Quel est le site Web ?

https://www.facebook.com/102835518205432/

CuîSine ASsma, Bejaïa (2026)

18/12/2025

مسكوتشة اشوار بالذوق ماندرين✨🧡🍊
بما ان رانا في فصل الشتاء ارواحو نديرو موسكوتشو اشوار بذوق ماندرين🍊🧡
1بيض بالدرجة حرارة مطبخ
4حبات ماندرين
نصف كأس سكر
نخبطهم مليح اشوار
نصف كاس زيت تدريجيا
قشور ليمون وبرتقال ديرهم من تالي +لافاني
نصف كأس حليب
نصفي الخليط
ونزيد عليه
7حتي 9ملاعق ك فرينة حسب نوعية تاع فرينة لي عندك قد ماتكتبلك رقم 8 هذاك هو قوام
1ونصف خميرة

01/12/2025

بسبوسة بالذوق الليمون وجوز الهند 🥥🍋🤤
شربات: 🍋🍋🍋
2كيسان سكر
4كيسان ماء
شرائح الليمون نحط فوق نار يبدا يغلي نحسب 12د ونطفي
وندخلها ثلاجة تبرد لزم بسبوسة تكون سخونة وشربات باردة
4حبات بيض
رشة ملح
نصف كأس سكر
قشور الليمون
لفاني
عطر جوز الهند
نطلع بالبتار حتي يصبح قوام ابيض كما هو واضح في صورة كأس زيت تدريجيا مع تخليط مستمر
كأس ونصف حليب تدريجيا
3ملاعق ك ماء زهر 🌼
5ملاعق كبار نواة كوكو(جوز الهند)
2خميرة كيماوية
2كيسان ونصف سميد متوسط
1ك فرينة
طول وعرض سنيوا
طول17cm
العرض12cm

27/11/2025

وصفاتي مكتوبة احتفظو بيهم فالهاتف تعكم و تفاعلوا ذرك نزيد نكمل و نكتبلكم الباقي 👩🏻‍🍳❤✨

23/11/2025

#ليوم جبتلكم ريحة رمضان 🌙هذا وصفة حتفظوا عليها لشهر رمضان🧑🏻‍🍳🤤🥣
حريرةالغرب الجزائري🇩🇿
كاين انواع بزاف للحريرة وكل دار كيفاش تطيب في الأختلاف تنوع
وصفة حريرة
3طماطم🍅
4جزرات 🥕
3بصل 🧅
قصبر مزرع
قليل من زيت
1لفت نتركهم يتقلاو علي نار هادئة
توابل:فلفل احمر فلفل اسود سكنجبير جامبو ملح راس حانوت كركم وقرفة
م.ك ونصف طماطم مصبرة كي تتقل خضر مليح نمرق بالماء دافئ
كي طيب نصفي لخضرة كما هي واضحة في صورة
4م.ك تشيشة ربطة قصبر 1حار نخليها تغلي باه طيب تشيشة
كي طيب تشيشة مليح نفرغ عليها تربيا لي راني مخضرتها في صور باه تعقد لحريرة وتجي بنينة
وصفة تربيا تاع لحريرة:
4م.ك فرينة.م.ك توابل كامل تاع لحريرة.قليل من قصبر نصف حبة جامبو.3سنات ثوم قطرات من الليمون نصف كأس ماء ونميكسي مليح بالميكسار .
وصفة خبز لي طلبتوها كامل راني حطيتهالكم بالتفصيل

02/11/2025

ميني بطبوط منفوخ وخفيف وفارغ من داخل👩🏻‍🍳🫓🫓🧀🤤🥙🌮🌮🌮
3كيسان فرينة
1كاس سميد رطب
م. ك سكر
م. ك. خميرة خبز+ملح ونجمع مكونات بالحليب دافئ او ماء ونلم لعجينة وندلكها حتي توالي طرية ونخليها ترتاح 15دثم نحلاها بالحلال
ونشكل خبزات 🫓🫓صغار ونخليهم يخمرو مدة30د ونطيبهم في الطاجين ونقلبهم تمتم
باش بجو فارغين من داخل
الحشوا: اختياري
بطاطا مقلية
دجاج مقطع كروات ومقلي
فرماج طلي
صلصة جبن

18/10/2025

عشاق تفرميج🧀🥘 ارواحو نديرو ڨرتان شاورما مفرمج 🧀👩🏻‍🍳
الصورة وحدها راهي تعبر علي البنة🤤
وصفة 👩🏻‍🍳🧀:
ط1:نقطع بطاطا نديرلها فلفل اسود ورشة ملح ونقليها ونصتفهااا في مول كي طيب
ط2:نقطع بصل مكعبات صغار فلفل اسود ملح ونقليه حتي يتكرمل بصل ونديروه فوق بطاطا مقلية طبق 2
ط3:نقطع صدر تاع دجاج نديرله رشة ملح فلفل اسود كركم سكنجبير قليل من زيت ونقلي دجاج +
كي طيب ندير صلصة جبن ونفرغه فوق بصل كالطبقة 3
ط4:بيشمال: ملعقةك زبدة+ملعقة ك فرينة +كأس حليب نبقي نحرك بالفوي حتي نتحصل علي قوام كريمي كما هو واضح في صورة +صلصة الجبن ونبقي نحرك بالفوي + فرماج طلي
نفرغ صلصة فوق دجاج ونعاود ندير ونعاود ندير نفس طريقة 1
وآخير فرماج مبشور نابولي +فرماج طلي
وندخلها لفرن.

