Sondos laborantine

Sondos laborantine Laborantinne de santé publique �� cours médicales/paramédicales

09/06/2026

هاي ليكيب 💚✨
وشرااكم ان شاء الله تكونو كامل ملاح ، انا الحمد لله 🥰

توحشتكم بزااف بزااف ، علابالي بلي لاحظتو غيابي ، علابالي بلي صح انقطعت و كنت نقلكم نرجع بقوة 😅 بصح ماقدرتش وقيلا عجبني الحال هكذا و انا بعيدة ✨ حبيت نطلب منكم السماح كي مانردش على ميساجاتكم و خاصة الناس لي تحتاج مساعدة اسمحولي

بصح صح كرهت اني نبارطاجي هنا .. تعبت و ولا ماعنديش مزاج نصور و لا نتفاعل .. وقيلا حبيت نرجع مواطنة بسيطة 😂 نخدم نورمال و مانصور والو

ضك تقولو بالاك عندك اسباب وواحد منعك من هاذ الشيء .. لالا انا هي صاحبة قراري و انا حبيت هكذا و لقيت هدوء اكثر 💚
ان شااء الله نكون فدتكم في حياتكم و لو بالقليل ✨ و لي ساعدتو في يوم من الايام او استفاد مني بمعلومة يدعيلي .. الصفحة مش رح تغلق لاني حبيتها تبقى صدقة جارية عليا .. و لي عندو كشما اسئلة يبعثلي اذا قدرت رح نجاوبكم كامل على احتيجاتكم .. بصح ماشكيتش نرجع للتفاعل و النشر كيما قبل .. ربي يوفقكم في حياتكم و يوصلكم لمبتغاكم و اعرفو حاجة بلي والله العظيم غير احببتكم بزااف بزاف .. ربي يلاقينا في ساعة الخير ❤️ دمتم في رعاية الله و حفظه و بارك الله فيكم جمعا

26/05/2026

لا إله إلا الله وحده لاشريك له، له الملك وله الحمد وهو على كل شيء قدير 🩵

21/05/2026

السلام عليكم 🩵
شكون راهو صايم ؟ ربي يتقبل من الجميع . هاذي الايام من اعظم الايام ابروفيتو فيها لو ماكسيموم ✨ الدعاء فيها مستجاب و الطاعات فيها اجرهم عظيم ، كبرو اللله في كل وقت ، صومو اقراو القرءان ، احفظو ، و ادعوو ادعوو و ماتبخلوش على رواحكم ادعو بالادعية لي تتمناوها من قلبكم و لي تحسوها مستحيلة ، فلا شيء مستحيل على الله ❤️

17/05/2026

من اليوم بعد المغرب يبدأ التكبير المُطلَق لعشر ذي الحجة
وهذه بشارة نبوية لكل من كبّر وهلّل :

قال ﷺ : "ما أَهَلَّ مُهٍلٌّ قطُّ إلَّا بُشَّرَ ، ولا كَبَّر مُكَبَّرٌ قطُّ إلّا بُشَّرَ ، قيل يَا رسُولً اللهِ : بالجنةِ ؟ قال : نَعَمْ"

قال ﷺ : "ما مِن أيَّامٍ أعظَمُ عِندَ اللهِ ولا أحَبُّ إليه مِن العَمَلِ فيهنَّ مِن هذه الأيَّامِ العَشرِ ، فأكثِروا فيهنَّ مِن التَّهليلِ والتَّكبيرِ والتَّحميدِ".

الله أكبر ، الله أكبر ، الله أكبر ، لا إله إلا الله
الله أكبر ، الله أكبر ، الله أكبر ، ولله الحمد

ذَلِكَۖ وَمَن یُعَظِّمۡ شَعَـٰۤىِٕرَ ٱللَّهِ فَإِنَّهَا مِن تَقۡوَى ٱلۡقُلُوبِ

17/05/2026

أظن أنّ الامر عن سبق الاصرار و الترصد 😭

من دخلت نخدم ضك راني في ربع سنين نخدم الاعياد كامل 🥲
عرفة نتع العام لي فات و العيد خدمتهم و زدت خدمت ليلة الشك و العيد الصغير .. و ضك رح نزيد نخدم عرفة و العيد 💔
ونتوما ؟

16/05/2026

اشياء لا تراها من عمل المحلل 🥹 Things people don’t see about a lab analyst’s job 🥹

11/04/2026

كل يوم حكاية جديدة ✨ و ليوم حكايتنا مع مصلحة الولادة ✨
كاين حالات في الحمل تبان عادية في الاول بصح فيها خطر كبير لوكان ما يكتشفوهاش بكري ✨ و من بينها pré éclampsie لي تعتبر اخطر حالات الحمل و نميزوها بارتفاع ضغط الدم hypertenstion )HTA) بعد الاسبوع 20 من الحمل و ثان مع وجود protéinurie
بصح الخطر الحقيقي كي تطور هاذ الحالة الى syndrome de HELLP وين يصرا تكسر للكريات الحمراء hémolyse و يطلعو انزيمات الكبد TGP TGO و ينقصو الصفائح thrombopénie و حتى يصراو مشاكل في التخثر TP TCK .. و هنا يجي دورك كمخبري باش تساعد في شخيص الحالة ✨ و هاذو هوما الحوايج لي يقدرو يبانو في التحليل في هذه الحالة المستعجلة :
Thrombopénie : نقص في الصفائح
LDH : يطلع اذا صرا hemolyse
TGO TGP : يطلعو كي يتأثر الكبد
TP : يهبط كي يصراو مشاكل في التخثر
Protéinurie : يظهر البروتين في البول سراء في استعمال bandlettes de chimie des uribe ولا نديرو dosage de protéinurie de 24h
FNS : ممكن نقص في الهيمغلوبين اذا صرا تحلل في الكريات الحمراء

و لي عندو زيادة في هاذ الموضوع يخلينا في التعليقات 💗

Adresse

Ben S'rour

Site Web

Notifications

Soyez le premier à savoir et laissez-nous vous envoyer un courriel lorsque Sondos laborantine publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter La Pratique

Envoyer un message à Sondos laborantine:

Raccourcis

Partager