عيادة طب وجراحة أمراض النساء و التوليد الدكتورة: ن.عبد اللطيف

20/07/2026

19/07/2026

عيادتنا في خدمتكم دائماً. لتنسيق زيارتكم القادمة، يمكنكم التواصل معنا عبر الاتصال الهاتفي المباشر، أو حجز موعدكم بمرونة من خلال إرسال رسالة واتساب على الرقم: 0541483126"

18/07/2026

نعيش في زمن اشتدت فيه الفتن
نسأل الله الثبات

16/06/2026

من كواليس قاعة العمليات.. ! 🔴🩺
​هذه الصورة تختزل لحظة حرجة جداً من عملية قيصرية استعجالية قمت بها، والحمد لله، بفضل الله وتوفيقه، الأم والبيبي اليوم في صحة وعافية تامة.
​المريضة تملك سوابق قيصرية واحدة منذ أكثر من 6 سنوات. في الفحص الأخير، ومن خلال قراءة دقيقة وعميقة لتخطيط قلب الجنين (ERCF) بالعيادة، لاحظتُ مؤشرات صامتة وغير مطمئنة تخص حيوية الجنين، رغم أن المريضة لم تكن تعاني من أي آلام أو أعراض غير طبيعية.
​بناءً على الخبرة واعادة تقييم الحالة , اتخذتُ قراراً فورياً بضرورة التدخل الجراحي الاستعجالي دون انتظار.
​المفاجأة داخل غرفة العمليات :
وجدنا حالة تمزق صامت وجزئي في ندبة الرحم القديمة (Déhiscence silencieuse)؛ حيث كان الجنين محمياً فقط بغشاء رقيق جداً وشفاف. لو تأخرنا في اتخاذ القرار، أو تسرعنا في انتظار مخاض طبيعي، لكنا أمام كارثة حقيقية تهدد حياة الأم والجنين معاً.
​الخلاصة التي نود مشاركتها معكم:
1️⃣ المتابعة الدقيقة في الأسابيع الأخيرة ليست مجرد روتين: الفحوصات المتقدمة وتخطيط الجنين هي أدوات حاسمة لتقييم ما لا تظهره الشكوى العادية للمريضة.
2️⃣ القيصرية السابقة تستوجب الحذر: حتى ولو جازوا سنوات طويلة على قيصريتك الأولى، المتابعة الدقيقة تبقى ضرورية.
3️⃣ الهدف هو التوعية ماشي التخويف: الطب تطور، وبالتشخيص الصحيح والقرار المناسب في الوقت المناسب، نضمنوا سلامتك وسلامة ابنك بفضل الله
​شكراً لثقتكم الغالية التي نعتز بها، ودام الجميع في حفظ الله ورعايته. 🤍
📍 العيادة في خدمتكم لمتابعة الحمل وحالات الولادة الحرجة.

15/06/2026

🌸 رعاية طبية متخصصة للمرأة في كل مراحل حياتها 🌸
نضع خبرتنا الطبية في خدمتكِ من أجل متابعة صحية دقيقة، تشخيص مبكر، ورعاية متكاملة في أمراض النساء والتوليد.

✔️ المتابعة الدورية لصحة المرأة ✔️ متابعة الحمل ومراقبة نمو الجنين ✔️ متابعة الحمل العادي و الحمل عالي الخطورة 3D 4D ERCF
الولادة الطبيعية و الولادة القيصرية
✔️ علاج تأخر الحمل و المساعدة على الإنجاب ✔️ الكشف المبكر عن سرطان عنق الرحم COLPOSCOPIE
✔️ الاستشارات والفحوصات النسائية ✔️ التشخيص والمتابعة الطبية المتخصصة
✔️ جراحة النساء ✔️ استقبال مريح وخصوصية تامة

هدفنا أن تشعري بالثقة والاطمئنان في كل زيارة، ضمن بيئة طبية تجمع بين الخبرة، الدقة، والاهتمام بأدق التفاصيل.

📞 للحجز موعد أوالاستفسار: 0541483126
035458822
المكان: محور الدوران سيدي سليمان الطريق المؤدي حي 110 مسكن بوسعادة
✨ صحتكِ أولوية... وراحتكِ مسؤوليتنا ✨

