Dr Bouazza Hakima

27/05/2026

30/04/2026

علاه الطبيب المختص عندو الغاشي ؟ وانت كمريض لازم تستنى وقت طويل جدا باش نفوت.
🔴 من أكبر الأسباب لضغط المواعيد عند الطبيب المختص هو الفهم الخاطئ للوظيفة الحقيفية للطبيب العام والمختص من طرف المريض
المريض يعتقد أنو كي يروح لطبيب مختص على اي مرض راح يلقى تكفل وعلم افضل من الطبيب العام.
لذلك تلقاه يروح للطبيب المختص من اجل علاج امراض المفروض يتكفل بها الطبيب العام. ( لأنو كاين أمراض يتساوى فيها الطبيب العام والمختص )
🔴 المريض قلبو لاباس بيه و يروح لطبيب القلب باش يعالج ضغط الدم ( لي هو عالميا من صلاحيات الطبيب العام )
( طبيب القلب يتدخل في ضغط الدم الخبيث او في حال اصابة او احتمال اصابة القلب )
🔴 المريض يروح لطبيب العظام والمفاصل باش يعالج أرتروز ( في فرنسا نقلا عن بروفيسور فرنسي 90 بالمئة من حالات الأرتروز تعالج عند الطبيب العام )
🔴 المريض يروح لطبيب العيون باش يعالج إلتهاب فيروسي بسيط
🔴 المريض يروح لطبيب الأنف والحنجرة والأذن باش يعالج التهاب في الأذن الخارجية او القراجم
🔴 المريض يروح لطبيب الغدد باش يعالج خمول بسيط في الغدة ( نهار كامل يستنى باش يفوت لعشية يقولو الطبيب خلي الجرعة كيما راها )
🔴 المريض يدي ولدو لطبيب الأطفال على جال إسهال ولا حمى بسيطة
🔵 وفي نهاية المطاف يخرج المريض يشكي يقلك الطبيب ما عطانيش وقت
🔵 وهذا لي خلا الطبيب المختص
يخدم امراض بسيطة في عوض ما يتفرغ للأمراض المعقدة
🔵 في القطاع الخاص الطبيب المختص ماذا بيه تجيه على جال أمور تاع طب عام لأنها سهلة العلاج وماتديش وقت
وقلة من ينصح المريض يقولو ما تجينيش على حاجة كيما هك
🔵 بالطبع كاين أطباء يصنعون الإستثناء
مرات نبعث المريض لي نعالج فيه على ضغط الدم عند مختص القلب
من أجل الإطمئنان على أمر كنت شاك فيه
يفحص المريض ويقلو ارجع لطبيبك يتبعك مع رسالة توضيحية لحالة المريض
وفي حالات اخرى كي يلقى قلبو مريض يشدو عندو
وهذا المفروض في العمل بين الطبيب العام والمختص
🟢 هكذا الطبيب المختص يبدع في وش قرا ويلقى وقت يعالج الأمراض الصعبة لي تخصص من أجلها والمريض التعبان يلقى دالة مش يموت وهو من طبيب لطبيب خاطر ما لقاش الوقت
أصبح الطبيب المختص في القطاع الخاص يفرح كي يلقى حالة صعبة من شدة ماعندو الضغط بالحالات البسيطة
🟢 لذلك نصيحي النهائية :
خير دائما طبيب عام متمكن يكون ملم ودائما يطور من نفسو ... يكون متربي وبشوش... يكون يمد وقت للمريض
وديرو طبيب العائلة وروحلو في الكبيرة والصغيرة وهو يوجهك وين تروح اذا لزم الأمر.
هكذا تربينا كي كنا صغار
ثقافة طبيب العائلة فيها فائدة كبيرة.
د صدراتي
ا

30/04/2026

29/04/2026

13/04/2026