29/09/2025

🕋📿✨الله ارزق كل واحد فيكم عمرة وحجة قريبة... قولو آمين 🤲🏻❤
صابلي شوكلاطة🍫 بالذوق كراميل بنة عالمية ويذوب فالفم🤎👩🏻‍🍳🍯
500غ مرغرين +كأس سكر ڨلاص+لاروم نيسلي+
2بيضات كاملين
2صفار بيض
نطلعهم مليح بالخلاط
حتي يوالي قوام كريمي نزيد عليه نصف كأس زيت 4ملاعق ك نشاء4ملاعق ك كاكاو+لفاني ونضرب بالبتار 1ونصف خميرة كميائية +ونجمع مكونات بالفرينة مغربلة. وباقي تفاصيل راهي واضحة 📷👇🏻👇🏻👇🏻👇🏻
كريمة زبدة👩🏻‍🍳🧈🍫:
_250غ زبدة
_نصف كأس سكر ڨلاص
_2مغارف ك كاكاو
_كأس شونتي
_ملاعقة ك شوكلاطة _طلي +لاروم تاع _كراميل ونضربهم مليح حتي يوالي قوام كريمي

21/09/2025

📚🖌✨❤
من بين الهوايات ديالي الرسم🖌 هو ثاني هو اللي يعطيني هدوء وسلام داخلي
افكار للتزيين كراريس📚📖 المدرسة

20/09/2025

كيكة 7ملاعق هاد الكيكة بزااف بنينة ماتنشبعش 👩🏻‍🍳🤤🍫🎂
الوصفة مع طريقة بالتفصيل:
7ملاعق ك سكر
3بيض حسب درجة حرارة مطبخ نطلعهم مليح بالبتار حتي يصبح قوام بيض كما هو واضح في صورة
7ملاعق ك زيت تدرجياا
منبعد نجيب كاس ندير 2ملاعق ك شوكلاطة طلي 7ملاعق ك ماء نخلاطهم مليح حتي ذوب شوكلاطة ونفرغهم فوق خليط لكان معندكش شوكلاطة تنجمي تعوضيها 7ملاعق ك حليب
3ملاعق كاكاو
لفاني
عطر شوكلاطة
واحد ونصف خميرة كيماوية
7ملاعق ك فرينة مغربلة
ندخلهاا فرن
مول (30/25سم)
منبعد كي طيب ونخرجها نشربهاا بالحليب بارد
ڨلاصج شوكلاطة🍫✨👩🏻‍🍳
في كاسرونة ندير 2ملاعق ك كاكاو
كأس ونصف حليب
3مغارف كبار سكر
مغرف ك مايزينة
نخلاط بارد في بارد نحطها فوق نار مع خليط مستمر كي تبدي تثقال نزيد قليل من زبدة
وقطع من شكولاطة ونفرغ خليط فوق كيكة
تزيين اختياري

01/09/2025

بطاطا كوشة بالدجاج معسلة ومجمرة ومتبلة 👩🏻‍🍳🍗🥔❤✨
5حبات بطاطا نقطعهم دوائر
ونديرلهم توابل: فلفل اسود فلفل احمر قليل من زعفران ملح نصف حبة جامبو 3سنات ثوم مسكرفجين . رند. سكنجبير. كركم. 3مغارف ك زيت ونخلاط مكونات مليح مليح
ونضع بطاطا في صني ونزيد عليها4كيسان ماء ساخن وندخلها فرن
تتبيلة دجاج🍗👩🏻‍🍳:
فلفل اسودو احمر؛ سكنجبير؛ نصف جومبو؛ رند؛ ملح؛ كمون؛ ملعقة ص عسل؛ ملعقة ص موطارد؛ 3مغارف ك زيت نخلاط مكونات مليح ونخليهم 15د
تبغي ديريهم في مقلة
ولا فوق طبق تاع بطاطا

25/08/2025

لامونة سفنجية قطنية خفيفة ريشة خير من تاع براا😋✨👩🏻‍🍳❤وصفة CuîSCuîSine ASsmaجينة:
كأس حليب دافئ
1ملعقة ك خميرة خبز
2ملاعق ك سكر
-رشة ملح
1ملعقة ك بودرة حليب
نخلاط مكونات بالفوي
ونخليها تتخمر15د
نصف كأس زيت
قشور ليمون
فانيلا
1بيض
ماء زهر لكان تنجمي تستغني عليه عادي انا نبغيها بالماء زهر
نخلاط مكونات مليح
4كيسان فرينة مغربلة
وملعقة صغيرة خميرة كيماوية
نشكلها عجينة طرية ونديرلها ملعقة دهان كما هي واضحة في صورة
عجينة ترتاح مدة1h
كريمة لامونة👩🏻‍🍳✨
2كيسان حليب
ملعقة سكر
2ملاعق ك مايزينة
نخلاط مكونات بالفوي
ونضع فوق نار مع تخليط مستمر حتي تثقل كريمة
ندخلها تبرد في ثلاجة باه تشد روحها
كي تبرد نديرلها نصف كأس شونتي فانيلا ونطلع بالخلاط كهربائي

28/07/2025

عجبنى ترند تاع حنة يدي انا ثاني نجرب معكم خدمتى يدى واش رايكم لبنات 👩🏻‍🍳🤤

CuîSine ASsma