Dr. Benjamin Karimov

27/05/2026

27/05/2026

Sürüdə Cəsarətlənən Çaqqallar.
Bu videoda Ukraynada yerə siqaret kötüyü atan azərbaycanlılara irad tutan yerli vətəndaşa qarşı sərgilənən həyasızlığın şahidi olursuz. Normal, sivilizasiyalı insan belə hərəkətə görə irad eşidəndə üzr istəyər və zibili yerdən götürər. Lakin videodakı şəxslərin "Əcəb edirik, sənə nə? Yenə edərik" deyərək nümayişkaranə şəkildə ikinci siqareti yerə atması artıq sadəcə mədəniyyətsizlik deyil, xuliqanlıqdır.
O ukraynalı vətəndaşın yerə siqaret atılmasına göstərdiyi irad təqdirəlayiqdir. Çünki o öz ölkəsinin fədakar keşikçisidir. Onun heç bir inzibati vəzifəsi, polis paqonu və ya əlində silahı yoxdur; sadəcə sükan arxasında əyləşmiş sıravi bir insandır. Lakin onu güclü edən daxilindəki dərin sahiblik hissidir. Onun ölkəsi ağır müharibə vəziyyətində olsa da "onsuz da hər yer dağılıb, şəhəri zibilləyirlər cəhənnəməki" demir, əksinə, hər bir qarışına daha sıx sarılıb vətəninə öz evi kimi sahib çıxır. Təmkinli, lakin qətiyyətli iradı ilə o, sivil dünyanın dəyərlərini nümayiş etdirir. O, tək olmasına baxmayaraq qarşısindakı 3 nəfərdən çəkinmir. Çünki bilir o 3 nəfər qorxaqdılar. Sürü halında ürəklənmələrinə aldanmır, bilirki təklikdə çaqqaldılar. Onlar bir-birinə baxıb, bir-birindən impuls alaraq ürəklənirlər.
Hadisənin ən məntiqsiz nöqtəsi həmin şəxslərin ukraynalı vətəndaşa ünvanladığı "Sən niyə gedib cəbhədə vuruşmursan?" sualıdır. Bu, artıq onların həm də d***l olmasından xəbər verir. Sən başqa bir dövlətin ərazisindəsən və küçəsini zibilləyirsən. Ev sahibi səni nizam-intizama dəvət edəndə isə, sən onun niyə müharibədə iştirak etmədiyini irad tutursan.Bir ölkə vətəndaşının cəbhədə olub-olmaması onun öz dövləti qarşısında olan hüquqi və mənəvi məsuliyyətidir. Bunun heç bir xarici vətəndaşa aidiyyatı yoxdur.
Videodakı şəxslərin sərgilədiyi bu həyasızlıq milyonlarla azərbaycanlının adına ləkədir. Təəssüf ki, o ukraynalının və videonu izləyən minlərlə əcnəbinin yaddaşında xalqımız haqqında formalaşan təəssürat qorxaqlıq, d***llik və həyasızlıqla assosiasiya olunacaq.

26/05/2026

Mən uşaq ikən inanırdım ki, yoxsul və əziyyət çəkən insanlar mütləq şəkildə mərhəmətli və xeyirxahdırlar, qəddarlıq isə yalnız güc və pul sahiblərinə xasdır. Amma böyüyüb reallıqları görəndə təəssüfləndim. Əlindəki yeganə "səlahiyyət" süpürgə olan və o gücü özündən zəif, kimsəsiz bir canlıya qarşı qəddarcasına istifadə edən süpürgəçinin daxilindəki aqressiya və üfunət göstərir ki, əlinə böyük imkanlar düşərsə, insanlara qan uddurar. Belə bir mənzərəni görəndə istər-istəməz adamın ağlına bir fikir gəlir: Yaxşı ki, Allah dəvəyə qanad verməyib.

