> 🦷 Your Smile, Our Priority!
🧘♀️ نصائح لأسلوب حياة صحي متكامل
📩 اسألنا وسنكون هنا للمساعدة!
03/09/2025
كاين بزاف ناس بعد ما تغسل الأسنان تاعها تلقاها مضمضة فمها الف مرة و شربت الماء الفين مرة.
▫️كيما نعرفو معجون الأسنان فيه مادة الفلوريد
لي خدمتها هي وقاية الأسنان من النخر و التسوس
الطريقة الصحيحة هي انك تبزق هذيك الرغوة و خلاص ماتزيدش تمضمض فمك ولا تشرب الماء وراها ( كشغل لازم يبقى هذاك الذوق تاع معجون الأسنان)
و هكذا راح تستفاد من مادة الفلورايد
01/09/2025
كاين بزاف من النساء اللي يعانو من ألم في الأسنان أو اللثة في فترة الدورة الشهرية، وهذا شيء طبيعي. السبب هو الهرمونات اللي ترتفع في هذيك الفترة، خاصة هرمون البروجستيرون، اللي يسبب تدفق أكبر للدم في اللثة والأعصاب، وهذا يخليها حساسة أكثر.
وش راح يصرا بالضبط؟
الهرمونات الزايدة تسبب انتفاخ في اللثة، وتولي أكثر عرضة للتورم والألم. كمان الأعصاب في الأسنان تولي حساسة بزاف، وتزيد الألم.
وش تقدر تديري باش تخففي الألم؟
1. خذي فيتامينات: فيتامين B مفيد بزاف لأنه يقوي الأعصاب ويساعد اللثة تبقى في صحة جيدة.
2. نظافة الفم والأسنان: لازم تغسلي أسنانك بانتظام، لكن خلي الفرشاة تكون ناعمة باش ما تجرحيش اللثة.
3. شربي الماء بكثرة: الماء يساعد على ترطيب الجسم ويخفف من التورم.
4. استعمال غسول الفم: غسول يحتوي على مواد مضادة للبكتيريا يساعد في الحفاظ على صحة اللثة.
متى لازم تروحي لطبيب الأسنان؟
إذا استمر الألم بعد ما تكملي الدورة الشهرية، أو إذا كان الألم قوي بزاف، لازم تروحي لطبيب الأسنان باش يشوف السبب ويعطيك العلاج المناسب.
31/08/2025
💔 لاحظت أن تسوّس الأسنان اللبنية عند الأطفال ولى مشكل منتشر بزاف
كاين ناس بزاف يظنّو بلي ما كاش حتى ضرورة نعالجو الأسنان اللبنية، على خاطرها "راح تطيح وتتبدل بأسنان دائمة" 🤷♂️
بصّح هذا تفكير خاطئ تماماً، لأنو الأسنان اللبنية ماشي غير مؤقّتة، بل عندها دور كبير ومهم بزاف في صحة الفم والتطور السليم للطفل.
🔍 من الناحية العلمية:
الأسنان اللبنية:
✔️ تساعد الطفل على المضغ والهضم بطريقة صحيحة
✔️ تساهم في نطق الكلمات بشكل سليم
✔️ تحفظ المسافات اللي راح يطلعو فيها الأسنان الدائمة
✔️ تساهم في نمو وتطوّر الفك والوجه
⛔ إذا خسر الطفل سن لبني قبل وقتو (سواء بالخلع ولا بسبب التسوّس الشديد)، راح تصرالو مشاكل:
1. ضياع المسافة: الأسنان المجاورة تتحرّك وتسدّ الفراغ، وهذا يعيق بزوغ السن الدائم في مكانو الصحيح
2. اعوجاج الأسنان الدائمة: يؤدي لمشاكل في ترتيب الأسنان ويفرض على الطفل علاج تقويمي مستقبلاً
3. التهابات ومشاكل في اللثة والعظم: التسوّس اللي ما يتعالجش ممكن يوصل للّب تاع السن ويسبب خراجات وألم مزمن
4. تأثير نفسي على الطفل: السن المسوس أو المخلوع مبكراً يأثر على نفسية الطفل وثقتو في نفسو، خاصة كي يولي يحشم يضحك ولا يهدر
5. مشاكل في التغذية والنطق: كي يتوجّع الطفل، ما يقدرش ياكل مليح ولا يهدر براحة
24/07/2025
📍📍 معلومة خاطئة ومهمة في نفس الوقت.
