Dr. Reem Reda

Dr. Reem Reda مدربة ومعالجة نفسية 🍀
التوازن النفسي يبدأ من فهم مشاعرك ودماغك وجسدك 🧠
خطوة بخطوة نحو توازن داخلي وراحة حقيقية 🤍

كتير منتردد نوصف حالنا بـ "واثقين"..خوفاً من إنو حدا يشوفنا "مغرورين". وهاد مو مجرد إحساس فردي...أبحاث بعلم النفس الاجتم...
26/09/2026

كتير منتردد نوصف حالنا بـ "واثقين"..
خوفاً من إنو حدا يشوفنا "مغرورين".

وهاد مو مجرد إحساس فردي...
أبحاث بعلم النفس الاجتماعي بتأكد إنو الخوف من "الترويج للذات" حقيقي وشائع جداً، وفي دراسات لقت إنو الناس بتبالغ بتخيّل قديه نجاحهم ممكن يزعج اللي حوليهم.

بس السؤال الحقيقي مو "هل أنا واثق؟"..
السؤال: كيف بتعرف إن ثقتك ماتحولت لغرور؟ 👇

#الغرور

23/09/2026

تعلمت التنفس، فهمت شو بيصير بجسمك... ليش نوبة الهلع بترجع؟ 🔁👇

هون بيدخل مفهوم مختلف تماماً: الاشتراط الداخلي (Interoceptive Conditioning) — دماغك بيربط بين إحساس جسدي بسيط (نبضة قلب سريعة، دوخة) وبين تجربة الذعر يلي عشتها، حتى لو السبب الحالي بريء تماماً (قهوة، طلوع درج، قلة نوم).

وهون بالذات بيكمن فخ التجنب: كل مرة بتتجنب موقف أو نشاط، دماغك بيفهم أنو كان فيه خطر فعلي، مشان هيك هربنا — وهيك الدائرة بتتقوّى بدل ما تضعف.

العلاج المعتمد لكسر هالحلقة "التعرّض الداخلي التدريجي" — تحت إشراف مختص، ليتعلم الجسم إنه الإحساس نفسه مالو خطر.

خود نَفَس 🤍 كل مرة بتفهم فيها اللي عم يصير، الخوف بيخسر جزء من قوته.

💬 شو أكتر نشاط بلشت تتجنبه خوفاً من إنو ترجعلك النوبة؟

#القلق

21/09/2026

"التنفّس" 🫁— حقيقة فسيولوجية قوية جداً 👇

جسمك فيه عصب طويل بيمتد من الدماغ لمعظم الأعضاء الداخلية، بيلعب دور "الفرامل" بالجهاز العصبي — وتفعيله ماله عشوائي، بيعتمد على نمط تنفس محدد.

الأبحاث حول تنظيم معدل ضربات القلب وثّقت إن إطالة الزفير تحديداً (أطول من الشهيق) هي يلي بترسل إشارة تهدئة فعلية للجهاز العصبي — لازم يكون بطيء ومتّزن.

والنتيجة مالها فورية — الجسم محتاج وقت يستوعب الإشارة ويبلش يصحح التغيّرات الكيميائية يلي صارت.

خود نَفَس 🤍 ولما تحس بالنعاس بعدها، هاد أسهل دليل على إنه جسمك بدأ يستعيد شعوره بالأمان فعلياً — والأفضل تستغل هاللحظة للراحة، ولا تقاوم.

💬 جربتوا تقنيات التنفس من قبل؟ شو أكتر إيقاع تحكم حسيتوه أجدى معكم؟

#القلق

19/09/2026

دوخة، تنميل، ضيق نفس، وغيرها... حسّيتها وفكرت بمشكلة قلبية؟👇 الموضوع كيمياء

الفسيولوجيا موثّقة بدقة: لما تتنفس بسرعة أكتر من اللازم، جسمك بيخسر ثاني أكسيد الكربون بمعدل أسرع من إنتاجه — وهالتغيّر بيرفع درجة حموضة الدم (حالة اسمها القلونة التنفسية).

وهالتغيّر البسيط بالحموضة بيأثر مباشرة على طريقة ارتباط الكالسيوم بالبروتينات بجسمك — وهاد بالضبط سبب التنميل. وبنفس الوقت، انخفاض ثاني أكسيد الكربون بيضيّق الأوعية الدموية بالدماغ مؤقتاً، وهاد سبب الدوخة.

يعني الجسم عم بيمر بتفاعل كيميائي مؤقت وقابل للانعكاس بالكامل.

