Իջևանի ԱԱՊԿ ՓԲԸ

24/08/2026

🏥 «Իջևանի ԱԱՊԿ» ՓԲԸ-ն (պոլիկլինիկան) համալրվել է ժամանակակից բիոքիմիական, կլինիկական և իմունլոգիական ավտոմատ հետազոտման սարքերով, ինչը թույլ կտա զգալիորեն բարձրացնել լաբորատոր հետազոտությունների ճշգրտությունն ու արագությունը։
Ի՞նչ է սա փոխում մեր պացիենտների համար.
📈 Բարձր ճշգրտություն՝ ավտոմատացված համակարգը երաշխավորում է հետազոտությունների ճշգրիտ արդյունք։
🩸 Հետազոտությունների լայն ընտրություն՝ լյարդի, երիկամների ֆունկցիաների ստուգում, շաքարի, ճարպային փոխանակության (խոլեստերին), հորմոնների, օնկոմարկերների և այլ կարևոր ցուցանիշների որոշում։
📩 Արագ սպասարկում՝ պատասխանները հասանելի կլինեն շատ ավելի կարճ ժամանակում, ինքնաշխատ եղանակով տեղադրվելով ԱՐՄԵԴ համակարգում։
🧪Լաբորատոր հետազոտություններից օգտվելու և մանրամասներին ծանոթանալու համար խնդրում ենք դիմել ձեր տեղամասային թերապևտին կամ մոտենալ պոլիկլինիկայի տեղեկատու։

Մենք շարունակում ենք բարելավել մեր ծառայությունները՝ հանուն ձեր առողջության 👩‍🔬

24/08/2026

🤰Օրը սկսենք բարի լուրով 🤱

Օրերս «Իջևանի ԱԱՊԿ» ՓԲԸ-ն (պոլիկլինիկան) համալրվել է նորարարական և գերժամանակակից ուլտրաձայնային (ՈՒՁՀ) համակարգով:
Այսօր անհնար է պատկերացնել ժամանակակից մանկաբարձությունն ու գինեկոլոգիան առանց ճշգրիտ ուլտրաձայնային հետազոտությունների: Մեր կենտրոնում ներդրված նոր սարքավորումը դասվում է բժշկության վերջին սերնդի էքսպերտային մակարդակի տեխնոլոգիաների շարքին:
Ինչո՞վ է այն բացառիկ և կարևոր ապագա մայրիկների համար.
• Պետական պատվերի շրջանակներում հղիության կոնկրետ շաբաթներում նախածննդյան սկրինինգային հետազոտություններն իրականացում: Սա հնարավորություն կտա վաղ շրջանում գնահատել պտղի զարգացումը և բացառել բնածին արատներն ու գենետիկական շեղումները:
• 3D (եռաչափ) և 4D (քառաչափ) համակարգեր՝ ապահովում են նոր սերնդի վիզուալիզացիայի լավագույն որակը:
• Առավելագույն ճշգրտություն՝ ապահովում է պատկերի բարձր հստակություն, ինչն օգնում է բժշկին նկատել անգամ ամենափոքր անատոմիական մանրամասները:

Պետպատվերի շրջանակներում անվճար ՈՒՁՀ և պրենատալ սկրինինգ հետազոտություններ անցնելու համար խնդրում ենք դիմել ձեր հսկող մանկաբարձ-գինեկոլոգին կամ մոտենալ պոլիկլինիկայի կանանց կոնսուլտացիայի բաժին:
Մենք հոգում ենք Ձեր և Ձեր ապագա բալիկի առողջության մասին՝ ապահովելով լավագույն տեխնոլոգիաները Ձեր բնակավայրում

21/06/2026

📌ՀՀ Տավուշի մարզպետ Հայկ Ղալումյանի շնորհավորական ուղերձը Բուժաշխատողի օրվա առթիվ

Հարգելի՛ բուժաշխատողներ, առողջապահության ոլորտի աշխատակիցներ,

Սրտանց շնորհավորում եմ ձեզ մասնագիտական տոնի՝ Բուժաշխատողի օրվա կապակցությամբ:

Այս օրը հրաշալի առիթ է արժևորելու ձեր ամենօրյա պատասխանատու աշխատանքը, մասնագիտական պարտքի նկատմամբ ձեր նվիրվածությունն ու մարդկանց առողջության պահպանման գործում ունեցած կարևոր ներդրումը։

Առողջապահության համակարգի կայուն և արդյունավետ գործունեությունը մեծապես պայմանավորված է ձեր գիտելիքներով, փորձառությամբ և բարեխիղճ աշխատանքով։

Ձեր գործունեությունն առանձնահատուկ նշանակություն ունի հասարակության բարեկեցության և հանրային առողջության ապահովման գործում։

Մաղթում եմ ձեզ և ձեր ընտանիքներին առողջություն, բարեկեցություն, մասնագիտական հաջողություններ և արդյունավետ աշխատանք՝ ի նպաստ մեր բնակչության առողջության պահպանման։

21/06/2026

Նախարար Անահիտ Ավանեսյանի շնորհավորանքը բուժաշխատողներին🫀

#ԲուժաշխատողիՕր
#շնորհակալությունբժիշկ

Սիրելի´ բուժաշխատողներ, սրտանց շնորհավորում եմ մասնագիտական տոնի առթիվ ❤️

Հասարակությունը սովորաբար տեսնում է ձեր աշխատանքի արդյունքը, բայց ոչ միշտ՝ դրա հետևում կանգնած անքուն գիշերները, դժվար որոշումները, շարունակական ուսուցումը և մեծ պատասխանատվությունը։ Ուզում եմ գնահատանքի խոսքս ուղղել այդ անտեսանելի նվիրում համար:

