Ask Dr Noor

Site Web

Ask Dr Noor طبيبة في الطب العام و الاستعجالات
أم لطفلين 👧🏼👦🏻
اقدم محتوى طبي توعوي لصحة طفلك و كل العائلة
بطريقة مبسطة 😊

19/09/2026

كيفاش اسمو البطل أو الكتكوتة لي عندها دخول مدرسي و راكي فرحانة كثر عليه او عليها ☺️

19/09/2026

السكري عند الأطفال ولى آفة صحية كبيرة، ولازم نحمي ولادنا منه قدر الإمكان.

إذا كانوا ولادك صغار، ابدئي من الآن وربّيهم على عادات صحية: أكل متوازن، حركة يومية، ونمط حياة مليح. وإذا كانوا أكبر وبدأوا يدخلوا للمدرسة، حتى هوما لازم يدخلوا بهذه العادات الصحية.

العادات اللي يترباو عليها اليوم، راح تحمي صحتهم غدًا، وتقلل من خطر الإصابة بأمراض كثيرة، منها السكري من النوع الثاني.

18/09/2026

إذا تعرف ماما ولا بابا عندهم أطفال، ابعثلهملهم هاد الفيديو.

ولّينا نشوفو في السنوات الأخيرة حالات أكثر من السكري من النوع الأول عند الأطفال. والشيء المهم لي لازم كامل يعرفوه: هذا المرض ما يجيش لأن الطفل ياكل السكر بزاف، وما عندوش علاقة مباشرة بالنظام الغذائي.

الأسباب الحقيقية مازال البحث العلمي يدرسها، لكن نعرفو باللي المرض ينتج عن تفاعل بين استعداد وراثي وعوامل بيئية ممكن تحفّز جهاز المناعة يهاجم الخلايا المنتجة للأنسولين.

الأعراض لي لازم ما تتفوتش:
• عطش شديد وغير عادي.
• تبول بكثرة، حتى عند طفل كان حابس البول بالليل.
• نقص في الوزن رغم أنه ياكل.
• تعب وخمول.
• جوع مستمر.
• وفي الحالات المتقدمة: قيء، آلام في البطن، تنفس سريع أو رائحة النفس تشبه الفواكه، وهذي حالة استعجالية.

إذا شفت هاد العلامات، لازم التوجه للطبيب أو للاستعجالات في أقرب وقت، لأن التشخيص المبكر يحمي الطفل من مضاعفات خطيرة. #بيبي

16/09/2026

لكن حابة التحاليل اكتبيلي في التعليقات، وقوليلي الأعراض اللي راكي حاسة بيهم مبعد الولادة. ❤️

كأم و طبيبة نعرف بلي راكي تعطي كل طاقتك لولادك، تسهري، تتعبي، وتنسي روحك… بصح صحتك مهمة وما لازمش تهمليها.

التعب المستمر، فقدان الطاقة، الدوخة، تساقط الشعر، الخفقان، الإحساس بالبرد، تقلبات المزاج… ماشي ديما سببهم قلة النوم فقط.

كاين أسباب طبية نقدروا نكشفو عليها بتحليل دم بسيط، منها:
🔹 فقر الدم بسبب نقص الحديد (anémie ferriprive)
🔹 قصور الغدة الدرقية (hypothyroïdie)
🔹 مرض السكري
🔹 نقص فيتامين D
و الاكتآب ما بعد الولادة
حضرتلكم bilan بسيط تقدروا تاخذوه وتشوفوا بيه الطبيب باش يوجهكم حسب حالتكم.

ما تستنايش حتى يطيح جسمك باش تهتمي بروحك… الأم لي تهتم بصحتها راهي تهتم بولادها ❤️

ديري صحتك من الأولويات، لأنك تستاهلي تكوني بخير.

