Quel est le site Web ?

https://www.facebook.com/577232362144838/

د.فدي طبيبة مختصة في أمراض الجهاز الهضمي و الكبد Dr Feddi.H

Page d'Accueil
Algérie
Chlef
د.فدي طبيبة مختصة في أمراض الجهاز الهضمي و الكبد Dr Feddi.H

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de د.فدي طبيبة مختصة في أمراض الجهاز الهضمي و الكبد Dr Feddi.H, Médecin, Chlef.

Dr Feddi .H médecin spécialiste en Hépato Gastro Entérologie,proctologie et endoscopie digestive🥼🩺💊
د.فدي طبيبة مختصة في أمراض الجهاز الهضمي و الكبد و الفحص بالمنظار🥼🩺💊
🔴 المؤسسة العمومية الإستشفائية مرواني عابد.الشطية .م 9

07/06/2025

🌙🐑 عيد أضحى مبارك 🐑🌙

بمناسبة عيد الأضحى المبارك، نتمنّى لكم عيد مبارك سعيد ❤️
وما تنساوش، فرحة العيد ما تكملش بلا صحة جيدة 🌸

كونو حذريين مع الماكلة ( لا إفراط ولا تفريط)، خصوصاً اللي يعانو من مشاكل في الهضم ولا الكبد و لا البنكرياس🍖🥩

العيد كبير، والنية طيبة، بصح صحتكم أهم 🙏

كل عام وأنتم بخير، وربي يتقبل منا ومنكم صالح الأعمال 🤲

15/04/2025

السلام عليكم ،إن شاء الله كامل تكونو بخير .

و أنا قاعدة نخمم نديرلكم موضوع على خطر الإستهلاك المفرط لبعض الأدوية و خاصة الأعشاب على الكبد حتى نسمع بالتراند الجديد اللي حبسلي مخي صراحة 😨 و اللي هو :

"تحدي الباراسيتامول… لعبة بالموت!" ⚠️💊😨

👈وش راهو صاير؟

في التيك توك طلع تراند خطير بزاف:
شباب يشربو كمية كبيرة من أقراص الباراسيتامول قدام الكاميرا باش يدّيرو "شو" ويتفاخروا!

👈الحقيقة :
هذا التحدي ماشي شجاعة… هذا غباء وخطر على الحياة! ⚠️

👈وش هو الباراسيتامول؟

دواء معروف بزاف: يطيّح السخانة ويخفف الوجع.

موجود في أدوية كيما: Doliprane, Dafalgan, Efferalgan…

كي تستعملو كيما لازم: يساعدك👍

لكن كي تكثر منو؟ يتحوّل لـ سم يدمّر الكبد! 🧪⚠️

👈وش يصرا كي تشرب بزاف؟

1. في الأول تحس روحك لباس 🙂

2. بعد ساعات تبدا تبان الأعراض: تعب شديد ،غثيان و استفراغ ،ألم في البطن ،إصفرار 🤕،صداع، دوخة 😵‍💫،،،.

3. إدا كانت الكمية كبيرة بزاف راه يصرا إلتهاب الكبد الحاد …و هنا تبدأ المعاناة الحقيقية 😢

4. الدخول للإستعجالات ، غيبوبة… وحتى الوفاة! ⚠️

ما كانش "زر العودة للخلف" ⛔

⚠️لازم تعرفو حاجة الدواء اللي نستعملوه في حالة إلتهاب الكبد الحاد الناتج عن إستهلاك جرعات كبيرة من البراسيتامول و اللي هو ( N-acétylcystéine) ماراهش متوفر عندنا و حتى زراعة الكبد في الحالات المستعجلة ماكانش🤷

👈علاش الناس طاحو في الفخ؟

حب يبان قوي قدام صحابو 💪

حب يتبع التراند بلا تفكير 🤳

مشاكل نفسية وما لقاوش من يسمعهم🤷

يضحك اليوم… ويبكي غدوة!😢

👈اسمعني و اسمعيني مليح… هادي حياتك!

راك شاب، راك زين، راك قادر تغيّر، مشي تقلّد.
راك مهم، صحتك غالية، وماشي كل "تراند" يستاهل.
و إدا لقيت صاحبك ناوي يديرو انصحو لوجه الله و ما تخليهاش تحبس عندك .

👈و حبيت في الأخير نوجه رسالة للأولياء ،اللي عندهم وليدهم( ولا بنتهم ) يقرا و خاصة في مرحلة المراهقة و حتى تلاميذ الإبتدائي خبو عليهم البراسيتامول ،نهار يمرض مدولو انتوما الدواء ،كاين اللي يقول أنا وليدي عاقل و ما يديرهاش، هو ممكن صح عاقل ما قلناش العكس و لكن ممكن يستغلوه ،ديرو حسابكم و أولادكم أمانة في رقبتكم .

