Calendae Spirit Corner

26/08/2026

19/08/2026

Հրավիրում ենք մասնակցելու հոգեբանական խմբային թերապևտիկ աշխատանքի՝ «Կոնտակտ» թեմայով։

Խմբում միասին կբացահայտենք՝

▫️ ինչպես ենք մտնում հարաբերությունների մեջ

▫️ ինչից ենք խուսափում շփման ընթացքում

▫️ որտեղ ենք կորցնում մեր սահմանները

▫️ ինչպես կարող ենք ստեղծել ավելի կենդանի, անվտանգ ու անկեղծ կապ շրջապատի հետ։

Կունենաք ապահով և աջակցող միջավայր, որտեղ կարելի է լինել իրական, զգալ, ճանաչել ձեր հույզերը, կիսվել և հանդիպել ինքներդ ձեզ։

Խումբը կվարեն գեշտալտ թերապևտներ
Նաիրա Դադյանը և Հասմիկ Ղումաշյանը։

📍Մեկնարկը՝ 20 սեպտեմբերի, ժամը՝16։00

📍Տևողությունը՝ 2․5 ժամ

📍Մասնակցության արժեքը՝ 5000 դրամ

📍Հասցեն` Ռ. Լեմկինի 14, Կալենդա կենտրոն։

Սիրով սպասում ենք բոլոր նրանց, ովքեր կարևորում են իրենց և ցանկանում են բարելավել կյանքի որակը❤️

Գրանցման համար գրեք անձնական նամակ կամ զանգահարեք`
+37441041424
+37496778744:

27/07/2026

Հարգելի գեշտալտ թերապևտներ, ձեզ համար է!!!

Ցանկանո՞ւմ եք աշխատել ավելի վստահ, ստանալ մասնագիտական աջակցություն և չմնալ միայնակ բարդ դեպքերի հետ։

Հրավիրում ենք միանալ ինտերվիզիոն խմբերին, որտեղ յուրաքանչյուր հանդիպում հնարավորություն է՝
✨ ստանալու նոր մասնագիտական հայացքներ,
✨ քննարկելու աշխատանքային դժվարությունները անվտանգ և հարգալից միջավայրում,
✨ ստանալու գործընկերների կառուցողական հետադարձ կապ,
✨ զարգացնելու մասնագիտական մտածողությունն ու հմտությունները։

Ինտերվիզիան պարզապես դեպքերի քննարկում չէ․ այն ներդրում է ձեր մասնագիտական աճի, վստահության և արդյունավետ աշխատանքի մեջ։

📅 Մեկնարկը՝ սեպտեմբերի 10-ից

💰 Մասնակցության արժեքը՝ 2000 դրամ

📌 Տեղերը սահմանափակ են, ուստի նախապես գրանցվելը պարտադիր է։

Եթե ցանկանում եք լինել մասնագիտական համայնքի մի մասը, որտեղ կա աջակցություն, զարգացում և փորձի արժեքավոր փոխանակում, ապա գրանցվեք՝ գրելով անձնական նամակ կամ զանգահարեք +37477520414։

16/07/2026

12–14 տարեկանը զարգացման այն փուլն է, երբ տեղի են ունենում բազմակողմանի փոփոխություններ՝ կենսաբանական, ճանաչողական և սոցիալ-հուզական: Այս ընթացքում դեռահասը բախվում է ինքնության ձևավորման, հասակակիցների հետ հարաբերությունների և սեփական հույզերի կարգավորման դժվարություններին:

Առաջարկում ենք խմբային հանդիպումներ, որոնք հիմնված են Գեշտալտ թերապիայի սկզբունքների վրա։

Հանդիպումները ներառում են`
· Հույզերի ճանաչում և տարբերակում:
· Մարմնական ազդանշանների հետ կապի հաստատում:
· Հուզական ինքնակարգավորում։
· Շփման սահմանների ուսումնասիրություն և անձնական տարածքի գիտակցում:
· Սեփական կարիքների ձևակերպում և արտահայտում:
· Խմբային փոխգործակցություն։

