BioVita

BioVita Contact information, map and directions, contact form, opening hours, services, ratings, photos, videos and announcements from BioVita, Vitamins/Supplements, Yerevan.

▪️Dr.Zubareva բրենդի վիտամինների պաշտոնական ներկայացուցիչը ՀՀ-ում
▪️Հիմնադիր՝,մասնագիտությամբ բժիշկ,կլինիկական օրդինատոր 👩🏻‍⚕️
▪️Տրամադրում ենք անհատական անվճար խորհրդատվություն , հիմնված գանգատների և հետազոտությունների վրա

Առավոտյան սուրճը շատերիս օրվա անբաժան մասն է։ ☕️Բայց գիտե՞ք, որ կորտիզոլը՝ մեր օրգանիզմի բնական արթնացմանը նպաստող հորմո...
26/09/2026

Առավոտյան սուրճը շատերիս օրվա անբաժան մասն է։ ☕️

Բայց գիտե՞ք, որ կորտիզոլը՝ մեր օրգանիզմի բնական արթնացմանը նպաստող հորմոններից մեկը, առավոտյան առանց սուրճի էլ բարձրանում է։

Կոֆեինը կարող է ժամանակավորապես բարձրացնել կորտիզոլի մակարդակը, սակայն դա դեռ չի նշանակում, որ առավոտյան սուրճը վնասում է մակերիկամներին կամ խախտում հորմոնային հավասարակշռությունը։

Իսկ ե՞րբ է նախընտրելի սուրճ խմել։

☀️ Առավոտյան՝ կարող եք խմել նույնիսկ արթնանալուց հետո։ Պարտադիր չէ սպասել 90–120 րոպե․ այդ կանոնի օգտակարությունը գիտականորեն հաստատված չէ։

🕑 Օրվա ընթացքում՝ ընտրեք ձեզ հարմար ժամը՝ հաշվի առնելով կոֆեինի նկատմամբ ձեր զգայունությունը։

🌙 Երեկոյան՝ զգուշացեք։ Կոֆեինը կարող է խանգարել քնին նույնիսկ այն դեպքում, երբ ձեզ թվում է, թե հեշտությամբ եք քնում։ Նախընտրելի է սուրճը սահմանափակել քնելուց առնվազն 6 ժամ առաջ, իսկ զգայուն լինելու դեպքում՝ ավելի վաղ։

📌 Հիշեք․ սուրճի օգտագործման համար բոլորին համապատասխանող «արգելված ժամեր» գոյություն չունեն։ Ավելի կարևոր են կոֆեինի քանակը, անհատական զգայունությունը և քնի որակը։

❗️Նկարում . ներկայացված ժամերը պայմանական են, ոչ թե կորտիզոլի վրա ազդեցությամբ հաստատված բժշկական սահմաններ։❗️

☕ Իսկ դուք օրվա ո՞ր ժամին եք խմում ձեր առաջին սուրճը։ Գրեք մեկնաբանություններում։

#Կորտիզոլ #Սուրճ /

Վիտամին D-ի դեպքում «որքան դոզան բարձր՝ այնքան ավելի լավ» սկզբունքը չի գործում❗️Ահա ինչ է ասում 2024 թ. Endocrine Societ...
22/09/2026

Վիտամին D-ի դեպքում «որքան դոզան բարձր՝ այնքան ավելի լավ» սկզբունքը չի գործում❗️

Ահա ինչ է ասում 2024 թ. Endocrine Society-ի ուղեցույցը՝ առողջ մարդկանց համար.

👶 1–18 տարեկան երեխաներ և դեռահասներ
➡️ Օրական 600 ՄՄ (15 մկգ)՝ որպես տարիքային RDA։
Endocrine Society-ն այս խմբում խորհուրդ է տալիս էմպիրիկ հավելում՝ ռախիտը կանխելու նպատակով։

🤰 Հղիություն
➡️ RDA՝ 600 ՄՄ/օր։
Endocrine Society-ն խորհուրդ է տալիս հղիության ընթացքում էմպիրիկ վիտամին D-ի ընդունում, սակայն ուղեցույցը չի սահմանում մեկ կոնկրետ բարձր դոզա, որը պետք է ընդունեն բոլոր հղիները։

