Fərəh Sosial İctimai Birliyi

30/07/2026

Bu gün Gəncə şəhərinin ziyalısı, yazıçı-jurnalist İsmayıl Abbasov qonağımız oldu.

Səmimi çay süfrəsi ətrafında bir araya gələrək cəmiyyətimizi düşündürən mövzular, gündəmdə olan məsələlər və gələcəyə dair fikirlər ətrafında faydalı fikir mübadiləsi apardıq.

Dəyərli söhbətə və səmimi görüşə görə təşəkkür edir, fəaliyyətində yeni uğurlar arzulayırıq.

25/07/2026

Bu gün Fərəh Sosial İctimai Birliyinin sədri İlqar Hümbətovun doğum günüdür.

Hörmətli İlqar müəllim, Sizi doğum gününüz münasibətilə ürəkdən təbrik edir, möhkəm cansağlığı, uzun ömür və fəaliyyətinizdə yeni uğurlar arzulayırıq.

Xeyirxah əməlləriniz, insanlara göstərdiyiniz dəstək və cəmiyyətə verdiyiniz töhfələr daim dəyər görsün. Qarşıdakı illər Sizə yeni nailiyyətlər, sevinc və uğur gətirsin.

16/07/2026

14 iyul 2026-cı il tarixində Gəncədə açıq havada sağlamlıq imkanları məhdud olan yeniyetmə və gənclərin iştirakı ilə şahmat üzrə birdəfəlik oyun seansı təşkil olunub.

Tədbirin məqsədi sağlamlıq imkanları məhdud olan yeniyetmə və gənclərin cəmiyyətə inteqrasiya olunmasına dəstək vermək, onların asudə vaxtını səmərəli təşkil etmək, məntiqi təfəkkürünü və intellektual bacarıqlarını inkişaf etdirməkdir.

Açıq hava şəraitində keçirilən oyun seansının iştirakçıları maraqlı şahmat qarşılaşmasında qüvvələrini sınayaraq həm bilik və bacarıqlarını nümayiş etdirib, həm də səmərəli vaxt keçiriblər.

Tədbir Gəncə-Daşkəsən Regional Gənclər və İdman İdarəsi, "Fərəh" Sosial İctimai Birliyinin birgə təşkilatçılığı və "Təhsil" Respublika İdman Mərkəzinin Gəncə 2 nömrəli Uşaq-Gənclər İdman-Şahmat Məktəbi PHŞ-nin dəstəyi ilə həyata keçirilib.

İntellektualOyun GDRGİİ

11/07/2026

Fərəh Sosial Təşəbbüs Qrupu çərçivəsində könüllülük fəaliyyətlərini uğurla başa vuran Nisə Mayılova və Mehin Məmmədli sertifikatla təltif olunublar.

Nisə Mayılova könüllü olaraq onlayn ingilis dili dərsləri keçərək iştirakçıların bilik və bacarıqlarının inkişafına töhfə verib.

Mehin Məmmədli isə müxtəlif diaqnozlu uşaqlarla 200 saat psixoloji seanslar həyata keçirərək onların inkişafına və rifahına dəyərli dəstək göstərib.

Onların fədakarlığı, məsuliyyəti və cəmiyyətə verdiyi töhfə yüksək qiymətləndirilir. Göstərdikləri əzm və xeyirxah fəaliyyətlərinə görə təşəkkür edir, gələcək fəaliyyətlərində uğurlar arzulayırıq!

09/07/2026

🏢 Əmək və Əhalinin Sosial Müdafiəsi Nazirliyinin tabeliyində fəaliyyət göstərən DOST İnklüziv İnkişaf və Yaradıcılıq Mərkəzinin təşkilatçılığı ilə Qubada keçirilən “Bərabər addımlar” inklüziv yay düşərgəsi uğurla başa çatıb. 🌿⛺

Düşərgədə Fərəh Təşəbbüs Qrupunun gəncləri də fəal iştirak edərək müxtəlif maarifləndirici, sosial və mədəni tədbirlərdə yer alıblar. Bu cür layihələr gənclərin inkişafına, inklüzivliyin təşviqinə və yeni dostluqların qurulmasına mühüm töhfə verir.

27/06/2026

ASAN Xidmət könüllüləri Fərəh Sosial Təşəbbüs qrupunun kiçik üzvləri ilə bir araya gələrək onlarla səmimi və əyləncəli vaxt keçirdilər.
Xoş anlarla yadda qalan bu görüş balaca dostlarımız üçün unudulmaz xatirələr yaratdı. Dəstək və diqqətlərinə görə ASAN Xidmət könüllülərinə təşəkkür edirik!

27/06/2026

"Fərəh sosial təşəbbüs qrupu olaraq autizmli gənc Elvin Hüseynov üçün 3 ay müddətində ödənişsiz kompüter bilikləri kursu təşkil etdik. Elvin dərslərdə böyük həvəs və məsuliyyət nümayiş etdirərək proqramı uğurla başa vurdu. Kursun sonunda ona sertifikat təqdim edildi. İnanırıq ki, bilik və bacarıqlar hər bir insanın inkişafına və cəmiyyətə inteqrasiyasına yeni imkanlar açır. Elvinə gələcək həyatında yeni uğurlar arzulayırıq!"

25/06/2026