👈الرسالة الأخيرة:

الباراسيتامول ماشي حلوى!
🔥
❤️

👈پارتاجي ما تخليهاش تحبس عندك

31/03/2025

عيد فطر مبارك! ✨🌙

بمناسبة حلول عيد الفطر المبارك، أتقدّم إليكم بأحرّ التهاني وأطيب الأماني، راجية من الله أن يعيده عليكم وعلى أحبابكم بالصحة والسعادة 💞
تقبل الله منا و منكم صالح الأعمال إن شاء الله 🤲

وكما أن العيد فرصة للتجدد والفرح، فهو أيضًا مناسبة لنذكّر أنفسنا بأهمية العناية بصحتنا. فصحتكم أمانة، وجهازكم الهضمي يستحق كل الاهتمام بعد فترة الصيام ☺️

احرصوا على العودة التدريجية للأكل المتوازن وتجنب العادات الغذائية التي قد تسبّب اضطرابات هضمية
( بالدارجة ما تخلطوش بزاف غير بالشوية 🙂 )

صحتكم أولويتنا دائمًا! 🩺💞

24/03/2025

شكرا أختي و حبيبتي و رفيقة دربي 👭 على هاته الإلتفاتة الجميلة 💕
كنت و مازلت دائما فخورة بك و بعملك المميز 🎩 و بأخلاقك قبل كل شيء
وفقنا الله لخدمة المرضى بأفضل رعاية إن شاء الله ❤️

عيادة أمراض الجلد وطب التجميل تيارت Dermatologue Tiaret. Dr Feddi

22/03/2025

السلام عليكم ،صحا فطوركم ❤️
📢 اليوم على بركة الله نبدا بأول موضوع يهم بزاف ناس و اللي نسموه مرض العصر
(syndrome de l'intestin irritable)
🔴تعرفو علاش خيرت هاد الموضوع على خاطر هبلتوني بيه ☺️وين نروح البداية من العائلة الكريمة حتى للكونسيلتاسيون اللي كل خطرة نفس التساؤلات :
الطبيبة عندي مرض؟راني ننتفخ بزاف ،مارانيش حاس روحي مليح ،مارانيش قادر نتفس ،راني مغموم،عندي الخباط (هادي تاع خويا 😜).....إلخ

🔴تابعو معنا هاد المنشور باش تعرفو كل شي على القولون العصبي، وكيفاش تتحكمو فيه بنمط حياة صحي وعلاج مناسب! 👇

🤔 واش هو القولون العصبي؟
🤕 واش هما الأعراض؟
🍽️ واش تاكل وواش تتفادى باش ما تزيدش الحالة؟
💊 واش هي الأدوية اللي يقدر يكتبها الطبيب؟

🤔واش هو القولون العصبي ؟

القولون العصبي( syndrome de l'intestin irritable):
هو اضطراب وظيفي في الجهاز الهضمي، يعني الأمعاء تخدم بطريقة غير منتظمة بلا سبب عضوي واضح. هذا المرض مزمن، بصح ما يسببش مضاعفات خطيرة، وممكن الواحد يتحكم فيه بنظام غذائي صحي وتغييرات في نمط الحياة.

🤕 واش هوما الأعراض؟

أعراض القولون العصبي تختلف من شخص لآخر، وتقدر تزيد مع التوتر، القلق، أو بعض الأطعمة. أكثر الأعراض شيوعًا:

🔴 آلام وتشنجات في البطن: تكون خفيفة ولا قوية، وتزيد بعد الأكل وتنقص بعد الإخراج.
🔴 اضطرابات في الهضم: إما إمساك أو إسهال، وأحيانًا تبديل بيناتهم.
🔴 انتفاخ وغازات و السعور بامتلاء المعدة: بسبب تراكم الغازات في الأمعاء.
🔴 إحساس بعدم الإفراغ الكامل: حتى بعد الذهاب للمرحاض، يبقى الإحساس بأن البطن ما زال عامر.
🔴 مخاط في البراز: في بعض الحالات.
🔴 التعب وصعوبة التركيز، التوتر و القلق و الإكتئاب ،و بعض الناس يحسو بالإرهاق بسبب اضطرابات الجهاز الهضمي.

⚠️ متى يجب زيارة الطبيب؟

إذا كان عندك نقصان وزن غير مبرر، نزيف مع البراز، فقر دم، أو حمى، لازم تستشير الطبيب لاستبعاد أمراض خطيرة أخرى.

