Endokrinoloq.Dr.Samir Şükürov

Endokrinoloq.Dr.Samir Şükürov Endokrinoloq Dr. Samir Şükürov

Diabetlilərin qidalanma rasionunda səhər yeməyi önəmli yer tutur!Xüsusilə Tip 2 diabet xəstəsi səhər yeməyini ötürməməli...
07/08/2026

Diabetlilərin qidalanma rasionunda səhər yeməyi önəmli yer tutur!
Xüsusilə Tip 2 diabet xəstəsi səhər yeməyini ötürməməlidir!

Şəkərli diabetlilərin səhər yeməyi daha erkən və şəkəri yüksəltməyəcək qidalarla edilməlidir. Səhər yeməyini nə qədər erkən yesəniz, şam yeməyi də gecə saatlarına qalmaz və qanda şəkərin səviyyəsi bir o qədər asan tənzimlənər.

Sizə bir neçə səhər yeməyi məsləhətləri təqdim edirik.

🔆 Çörək - səhər yeməyi üçün ən əsas taxıl qrupu hesab edilir. Kəpək, çovdar, yulaf və ya tam buğda unu ilə olan çörəklərə üstünlük verilməlidir. Xüsusilə səhər yeməyində nə qədər çox lif qəbul etsəniz, bir o qədər qanda şəkərin artmasının qarşısını almaq olar.
🔆 Zülal qaynağı - pendir və yumurta yeyilə bilər. Diabet xəstələri səhər yeməyində mütləq yumurta yeməlidirlər.
🔆 Qatıq və avokado diabetlə mübarizədə təsirli səhər yeməyi qidaları ola bilər.
🔆 Şəkərli diabet xəstələri səhər yeməyi üçün meyvələrdən istifadə edə və smuzilər hazırlaya bilərlər
🔆 Əsas yağ turşularını özündə daşıyan qidalar- qoz, badam, fındıq və zeytuna mütləq üstünlük verilməlidir.
🔆 Bol göyərti və meyvə istehlak etmək - həm vitamin və mineral ehtiyacını ödəmək, həm də lif miqdarını artırmaq üçün vacibdir.
🔆 İçkilər - çay, qəhvə, bitki çayı, təzə meyvə şirələri ola bilər.

Əlaqə:
📞 (+994) 70 250 50 35
📍Avropa Beynəlxalq Hospital

05/08/2026

Ola bilər təzyiqiniz bu hormonal problemlərə görə qalxır!

Əlaqə:
📞 (+994) 70 250 50 35
📍Avropa Beynəlxalq Hospital

Yay aylarında ürəkdöyünməniz normadan çoxdursa, oturduğunuz yerdə belə sanki qaçmısınız kimi tərləyirsinizsə və səbəbsiz...
03/08/2026

Yay aylarında ürəkdöyünməniz normadan çoxdursa, oturduğunuz yerdə belə sanki qaçmısınız kimi tərləyirsinizsə və səbəbsiz çəki itirirsinizsə, problem hava yox, hipertiroidizm (qalxanvari vəzinin həddən artıq aktiv olması) ola bilər.

Bəs bu nədən olur?
🔆 Termorequlyasiya pozulur: Tiroid hormonları (T3, T4, TSH) bədənin metabolizm sürətini və istilik istehsalını tənzimləyir. Hipertiroid zamanı bu hormonlar normadan çox sintez olunur və bədənin “soyutma sistemi” çökmə həddinə çatır.
🔆 İstilik intoleransı: Xəstənin daxili bədən temperaturu onsuz da yüksək olduğu üçün, xarici mühitin istisi onun bədəninə ikiqat yük əmələ gətirir
🔆 Simpatik aktivlik artır: Artıq tiroid hormonu ürək əzələsindəki reseptorları həssaslaşdırır. Nəticədə ürək yığılmalarının sayı və gücü artır — taxikardiya (ürəkdöyünmə) qaçılmaz olur.

Yay istisini bəhanə edib simptomları görməzdən gəlməyin. Əgər istiyə dözümsüzlük, əllərdə əsmə, əsəbilik və ürəkdöyünmə sizi narahat edirsə, mütləq tiroid panelini (TSH, T3, T4) yoxlatmaq lazımdır.

Əlaqə:
📞 (+994) 70 250 50 35
📍Avropa Beynəlxalq Hospital

Pasiyentlərdən tez-tez bu cümləni eşidirik:“Zobum var, amma heç bir şikayətim yoxdur, ona görə də müalicə almıram.”Bütün...
31/07/2026

Pasiyentlərdən tez-tez bu cümləni eşidirik:
“Zobum var, amma heç bir şikayətim yoxdur, ona görə də müalicə almıram.”

Bütün hormonal pozuntular özünü dərhal hiss etdirmir. Bəzən zob səssiz başlayır amma zamanla ciddi fəsadlara yol aça bilir.