👩‍🦰 19–70 տարեկան առողջ մեծահասակներ
➡️ 600 ՄՄ/օր։
Առողջ մարդկանց մոտ ուղեցույցը խորհուրդ չի տալիս պարզապես կանխարգելման նպատակով ընդունել RDA-ից ավելի բարձր դոզաներ։

👵 71 տարեկանից բարձր
➡️ 800 ՄՄ/օր՝ որպես RDA։
75+ տարիքային խմբում Endocrine Society-ն առաջարկում է էմպիրիկ վիտամին D՝ նախընտրելով ամենօրյա ցածր դոզան, ոչ թե հազվադեպ ընդունվող բարձր դոզաները։

🍳 Իսկ սննդի հետ կապը՞
Վիտամին D-ն ճարպալույծ վիտամին է։
➡️ Ընդունելիս ցանկալի է, որ սննդի մեջ լինի որոշակի քանակի ճարպ, քանի որ ճարպի առկայությունը նպաստում է վիտամին D-ի ներծծմանը։ Պետք չէ հատուկ մեծ քանակությամբ ճարպ ուտել․ պարզապես ընդունել սովորական հիմնական սննդի հետ։

🥑 Օրինակ՝ կարելի է ընդունել այն սննդի հետ, որը պարունակում է ձու, յոգուրտ/պանիր, ձուկ, ավոկադո, ընկույզ կամ այլ ճարպ պարունակող մթերք։

🧪 Իսկ 25(OH)D-ն պե՞տք է բոլորին ստուգել

Ոչ։ Առողջ մարդկանց մոտ Endocrine Society-ն խորհուրդ չի տալիս ռուտին կերպով ստուգել 25(OH)D-ը՝ պարզապես վիտամին D-ի դոզան որոշելու համար։ Ուղեցույցը նաև չի սահմանում մեկ ունիվերսալ «իդեալական» մակարդակ, որին բոլորը պետք է հասնեն։

📌 Կարևոր․ այս խորհուրդները վերաբերում են ընդհանուր առմամբ ԱՌՈՂՋ ՄԱՐԴԿԱՆՑ և չեն հանդիսանում հաստատված վիտամին D-ի դեֆիցիտի բուժման սխեմա։ Դեֆիցիտի, օստեոպորոզի, մալաբսորբցիայի, բարիատրիկ վիրահատությունից հետո կամ այլ հատուկ իրավիճակներում մոտեցումը կարող է էապես տարբերվել։

Աղբյուր՝📑
Endocrine Society Clinical Practice Guideline — Vitamin D for the Prevention of Disease, 2024։ Ուղեցույցը հրապարակվել է 2024 թ. հունիսի 3-ին և տպագրվել է The Journal of Clinical Endocrinology & Metabolism-ում։

Կորտիզոլը հաճախ անվանում են «սթրեսի հորմոն»։Բայց նրա դերը շատ ավելի մեծ է։Կորտիզոլը հորմոն է, որն արտադրվում է մակերիկամ...
21/09/2026

Կորտիզոլը հաճախ անվանում են «սթրեսի հորմոն»։
Բայց նրա դերը շատ ավելի մեծ է։

Կորտիզոլը հորմոն է, որն արտադրվում է մակերիկամների կեղևում և մասնակցում է օրգանիզմի բազմաթիվ կարևոր գործընթացներին։

🧠 Ի՞նչ է անում կորտիզոլը։

🔹 օգնում է պահպանել արյան գլյուկոզայի մակարդակը
🔹 մասնակցում է սպիտակուցների, ճարպերի և ածխաջրերի նյութափոխանակությանը
🔹 օգնում է օրգանիզմին արձագանքել սթրեսին
🔹 մասնակցում է արյան ճնշման և սրտանոթային ֆունկցիայի պահպանմանը
🔹 կարգավորում է բորբոքային և իմունային պատասխանները
🔹 մասնակցում է ջրի և աղերի հավասարակշռության պահպանմանը։