26/05/2026

Uveit Xəstəliyinin Müalicəsində Ən Böyük Səhv: Niyə Təkcə Damcı Kifayət Etmir?
Gözün daxili qişasının iltihabı olan uveit, vaxtında və düzgün yanaşma tələb edən ciddi bir xəstəlikdir. Təəssüf ki, həm xəstələr, həm də bəzən qeyri-ixtisaslı yanaşmalar tərəfindən yol verilən və görmə qabiliyyətini riskə atan ən böyük yanlışlıq – problemin yalnız yerli göz damcıları ilə həll ediləcəyinə inanmaqdır.
• Yerli Damcı Müalicəsinin Effektsizliyi:
Göz damcıları əsasən gözün ön seqmentinə təsir edir və səthi iltihabı yüngülləşdirmək üçün nəzərdə tutulur. Lakin arxa uveit, panuveit və ya daha dərin qatları əhatə edən xroniki formalarda damcılar gözün arxa seqmentinə kifayət qədər nüfuz edə bilmir. İltihabın ağır mərhələlərində yalnız damcı müalicəsinə arxalanmaq sadəcə vaxt itkisidir və xəstəliyin irəliləyərək qlaukoma, katarakta və hətta qalıcı görmə itkisi kimi ağır fəsadlar yaratmasına şərait yaradır.
• Sistemli Müalicənin Həyati Önəmi:
Uveit əksər hallarda təkbaşına yaranan lokal bir problem deyil; orqanizmdəki autoimmun, revmatoloji (məsələn, Bexçet xəstəliyi, ankilozəedici spondilit) və ya sistemli infeksion proseslərin gözdəki təzahürüdür. Buna görə də, effektiv və qalıcı nəticə əldə etmək üçün sistemli müalicə mütləqdir. Ağızdan həb, inyeksiya və ya venadaxili infuziya şəklində təyin edilən immunosupressivlər, kortikosteroidlər və ya bioloji preparatlar birbaşa iltihabın mənbəyini – immun sisteminin patoloji reaksiyasını hədəf alır və dayandırır.
Gözdəki qızartı və ağrı aysberqin yalnız görünən hissəsidir. Xəstəliyi ram etmək və görməni qorumaq üçün problemə səthi deyil, daxildən və sistemli şəkildə müdaxilə edilməlidir.

25/05/2026

İkibaşlı Sözlər və Cəmiyyətin Toksik Asılılığı
Bəzi fast-foodlara elə bir maddə (MSG) qatılır ki, insanda süni bir iştaha, doymazlıq və asılılığa səbəb olur. Siz "nə qədər dadlıdır" deyib yeyərkən, əslində orqanizminizə yavaş-yavaş toksik bir yük yığılır və biokimyəvi bir hiylənin qurbanına çevrilirsiniz.
Bu gün eyni manipulyasiya mexanizmi yerli şou-biznes və musiqi sənayesində fəaliyyət göstərir- sözləri ikibaşlı, altmənalı seçməklə. Bəzi sözlər var ki çümlədə işlədəndə alt mənalar verə bilir. Məsələn biri oxuyur "AtışMamış", "Tez tez Ola", biri oxuyur "Qoyum Sənə", biri oxuyur "Verim Sənə", biri oxuyur "Qoy bu gecə".

Bunlar təsadüfi seçilmiş qafiyələr deyil. Bu sözlər kütlə psixologiyasının ən primitiv instinktlərini qıcıqlandırmaq üçün hesablanmış xüsusi "doza"lardır. İkibaşlı ifadələr insan beynində dərhal şüuraltı bir maraq oyadır, cəmiyyət içində müzakirələrə, sosial şəbəkələrdə isə sürətli paylaşımlara (virallığa) səbəb olur. Hədəf vurulmuşdur: Müğənni kütlənin diqqətini ələ keçirir.Tənqidlər artarsa ozaman müğənni belə bir açıqlama verir: "Mən normal cümlə işlədirəm, siz səhv anlayırsız. İçiniz fəsaddısa, mən neyniyim?"
Yəni ki "Bizim məhsul təmizdir, xəstələnirsinizsə günah öz mədənizdədir" deyilir.
Məncə, o müğənnilər çox düz edirlər. Lap əcəb edirlər! Ortada senzurasız, cəzasız və ən əsası bu cür məzmunu həvəslə istehlak edən bir mühit varsa, niyə də bu fürsətdən geninə-boluna istifadə etməsinlər?
Hətta bu trendin yaradıcılarına gələcək layihələri üçün daha "kreativ" MSG-li hitlərin anonslarını da hədiyyə etmək olar. Maraqla gözləyirik:
• "Gəl Çalım.. klarneti"
• "Dur Osmangilə get"
• "Gəl Dombald.. şarımı"
• "Bir Əl Ver.. görüşək"
• "Verim Ağzıva.. bir qaşıq tort"
Və sizi əmin edirəm ki, bu strategiya qüsursuz işləyəcək. Bu cür mahnılar çıxdıqca sizi toylara, məclislərə çağıranların sayı birə-min artacaq. "Kalendarnı toyların" siyahısı dolub-daşacaq.
Özüdə əsas sizin fanatlarınız namus qeyrət keçikçiləri olan ağır daydaylar və nəsil ağsaqqalları olacaq.

