Cabinet médical de Neurologie Dr A SAÂDI

15/06/2026

15/06/2026

للإستفادة

💔 حد عزيز عليك بدأ ينسى… قولت ده كبر سن
لحد ما نزل ومبقاش عارف يرجع

كتير من الناس فاكرة إن الخرف (Dementia) مجرد نسيان…

🧠 الحقيقة إن الخرف مش مرض واحد، لكنه متلازمة ناتجة عن تدهور تدريجي في خلايا المخ بسبب أسباب مختلفة وبتأثر على الذاكرة + التفكير + الحكم على الأمور + اللغة + السلوك.

📊 أهم أنواعه:
1️⃣ ألزهايمر (الأكثر شيوعًا)
2️⃣ الخرف الوعائي (بعد جلطات صغيرة/ضعف الدورة الدموية)
3️⃣ خرف أجسام ليوي (Lewy bodies) وغالبًا بيكون مصحوب بالشلل الرعاش
4️⃣ الخرف الجبهي الصدغي (Frontotemporal dementia)

⚠️ العلامات اللي لازم ناخد بالنا منها:
👈 نسيان أحداث قريبة بشكل متكرر
👈 تكرار نفس الأسئلة أو القصص
👈 فقدان الاتجاه في أماكن مألوفة
👈 ضعف الحكم على الأمور
👈 صعوبة في التخطيط أو إدارة المهام اليومية
👈 مشاكل في اللغة أو إيجاد الكلمات
👈 تغيّر واضح في الشخصية (عصبية/انسحاب/لامبالاة)

📌 مهم تعرف إن الخرف غالبًا:
🧠 بيبدأ تدريجي جدًا
📉 بيزيد مع الوقت
🏠 وبيأثر في النهاية على الاستقلالية والقدرة على إدارة الحياة اليومية

📌في أسباب كتير قابلة للعلاج ممكن تعمل نفس الاعراض :
🔹 الاكتئاب
🔹 نقص الفيتامينات
🔹 اضطرابات الغدة الدرقية
🔹 اضطرابات النوم
🔹 تأثير بعض الأدوية

🚨 لو لاحظت الأعراض دي بتتكرر وبتزيد مع الوقت عند حد قريب منك، التقييم المبكر مهم جدًا لأنه بيفرق في التشخيص والعلاج

👇اعمل شير للبوست أو منشن لحد عنده أب أو أم أو جد أو جدة كبار في السن👇

#الذاكرة

28/05/2026

🕋اتخاذ خيارات واعية بشأن ما تأكله وتشربه يُعد من وسائل حماية صحتك أثناء موسم #الحج.
وللحد من خطر الأمراض التي تنتقل عن طريق الأغذية والمياه، اتبع هذه النصائح البسيطة والمهمة:

🧼اغسل يديك قبل الأكل وبعده، وبعد استخدام المراحيض، وبعد لمس الحيوانات
🥗اغسل الفواكه والخضروات جيدًا بماء نظيف
🔥اطه الطعام جيدًا واحفظ الطعام القابل للتلف في درجات حرارة آمنة (أقل من 5 درجات مئوية)
🍽️احفظ الأطعمة القابلة للتلف في الثلاجة بشكل صحيح
🥛تَجَنَّب الحليب ومنتجات الألبان غير المبسترة، واللحوم والدواجن والأسماك والبيض غير المطهية جيدًا
التعامل الآمن مع ما تستهلكه ضروري للوقاية من الأمراض المنقولة بالأغذية والمياه، ويساعد على الحفاظ على صحتك طوال موسم الحج.

نتمنى لك رحلة صحية آمنة مباركة.

وزارة الصحة الليبية
المركز الوطني لمكافحة الأمراض _ ليبيا

28/05/2026

قبل الدبح لازم تقرأ البوست ده
القواعد العشرة للأضحية 🐑❤️

1️⃣ ما تشتكيش من سعر الأضحية
ما هو لله… وربنا مش محتاج فلوسك ولا محتاج أضحيتك.
﴿لن ينال الله لحومها ولا دماؤها ولكن يناله التقوى منكم﴾
أبسط معنى للتقوى إنك تبقى فرحان إنك بتعمل حاجة لوجه الله… مش متضايق منها.😏

2️⃣ لو إنت بتاكل لحمة طول السنة
فمش لازم تتمسك بفكرة التلت والتلت والتلت بشكل حرفي.
ممكن تطلع الأضحية كلها لله، وتسيب لبيتك حاجات تانية كتير ربنا رزقك بيها طول السنة.🙏

3️⃣ لو هتعمل تلت وتلت وتلت… اعملها بالعدل
بلاش يبقى تلت البيت أحسن حتت، وتلت الفقراء عضم ودهون وكرشة وجلد.
الفقير من حقه ياكل لحمة حمراء نضيفة زيك بالضبط.

