Dr Sedrati Larem cabinet d'endocrinologie diabetologie

09/09/2026

دقيقة غدد : مازلت تحسي بالتعب رغم علاج قصور الغدة؟
إذا كنتي تاخذي علاج الغدة بانتظام،
تحاليل TSH و FT4 مليحة،
وبصح مازلتي تحسي بـ:
😴 التعب ونقص الطاقة
🧠 صعوبة في التركيز أو «الضبابية»
💤 النعاس أو النوم غير المريح
💇‍♀️ تساقط الشعر
😔 نقص النشاط والمزاج
ماشي بالضرورة معناها بلي جرعة دواء الغدة ناقصة!
🔎 التعب يقدر يكون عندو أسباب أخرى، مثلاً:
• نقص الحديد أو فقر الدم
• نقص بعض الفيتامينات
• قلة النوم أو اضطرابات النوم
• الضغط النفسي والإرهاق
• اضطراب سكر الدم
• وأحياناً أسباب أخرى تحتاج تقييم طبي.

✨ المهم: ما تزيديش جرعة دواء الغدة من تلقاء نفسك الأفضل نبحثو على السبب الحقيقي للتعب بعد التأكد من توازن الغدة
💡 دقيقة غدد: معلومة بسيطة... لصحة أفضل.
Dr L SEDRATI د
طب الغدد الصماء و السكري
📍 العنوان: باش جراح (Bachdjarah)

📞 للحجز والاستفسار: 0555129578 / 0781557999

07/09/2026

دقيقة غدد :ما هي أعراض قصور الغدة الدرقية؟
قصور الغدة الدرقية يعني أن الغدة ما تخدمش بالقدر الكافي، وهذا يقدر يأثر على بزاف وظائف في الجسم.

من الأعراض اللي ممكن نشوفوها:
😴 تعب وخمول مستمر حتى مع النوم الكافي.
🥶 الإحساس بالبرد بزاف حتى كي الناس الآخرين ما يحسوش بالبرد.
⚖️ زيادة في الوزن أو صعوبة في إنقاصه.
🧴 جفاف البشرة وتساقط الشعر
💩 الإمساك
🧠 نقص التركيز والنسيان
💓 بطء في دقات القلب
😔 تغيرات في المزاج أو الشعور بالاكتئاب

⚠️ مهم: وجود عرض واحد أو أكثر ما يعنيش بالضرورة أنك تعاني من قصور الغدة الدرقية.
التشخيص ما يكونش بالأعراض فقط، وإنما بالفحص الطبي وتحاليل الغدة الدرقية.
💡 دقيقة غدد: معلومة بسيطة... لصحة أفضل.
Dr L SEDRATI د
طب الغدد الصماء و السكري
📍 العنوان: باش جراح (Bachdjarah)

📞 للحجز والاستفسار: 0555129578 / 0781557999

30/08/2026

دقيقة غدد :  🌿 هل الأعشاب مثل القرفة والشيح تخفض نسبة السكر في الدم؟ 
بزاف نسمعو بلي القرفة، الشيح وبعض الأعشاب يقدرو يهبطو نسبة السكر فالدم… بصح هل هذا صحيح؟
🔸 كاين بعض الدراسات لي قالت بلي بعض النباتات ممكن يكون عندها تأثير على السكر، بصح هاد التأثير مازال ماشي واضح  غير ثابت وما يكفيش باش نعتابرو الأعشاب علاج للسكري.
⚠️ المشكل ماشي فـ كاس تيزانة من وقت لوقت، المشكل كي الواحد يبدا يشرب الأعشاب بكميات كبيرة ولا يديرها مركزة باش يهبط السكر.
وخاصة المرضى لي يستعملو:
💉 الأنسولين او 💊 أدوية تهبط السكر
لأن الجمع بينهم وبين بعض الأعشاب بكمية كبيرة ممكن يسبب هبوط مفاجئ فالسكر (Hypoglycémie).
✅ تقدر تشرب كأس تيزانة بلا سكر ومن وقت لوقت، بصح:
❌ الأعشاب ما تعوضش العلاج
❌ ما توقفش ولا تنقص جرعة الأنسولين وحدك
❌ ما تستعملش وصفات أعشاب مركزة بهدف تهبيط السكر بلا استشارة الطبيب
📌 كون الحاجة طبيعية ما يعنيش بالضرورة أنها آمنة في كل الحالات!
🩺 العلاج والمتابعة الطبية يبقاو هما الأساس للتحكم الجيد فالسكري.
Dr L SEDRATI د
طب الغدد الصماء و السكري
📍 العنوان: باش جراح (Bachdjarah)