25/05/2026

Qırmızı və ağrılı göz hər zaman sadəcə yorğunluq və ya yüngül infeksiya demək deyil. Bu, bəzən gözün damarlı qişasının iltihabı olan uveit xəstəliyinin ilk xəbərçisidir.
Əsas Əlamətləri:
• Gözdə qızartı və ağrı: Xüsusilə gözün dərinliyində hiss olunan, sızıldayan ağrı.
• İşığa həssaslıq (Fotofobiya): Parlaq işıqda gözü açıq saxlamaqda və ya baxmaqda yaranan kəskin çətinlik.
• Bulanıq görmə: Görmə kəskinliyinin qəfil və ya tədricən azalması.
• Uçuşan ləkələr: Göz önündə qara nöqtələrin, xətlərin və ya "hörümçək toru"nun yaranması.
Yaratdığı Təhlükələr:
Uveit təcili və peşəkar oftalmoloji müdaxilə tələb edən ciddi bir vəziyyətdir. Xəstəlik vaxtında və ya düzgün müalicə olunmazsa, qlaukoma, katarakta, makula ödemi və tor qişanın qopması kimi ağır fəsadlara yol açır. Ən təhlükəli nəticəsi isə geri qaytarılması mümkün olmayan korluqdur. Buna görə də, yuxarıdakı əlamətlər hiss edildiyi an mütləq həkim müayinəsindən keçmək lazımdır.

23/05/2026

Köklük Şəkərli Diabetə Səbəb Ola Bilər?
Bəli, köklük (xüsusilə qarın nahiyəsində toplanan visseral piylənmə) 2-ci tip şəkərli diabetin inkişafında ən böyük risk faktorlarından biridir. Bədəndəki artıq yağ toxuması hüceyrələrin insulinə qarşı həssaslığını azaldaraq insulin dirənci yaradır. Bu zaman mədəaltı vəzi qandakı şəkəri hüceyrələrə daxil etmək üçün daha çox işləməyə məcbur olur və zamanla öz funksiyasını itirir, nəticədə qanda qlükozanın səviyyəsi xroniki olaraq yüksəlir.
Şəkərli diabet isə sadəcə maddələr mübadiləsinin pozulması deyil. Bu vəziyyət mikrodamar sistemini zədələyərək gözlərdə diabetik retinopatiya, eləcə də ürək və böyrək çatışmazlığı kimi ciddi sistemik problemlərə yol açır. Sağlam çəkini qorumaq və aktiv həyat tərzi sürmək, bu təhlükəli zənciri qırmaq üçün ən güclü profilaktikadır.

22/05/2026

Onların dili yoxdur ki, kömək istəsinlər.
Evləri yoxdur ki, sığınsınlar.
Tək ümidləri bizim vicdanımızdır.

22/05/2026

Suşi və digər çiy balıq yeməkləri düzgün şəraitdə hazırlanmadıqda və saxlanılmadıqda sağlamlıq üçün ciddi təhlükə mənbəyi ola bilər. Çiy dəniz məhsullarından insana həm təhlükəli parazitlər, həm də infeksion bakteriyalar keçə bilir.
• Anisakis : Çiy balıqda ən sıx rast gəlinən girdə qurdlardır. Bu qurdlar insanın mədə və ya bağırsaq divarına yapışaraq anizakiaz xəstəliyinə səbəb olur. Nəticədə şiddətli qarın ağrısı, ürəkbulanma, qusma və bəzən kəskin allergik reaksiyalar müşahidə edilir.
• Lentvari Balıq Qurdu (Diphyllobothrium latum): İnsanın nazik bağırsağında yaşayır və uzunluğu 10 metrə qədər çata bilir. Orqanizmdə ciddi B12 vitamini çatışmazlığına, qanazlığına (anemiya), halsızlığa və həzm problemlərinə yol açır.
• Vibrio : Dəniz sularında yaşayan və çiy dəniz məhsullarından keçən ən yayılmış bakteriyalardır. Onlar mədə-bağırsaq infeksiyalarına, şiddətli su kimi ishal, qızdırma və mədə kramplarına səbəb olur.
• Salmonella və Listeria: Balıq kəsilərkən və ya düzgün saxlanılmadıqda çarpaz çirklənmə yolu ilə keçə bilər. Listeria xüsusilə hamilə qadınlar, yaşlılar və immuniteti zəif olan şəxslər üçün çox təhlükəlidir.
Təhlükəsizlik qaydası: Parazitlərdən qorunmağın ən etibarlı yolu balığın bişirilməsi və ya çiy yeyiləcəksə, əvvəlcədən sənaye üsulu ilə dərin dondurucuda (ən azı -20°C-də 7 gün) dondurulmasıdır. Bu proses parazitləri və onların sürfələrini məhv edir.