Oftalmoloq Dr.Farida Sadigova

25/06/2020

Hörmətli auditoriya, xatırlatmaq istərdim ki, bu səhifə - Tanışlıq saytı deyil. Bəzi şuursuz adamlara görə, bütün şəhsi şəkillərimi silmişəm. Oftalmologiyaya aid nə sualınız olsa cavablandırmaga hazıram. Diggətinizə görə minnətdaram!

12/11/2018

İlk dəfə həkim-oftalmoloqu ziyarət edən insanlar üçün sadə tövsiyələr.

Bu məqalənin əsas məqsədi - insanlara maariflənməkdə köməklik göstərmək və onları mümkün olan səhvlərdən qorumaqdır.
Birinci növbədə, həkim-oftalmoloqa gedərkən, suallarınızı bir kağızda yaza bilərsiz (yadınızdan çıxmamağı üçün) və onları tam sərbəst həkiminizə verə bilərsiniz.
Bu Sizin haqqınızdır. Əgər Sizin həkiminiz bu suallara cavab verməkdən çəkinirsə, və yaxud xəstənin çox olduğundan bunu edə bilmirsə, öz diaqnozunuzu ondan öyrənib, internetdə onun barəsində oxuya bilərsiniz (amma özünüzü mualicə etmək məqsədi ilə yox!). Bununla Siz xəstəliyiniz barəsində, onun fəsadları haqqında xeyli məlumatlanmış olarsınız. Əgər Sizin müalicə həkiminiz xəstəliyiniz barəsində internetdə maraqlanmanızı Sizin üçün lazımsız hesab edib və bundan Sizi yayındırmaq istəyirsə, növbəti dəfə həmin "mütəhəssisin" yanına gedərkən yaxşı fikirləşin :)

Növbəti məlumatsızlıq pasientlər arasında Kontakt linzalar ilə bağlıdır. Cox vaxtı onlar göz həkimindən aldıqları "kontakt linza üçün yazılan reseptdə" sadəcə linzanın optik gücünün yazıldığını görürlər. Halbuki, bu düzgün deyil. Hətta bəzən təhlükəlidir.
Çünki bu reseptdə həmçinin kontakt linzanın əyriliyinin radiusu (BC), diametri əks olunmalıdır. Həkim-oftalmoloq linzanın materialını, oksigen keçirtmə qabiliyyətini, hətta brendinidə xəstə ilə müzakirə edib öz məsləhətini verməlidir. Bunlar olunmasa, Kontakt linzanı əldə etməkdə tələsməyin. Nəzərə alın ki, bunların hamısı rəngli kontakt linzalarada aiddir! Gözünüzə tam uyğun olmayan linza Sizə ziyan edə bilər!
Xüsusiylə diqqətinizə catdırmaq istiyirəm ki, kontakt linzaların istifadə olunma müddəti hər linza növü üçün tam dəqiq məlumdur və internetdə linzanın brendini və adını yazarkən, onun barəsində bütün məlumatı əldə etmək olur. Buna baxmayaraq, bəzi həkimlər tərəfindən və hətta optik salonlarda linzanın istifadə müddəti səhv (əsasən uzadılaraq) təqdim olunur, Məsələn, 2 həftəlik istifadə müddəti olan, yani açıldıqdan sonra 2 həftə ərizində yararlı olan Acuvue Oasys (Johnson@Johnson) linzaları 1,5 ayliq və hətta 2 aylıq! kimi təqdim olunur. Bu isə Sizin gözləriniz üçün olduqca təhlükəlidir!
Məs ona görədə pasientlərin maariflənməsi cox önəmli bir məsələdir. O, insanı güclü və bilikli edir və aldanmaqdan qoruyur. Çalışın sağlamlığınıza qarşı laqeyd olmayasınız :) Salamat qalın!

01/03/2018

http://www.youtube.com/watch?v=JhhV7SwUCaA&feature=youtube_gdata_player

How To Cure Dry Eyes Naturally, With these 5 Effective Home Remedies. Read More here: https://goo.gl/sh8kqL Dry eyes usually occur when your tears are not pr...

02/02/2018

KOMPÜTER GÖRMƏ SİNDROMU NƏDİR?