📞 للحجز والاستفسار: 0555129578 / 0781557999

27/08/2026

دقيقة غدد : هل السكر هو السبب الوحيد في السكري؟
بزاف ناس يحسبو باللي السكري يجي غير كي نكثرو من أكل الحلو! 🍬

الحقيقة العلمية: أكل السكر وحدو ماشي هو السبب المباشر، كاين عوامل كثيرة متداخلة هي اللي تسبب المرض.

🔹 أنواع السكري والأسباب الحقيقية:

السكري من النوع 1: يجي بسبب خلل في المناعة (الجهاز المناعي يهاجم خلايا البنكرياس)، وما عندوش علاقة بأكل السكريات أو نمط الحياة.

السكري من النوع 2 (الأكثر انتشاراً): يجي بسبب مقاومة الأنسولين، وين العوامل التالية تلعب دور كبير:

🧬 الوراثة والجينات: إذا كاين شكون في العائلة مريض (الوالدين أو الإخوة).

⚖️ السمنة وتراكم الدهون: خاصة دهون البطن (الكرش) اللي تمنع الأنسولين يخدم خدمتو.

🚶‍♂️ نقص الحركة والرياضة: خمول الجسم يقلل من حرق السكر في الدم.

🧠 الستريس والقلق المستمر: يفرز هرمونات تطلع نسبة السكر في الدم (مثل الكورتيزول).

😴 قلة النوم والسهر: تخربط هرمونات الجسم وتزيد مقاومة الأنسولين.

💡 نصيحة دقيقة صحّة:
الوقاية من السكري (النوع 2) ما تكونش غير بنقصان السكر، بل بتبني نمط حياة صحي كامل: امشي 30 دقيقة يومياً، نقص وزنك، كل أكل متوازن، ونقص من القلق والستريس.

🩺 عندك استفسار أو حاب تدير فحص؟

Dr L SEDRATI
طب الغدد الصماء و السكري
📍 العنوان: باش جراح (Bachdjarah)

📞 للحجز والاستفسار: 0555129578 / 0781557999

24/08/2026

صحة مولودكم وكل عام وأنتم بخير.
نعرفو باللي في المولد العائلة تتلم على الرشتة، الشخشوخة،الكسكس  والطمينة الحلوة 🍯... لكن بالنسبة لمريض السكري، كيفاش يفوت هذه المناسبة بلا ما يطلع السكر؟
💡 نصائح بسيطة لدقيقة صحّة:
1️⃣ الأطباق التقليدية (رشتة / شخشوخة):
كول كمية متوسطة (طبسي صغير)، وكثر من الخضرة واللحم او الدجاج، وابدأ بيهم قبل العجين.

2️⃣ الطمينة والحلويات:
الطمينة فيها العسل والزبدة وتطلع السكر بسرعة! خذ مغرفة أو زوج صغار فقط للضيافة والتذوق، وما تأكلهاش على الريق.

3️⃣ الحركة والماء:
اشرب الماء مليح، وبعد العشاء ادير دورة خفيفة وتمشى 15 إلى 20 دقيقة باش تساعد جسمك يحرق السكر.

