17/06/2026
CCHF
کانګو تبه یوه سخته او کله ناکله وژونکې ویروسي ناروغي ده چې انسانانو ته د کنو د چیچلو یا د اخته حیواناتو د وینې او نسجونو د تماس له لارې انتقالېږي. دا ناروغي په افریقا، منځني ختیځ او د آسیا په ځینو سیمو کې ډېره لیدل کېږي او تر اوسه یې کوم تایید شوی واکسین شتون نه لري.
د انتقال لارې: د اخته غواوو، پسونو او وزو د وینې یا نسجونو سره تماس. له ناروغ انسان سره د وینې، ترشحاتو او ککړو طبي وسایلو له لارې نږدې تماس.
نښې او علایم: نښې معمولاً د کنو له چیچلو ۱ تر ۹ ورځو او یا د اخته وینې له تماس ۵ تر ۶ ورځو وروسته څرګندېږي.
لومړنۍ نښې: لوړه تبه • شدید سر درد • د عضلاتو او بندونو درد • سر ګرځېدل • زړه بدوالی او کانګې
شدیدې نښې: • ذهني ګډوډي او وارخطایي • د ځیګر او پښتورګو د فعالیت خرابوالی • د پوستکي لاندې سور داغونه • داخلي او
خارجي وینه بهېدنه
درملنه او مخنیوی: د دې ناروغۍ ځانګړې درملنه نشته، خو ژر تشخیص او حمایوي درملنه د ناروغ د ژغورلو چانس زیاتوي. په ځینو مواردو کې د Ribavirin درمل هم کارول کېږي.
د مخنیوي لپاره: • اوږدې جامې واغوندئ. • د کنو ضد دوا وکاروئ. • د څارویو د حلالولو او پالنې پر مهال دستکشې واغوندئ. • د ناروغانو د وینې او ترشحاتو سره له مستقیم تماس څخه ډډه وکړئ. پوهاوي او احتیاط د کانګو تبې پر وړاندې تر ټولو قوي دفاع ده
— Dr Saadat