Müasir zamanda, yüksək texnologiyaların inkişaf edən bir vaxtda özümüzü və ətrafımızı müxtəlif növ kompüterlərdən, telefonlardan, planşetlərdən və digər elektron çıxazlardan uzaq təsəvvür edə bilmirik.
Kompüterlə bağli yaranan bütün problemlər KOMPÜTER GÖRMƏ SİNDROMU adlanır. Bu sindroma göz gərginliyi və ağrıları daxildir. Kompüter istifadəçilərinin 50 - 90% ən azından bəzi simptomları özlərində hiss edirlər.
Təkcə işləyən böyüklər yox, hətta planşetlərdən və kompüterlərdən istifadə edən uşaqlarda müəyyən narahatçılıqlardan şikayyət edə bilər, əsasəndə onların duruşları və otağın işıqlanması idealdan çox uzaqdırsa. Və təbii ki, uşaqlarda elektron cıhazlardan artıq dərəcədə istifadə etmə əsasən görmə problemlərinə gətirir.

KOMPÜTER GÖZƏ NECƏ TƏSİR EDİR?
Siz kompüterdə işləyəndə, gözlər daima fokus və defokuslaşır. Çox vaxtı insan gərək həm ekrana, həmdə aşağıya klaviaturaya baxsın. Üstəlik, kitabdan fərgli olaraq, kompüter ekranında səyrimə və parıltılar olur. Buda gözə öz mənfi təsirini göstərir. Şikayətlər daha cox görmə problemi olan, lakin eynək taxmayan və yaxud 45 yaşdan yuxarı olan insanlarda olur.

KOMPÜTER GÖRMƏ SİNDROMUNUN (KGS) ƏLAMƏTLƏRİ NƏDİR?
1. Dumanlı görmə
2. İkili görmə
3. Gözdə qızartı, quruluq, sulanma
4. Göz qıcıqlanması
5. Baş və göz ağrıları
6. Bel və boyun ağrıları

KGS NECƏ MÜALİCƏ OLUNUR?
1. Parıltını azaltmaq. Bununçun pəncərədən işıq düşürsə, ekranın yerini dəyismək və yaxud pəncərəni pərdələr ilə örtmək.
2. Monitoru düzgün yerləşdirmək : ekranın yuxarı hissəsi gözünüz səviyyəsindən bir gədər aşağıda, üzünüzdən isə 50-70 sm aralıda olmalıdır. Yaxşı olar ki, masanızın üstündəki sənədləri elə yerləşdirəsiz ki, kompüter ekranı ilə eyni səviyyədə olsunlar və siz baxışınızın istiqamətini cox dəyisməyəsiz.
3. Gözlərinizə fasilə verin. Bununçun 20-20-20 qaydasına riayyət edin: hər 20 dəgigədən bir 20 fut (6 metr) aralıya baxın 20 saniyyə ərzində.
4. Gözlərinizi tez tez qırpın. Bu onları nəm saxlamağa kömək edir. Lazım gəlsə, nəmləndirici damlalardanda istifadə edin.
5. Kompüterinizin əyarlarını dəyişin (işıqlanmanı, kontrastlığı) özünüzçün tam komfortlu şərait əldə edənə gədər.
6. Çalışın ki, bütün elektron cıxazları yatmazdan 2 saat əvvəl söndürəsiz və yaxud istifadəsini dayandırasız.
7. Vaxt aşırı (ildə 1-2 dəfə) özünüzün və uşaqlarınızın gözlərini yoxlatmağı unutmay

08/12/2017

Keratoplastikanın aktual sualları

1. Keratoplastikanın və Buynuz qişanın transplantasiyasının(köcürülməsinin) fərqi nədir?

Keratoplastikanın altında buynuz qişanın üzərində aparılan aşağıdaki əməliyyatlar nəzərdə tutulur: buynuz qişanın formasının və funksiyasının bərpaedici, müxtəlif travmalardan və xəstəliklərdən sonraki defektlərin və deformasiyaların aradan götürmək ücün aparılan əməliyyatlar.

Buynuz qişanın transplantasiyası isə buynuz qişanın köcürülməsinə deyilir. Bu bir orqanizmin(insanın) çərçivəsində ola bilər, və yaxud bir orqanizmdən o birisinə köcürülür.
Bununlada əsas fərq ondadır ki, keratoplastikada xəstənin buynuz qişasına toxuma köçürülür. Buynuz qişanın transplantasiyasında isə məs buynuz qişa köcürülür. O resipiyentin (transplantantı qəbul edən şəxsin) ya buynuz qişasını, ya sklerasını, yada konyunktivasını örtə bilər.

