Rasazy Fy - Hebamme

09/09/2026

Hallo zusammen 🤗 Nahazo fanasana voalohany hifidy amin’ny «Landtagswahl»,izay toy ny Fifidianana Solombavambahoakam-paritra isakin’ny Faritra iray eto Allemagne ny tenako,izany hoe eto Berlin 🇩🇪

➡️ Naharesy tamin’ny vato 44% ny AFD tany amin‘ny faritra Sachsen-Anhalt, izay vondrona «extrême droite» na ilay antsoina hoe olona manana hevitra politika ankavanana tafahoatra izay mino fa ambony noho ny hafa ny fireneny na ny vahoakany,mankahala mpifindra monina,ary indraindray manohitra ny demokrasia. 🧐

➡️ Maro tamin’ireo mpifidy ny fitondrana ankehitriny,izany hoe ny CDU no nirona nifidy ny AFD satria leo ny fampanantenana pokaty sy fanabokana izay vinavinain’ny Filoha Merz ankehitriny toy ny:

✅ Fiakarany hetra sy ny assurance de maladie sns isankarazany
✅ Fiakaran’ny ora fiasana ary fihenan’ny «Arrêt maladie» ka mila taratasy avy amin’ny dokotera raha marary 1 andro monja raha 3 andro izany teo aloha
✅ Fanenana ny fepetra hijanonana ao antrano ho an’ny vehivavy avy teraka
✅ Fanaovana antsirambony ny mpiasan’ny fahasalamana

‼️ Mbola santionany ireo fa efa tena tofoka ny vahoaka

➡️ Betsaka ireo MPIVAHINY maka AFD no maneho hevitra fa ireo izay MPIVAHINY tsy ara-dàlana sy tsy miasa nefa mandray fanampiana avy amin’ny fanjakana no tena tsy mety amin’ny AFD nefa raha ny hevitro manokana dia TSIA,tsy misoratra eny amin’ny tapikandrinao mihintsy hoe ara-dàlana ianao fa amin’izy ireo ianao dia MPIVAHINY ary mety hiaran’ny fanavakavahambolonkoditra ianao na ara-moraly na ara-batana rehefa mihetsika ny lohany 😖

Ny handroaka MPIVAHINY iray manontolo aloha tsy ho tanteraka mihintsy satria ny mpiasa eto izay mampandeha ny toe-karena dia MPIVAHINY avokoa ❤️

Mbola betsaka ny tetikasan’izy ireo fa vao faritra iray aloha no nahazony vato maro ary betsaka no tsy mankasitraka azy saingy noho ny ataon’ny CDU ankehitriny dia mampisalasala ny toe-draharaha fa raha ho ahy manokana dia samy tsy mety amiko na CDU na AFD 🤭

Lasa mahaliana kokoa ny Politika rehefa voakasika ianao MPIVAHINY,eny na dia hoe manana Zom-pirenena ary 🇩🇪

🇲🇬 🇩🇪

07/09/2026

Hallo zusammen 🤗 Ity ny fatra azo ikontina ny Rononon’ny zaza isanandro hatramin’ny 6 mois.

💯 Ho an’ny Reny manome biberon no tena mety ity ahhh (ny biberons tsy votery hoe ronono amin’ny Boite fa na nonondreny ary dia mety).

1️⃣ Afaka tehirizina tsara ny Nonon-dreny:
✅ Atao amin’ny toerana tsy tazan’ny masoandro eo amin’ny adiny 4 eo
✅ Atao anaty Réfrigérateur 4*C eo hatramin’ny 2 andro eo.
✅ Ao anaty congélateur -18*C hatramin’ny 4 mois eo.
✅ Ao anaty congélateur -20*C hatramin’ny 12 mois eo.

📛 Ny ronono avy nalana tao anaty Frigo rehetra avy nafanaina ka tsy lany dia tsy maintsy arina avokoa adiny ray tao aorinan’ny nihinany azy fa makarary ny kibon’ilay olona kely. 📛

2️⃣ Ity kosa nefa misy fomba tsotra kely afaka ikajiana azy:
✅ Lanjan’ny Zaza ampitombona 150-180 ml izany hoe raha 3 kg ny Zaza dia lasa 3x150-180ml => 450 - 540 ml isanan‘andro , izany hoe 45ml - 55ml eo isakin’ny manome raha in-10 na 60ml-70 ml eo raha in-8. 🍼

Ary raha ilay olona kely mitady isakin‘ny mihetsika dia anjaranao no mikoty hoe firy no omena azy isakin’ny mitady izy mba hahafeno an‘ilay fatra isanandro. 👩🏽‍🍼

Tsy votery hitovy ny fatra lany isanandro fa rehefa salama sy mitombo ny zaza dia tsy olana 🤱🏻

Maroroa taiza oh!!! 🫶

🇲🇬 🇩🇪

05/09/2026

Hallo zusammen 🤗 hizara kely Tipps ho an’ireo eto Berlin na eto Allemagne aho, azo atao ny mi-Park mora eny akaikin’ny fiasana amin‘ny alalan’ny fangatahana «Ausnahmegenehmigung bzw. Sonderparkgenehmigung», eny ivelany kosa ilay mi-gare fa tsy any amin‘ny Parkhaus 🚗

Viel Spaß ❤️

🇲🇬 🇩🇪

05/09/2026

Tongava maro 👌

Faly izahay mizara aminareo fa Diaspora Malagasy Aktiv in Deutschland-DMAD e.V. dia anisan’ireo miara-dia sy manohana ny hetsika REVY MAHALEO :

📅 05 Décembre 2026
📍 Dream City – Winnenden
⏰ 21H15

👉 Jifao dieny izao ny tapakila ao amin'ny :

https://www.tapakilako.com/

Mankasitraka indrindra amin'ny fahatokisana sy ny fiaraha-mientana ary ny fanomezana lanja ny kolontsaina sy ny mozika Malagasy 🇲🇬.