24/08/2026
الرشتة العاصيمية على اصولها
______تحضير المرق ______
في طنجرة نحط م ك سمن و شويا زيت قطع دجاج نقليهم مليح نزيد حبة بصل كبيرة مسكرفجة و ملح وعود قرفة وشوىا فلفل اسىود او الأبيض ونخليهم يتقلاو
نجيب حبات لفت صغار ( خردل ) نسكرفجهم في رقيقة ونضيفهم في طنجرة ونخليهم يتقلاو من بعد نمرقهم بكمية مليحة من الماء سخون نخليهم يطيبو ثم نضيف حبات اللفت
_______تفوير الرشتة ________
نحط الرشتة في جفنة نديرلها شويا زيت وندخلو مليح في الرشتة نحطها في كسكاس تفور للمرة 1 نفرغها في جفنة ونفتحها ونرشها بماء فيه شويا ملح وندخلو مليح في الرشتة ونعاود نحطها فتور المرة 2 فوق مرقة
بعد ما نقور ن فرغها في الجفنة نفتحها ونسقيها بالمرقة ( 2 او 3 غراف مرقة) ونزيد نحطها المرة 3 والاخيرة
نفرعها في جفنة ونفرغ عليها م ك مارغارين طرية مخلطة مع شويا مرقة سخون ( تذوب مارغارين في هاديك مرقة )
_______تجهيز الرشتة _______
بعد ما طاب دجاج نحيه ونحمرو ونزيد الحمص طايب في زرقة ( اذا ماشي طايب ديروه مع لول )
نحي اللفت وحمص ونميكسي ( نرحي ) المرقة بالبرا ميكسور
نرش الرشتة بماء الزهر ونحطها في صحن تقديم مع دجاج محمر واللفت ونسقيها بالمرقة بيضاء 🇩🇿