Հատուկ շնորհակալություն եմ հայտնում մեր կարևորագույն բարեփոխման` առողջության ապահովագրության համակարգի ներդրման ընթացքն այսքան ճիշտ ապահովելու, համբերատարություն դրսևորելու համար: Ի վերջո, գործնականում մեր քաղաքացիներին դուք եք ներկայացնում ու մատուցում բարեփոխումը, իսկ այն, որ ապահովագրության համակարգի հանդեպ մեր հասարակությունն ունի միանշանակ ընկալում, սա նաև ձեր աշխատանքի, մեր միասնական գործակցության արդյունքն է:
Շնորհակալ եմ🤝

Ժամանակակից առողջապահությունը փոխվում է, զարգանում են տեխնոլոգիաները, բուժման նոր մեթոդները, սակայն անփոփոխ է մնում մեկ բան՝ բուժաշխատողի մարդասիրությունը։

Հենց այդ արժեքն է եղել և շարունակելու է լինել առողջապահության հիմքում:

Շնորհավորում եմ բոլորիս` բժիշկներից մինչև մայրապետեր, բուժքույրեր, առողջապահական կազմակերպիչներից մինչև համակարգի նվիրյալներ:

Սեր և բարօրություն բոլորիս ընտանիքներին և արարում` խաղաղ Հայաստանում:

21/06/2026

🎉 ՇՆՈՐՀԱՎՈՐ ԲՈՒԺԱՇԽԱՏՈՂԻ ՕՐ

Սիրելի՛ բուժաշխատողներ,

Շնորհավորում ենք Ձեզ մասնագիտական տոնի՝ Բուժաշխատողի օրվա կապակցությամբ։

💢Բժշկությունն հիրավի բոլոր արվեստներից ամենաազնիվն է։ Այն գործում է բնության սահմանային, հաճախ հակասական և բարդ իրավիճակներում, որտեղ նույնիսկ ամենաչնչին սխալը կարող է անդառնալի հետևանքներ թողնել, իսկ մեկ ավել կարդացած տողը, մեկ ճիշտ կիրառված փորձը՝ փրկել կյանքեր։

😊Այս օրը հնարավորություն է ևս մեկ անգամ արժևորելու բուժաշխատողի առաքելությունն ու ներդրումը մեր հասարակության կայունության, խաղաղության և առողջության ապահովման գործում։

Շնորհավորում ենք բոլորիս մասնագիտական տոնի առթիվ և մաղթում՝
🩺 ամուր առողջություն և ուժեղ նյարդեր,
💼 նոր մասնագիտական նախաձեռնություններ և հաջողություններ,
📚 շարունակական զարգացում ու ինքնադրսևորման լայն հնարավորություններ,
🏡 խաղաղություն՝ ընտանիքներին, առողջություն՝ պացիենտներին:

Եղեք երջանիկ՝ այսօր և հիմա։

#ԲուժաշխատողիՕր #ՇնորհավորՏոնդԲժիշկ #Առողջապահություն #ՆվիրվածԲուժաշխատողներ

12/05/2026

📌ՀՀ Տավուշի մարզպետ Հայկ Ղալումյանի շնորհավորական ուղերձը Բուժքույրերի միջազգային օրվա առթիվ

Սիրելի՛ բուժքույրեր,

Շնորհավորում եմ ձեզ մասնագիտական տոնի՝ Բուժքույրերի միջազգային օրվա կապակցությամբ։

Մայիսի 12-ը, որը նշանավորվում է որպես բուժքույրական գործի հիմնադիր Ֆլորենս Նայթինգեյլի ծննդյան օր, մեզ հիշեցնում է այն մեծ պատասխանատվության մասին, որ դուք կրում եք ձեր ուսերին։ Ինչպես տասնամյակներ առաջ Նայթինգեյլն իր անձնվեր աշխատանքով փրկեց հազարավոր կյանքեր, այնպես էլ դուք այսօր, հավատարիմ մնալով ձեր կոչմանը, կանգնած եք մեր քաղաքացիների առողջության պահպանման ամուր դիրքերում։

Բուժքրոջ մասնագիտությունը նախևառաջ վեհ առաքելություն է, որն իր մեջ ամփոփում է մարդկային լավագույն արժեքները։ Մարդկանց կյանքի ու առողջության պահպանմանն ուղղված ձեր ամենօրյա անձնվեր աշխատանքն արժանի է ամենաբարձր հարգանքի և խորին երախտագիտության։

Շնորհակալ ենք ձեր կատարած մարդասիրական աշխատանքի համար։

01/05/2026

Շնորհավոր մայիսի 1 🎈🎈🎈
Շնորհավոր տոնդ, Հայ աշխատավոր🇦🇲
----------------------------------
📌Այսօր Աշխատավորների միջազգային օրն է։
📌Մարդն աշխատանքով է հարուստ։ Աշխատանք ունենալը մարդու ամենահիմնական իրավունքներից է, իսկ աշխատասիրությունը՝ մարդկային առաքինություններից լավագույնը․․․

26/04/2026

Ներմարզային շաբաթօրյակ «Իջևանի ԱԱՊԿ» ՓԲԸ-ում 🍀🌳

04/04/2026

Քրիստոս հարյավ ի մեռելոց, օրհնյալ է հարությունը Քրիստոսի 🐣🐥