2. Keratoplastikanın neçə növü var?

Keratoplastikanın klassifikasiyasında (təsnifatında) 3 mühüm göstərici nəzərə alınır:

A. Buynuz qişanın defektinin ölcülərinə görə: hissəvi, subtotal, total.
B. Buynuz qişada olan defektin dərinliyinə görə: laylar üzrə olan (üst və alt), və hər iki tərəfə çıxan (buynuz qişanın bütün qatlarını dəlib keçən) əməliyyat.
C. Məqsədinə görə: optik, müalicəvi və kosmetik.

3. Əməliyyatın nəticəsi nədən asılıdır?

Əməliyyatın nəticəsi buynuz qişanin bulanmasına gətirən səbəbdən (xəstəlikdən və yaxud travmadan) və gözün ümumi vəziyyətindən (bulanmaya gədər görmə itiliyinin nəcə olmasından, göz dibinin vəziyyətindən və s.)

4. Transplantasiya üçün material nəcür olur və haradan götürülür?

Buynuz qişa transplantantı nəzəri cəhətdən 4 cür ola bilər:
a) autoloji material - yani xəstənin öz toxuması. Məsələn, xəstənin 2-ci (tay) gözündə müəyyən xəstəlik var ( terminal qlaukoma, və ya görmə sinirinin atrofiyası, və yaxud torlu qişanın qopması və s.), görməsi yoxdur, lakin buynuz qişası yaxşıdır. Buna nadir hallarda rast gələ bilinər.
b) izogen material - yani tam immunoloji uyğunluğu olan buynuz qişa. Əkizlərdə olur. Yalnız nəzəriyyədə mümkündür.
c) allogen material - bir insandan (ölümündən sonra) o biri insana köçürülən toxumalardır (xüsusilə də buynuz qişa). Bu günədək ən istifadə olunan materialdır. Onun konservasiyasının ( yani donordan alınandan sonra və köçürülənə gədər saxlanılmasının) əsas metodunun banisi məşhur alim-oftalmoloq akademik V.P. Filatovdur ( Odessa, Ukrayna). 2013-cü ilədək bütün donor buynuz qişalarının saxlanılması üçün onun tədbiq etdiyi üsuldan istifadə olunurdu. Daha dəgiq desək: 2-4*C altında bağlı şüşə qabda hüsusi məhlulda buynuz gişa 1-3 günə gədər qalırdı. Akademik Filatovu muasir Göz Banklarının intellektual atası hesab etmək olar.
d) ksenogen material - heyvanlardan götürülmüş toxumalardır. Lakin burada köçürülmüş buynuz qişanın rədd etmə hallarına tez tez rast gəlinir, çünki immunoloji münaqişələr mövcuddur. Bununla belə son vaxtlar ksenoqen materiallara maraq artıb. Buda süni heyvanların yetiştirilməsi ilə əlaqədardır.

5. Donor buynuz qişasının istifadəsi üçün əks göstərişlər:
A) Transplantantlar Donor bankın işçiləri üçün təhlükə yarada bilər, əgər donorda: aktiv Hepatit B, QİÇS, aktiv viruslu ensefalit və yaxud quduzluq aşkar olunub.
B) Resipiyent üçün təhlükə: əgər donorda yuxarıda sadalanan xəstəliklər və onlara əlavə olaraq: qeyri müəyyən etiologiyalı mərkəzi sinir sisteminin xəstəlikləri ( məs. Alsheymer xəstəliyi), anadangəlmə rubella, septisemiya və s. xəstəliklər var.
C) Donor buynuz qişasının qeyri-kafi keyfiyyəti: gözün ön seqmentinin şişi, retinoblastoma, sklerit, keratouveit, keçirilmiş refraksion cərrahiyə əməliyyatları, keçirilmiş katarakta əməliyyatı və s.

Buynuz qişa transplantantı üçün əsas göstərici - endoteliyin (arxa qatın) vəziyyətidir. Donor 65 yaşadək olmalıdır və resipiyentlə yaş fərqi 30 ildən çox olmamalıdır.