12/09/2025
Այսօր կներկայացնեմ ՊԱՀ(Պտղի Աճի Հապաղում)Պտղի ներարգանդային աճի դանդաղումը հղիության բարդություն է, որի դեպքում պտղի չափերը ետ են մնում գեստացիոն տարիքից:
Աճի դանդաղումը դեռևս չի նշանակում, որ երեխան պարտադիր կունենա մտավոր և ֆիզիկական զարգացման խնդիրներ:
Կան մի շարք գործոններ, որոնք կարող են առաջացնել պտղի աճի դանդաղում.
📌 Սիրտանոթային համակարգի հիվանդություններ (զարկերակային հիպերտոնիա, պրեէկլամպսիա)
📌Հակաֆոսֆոլիպիդային համախտանիշ
🚬 Ծխելը
🍺Ալկոհոլի, թմրանյութերի, որոշակի դեղամիջոցների օգտագործումը
📌Պտղի որոշ պաթոլոգիաներ (քրոմոսոմային, գենետիկական անոմալիաներ)
📌Որոշ վարակիչ հիվանդություններ
📌Պտղի աճի դանդաղում նախորդ հղիության ժամանակ
Ինչպե՞ս ախտորոշել:
👩⚕️Գինեկոլոգը կարող է կասկածել ՊՆԱԴ եթե արգանդի հատակի բարձրությունը հետ է մնում 3 կամ ավելի սմ-ով:
🎯ՊՆԱԴ-ի ախտորոշումը կատարվում է միայն ուլտրաձայնային հետազոտության միջոցով՝ փորձագիտական մակարդակի ուլտրաձայնային սարքավորման վրա, անպայման կարեվոր է դինամիկ հետազոտություն կատարել!
Ի՞նչ անել
✔Գնահատել պտղի աճի դինամիկան (ֆետոմետրիա) յուրաքանչյուր 14 օրը մեկ:
✔Գնահատել պտղի արյան հոսքը Դոպլերի միջոցով: 1-ին աստիճանի արյան հոսքի խախտման դեպքում՝ շաբաթական 1 անգամ հսկողություն։ 2 կամ ավելի աստիճանի խախտման դեպքում՝ դիտարկել ստացիոնարի պայմաններում։
✔Պտղի կարդիոտոկոգրաֆիա (ԿՏԳ): ԿՏԳ-ով պտղի վիճակի վատացման դեպքում՝ հոսպիտալացում:
Եթե դոպլերոմետրիայի և ԿՏԳ-ի վրա ամեն ինչ կարգին է, դա լավ է: Հնարավոր է, որ հղիության վաղաժամ ընդհատման մասին խոսք չլինի
☝Հիմա ամենակարևորը.
📌Պետք չէ սկսել ընդունել իմացած բոլոր դեղերը՝ Ակտովեգին, Կուռանտիլ: Արդյունավետ դեղորայքային թերապիա պտղի ներարգանդային աճի դանդաղման դեպքում դեռ գոյություն չունի!Աիգինինը ներերակային կաթիլային ճանապարհով որոշակի օգուտ տալիս է,բաց ապացուցված չէ։ Իսկ եթե, օրինակ ախտորոշված է եղել հակաֆոսֆոլիպիդային համախտանիշ, ապա ՊՆԱԴ-ի և վաղաժամ ծննդաբերության պրոֆիլակտիկան ցածր մոլեկուլյար հեպարինով պետք էր սկսել դեռևս հղիության պլանավորման փուլում:
📌Մի՛ ընդունեք վիտամիններ, էֆեկտիվ չեն
Կանխատեսումը խիստ անհատական է, կախված է դանդաղման աստիճանից, պատճառից, թէ հղիության ո՞ր շաբաթից է սկսել,կա՞ թէ ոչ արյան հոսքի խանգարում։