Խումբն ապահովում է կառուցվածքային միջավայր, որտեղ դեռահասը կարող է փորձարկել վարքի նոր ձևեր՝ առանց գնահատման: Այն չի ենթադրում «ուղղում» կամ «վերադաստիարակում», այլ ստեղծում է պայմաններ, որոնցում դեռահասն ինքն է բացահայտում իր ռեսուրսները:

Ծնողի համար սա նշանակում է, որ երեխան ձեռք է բերում ոչ թե պատրաստի պատասխաններ, այլ գործիքներ՝ սեփական փորձառությունն իմաստավորելու և կառավարելու համար:

Նախատեսվում է 8 հանդիպում ` շաբաթական 2 անգամ։

Մանրամասն տեղեկատվության և գրանցման համար զանգահարել `

+37441041424
+37477692909

25/05/2026

24/05/2026

Այս աշխատաժողովի գաղափարը ծնվեց մի պարզ գիտակցումից․ ես ապրում եմ իմ մարմնում։
Ոչ թե պարզապես ես մարմին ունեմ, այլ՝ ես ապրում,զգում և հանդիպում եմ աշխարհին և ուրիշներին դրա միջով։

Մեր մարմինը միշտ խոսում է։ Նույնիսկ այն ժամանակ, երբ մենք լռում ենք։
Երբեմն բառերը մի բան են ասում, իսկ մարմինը՝ լրիվ այլ։
Մենք ժպտում ենք, բայց ներսում լարվածություն կա։
Ասում ենք՝ «Ես հանգիստ եմ», բայց մարմինը լարված է; «Ես ուզում եմ», բայց մարմինը նահանջում է։
Այս աշխատաժողովը հրավեր է՝
դանդաղելու, լսելու և նորից կապ հաստատելու սեփական մարմնի հետ։

Միասին կուսումնասիրենք՝
▫️ ինչպես են զգացմունքները արտահայտվում մարմնում
▫️ ինչպես է մարմինը արձագանքում բառերին, այլ անձի հայացքին ու ներկայությանը
▫️ ինչ է տեղի ունենում մեր ներսում հարաբերությունների ընթացքում
▫️ ինչպես ավելի լավ զգալ մեր սահմանները, ցանկություններն ու իրական արձագանքները։

Եթե ուզում եք ավելի խոր լսել ձեր մարմնի լեզուն և հասկանալ այն, ինչ բառերից դուրս է՝
սիրով սպասում ենք ձեզ։

📩 Մասնակցության համար գրեք անձնական նամակ կամ զանգահարեք՝
093996052, 077520414 ։

10/05/2026

Լուսանկարը՝ որպես զգացմունքների լեզու 🧠✨
Կալենդա կենտրոնը Հայ Լուսանկարիչների Ազգային Ասոցիացիայի հետ համատեղ հրավիրում է մասնակցելու հետաքրքիր և ներշնչող միջոցառման, որտեղ կդիտենք Հայ Լուսանկարիչների Ազգային Ասոցիացիայի խորհրդի անդամ, լուսանկարիչ Ստյոպ Տիգրանյանի հեղինակային աշխատանքները։

Միջոցառման ընթացքում՝

🔹 Կցուցադրվեն տարբեր թեմատիկ լուսանկարներ
🔹 Կխոսենք լուսանկարների ուժի, դրանց հոգեբանական ազդեցության և մարդու ներաշխարհի վրա թողած ազդեցության մասին։
🔹 Կլինեն բաց քննարկումներ
🔹 Հնարավորություն կունենաք կիսվել ձեր տպավորություններով և զգացողություններով

📅 Ամսաթիվ՝ 23 մայիսի

📍 Վայր՝ Ռ․ Լեմկինի 14

🕒 Ժամ՝18։30

Եթե սիրում եք լուսանկարչություն, հոգեբանություն կամ պարզապես ցանկանում եք նոր զգացողություններ ու մտքեր բացահայտել՝ այս միջոցառումը հենց ձեզ համար է։ 💫