Իսկ եթե կորտիզոլը երկար ժամանակ բարձր է 🆘

Երբ օրգանիզմը երկար ժամանակ ենթարկվում է կորտիզոլի ավելցուկի, կարող են զարգանալ՝

⚠️ քաշի ավելացում՝ հատկապես որովայնի և դեմքի շրջանում
⚠️ արյան ճնշման բարձրացում
⚠️ արյան գլյուկոզայի բարձրացում և ինսուլինային ռեզիստենտության աճ
⚠️ մաշկի բարակում և հեշտ առաջացող կապտուկներ
⚠️ մկանային թուլություն
⚠️ ոսկրային զանգվածի նվազում
⚠️ դաշտանային ցիկլի խանգարումներ
⚠️ տրամադրության և քնի փոփոխություններ։

Կորտիզոլի մակարդակը բնականաբար փոխվում է օրվա ընթացքում, և դրա գնահատումը պետք է կատարել ճիշտ ընտրված թեստերով և կլինիկական պատկերի համադրությամբ։ 👩🏻‍⚕️

#Կորտիզոլ

🦋 TSH-ը բարձր է։ Պե՞տք է անհանգստանալ։Դուք հանձնել եք անալիզներ, ստանում եք պատասխանը և տեսնում եք՝TSH՝ 7.1 ↑Ու առաջին մ...
20/09/2026

🦋 TSH-ը բարձր է։ Պե՞տք է անհանգստանալ։

Դուք հանձնել եք անալիզներ, ստանում եք պատասխանը և տեսնում եք՝

TSH՝ 7.1 ↑

Ու առաջին միտքը սովորաբար սա է․
«Վերջ, վահանաձև գեղձս չի աշխատում»։

Բայց… դեռ մի շտապեք։ 🙂

TSH-ի բարձր լինելը կարևոր ազդանշան է, բայց միայն այդ մեկ թվով ախտորոշում չի դրվում:

Իսկ հաջորդը ո՞ր ցուցանիշն ենք գնահատում։

FT4 !

🔹 TSH ↑ + FT4 ↓
→ համապատասխանում է արտահայտված առաջնային հիպոթիրեոզին։

🔹 TSH ↑ + FT4 նորմալ
→ կոչվում է ենթակլինիկական հիպոթիրեոզ։

Եվ հենց այստեղ է սկսվում այն մասը, որը շատերը չգիտեն․

Ենթակլինիկական հիպոթիրեոզը միշտ չէ, որ նշանակում է՝ պետք է անմիջապես սկսել լևոթիրոքսին։

Բուժման որոշումը կարող է կախված լինել TSH-ի մակարդակից, տարիքից, ախտանիշներից, հակամարմիններից, հղիությունից կամ դրա պլանավորումից և այլ կլինիկական գործոններից։

Օրինակ՝ եթե ձեզ մոտ կա՝

😴 մշտական հոգնածություն
🥶 ցրտի նկատմամբ զգայունություն
⚖️ քաշի ավելացում
❌փորկապություն
🧴 չոր մաշկ
🧠 կենտրոնացման դժվարացում

ապա այս ախտանշանները հիմնականում կապված են հիպոթիրեոզի հետ:

Այսինքն՝

TSH-ի թիվը → հուշում է
FT4-ը → օգնում է հասկանալ իրավիճակը
ախտանիշները + բժշկական պատմությունը → օգնում են հասկանալ ամբողջ պատկերը։

💡 Ուստի հաջորդ անգամ, երբ անալիզում տեսնեք կարմիրով նշված TSH ↑, մի մտածեք անմիջապես՝ «Ես հիպոթիրեոզ ունեմ»։

Փորձեք մտածել՝
«Իսկ FT4-ն ի՞նչ է ցույց տալիս և ի՞նչ է նշանակում այս արդյունքը հենց ինձ համար»։

📌 Պահեք այս փոստը․ TSH-ի բարձր ցուցանիշը շատերի մոտ առաջացնում է նույն հարցը։

Եթե ունեք TSH-ի բարձր ցուցանիշ, դիմեք բժշկի՝ մասնագիտական խորհրդատվության և անհատական գնահատման համար։ 🩺

#ՎահանաձևԳեղձ #Հիպոթիրեոզ

🩸 Շաքարս բարձր է։ Դա դիաբե՞տ է։Առաջին արձագանքը սովորաբար լինում է․«Վա՜յ, մոտս շաքարային դիաբետ է»։Բայց այստեղ պետք է մի...
19/09/2026

