Şəmkir Rayon Mərkəzi Xəstəxanası

24/08/2026

24/08/2026

Şəmkir Rayon Mərkəzi Xəstəxanasında “Xəstəxanadaxili təmizliyin aparılma qaydaları” mövzusunda maarifləndirici tədbir keçirilib

Şəmkir Rayon Mərkəzi Xəstəxanasının Yoluxucu xəstəliklər şöbəsinin həkim-infeksionisti Misri Qasımova tərəfindən “Xəstəxanadaxili təmizliyin aparılma qaydaları” mövzusunda maarifləndirici tədbir keçirilib.

Təsərrüfat işçilərinin iştirak etdiyi tədbirdə xəstəxanadaxili təmizliyin düzgün və ardıcıl şəkildə aparılmasının, sanitariya-gigiyena qaydalarına riayət edilməsinin və infeksiyaların yayılmasının qarşısının alınmasında təmizliyin əhəmiyyəti barədə məlumat verilib.

İştirakçılara təmizlik zamanı istifadə olunan vasitələrin düzgün tətbiqi, səthlərin təmizlənməsi və dezinfeksiyası, həmçinin işçilərin şəxsi gigiyena qaydalarına əməl etməsinin vacibliyi izah olunub.

Maarifləndirici tədbirin əsas məqsədi xəstəxana mühitində təmizlik və infeksion təhlükəsizliyin təmin olunmasına töhfə verməkdir.

20/08/2026

Prezident İlham Əliyev Azərbaycanın görkəmli dövlət və elm xadimi Əziz Əliyevin 130 illiyinin qeyd edilməsi barədə Sərəncam imzalayıb

Daha ətraflı: https://president.az/az/articles/view/73301

20/08/2026

19/08/2026

Vətəndaş məmnuniyyətinin artırılması istiqamətində tədbirlər davam etdirilir.

Göstərilən xidmətlərlə bağlı rəy və təkliflərinizi tabeli tibb müəssisəsinin inzibati binasında yerləşdirilən QR kodu skan edərək bizimlə bölüşə bilərsiniz.

Sizin rəyləriniz xidmət keyfiyyətinin təkmilləşdirilməsi istiqamətində həyata keçirilən tədbirlərdə nəzərə alınır._

Rəyinizi bildirin, xidmətlərin inkişafına dəstək olun!

17/08/2026

👁️ Uşaqlarda göz sağlamlığı

Uşaqların sağlam böyüməsində görmə qabiliyyətinin normal inkişafı mühüm əhəmiyyət daşıyır. Görmə problemləri erkən yaşlarda aşkarlandıqda onların vaxtında qiymətləndirilməsi və müalicəsi daha effektiv ola bilər.
Valideynlər uşağın davranışındakı bəzi dəyişikliklərə diqqət yetirməlidirlər. Televizora və ya telefona həddindən artıq yaxın baxmaq, kitab oxuyarkən gözləri qıymaq, tez-tez gözlərini ovuşdurmaq, baş ağrısından şikayət etmək, yazı və oxu zamanı çətinlik çəkmək görmə ilə bağlı problemin əlaməti ola bilər.

Uşaqların göz sağlamlığının qorunması üçün ekran qarşısında keçirilən vaxtın yaşa uyğun şəkildə məhdudlaşdırılması, kifayət qədər fasilələrin verilməsi, düzgün işıqlandırmadan istifadə və mütəmadi göz müayinələri vacibdir.

Şəmkir Rayon Mərkəzi Xəstəxanasının həkim-oftalmoloqu İnci Cahangirova valideynlərə uşaqların görmə qabiliyyətinə diqqətlə yanaşmağı və hər hansı şübhəli əlamət müşahidə etdikdə vaxtında oftalmoloqa müraciət etməyi tövsiyə edir.

Sağlam gözlər – sağlam gələcəyin mühüm hissəsidir! 👁️