4️⃣ وإنت بتوزع… افتكر المتعففين
الناس اللي “يحسبهم الجاهل أغنياء من التعفف”.
واهتم بيهم أكتر من محترفي تجميع اللحوم اللي بيلفوا على المجازر طول اليوم.

5️⃣ ما تتخسرش في الجزار
زي ما بتطلب من ربنا الكرم والسعة… خليك كريم مع الناس في شغلها وتعبها و ماتفاصلش في تفاهات.

6️⃣ افتكر إن فكرة الأضحية أصلها كانت فداء لسيدنا إسماعيل
تخيل سيدنا إبراهيم وهو بيتلقى أصعب أمر ممكن إنسان يتخيله… إنه يذبح ابنه.
الفكرة أصلها تسليم وطاعة وثقة في ربنا… مش مجرد ذبح وخلاص.😍

7️⃣ الرحمة جزء من العبادة
ما تذبحش قدام أضحية تانية، وما تخليش الموضوع منظر قسوة أو رعب للأطفال.
حتى في الذبح… ربنا كتب الإحسان.❤️

8️⃣ ما تحولش الأضحية لاستعراض
مش لازم كل حاجة تتصور: السعر، الوزن، كمية اللحمة، وعدد العجول. بلاش سيلفي العجل ابوس ايدك.
اللي بينك وبين ربنا…الرياء أخفي من دبيب النمل

9️⃣ بعد الذبح نظّف مكانك كويس، وما تسيبش دم ومخلفات وريحه تضايق الناس.

🔟 الأضحية مش لحمة وبس
الأضحية معناها إنك تتعلم الطاعة، والرحمة، والكرم، والتسليم لله…لو المعاني دي ما وصلتش لقلبك، يبقى اللي نابك منها ريش و بيت كلاوي

كل سنه و انتم طيبين و بخير
و انتظروا البوست القادم قواعد "الفته" العشرة 😂

28/05/2026

16/05/2026

🚨 “لو فاكر إن التصلب المتعدد نوع واحد… فده مش صح!”

🧠 كل مريض MS مش زي التاني…لأن المرض نفسه له أشكال مختلفة و ده بيفرق في الأعراض وطريقة تطوره و خطه العلاج

🔴 1. النوع الانتكاسي الهادي الجميل (Relapsing-Remitting MS – RRMS)
ده أشهر نوع (حوالي 80–85% من الحالات)

📌 بيتميز بـ:
* هجمات (Relapses) تظهر فجأة وبعدها تحسن جزئي أو كامل و بعدها فتره استقرار و هدوء و هكذا…..

🔴 2. النوع الثانوي التقدمي (Secondary Progressive MS – SPMS)
📌 بيبدأ غالبًا بعد سنوات من النوع الانتكاسي و لكن مش لكل الحالات
* بيحصل تدهور تدريجي مستمر مع أو بدون هجمات

🔴 3. النوع الأولي المتقدم (Primary Progressive MS – PPMS)
أقل شيوعًا (حوالي 10–15%)
* مفيش هجمات واضحة
* لكن في تدهور تدريجي من البداية جدا و غالبًا بتكون في الحركة و المشي
* و نادرا لما يكون التدهور مع هجمات شديده

⚠️ مهم جدًا تفهم :
النوع مش ثابت عند كل المرضى
و خطه العلاج مختلفة

💬“لو عايز تفهم أكتر عن MS وتأثيره على الجسم… اكتب سؤالك في الكومنتات

10/04/2026

نعلم السادة و السيدات الكرام أن العيادة مغلقة ليوم السبت 11 أفريل على أن نستأنف العمل يوم الأحد بإذن الله

20/03/2026

عيد مبارك سعيد على كل الأمة الإسلامية