Սիրով սպասում ենք ձեզ։

Գրանցման համար գրեք անձնական նամակ կամ զանգահարեք +37477520414։

Մուտքն ազատ է, տեղերը՝ սահմանափակ։

27/03/2026

Աշխատաժողով նորակոչիկ կամ ժամկետային զինծառայության մեջ գտնվող զինվորների մայրերի, քույրերի, տատիկների, ընկերուհիների համար:
Երբ ընտանիքում ծնվում է երեխա, դա մեծ երջանկություն է։ Այն ընտանիքներում, որտեղ տղա երեխա է ծնվում, ժամանակի ընթացքի հետ առնչվում են բանակի թեմայի հետ։ Տղաներն անցնում են ծառայության, իսկ ծնողները սպասում են նրանց տանը։
Այսօր ուզում ենք հրավիրել ձեր ուշադրությունը մայրիկների և նրանց ապրումների հոգեբանական կողմի վրա։
Ի՞նչ հույզերի, տագնապների, անորոշության, վախի, անհանգստության, սպասումների, ծանր մտորումների միջով են նրանք անցնում, մինչև իրենց զինվորի վերադարձը։
Եթե դուք նորակոչիկի կամ ժամկետային զինծառայության մեջ գտնվող զինվորի մայր, քույր, տատիկ կամ ընկերուհի եք, և
 եթե նկատում եք, որ Ձեր տագնապները չափից ավելի են և ազդում են Ձեր առօրյայի վրա;
 եթե զգում եք, որ դժվարացել է շփումը մարդկանց հետ;
 եթե ունեք մենակության զգացում կամ ձգտում եք մեկուսանալ;
 եթե վախենում եք, որ Ձեր ապրումներով կարող եք ազդել Ձեր զինվորի հեգեվիճակի վրա;
 եթե զգում եք, որ ունեք աջակցության կարիք՝
ապա Ձեզ սիրով հրավիրում ենք մասնակցելու մեր հոգեբանական աշխատաժողովին, որտեղ ստեղծված կլինի ապահով և վստահելի միջավայր՝
☆ կիսվելու հուզող հարցերով, ապրումներով, մտքերով,
☆ զգալու, որ միայնակ չեք Ձեր իրավիճակում գտնվող այլ կանանց կողքին,
☆ ստանալ հոգեբանական աջակցություն խմբավար- հոգեբաններից։
Աշխատաժողովը կվարեն հոգեբաններ՝
Հռիփսիմե Մանուկյանը՝ հավաստագրված և ակրեդիտացված գեշտալտ-թերապևտ, խմբավար,
Արմինե Քոչարյանը՝ գեշտալտ-թերապևտ, խորհրդատու։
Հանդիպումը տեղի կունենա՝
Ապրիլի 9-ին, ժամը՝ 17.00-20.00
Կալենդա կենտրոնում Ռ․ Լեմկինի 14
Մասնակցությունը նախնական գրանցումով
Արժեքը՝ կանխավճարի դեպքում 8000 դրամ, տեղում վճարելու դեպքում՝ 10000դրամ
Հարցերի և գրանցման համար գրել կամ զանգել՝ +37491004104

19/03/2026

Այս օրերին ունեցանք խորքային և հարստացնող փորձառություն՝ մասնակցելով «Gender and Sexuality» թեմայով կոնֆերանսին՝ Հունաստանի Սալոնիկի քաղաքի Արիստոտելի համալսարանում։

Կոնֆերանսը դարձավ մի կարևոր հարթակ՝ վերանայելու մեր մասնագիտական հայացքները, ընդլայնելու զգայունությունն ու ըմբռնումը գենդերային և սեռականության բազմազան դրսևորումների նկատմամբ։ Բանախոսությունների, աշխատարանների և կենդանի քննարկումների ընթացքում մենք ոչ միայն ձեռք բերեցինք նոր գիտելիքներ, այլ նաև խորացրեցինք մեր անձնական և մասնագիտական գիտակցումը՝ որպես թերապևտներ։

Հատկապես արժեքավոր էր այն անվտանգ և աջակցող միջավայրը, որտեղ հնարավոր էր բաց խոսել բարդ թեմաների մասին, կիսվել փորձով և լսել տարբեր պատմություններ՝ հարգանքի և ընդունման մթնոլորտում։

Վերադառնում ենք մեր պրակտիկա՝ ավելի զգայուն, տեղեկացված և ներգրավված՝ շարունակելու ստեղծել անվտանգ տարածք մեր հաճախորդների համար։

Կհանդիպենք Կալենդայում😊