🩸 Շաքարս բարձր է։ Դա դիաբե՞տ է։

Առաջին արձագանքը սովորաբար լինում է․
«Վա՜յ, մոտս շաքարային դիաբետ է»։

Բայց այստեղ պետք է մի պահ կանգ առնել։
Բարձր գլյուկոզան ինքն իրենով դիաբետի ախտորոշում չէ։
Ամենակարևոր հարցը ոչ միայն այն է, թե ինչ թիվ եք ստացել, այլ՝
👉 երբ եք չափել
👉 քաղցա՞ծ էիք, թե՞ ոչ
👉 ինչ մեթոդով է չափվել
👉 ունե՞ք արդյոք շաքարի բարձրացման ախտանիշներ

Օրինակ՝ գլյուկոզայի նույն թիվը տարբեր իրավիճակներում կարող է տարբեր նշանակություն ունենալ։
Եթե դա քաղցած վիճակում ստացված լաբորատոր պլազմային գլյուկոզա է և այն բարձր է ,ապա պահանջում է հետագա պարտադիր գնահատում։
Եթե բարձր թիվը ստացվել է ուտելուց հետո գլյուկոմետրով, միայն այդ մեկ ցուցանիշով դիաբետ ախտորոշել չի կարելի։ Գլյուկոմետրի տնային չափումը ինքնին դիաբետի ախտորոշման թեստ չէ։

Իսկ ինչպե՞ս են հաստատում դիաբետը։
Բժիշկը կարող է օգտագործել՝

🩸 HbA1c
5.7–6.4% → նախադիաբետ
≥6.5% → դիաբետի ախտորոշիչ շեմ

🩸 Քաղցած վիճակում գլյուկոզա
5.6–6.9 mmol/L → նախադիաբետային միջակայք
≥7.0 mmol/L → դիաբետի ախտորոշիչ շեմ

🧪 Որոշ դեպքերում՝ 75 գ գլյուկոզով OGTT։
2 ժամ անց ≥11.1 mmol/L արժեքը համապատասխանում է դիաբետի ախտորոշիչ շեմին։

Եվ կա մի կարևոր կանոն․ եթե ակնհայտ հիպերգլիկեմիա կամ դասական ախտանիշներ չկան, աննորմալ արդյունքը սովորաբար պետք է հաստատել կրկնակի հետազոտությամբ :

#դիաբետ #գլյուկոզա #նախադիաբետ

🩸 Շաքարս բարձր է։ Դա դիաբե՞տ է։Առաջին արձագանքը սովորաբար լինում է․«Վա՜յ, մոտս շաքարային դիաբետ է»։Բայց այստեղ պետք է մի...
18/09/2026

🩸 Շաքարս բարձր է։ Դա դիաբե՞տ է։

Առաջին արձագանքը սովորաբար լինում է․
«Վա՜յ, մոտս շաքարային դիաբետ է»։

Բայց այստեղ պետք է մի պահ կանգ առնել։

Բարձր գլյուկոզան ինքն իրենով դիաբետի ախտորոշում չէ։

Ամենակարևոր հարցը ոչ միայն այն է, թե ինչ թիվ եք ստացել, այլ՝
👉 երբ եք չափել
👉 քաղցա՞ծ էիք, թե՞ ոչ
👉 ինչ մեթոդով է չափվել
👉 ունե՞ք արդյոք շաքարի բարձրացման ախտանիշներ

Օրինակ՝ գլյուկոզայի նույն թիվը տարբեր իրավիճակներում կարող է տարբեր նշանակություն ունենալ։

Եթե դա քաղցած վիճակում ստացված լաբորատոր պլազմային գլյուկոզա է և այն բարձր է ,ապա պահանջում է հետագա պարտադիր գնահատում։
Եթե բարձր թիվը ստացվել է ուտելուց հետո գլյուկոմետրով, միայն այդ մեկ ցուցանիշով դիաբետ ախտորոշել չի կարելի։ Գլյուկոմետրի տնային չափումը ինքնին դիաբետի ախտորոշման թեստ չէ։