14/06/2026

🔹 1- باش تفادي الغثيان والردان تاع الصباح في الأشهر الأولى: ما تنوضيش تجري من الفراش؛ حطي حبة "بيمو" (بسكويت جاف) أو طرف خبز يابس قدامك، كليه وأنتِ راقدة وقعدي 10 دقائق ومن بعد نوضي بالعقل.
​🔸 2- باش كرشك ما تتشرطش وتولي كي "الفهد" بعد الولادة: ما تستنايش حتى تكبر الكرش! ابداي الترطيب بزيت اللوز الحلو، زبدة الكاكاو، أو كريمات خاصة بالـ Stretch marks من الشهر الثالث، واشربي الماء بزيادة باش الجلد يحافظ على المرونة تاعو.
​🔹 3- باش الدوا يدير مفعوله والأنيميا تخطيك: حذاري تشربي حبة الحديد مع الحليب أو مورا القهوة والآتاي مباشرة (الليمون وفيتامين C هما أصدقاء الحديد ويمتصوه مليح). وحاجة ثانية: ما تشربيش حبة الحديد وحبة الكالسيوم في نفس الوقت، باعدي بيناتهم بـ 4 سوايع على الأقل.
​🔸 4- باش ماتخرجيش من "لانصانت" بـ 20 كيلو زيادة: كلي "نوعية" ماشي "كمية"! حكاية "راكي تاكلي على زوج" هادي كذبة (اسمحولي العجوزات 😅)؛ البيبي في بطنك يسحق الفيتامينات والمعادن، ما يسحقش طبسي كسكس معمر ليدام في نص الليل.
​🔹 5- باش تتهناي من لانفيكسيون (الالتهابات والحكة المتكررة): تتبعي القاعدة الذهبية: التنشيف مليح ببابي سارفيت (من القدام للوراء ماشي العكس)، البسي غير الملابس الداخلية القطنية (كوتون 100%)، واخطيك تماماً من الغاسول المهبلي المعطر، الماء الدافي كافي ووافي والمنطقة هذيك تنظف روحها بروحها.
​🔸 6- باش توجدي روحك لولادة طبيعية ساهلة (بإذن الله): كي تدخلي لشهرك التاسع، ابداي تمشي (نص ساعة في النهار تكفي)، كلي التمر (إذا ماعندكش سكر الحمل)، وديري تمارين القرفصاء (Squat) باش البيبي ياخد الوضعية الصحيحة ويوجَد الهبوط للحوض.
​🔹 7- باش الرضاعة الطبيعية ما توليش كابوس وتجرحلك صدرك: ابداي ترطبي حلمات الثدي من الشهر الثامن بمرهم "اللانولين" أو زيت الزيتون. وكي يزيد البيبي، تأكدي بلي راه شاد الهالة البنية كامل بفمو ماشي غير الراس تاع الحلمة برك (الالتقام الصحيح هو السر).
​🔸 8- باش ماتطيحيش في فخ "سكر الحمل": اخطيك من العصائر المعلبة، المشروبات الغازية، والحلويات. عوّضيهم بالفواكه الطبيعية والمكسرات، وتحركي شوية (مشي خفيف) مورا كل وجبة.
​🔹 9- باش تنوضي خفيفة مورا السيزارين (العملية القيصرية): ما تبقايش راقدة ومكسلة وتقولي راني مريضة ومفتوحة! غير ينحولك السوند (Sonde) نوضي امشي وديري خطوات في الكولوار؛ المشي هو لي يمنع ليزاديرونس (الالتصاقات)، يحرك الدورة الدموية، ويخرج "لي غاز".
​🔸 10- باش يوصلوك كاع النصائح وتتفادي مشاكل الحمل، وأنا ندي الأجر وتكبر لافامي تاعنا هنا: ديري جام، بارطاجي المنشور مع صحاباتك الحوامل، وخليلي كومتار بدعوة خير ✌️

10/06/2026

المجتمع الروماني القديم، الطب كان مقسوم لزوج: طب العبيد وطب السادة.
​طب العبيد كان الهدف تاعو برك يحافظ على قدرة الخدام باش يكمل يخدم وينتج، وكان عبارة عن علاج للأعراض برك: عندك هاذ العَرَض؟ هاك هاذ العشبة. تحس بهكذا؟ جرب هاذ الخلطة.
بصح طب السادة كان طب الأثرياء والنبلاء، وساعات يكون عندهم طبيب خاص بالعائلة؛ يسقسي على سبة (سبب) التعب من الساس، ويسمع للمريض بالتدقيق، ويفحص ويحوس ورا هاذ العيا حتى يلحق للعلاج الصحيح، ماشي برك يداوي الأعراض.
​وهاذ الشي مازالو يصرا في وقتنا الحالي بصح بطريقة وحدة خرى:
عندي سطر (وجع)؟ هاكي دوا السطر.
طّيحت من قبل؟ هاكي ليزانجيكسيون تحت الجلد.
متاخرة في الحمل؟ هاكي منشطات؟ ... هاذا يمثل طب العبيد.
​بصح طب السادة لازم فيه تسمع للمريضة مليح، وتدقق في كل الفحوصات والتحاليل، وتسمع لشكوتها، وتكون ديما مطلع ومتابع لآخر التوصيات الطبية العالمية (Les recommandations).
تأخر الحمل معناه رحلة كاملة وطويلة تاع فحص وتاريخ مرضي مفصل باش نلحقو للسبة الحقيقية.
باش نديرو منظار، معناه نديرو بزاف فحوصات قبل، ونتأكدو من صحة القلب، الرئتين، ووظائف الكلى والكبد قبل ما ناخذو القرار.
​خيّر واش حاب تكون... من العبيد ولا من السادة؟
طب السادة صح يطلب الوقت والخبرة الحقيقية و الوعي والتشخيص الصح و قد يكون مكلف، بصح النتائج تاعو حقيقية وعلى اساس وصحيحة.