❌ المعلومة الغالطة: كاين بزاف ناس كي يطلعولهم حبوب صغار حوالين الفم يقولو هادي "الحرارة" ولا من قلة النظافة ولا ما غسلتش وجهك بعد الماكلة
✔️ الحقيقة: هادوك الحبوب راهم جايين من فيروس اسمو الهيربس (Herpès1).
هو فيروس ماشيخطيرعلى أغلب الناس لكن معدي يعني يتنقل من واحد لواحد ويبقى تقريب 10 أيام وبعدها يروح بصح يقدر يرجع يطلع مرة أخرى.
ماشي دايمًا يسبب حبوب: كاين ناس عندهم الفيروس في الجسم وما يبانش عليهم.
🧐 علاش يقدر يطلع ثاني؟ يقدر يطلع كل مرة تنقص فيها المناعة كي تكون مقلق ولا مريض بالبرد ولا في وقت السخانة ولا عندك امتحان(توتر شديد) ولا ماكلاش مليح ولا تعبان... يعني كي يكون جهازك المناعي ضعيف يرجع يبان.
مش دايمًا الحبوب معناها هيربس: مش كل حبة تطلع في الوجه ولا حوالين الفم معناها فيروس الهيربس. كاين أسباب أخرى (حب الشباب، حساسية، حرارة...).
❤️ نصيحة مهمة:
كي تكون مصاب لازم تحمي روحك وتحمي الناس لي معاك.
ما تمسش البلاصة لي فيها الحبوب وإذا لمستها، اغسل يديك مليح
ما تسلمش باليد على الناس
ما تستعملش لا كاس تاع واحد آخر وإذا شربت بكاس اغسلو وحدك مليح.
كل أكل صحي وتهلا فصحتك باش المناعة تقوى
14/07/2025
🚨🚨🚨تبروصي سنانك بعد الماكلة ديركت؟ غلطة كبيرة!🦷
واش يصرى في فمك بعد الماكلة؟
الماكلة ساعات فيها مواد حمضية كيما القازوز/ القارص/الخل/٧البرتقال…
هذو يتوضعو على طبقة المينا ( الدرع الواقي تاع سنانك)يخليوها هشّة وضعيفة لفترة قصيرة!
🚫 كي تجي تبروصي ديركت بعد الماكلة
راك تحكّ هذه المينا الضعيفة ➤ تطيّحها بيدك!
ومنها سنيك يولّو معرّضين للتسوس والتآكل 😬
✅ الحل؟
⏱️ استنّى 30 دقيقة حتى ساعة
باش ترجع المينا قويةومن بعد بروصي !
= حماية حقيقية 🛡️🦷
14/07/2025
📢📢اللي ينزع التقويم odf وما يحميش سنانو راح يرجعو أسوأ من الأول😨😨
الحماية=الارتداء المنتظم لـ "la gouttière" 😁
✅وش هي "la gouttière"؟
هي جهاز شفاف خفيف تلبسو فوق سنانك بعد ما تنحي التقويم
✅خدمتها؟
تحافظ على مكان الأسنان الجديد وتمنعهم من الرجوع للوضعية القديمة
⛔ تنحي التقويم وما تلبسهاش؟
استعد تشوف الكابوس
سنانك يتعوجو من جديد وكلشي يضيع...!
تعبك صبرك الملايين لي صرفتها… يطيرو في الهواء😶🌫️
12/07/2025
🔴 تخيل معايا...
مسرح جريمة! 🚨
شرطة.. محققين.. شريط أصفر…
وفجـأة... يدخل طبيب الأسنان! 😳🦷
تقول:
"وي.. جا يداوي ولا يحقق؟! وش دخلو فالجريمة؟!"
لكن اسمع مليح…
هذا راه أخطر سلاح سري في الفريق الجنائي! 💼🕵️♂️
⬇️⬇️⬇️
✅ الضـحية مجهولة؟
طبيب الأسنان يقدر يحدد العمر.. الجنس.. وحتى الهوية!