Իսկ ինչպե՞ս են հաստատում դիաբետը։

Բժիշկը կարող է օգտագործել՝

🩸 HbA1c
5.7–6.4% → նախադիաբետ
≥6.5% → դիաբետի ախտորոշիչ շեմ

🩸 Քաղցած վիճակում գլյուկոզա
5.6–6.9 mmol/L → նախադիաբետային միջակայք
≥7.0 mmol/L → դիաբետի ախտորոշիչ շեմ

🧪 Որոշ դեպքերում՝ 75 գ գլյուկոզով OGTT։
2 ժամ անց ≥11.1 mmol/L արժեքը համապատասխանում է դիաբետի ախտորոշիչ շեմին։

Եվ կա մի կարևոր կանոն․ եթե ակնհայտ հիպերգլիկեմիա կամ դասական ախտանիշներ չկան, աննորմալ արդյունքը սովորաբար պետք է հաստատել կր

Արտահայտված հոգնածությունը շատ հեշտ է կապել «հորմոնների» հետ։ Բայց բժշկության մեջ մենք չենք սկսում ենթադրությունից։Հոգնա...
16/09/2026

Արտահայտված հոգնածությունը շատ հեշտ է կապել «հորմոնների» հետ։ Բայց բժշկության մեջ մենք չենք սկսում ենթադրությունից։

Հոգնածությունը կարող է կապված լինել քնի, անեմիայի, դեղերի, վարակների, նյութափոխանակային կամ էնդոկրին բազմաթիվ պատճառների հետ։

Եթե կասկածում ենք խնդիր կապված վահանաձև գեղձի հետ, ապա TSH-ի և FT4-ի գնահատումը սովորաբար առաջին քայլն է:

Այս փոստը պահպանեք, եթե երբևէ ինքներդ ձեզ հարցրել եք՝
«Ինչո՞ւ եմ անընդհատ հոգնած»։

Հաջորդ փոստում՝
🦋 TSH-ը բարձր է․ ի՞նչ է դա իրականում նշանակում։

BioVita-ն փոխվում է։ 🧬Մենք սկսում ենք նոր փուլ։👩🏻‍⚕️ Այստեղ առողջության մասին կխոսենք բժշկական գիտելիքի և ապացուցված փաս...
16/09/2026

BioVita-ն փոխվում է։ 🧬

Մենք սկսում ենք նոր փուլ։

👩🏻‍⚕️ Այստեղ առողջության մասին կխոսենք բժշկական գիտելիքի և ապացուցված փաստերի հիման վրա՝ պարզ ու հասկանալի լեզվով։

Էնդոկրինոլոգիա✔️
Հորմոններ✔️
Նյութափոխանակություն✔️

Նոր փուլ։ Նույն արժեքներ։ Ավելի մեծ նպատակ։

Բարի գալուստ ՆՈՐ BioVita։ 🧬

🙃 Ինչու՞ է կարևոր մագնեզիումը և որոնք են մագնեզիումի պակասի նշանները։Մագնեզիումը մեր օրգանիզմի հիմնական հանքանյութերից է...
26/07/2026

🙃 Ինչու՞ է կարևոր մագնեզիումը և որոնք են մագնեզիումի պակասի նշանները։

Մագնեզիումը մեր օրգանիզմի հիմնական հանքանյութերից է, որն անհրաժեշտ է գրեթե բոլոր համակարգերի նորմալ աշխատանքի համար։ Ահա հիմնական պատճառները, թե ինչու է այն կարևոր․

🔑 Հիմնական գործառույթներ

⚡️ Էներգիայի արտադրություն – Մագնեզիումը մասնակցում է էներգիայի ստեղծման գործընթացներին,այսինքն՝ օգնում է մեզ ունենալ ուժ ու դիմացկունություն։

✨ Նյարդային համակարգ – Կարգավորում է նյարդային ազդակների փոխանցումը, օգնում է նվազեցնել սթրեսը, անհանգստությունը և բարելավում է քնի որակը։

❣️ Մկաններ և սիրտ – Անհրաժեշտ է մկանների կծկման ու թուլացման համար, կանխում է մկանային ցնցումները, պահպանում սրտի ռիթմի կայունությունը։

🦷 Ոսկրեր և ատամներ – Օգնում է կալցիումի և վիտամին D-ի ճիշտ յուրացմանը, նպաստում է ոսկրային համակարգի ամրությանը։