Heç bir simptom olmasa belə, nələr baş verə bilər?
🔆 Səssiz hipotiroidizm → Maddələr mübadiləsinin yavaşlaması, çəki artımı, saç tökülməsi
🔆 Düyünlü zob → Zamanla hormon ifraz edən düyünlər əmələ gələ bilər
🔆 Böyümüş zob → Qırtlağa, nəfəs yollarına və udlağa təzyiq göstərə bilər
🔆 Hormonal balanssızlıq → Ürək ritm pozğunluğu, sonsuzluq, depressiya

Unutmayın!
〰 “Narahat etmir” demək “təhlükəsizdir” demək deyil
〰 Bəzi zob növləri zamanla funksional pozuntuya və qalıcı orqan zədələnməsinə səbəb ola bilər
〰 Düyünlü zobların bəziləri şübhəli struktura malik ola bilər və diqqətlə izlənməlidir

Zob diaqnozu qoyulan hər bir pasiyent mütəmadi USM və qan analizləri ilə nəzarətdə saxlanmalıdır.

Əlaqə:
📞 (+994) 70 250 50 35
📍Avropa Beynəlxalq Hospital

📢 15 Avqust Gəncə şəhərindəyik!Gəncə və Gəncə ətrafı bölgələrdə yaşayan pasiyentlər, 15 Avqust tarixində Ozon Tibb Mərkə...
30/07/2026

📢 15 Avqust Gəncə şəhərindəyik!

Gəncə və Gəncə ətrafı bölgələrdə yaşayan pasiyentlər, 15 Avqust tarixində Ozon Tibb Mərkəzində pasiyent qəbulu həyata keçiriləcəkdir.

Əgər sizin də istənilən bir endokrinoloji probleminiz varsa, buyurub müraciət edə bilərsiniz.

✔Tərəfimizdən müalicə olunan xəstəliklər:

🔅 Şəkərli diabet
🔅 Tiroid xəstəlikləri (zob)
🔅 Artıq çəki problemi
🔅 Hipofiz vəzi xəstəlikləri
🔅 Böyrəküstü vəzi xəstəlikləri
🔅 Osteoporoz (sümük əriməsi)
🔅 Boy qısalığı
🔅 Xolesterin mübadiləsi pozğunluğu
🔅 Endokrin sonsuzluq
🔅 Qadınlarda tüklənmə (hirsutizm)
🔅 Menstrual tsikl pozğunluğu
🔅 Endokrin Hipertoniya (yüksək qan təzyiqi)
🔅 Maddələr mübadiləsi pozğunluqları və s.

✔İcra olunan prosedurlar:
🔅 Boyun və tiroid USM
🔅 Tiroid düyünlərinin İncə İynə Aspirasiya Biopsiyası (İİAB)
🔅 Boyun limfa düyünlərinin biopsiyası
🔅 TG yuma (WASH OUT)
🔅 Kalsitonin yuma (WASH OUT)

Əlaqə:
📞 (+994) 70 250 50 35
📍 Gəncə şəhəri, Heydər Əliyev pr-ti 85

29/07/2026

Tətilə hazırlaşarkən şəkərli diabetin idarə olunması üçün lazım olan vasitələri unutmayın:
🔆 Kifayət qədər insulin və ya diabet dərmanları (ehtiyat miqdarı ilə birlikdə)
🔆 Qlükometr, test zolaqları və lansetlər
🔆 Sürətli təsir edən karbohidrat (qlükoza tableti, meyvə şirəsi və ya şəkər) – hipoqlikemiya halları üçün
🔆 Su ehtiyatı – isti havada susuzlaşmanın qarşısını almaq üçün
🔆 Sağlam qəlyanaltılar (duzsuz çərəzlər, tam taxıllı məhsullar və s.)
🔆 İnsulin üçün istilikdən qoruyan xüsusi çanta – yüksək temperatur insulinin təsirini azalda bilər
🔆 İstifadə etdiyiniz reseptlər və tibbi sənədlərin surəti, lazım olduqda həkim məlumatları

Tətil zamanı qidalanma rejiminin dəyişməsi, uzun gəzintilər və isti hava qan şəkərinin dəyişməsinə səbəb ola bilər. Qan şəkərinizi mütəmadi ölçməyi və dərmanlarınızı vaxtında qəbul etməyi unutmayın.

Əlaqə:
📞 (+994) 70 250 50 35
📍Avropa Beynəlxalq Hospital

Təkcə əllə yoxlamaqla zob diaqnozu qoymaq mümkün deyil.Doğrudur, bəzi hallarda zob (qalxanabənzər vəzinin böyüməsi) əllə...
27/07/2026

Təkcə əllə yoxlamaqla zob diaqnozu qoymaq mümkün deyil.

Doğrudur, bəzi hallarda zob (qalxanabənzər vəzinin böyüməsi) əllə hiss edilə bilər, amma bu, zobun ölçüsündən, yerləşməsindən və bədənin quruluşundan asılıdır.

Əgər qalxanabənzər vəz böyüyübsə, udqunarkən boynun önündəki çıxıntı yuxarı-aşağı hərəkət edirsə, bu da zob əlaməti ola bilər.