✅ الوجه مشوّه؟
الأسنان تبقى واقفة كي الجندي 💪
ويستخرج منها DNA يقلب الطاولة!
✅ مالا مكاش غير بصمة الإصبع؟
كاين بصمة جديدة هي بصمة الفم!
كل واحد عندو شكل وترتيب أسنان مميز… مستحيل يتكرر 🔍
⛓ تخيل ضرس واحد يفك لغز جريمة عمرها سنين!!
هنا تبدأ الحكاية… وهنا تعرف قيمة الأسنان في عالم التحقيقات!
12/07/2025
أثقل وأصعب عام جاز عليّا: ثانية طب أسنان خاصة بعد الإضراب والظروف اللي مرّينا بيها... تعب/ ضغط/ توتر/ ودموع ما شافها حد
ورغم كل شيء: الحمد لله جازت بأقل الخسائر💔🙂.
الناس تشوف النجاح من بعيد لكن ما تعرفش الحكايات اللي وراه
كل امتحان كل ليلة سهر كل لحظة شك... كانت جزء من هذا العام.
مازال الطريق طويل لكن اليوم نقول:
أنا فخورة بنفسي وبكل خطوة تعبت عليها ومشيت فيها لقدّام.
🦷👩🏼⚕️
#الحمدلله❤
🕊
11/07/2025
🚨 "طبيب أسنان" =الرعب ⬅️ هذا رأي الآلاف من الناس😶🌫️
📌 علاش يصرالك؟
▪️ صدمة قديمة(خاصة في فترة الطفولة و أول انطباع يلعب دور كبير)
▪️ وراثة
▪️ قصص مخيفة(صارت مع أصدقاء أو أحد المقربين خاصة)
▪️ أدوات الدونتيست(تشوفوها هكذا 🔨⛏️⚒️🛠🪚💉🗡⚔️🔪🪓💀)
▪️ معاملة الطبيب
❌ واش يصرالك إذا خليته؟
▪️ تسوس مزمن
▪️ أمراض لثة خطيييرة
▪️ فقدان أسنان
▪️ مصاريف خيالية💸💸💸🙃
▪️ نقص ثقة في النفس(مع الوقت تولي دير يدك على فمك بشكل لاإرادي كي تكون تهدر)
✅ الحل؟
▪️ واجه الخوف من خلال العلاج بالتعرض التدريجي: تتفرج على فيديوهات / تزور عيادة طبيب الاسنان دون علاج حتى تتعود تدريجيا
▪️ بدّل أفكارك و خمم في النتيجة اللي حتكون رائعة 😃
▪️ استعمل تقنيات الاسترخاء
▪️ اختار طبيب يريحك ويطمنك
✋ رهاب طبيب الأسنان حقيقي... لكن الحل بين يديك!
11/07/2025
🔥 الاسوداد حول الفم؟
لون الجلد أغمق من باقي الوجه؟ لازم تعرفو السبب! 😳
✅ الأسباب:
جفاف الجلد/ التعرض للشمس بلا واقي/إزالة الشعر بطرق خاطئة/اللعاب الزائد/ معجون أسنان مهيج!
تصبغات بعد التهابات /كلف(خاصة النساء😥)/ إكزيما /نقص في الفيتامينات خاصة b12
✅ الحل؟
واقي شمس + ترطيب دائم!
كريمات تفتيح فيها فيتامين C أو نياسيناميد
لو المشكلة مستمرة استشيري طبيبك! 🩷
🌿 خلطات طبيعية؟
الليمون + عسل (حذار لا يستعمل للبشرةالحساسة)
ألوفيرا (الصبار)/ زيت اللوز الحلو/الكركم +العسل
نصيحة:
أي خلطة طبيعية جربيها على جزء صغير من بشرتك مثل خلف الأذن أو على معصم يدك إذا ماكاش تحسس أو احمرار تقدري تستعمليها بأمان على باقي وجهك
Be the first to know and let us send you an email when خربشات طالبة طب أسنان posts news and promotions. Your email address will not be used for any other purpose, and you can unsubscribe at any time.