🩸 Զարկերակային ճնշման վերահսկում

⚠️ Մագնեզիումի պակասի նշաններն են`
▪️ Մկանային կծկումներ,ջղաձգումներ
▪️ Քնի խնդիրներ
▪️ Հոգնածություն,
▪️ Նյարդայնություն
▪️ Սրտխփոց, գլխապտույտ


💡 Օրվա միջին պահանջը մեծահասակների համար մոտ 300–400 մգ է։Սնունդը երբեմն չի բավարարում նախատեսված չափաբաժնի ստացմանը, ուստի օգնության են գալիս մագնեզիում հավելումով տարբերակները։

✅Առկա է ,առաքման համար գրել անձնական նամակ

#մագնի #մագնեզիում #անքնություն #քնիխանգարում #հոգնածություն նյարդայինհամակարգ

Շատերը կարծում են, որ լյարդի ճարպակալումը կապված է միայն ալկոհոլի հետ։ Իրականում այսօր ամենատարածված պատճառը մետաբոլիկ խ...
21/06/2026

Շատերը կարծում են, որ լյարդի ճարպակալումը կապված է միայն ալկոհոլի հետ։ Իրականում այսօր ամենատարածված պատճառը մետաբոլիկ խանգարումներն են՝ ավելորդ քաշը, շաքարային դիաբետը և ինսուլինառեզիստենտությունը։

Այս հիվանդությունն այժմ կոչվում է MASLD (Metabolic Dysfunction-Associated Steatotic Liver Disease)։

❓Որոնք են ոիսկի գործոնները

🔸 Որովայնային ճարպակալումը

🔸 2-րդ տիպի շաքարային դիաբետը

🔸 Արյան մեջ բարձր խոլեստերինը և տրիգլիցերիդները

🔸 Բարձր զարկերակային ճնշումը

🔸 Ինսուլինառեզիստենտությունը

❓ Ինչո՞ւ է զարգանում

Երբ օրգանիզմում զարգանում է ինսուլինառեզիստենտություն, ավելանում է ճարպերի կուտակումը լյարդում։

Սկզբում ձևավորվում է ստեատոզ (ճարպակալում)։

Ժամանակի ընթացքում որոշ մարդկանց մոտ կարող է զարգանալ բորբոքում և ֆիբրոզ, իսկ ավելի ուշ՝ նույնիսկ ցիռոզ։

❓Ինչպիսի՞ նշաններ կարող են լինել

Հիվանդությունը հաճախ ընթանում է առանց ախտանիշների։

Երբեմն կարող են լինել.

▫️ հոգնածություն

▫️ աշխատունակության նվազում

▫️ ծանրության զգացում աջ կողատակում

❓Ինչպե՞ս հայտնաբերել

Ժամանակակից ուղեցույցների համաձայն՝ ռիսկի խմբի մարդկանց մոտ կարևոր են.

✅ լյարդի ֆերմենտների (ALT, AST) ստուգումը

✅ լյարդի ուլտրաձայնային հետազոտությունը

✅ ֆիբրոզի ռիսկի գնահատումը

‼️Բուժման ամենակարևոր մասը

✔️ Քաշի նվազեցում

✔️ Ֆիզիկական ակտիվություն

✔️ Միջերկրածովյան սննդակարգ

Գիտե՞ք, որ մարմնի քաշի ընդամենը 7–10% նվազեցումը կարող է զգալիորեն բարելավել լյարդի վիճակը, իսկ 10%-ից ավելի նվազեցումը կարող է նպաստել նույնիսկ ֆիբրոզի հետընթացին։

Հիշեք

Լյարդի ճարպակալումը վաղ փուլերում հետադարձելի հիվանդություն է։

Ժամանակին ախտորոշումն ու ճիշտ մոտեցումը կարող են կանխել լուրջ բարդությունները։

Եղեք առողջ և տեղեկացված 🩺 lilit_mkhitaryan__
Վիտամիններ / Սննդային հավելումներ 🌿

#լյարդիհիվանդություններ #լյարդիճարպակալում #խոլեստերին #ինսուլինառեզիստենտություն

Address

Yerevan

Website

Alerts

Be the first to know and let us send you an email when BioVita posts news and promotions. Your email address will not be used for any other purpose, and you can unsubscribe at any time.

Shortcuts

Share

Category