16/09/2026

طفيتو الكليماتيزور
ولا مزال؟🤔
التهوية ثم التهوية

16/09/2026

أحوال الاسعجالات‼️ فيروس التهاب السحايا la meningite راهو بقوة. 6 حالات إيجابية في 24 ساعة.الأعراض و طريقة الوقاية في التعليقات

واش الحاجة اللولة لي يديرها وليدك ولا بنتك كي يروحو للدار!!! كي يروح وليدك من الكراش ولا الحضانة:* انحيولو الصباط قبل ما...
15/09/2026

واش الحاجة اللولة لي يديرها وليدك ولا بنتك كي يروحو للدار!!!
كي يروح وليدك من الكراش ولا الحضانة:

* انحيولو الصباط قبل ما يدخل للدار.
* بدّليلو حوايجو.
* خليه يغسل يديه ووجهه مليح.
* بخّيلو سيروم فيزيولوجي في نيفو.
* وفرشيلو سنيه.

عادات بسيطة تنقص من انتقال الفيروسات والجراثيم داخل الدار.

13/09/2026

إذا تعرفي ماما حابة تدير ليساج لبنتها الصغيرة، ابعثيلها هاد الفيديو. ❤️

ربيوا بناتكم يحبّو رواحهم قبل ما يبدلو رواحهم.

الشعر الكيرلي ماشي عيب، وماشي لازم يتبدل باش تكون البنت “زوينة”. 💛

استعمال الفير على شعر البنات الصغار بشكل متكرر يقدر يضرّ الشعر، وبالنسبة للمراهقات، لازم يعرفو بلي بعض منتجات الليساج البرازيلي أو الكيراتين تقدر تحتوي على الفورمالديهايد، وهي مادة قد تكون خطيرة خاصة مع الاستعمال المتكرر.

الأهم من الشعر… هو الشخصية.

علّموا بناتكم يفتخرو بشكلهم، يجاوبو على التنمر بالثقة، وما يخلوش رأي الناس يغيّر نظرتهم لأنفسهم.

كل بنت تستحق تكبر وهي مقتنعة بلي جمالها الطبيعي كافي. 🌸

واش رايكم؟ نعلّموا بناتنا يبدلو شعرهم… ولا نعلّموهم يحبّو رواحهم؟

بنات الجزائر

🚨 تحسي بألم قوي تحت البطن وبين الفخذين وتخافي يكون من البيبي؟ في كثير من الحالات، السبب ما يكونش البيبي أصلاً.أثناء الحم...
10/09/2026

🚨 تحسي بألم قوي تحت البطن وبين الفخذين وتخافي يكون من البيبي؟ في كثير من الحالات، السبب ما يكونش البيبي أصلاً.

أثناء الحمل، هرمونات الحمل تخلي الأربطة والمفاصل أكثر ليونة، خاصة مفصل عظم العانة (Symphyse pubienne). لهذا كثير من الحوامل يحسّوا بألم في منطقة الحوض، خصوصًا عند المشي، تقليب الجسم في السرير، أو طلوع الدرج.

وهذا ما يعنيش بالضرورة أن كاين مشكل في الحمل.

بالعكس، هذي آلية طبيعية خلقها الله باش يتوسع الحوض شوية ويسهّل مرور الجنين أثناء الولادة، ويقلل من خطر التمزقات والإصابات.

🌸 الخبر المطمئن:
بعد الولادة، ومع انخفاض هرمونات الحمل تدريجيًا، يرجع هذا المفصل لطبيعته عند أغلب النساء، وتخف الآلام مع الوقت.

⚠️ لكن إذا كان الألم شديد جدًا، أو يمنعك من المشي، أو صاحبه نزيف، تقلصات منتظمة، أو خروج سائل، لازم تراجعي طبيبك أو تستشيري قسم الاستعجالات.

💬 هل حسّيتي بهذا الألم أثناء حملك؟ في أي شهر بدأ معك؟ شاركيني تجربتك في التعليقات، ويمكن منشور اليوم يطمّن أمًا كانت قلقة.

Adresse

Algiers

Site Web

Notifications

Soyez le premier à savoir et laissez-nous vous envoyer un courriel lorsque Ask Dr Noor publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Catégorie