🍽️ نصائح غذائية مهمة للتحكم في الأعراض:

💡 الماكلة تلعب دور كبير في تهدئة الأعراض أو زيادتها، لهذا لازم تراقب واش يضرك وتعدل نظامك الغذائي:

✅ واش تاكل؟

✔️ أكل وجبات صغيرة ومنتظمة باش ما تضغطش على الأمعاء.
✔️ شرب الماء بكثرة (على الأقل 1.5 لتر في اليوم).
✔️ تناول الألياف، خاصةً الموجودة في الخضر والفواكه، بصح لازم تزيدها تدريجياً باش ما تسببش انتفاخ.
✔️ اختيار مصادر الألياف الذائبة كيما الشوفان، البطاطا الحلوة، الجزر، لأنها سهلة للهضم وما تسببش الغازات بزاف.
✔️ أكل الزبادي (الياغورت الطبيعي) لأنه يساعد على توازن البكتيريا النافعة في الأمعاء.
✔️ بعض الأعشاب الطبيعية كيما النعناع، والزنجبيل ممكن تساعد في تهدئة الأعراض.

❌ واش تتفادى؟

🚫 المشروبات الغازية والقهوة بكثرة، لأنها تزيد الانتفاخ والتشنجات.
🚫 الأكلات المقلية والدهنية، لأنها تبطئ الهضم وتثقل الأمعاء.
🚫 الأكل السريع والمصنّع، خاصة اللي يحتوي على مواد حافظة وسكريات صناعية.
🚫 الحليب ومشتقاته إذا كنت حساس للاكتوز، جرب البدائل النباتية (حليب اللوز أو جوز الهند).
🚫 بعض الخضر والفواكه اللي تسبب الغازات، كيما الكرنب، البصل، الثوم، العدس، والفاصوليا.

🏃‍♂️ تغييرات في نمط الحياة للتخفيف من الأعراض

🔹 ممارسة الرياضة بانتظام (حتى المشي 30 دقيقة في اليوم يساعد في تحسين حركة الأمعاء).
🔹 التقليل من التوتر والقلق، لأنهم يزيدو الأعراض (جرب تقنيات الاسترخاء كيما اليوغا أو التنفس العميق).
🔹 تنظيم النوم، لأن اضطرابات النوم تزيد من حدة القولون العصبي.
🔹 مضغ الأكل مليح وبالشويّة باش تسهل الهضم وما تدخلش بزاف الهواء مع الأكل.

💊 واش هي الأدوية اللي يقدر يكتبها الطبيب:

✅ الأدوية (Médicaments) على حسب الحالة:

1️⃣ مسكنات التشنجات (Antispasmodiques):تنقص الألم و تساعد في استرخاء عضلات الأمعاء.
2️⃣ أدوية ضد الإسهال (Anti-diarrhéiques):في حالة الإسهال
3️⃣ أدوية ضد الإمساك (Laxatifs):في حالة الإمساك
4️⃣ البروبيوتيك (probiotiques) :و هي البكتيريا النافعة اللي تساعد في تحسين الهضم
5️⃣مضادات القلق والاكتئاب (Antidépresseurs à faible dose): تستعمل في بعض الحالات اللي عندها ألم مزمن مع القلق.

⚠️
لأن كل حالة تختلف عن الأخرى.

🔹 الخلاصة:

✅ القولون العصبي مشكل مزمن لكنه ماشي خطير، ويمكن التحكم فيه بتغييرات بسيطة في الماكلة، الرياضة، وتقليل التوتر.
✅ الأعراض تختلف من شخص لآخر، لذا ضروري تراقب واش يضرك وواش يريحك.
✅ إذا كانت الأعراض قوية ومقلقة، من الأفضل تستشير طبيب باش يعطيك العلاج المناسب!

💬 عندك تجربة مع القولون العصبي؟ شاركها معنا في التعليقات 😊

19/03/2025

السلام عليكم، صحا فطوركم ( و ان شاء الله برك ماراكمش تخلطو في الماكلة 🤭)
مرحبا بكم في صفحتي الخاصة كطبيبة مختصة في أمراض الجهاز الهضمي والكبد
الهدف تاعي هو أني نمدلكم معلومات طبية صحيحة، نصائح مفيدة، ونجاوب على استفساراتكم. صحتكم تهمني، وتوعيتكم أولويتي
تابعوني باش نبقوا دايما على اطلاع. مرحبا بكم ❤️!
🔴 لأي استفسار أو نصيحة، راني هنا ☺️
ربي يقدرنا إن شاء الله 🤲

Adresse

Chlef

Site Web

facebook.com

Notifications

Soyez le premier à savoir et laissez-nous vous envoyer un courriel lorsque د.فدي طبيبة مختصة في أمراض الجهاز الهضمي و الكبد Dr Feddi.H publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.