونکو غذاګانو څخه استفاده کول لکه: کیله،آم،بانجان او الوګان چې ډیر پوتاشیم لري.

مګر د یادونې وړ ده چې هغه ناروغان چې د ګردو مزمنې ناروغۍ لري او یا هیموډیالیز ورته ترسره کیږي باید پورته پوتاشیم لرونکې غذاګانې استفاده نکړي.

30/11/2025

په نومبر میاشت کې مو د خپلو ناروغانو درملنه په اخلاص، صداقت او مسلکي مسؤلیت ترسره کړه.

نومبر میاشت هم زموږ لپاره د خدمت ډکه میاشت وه.
لکه د تل په څېر، ګڼ شمېر عزیز مراجعین زموږ کلینیک ته د مختلفو داخله ناروغیو له امله راغلي وؤ.

په دې میاشت کې تر ټولو زیاتې لیدل شوې ناروغۍ دا وې:

✅ د تنفسي سیستم ناروغۍ.
✅ د شکر او لوړ فشار ناروغۍ.
✅ د ګردو او مثانۍ مختلفې ستونزې.

موږ په دې ویاړو چې د خپلو خلکو د باور وړ پاتې شوي یو، او هڅه کوؤ چې هر ناروغ ته تر ټولو غوره درملنه وړاندې کړو.

14/11/2025

💙 د شکر ناروغۍ نړيواله ورځ – د نومبر ۱۴مه 💙

د شکر ناروغۍ نړيواله ورځ هر کال د نومبر په ۱۴مه نمانځل کېږي. دا ورځ د انسولین د موندونکي، سر فریډریک بانتینګ د زوکړې په ویاړ ټاکل شوې ده.

د دې ورځې موخه د شکر ناروغۍ په اړه د عامه پوهاوي لوړول، د مخنیوي او درملنې اهمیت څرګندول، او د هغو خلکو ملاتړ کول دي چې له دې ناروغۍ سره ژوند کوي.

⚠️ نښې نښانې:
ډېره تنده، ډېر ادرار، وزن کمېدل، ستړیا، زخمونو ژر نه جوړېدل، او نظر خرابېدل.

ډاکټران وايي چې د متوازنو خوړو، منظم ورزش، او د وینې د شکر د کچې د څارنې له لارې د شکر د رامنځته کېدو خطر کمېدای شي.

د ۲۰۲۵ کال شعار: "پاملرنه د هر انسان حق دی" نو راځئ د خپل ځان او خپلو عزیزانو روغتیا ته پاملرنه وکړو.
د شکر کنټرول د ژوند د ښه والي ضمانت دی.

29/09/2025

د زړه نړیواله ورځ هر کال د سپټمبر په 29 لمانځل کیږي، دا ورځ د زړه د ناروغیو په اړه د عامه پوهاوي لوړولو او د مخنیوي لپاره د سالم ژوند طرز او طریقو ته وده ورکولو لپاره وقف شوې ده. په دې ورځ په ټوله نړۍ کې بېلا بېل فعاليتونه تر سره کېږي چې خلکو ته د زړه د ناروغيو د نښو، د خطر عوامل او د زړه د ناروغیو د مخنيوي او کنټرول د لارو چارو په اړه پوهه ورکړي.
د امریکا د زړه ټولنې سپارښتنې دا دي چې:
1.یوازې لږ پروسس شوې خواړه وخورﺉ.
2.د کالوریو خوړل د بدني فعالیت سره متوازن کړﺉ.
3.د زیات کړل شوو خواږو کارونه لږه کړﺉ.
4.د میوو او سبزیجاتو بیلابیل ډولونه په خپلو خواړو کې شامل کړئ.
5.سګرټ او تنباکو استعمال څخه ډډه وکړﺉ.
6. د اضافي مالګې خوړلو څخه ډډه وکړئ.