4️⃣ قيس السكر تاعك:
ما تنساش تقيس السكر ساعتين بعد العشاء باش تطمئن على صحتك.
Dr L SEDRATI
طب الغدد الصماء و السكري
📍 العيادة: باش جراح - Bachdjarah
📞 للحجز والاستفسار: 0555129578 / 0781557999

23/08/2026

🩺 دقيقة غدد مع د. L. Sedrati
مرحبًا بكم في صفحتي الطبية
من خلال هذه الصفحة، سأشارك معكم بشكل دوري معلومات طبية مبسطة وموثوقة حول:
🩸 السكري
🦋 الغدة الدرقية وجارات الدرقية
⚖️ السمنة واضطرابات الوزن
اضطرابات الدهون ( الكوليسترول و الدهون الثلاثية)
🌸 الاضطرابات الهرمونية عند المرأة
🧬 اضطرابات الغدد النخامية ، الكظرية و التناسلية
النمو والبلوغ
وغيرها من المواضيع التي تهم صحتكم.
هدفي أن نجعل المعلومة الطبية أبسط، أوضح، وأقرب إليكم، وأساعدكم على فهم أجسامهم والاهتمام بصحتكم بشكل افضل.
تابعوني في سلسلة «دقيقة غدد» 🩺
وفي كل مرة… معلومة صغيرة قد تصنع فرقًا كبيرًا 🤍
د. L. SEDRATI
طب الغدد الصماء والسكري
📍 Bachdjarah
#السكري #الصحة

17/08/2026

09/08/2026

✨ افتتاح عيادة طب الغدد الصماء والسكري ✨
بسم الله، وعلى بركة الله، نعلن عن الافتتاح الرسمي لعيادتي المتخصصة في طب الغدد الصماء والسكري.
📅 ابتداءً من 10 أوت 2026
يسعدني أن أشارككم هذه الخطوة، وأن أضع خبرتي وتخصصي في خدمتكم، متمنيةً أن تكون هذه العيادة فضاءً للرعاية، الإصغاء والمتابعة الطبية.
🎁 وبمناسبة الافتتاح، ستكون الاستشارة الطبية مجانية في اليوم الأول.
🩺 مجالات التكفل:
• داء السكري من النوع الأول والثاني
• سكري الحمل واضطرابات الهرمونات أثناء الحمل
• أمراض الغدة الدرقية وجارات الدرقية، مع إجراء الإيكوغرافي للغدة الدرقية
• اضطرابات الغدة النخامية، والغدد الكظرية والتناسلية
• متلازمة تكيس المبايض والشعرالزائد
• اضطرابات النمو والبلوغ
• اضطرابات الدهون في الدم والسمنة
📍 Cabinet d’Endocrinologie & Diabétologie – Bachdjarah
📞 للاستفسار وحجز المواعيد:
0555 12 95 79 / 0781 55 79 99
💬 WhatsApp: 0555 12 95 78
🕐 أيام العمل: من السبت إلى الخميس
⏰ من 08:30 إلى 15:30
📍 الموقع:
https://maps.app.goo.gl/QtyBXGCdiHACA5fB7?g_st=ac
ــــــــــــــــــــــــــــــــــــ
✨ Ouverture officielle du Cabinet d’Endocrinologie & Diabétologie ✨
C’est avec une grande joie que je vous annonce l’ouverture officielle de mon cabinet spécialisé en Endocrinologie et Diabétologie.
📅 À partir du 10 août 2026
Une nouvelle étape qui représente l’aboutissement d’un long parcours, et surtout le début d’une nouvelle aventure professionnelle au service de votre santé, avec écoute, accompagnement et suivi personnalisé.
🎁 À l’occasion de l’ouverture, la consultation sera gratuite durant la première journée.
🩺 Principales prises en charge :
• Diabète de type 1 et de type 2
• Diabète gestationnel et troubles hormonaux durant la grossesse
• Pathologies thyroïdiennes et parathyroïdiennes, avec échographie thyroïdienne
• Troubles hormonaux de l’hypophyse, des glandes surrénales et des gonades
• Syndrome des ovaires polykystiques (SOPK) et hirsutisme
• Troubles de la croissance et de la puberté
• Dyslipidémies et obésité
📍 Cabinet d’Endocrinologie & Diabétologie – Bachdjarah
📞 Pour toute information et prise de rendez-vous :
0555 12 95 79 / 0781 55 79 99
💬 WhatsApp : 0555 12 95 78
🕐 Jours de consultation : du samedi au jeudi
⏰ De 08h30 à 15h30
📍 Localisation :
https://maps.app.goo.gl/QtyBXGCdiHACA5fB7?g_st=ac
🤍 Bienvenue dans votre cabinet, où chaque patient est au cœur de notre attention.