خُود نَفَس 🤍

💬 شو أكتر عرض خوّفك وانت ما كنت تعرف مصدره؟

#القلق

16/09/2026

قلبك دق بسرعة ... وما كان في أي خطر. يا ترى ليش؟ 👇

الجواب موجود بمسار عصبي درسه الباحث جوزيف ليدو بالتفصيل: إشارات الخطر بتوصل لمنطقة الأميغدالا عن "طريق سريع" قبل ما توصل حتى للقشرة الدماغية المسؤولة عن التفكير المنطقي والتقييم الواعي للموقف.🧠

يعني جسمك عم يتفاعل مع "خطر محتمل" قبل ما عقلك الواعي يلحق يفهم شو عم يصير، لأنه مبني تطورياً يفضّل السلامة على الدقة: "أفضل جرس إنذار كاذب من خطر حقيقي يفوتني".

والمشكلة لما يصير هالجرس حساس أكثرمن اللازم.

خود نَفَس 🤍 جسمك بحياته ما كان ضدك، هو بس عم يحاول يحميك زيادة عن اللزوم.

💬 شو أكتر موقف حسّيت فيه إن جسمك "بالغ" برد فعله؟

#القلق

14/09/2026

بتعتذر حتى لو ما غلطت، وبتوافق حتى لو ما بدك، وبتحمل فوق طاقتك... بس لأن كلمة «لأ» بتخليك تحس بالذنب.

بعلم النفس، التمايز الذاتي يعني تحافظ على احتياجاتك ومواقفك بدون ما تذوب بمشاعر وتوقعات اللي حولك. والأبحاث بتشير إن التمايز الأعلى مرتبط بصحة نفسية أفضل، بينما انخفاضه مرتبط بقلق ومشكلات جسدية أكثر.

خود نفس… 🕊️ يمكن أول حدود حقيقية بتحطها بحياتك... هي إنك تكون صادق مع احتياجاتك. 🌿

💬 شاركوني بالتعليقات: شو أكتر موقف بتحسوا فيه إن كلمة «لأ» صعبة عليكم؟

هل تجد صعوبة في قول لا؟ شاركنا في التعليقات كيف تحاول التغلب على هذا الشعور؟👇
12/09/2026

هل تجد صعوبة في قول لا؟
شاركنا في التعليقات كيف تحاول التغلب على هذا الشعور؟👇

بتعرف إنك لازم تبدأ… بس كل مرة بتأجّل؟يمكن قبل ما تلوم حالك، لازم تفهم شو عم يصير جواتك.أحياناً التأجيل مو مجرد كسل… وفه...
09/09/2026

بتعرف إنك لازم تبدأ… بس كل مرة بتأجّل؟
يمكن قبل ما تلوم حالك، لازم تفهم شو عم يصير جواتك.
أحياناً التأجيل مو مجرد كسل… وفهم السبب هو أول خطوة للتغيير. 🌿
وانت شو بتتوقع سبب تأجيل الأشياء المهمة بالنسبة إلك؟ احكيلنا بالتعليقات 👇
#التسويف

"بكرا لح بلّش…"أشهر جملة منعرفها كلنا 👀ريجيم، رياضة، دراسة…وبيجي بكرا ولساتك مكانك؟أنت من هالناس؟ خبرنا بالتعليقات👇 ...
07/09/2026

"بكرا لح بلّش…"
أشهر جملة منعرفها كلنا 👀
ريجيم، رياضة، دراسة…
وبيجي بكرا ولساتك مكانك؟
أنت من هالناس؟ خبرنا بالتعليقات👇

05/09/2026

اديش في أشياء جواتنا تعوّدنا عليها… بدل ما نفهمها
منكمّل حياتنا بشكل طبيعي…
منضحك، منشتغل، منحب، ومننجز…
بس جواتنا في شي عم يطلب منّا نوقف ونفهمه.

مشاعر متراكمة، أفكار عم تتكرر، علاقات عم تستنزفنا…
وخوف، قلق أو ثِقل ما منعرف من وين بلّش.

ومن هون بتبلّش رحلتنا…
مو لنصير كاملين، بل لنفهم حالنا أكتر، ونبني علاقة أهدى وأصدق مع أنفسنا ومع الحياة. 🤍

مع «خود نفس»…
في سعي للوعي، مو للكمال. 🌿

أهلًا فيكم بمساحتنا. 🤍

Adresse

Berlin

Website

Benachrichtigungen

Erfahren Sie als Erste/r von Neuigkeiten und Aktionen: Wir schicken Ihnen eine E-Mail, wenn Dr. Reem Reda etwas veröffentlicht. Ihre E-Mail-Adresse wird für keinen anderen Zweck verwendet, und Sie können sich jederzeit abmelden.

Verknüpfungen

Teilen

Kategorie