Amma hər zaman belə olmur. Kiçik və ya dərin yerləşən zoblar əllə hiss edilmir.

Zobun əlamətləri nələr ola bilər:
🔆 Boyun nahiyəsində doluluq və ya təzyiq hissi
🔆 Udqunarkən narahatlıq
🔆 Yorğunluq, əsəbilik, tərləmə və ya üşümə
🔆 Çəki dəyişiklikləri
🔆 Saç tökülməsi və dəri quruluğu

Əgər bu əlamətləri hiss edirsinizsə və ya boynunuzda dəyişiklik müşahidə etmisinizsə - özünüz yox, mütləq endokrinoloq yoxlamalıdır.

Zobun diaqnozu güzgü və əl yox, analiz və USM ilə qoyulur.

Əlaqə:
📞 (+994) 70 250 50 35
📍Avropa Beynəlxalq Hospital

Nəzəri olaraq bəli, praktikada isə klinik cəhətdən əhəmiyyətli azalmadan söhbət getmir.Günəşdən qoruyucu kremlər (SPF) U...
24/07/2026

Nəzəri olaraq bəli, praktikada isə klinik cəhətdən əhəmiyyətli azalmadan söhbət getmir.

Günəşdən qoruyucu kremlər (SPF) UVB şüalarını azaltdığı üçün dəridə D vitamini sintezini də azalda bilər. Lakin real həyatda insanlar günəş kremini çox vaxt tövsiyə olunan miqdarda istifadə etmir, tərləmə, su ilə təmas və qeyri-bərabər tətbiq nəticəsində müəyyən miqdarda UVB şüaları yenə də dəriyə çatır. Buna görə aparılan tədqiqatların əksəriyyəti göstərir ki, SPF-dən müntəzəm istifadə qanda D vitamini səviyyəsində nəzərəçarpacaq azalmaya səbəb olmur.

🔆 SPF 30 UVB şüalarının təxminən 97%-ni, SPF 50 isə 98%-ni bloklayır.
🔆 Laboratoriya şəraitində krem tövsiyə olunan qalınlıqda tətbiq edildikdə D vitamini sintezi azala bilər. Gündəlik həyatda isə bu qədər qalın tətbiq nadir olduğundan D vitamini sintezi tam dayanmır.
🔆 Dəri xərçəngindən qorunmaq, D vitamini sintezində yarana biləcək cüzi azalmanın yaratdığı riskdən qat-qat daha vacibdir

Yəni son illərin tibbi tövsiyələrinə əsasən bu nəzərəçarpmayan azalma üçün spf-dən imtina etməməli, günəşdən qoruyucu vasitələrdən müntəzəm istifadə davam etdirilməli, D vitamini ehtiyacı isə zərurət olduqda qidalanma və ya əlavələr vasitəsilə qarşılanmalıdır.

Əlaqə:
📞 (+994) 70 250 50 35
📍Avropa Beynəlxalq Hospital

22/07/2026

Yayda insulinləri harada saxlayırsınız?

Əlaqə:
📞 (+994) 70 250 50 35
📍Avropa Beynəlxalq Hospital

Piylənmə – yalnız qidalanma ilə bağlı deyil. Bəzi hallarda çəki artımı endokrin sistemdəki pozuntuların ilkin göstəricis...
20/07/2026

Piylənmə – yalnız qidalanma ilə bağlı deyil. Bəzi hallarda çəki artımı endokrin sistemdəki pozuntuların ilkin göstəricisi ola bilər. Bu zaman pasiyent bütün tövsiyələrə əməl etsə də, çəki sabit qalır və ya daha da artır.

Bəs hormonal piylənmə ilə adi çəki artımı arasında fərq nədədir?
Adi kökəlmə (qeyri-sağlam qidalanma və həyat tərzi ilə bağlı):
🔆 Kalori artıqlığı, fiziki aktivliyin azlığı
🔆 Piylənmə bədənin müxtəlif bölgələrində olur
🔆 Pəhriz və idmana reaksiya tez görünür
🔆 Hormon analizləri normaldır

Hormonal piylənmə (endokrin pozğunluqlar fonunda):
🔆 Piylənmə daha çox qarın, bel və boyun bölgəsində olur
🔆 Pəhriz və idmana baxmayaraq çəki sabit qalır və ya artır
🔆 Yuxusuzluq, depressiya, saç tökülməsi, menstruasiya pozğunluğu kimi əlavə əlamətlər müşahidə olunur
🔆 Qanda insulin, kortizol, TSH, prolaktin kimi hormonlarda pozulmalar aşkarlanır

Dəqiq analiz, düzgün diaqnoz və fərdi müalicə ilə həm çəkini, həm də sağlamlığınızı nəzarətə almaq mümkündür.

Əlaqə:
📞 (+994) 70 250 50 35
📍Avropa Beynəlxalq Hospital

Address

Baku

Telephone

+994702505035

Website

Alerts

Be the first to know and let us send you an email when Endokrinoloq.Dr.Samir Şükürov posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Endokrinoloq.Dr.Samir Şükürov:

Shortcuts

Share

Category