Dr Letreche Walid Pédiatre طبيب الأطفال د.لطرش وليد

13/09/2026

👶🏻 كلامي لأصحاب الحميات والأنظمة الغذائية الخاصة:

أطفالكم الصغار ماشي معنيين بالحميات اللي تتبعوها أنتم، خاصة إذا كنتم تتبعون نظامًا غذائيًا صارمًا.

ماشي لأنك قررت تمنع بعض الأطعمة من غذائك، لازم تمنعها على طفلك أيضًا.

👶 الطفل في مرحلة نمو، واحتياجاته الغذائية تختلف تمامًا عن احتياجات الشخص البالغ.

الحمية اللي تناسبك أنت، ماشي بالضرورة تناسب طفلك!

الطفل ماشي بالغ صغير

_______________________________________
الحكيم لطرش وليد
طبيب الأطفال و حديثي الولادة
📍 **العنوان : حي الكيفان مقابل مركز التكوين المهني (CFPA) فوق صيدلية غفور الطابق الثاني - تلمسان

📞 للتواصل 0552774932- 0770583907
whatsApp 0552 77 49 32

10/09/2026

**محاولة انتحار في عيادة طبيب الأطفال!**

الأم داخلة للعيادة وهي تقول:

👩🏻: «دكتور، ولدي من نهار فات 7 شهور وهو يحاول ينتحر! 😭»

أنا: 😳 «واش؟! ينتحر؟!»

👩🏻: «إيه دكتور! يطلع فوق السرير ويرمي روحو… يطلع فوق الكرسي ويرمي روحو… حتى فوق الطابلة يحب يطلع! 😭😂»

قلت لها:

👨🏻‍⚕️ « ولدك ما راهوش يحاول ينتحر 😂
**هو أصلاً ما يعرفش واش معناها ينتحر!**»

البيبي في هاد العمر مازال ما يعرفش يقدّر:
📏 المسافة
⬆️ الارتفاع
⚠️ الخطر
🤕 وواش ممكن يصراله كي يطيح.

بالنسبة ليه، السرير والأرض عاديين…
يشوف الحاجة العالية ويقول في مخو: 👶🏻 «آه… واش كاين تما؟ خليني نطلع نشوف! 😂»

المشكل أنه **يحب يكتشف قبل ما يتعلم الخطر**.

ومن هنا تبدأ الخدمة تاع الوالدين:
ما نخلوش البيبي وحدو فوق السرير، الكنبة ولا طاولة ، ونأمّنو الدروج، النوافذ والبلكونات.

😂 هدا **ماشي بيبي انتحاري…**
**هذا بيبي فضولي، بصح الجاذبية ما ترحمش!**
_______________________________________
الحكيم لطرش وليد
طبيب الأطفال و حديثي الولادة
📍 **العنوان : حي الكيفان مقابل مركز التكوين المهني (CFPA) فوق صيدلية غفور الطابق الثاني - تلمسان

📞 للتواصل 0552774932- 0770583907
whatsApp 0552 77 49 32

07/09/2026

05/09/2026

العيادة مغلقة اليوم 5 سبتمبر 2026

04/09/2026

📖 قصة حقيقية كتبتها أم من متابعات الصفحة ❤️

✍️ النص منقول كما كتبته الأم، وقمت فقط بتصحيح بعض الأخطاء وترتيبه للنشر.

😂😂 الطبيب ضد وصفة الجدة… المعركة التي لا تنتهي!

طفلي كان يعاني من prolapsus re**al، وكي حكيت للجدة على الحالة، قالتلي بكل ثقة:

👵 «طبيب؟! 🤨 يا وليدي الطبيب ميفيدش هنا، عندي وصفة من أيام زمان!»

قلت لها:
«وش هي؟ 😳»

قالتلي:
«نرفدو شكارة خيش 👜، نحرقوها 🔥، نخلوها تولّي رماد، ومن بعد نديرو الرماد تما… يدخل المستقيم وحدو ويرتاح الطفل!» 😂😂

أنا: 😳
والطبيب: 😶
والجدة: 😎 «وش بيكم؟ ما تؤمنوش بالطب التقليدي؟» 😂

قالت:
«حنا بكري ما كانش عندنا لا سكانير، لا تحاليل، لا مواعيد… كان عندنا خيش ورماد و"ربي يشافي"! 😂»

😂😂 والله الجدة عندها وصفة لكل شيء:

🤧 الزكام؟ وصفة.
🤢 المغص؟ وصفة.
🌡️ الحمى؟ وصفة.
😮‍💨 السعال؟ وصفة.
🍑 وحتى prolapsus re**al عندها ليه حل! 😂🔥

بصح في الأخير، ضحكنا على الموقف، لكن فهمت حاجة مهمة:

❤️ صحة الطفل ماشي مجال للتجارب.

الوصفات الشعبية ممكن تكون جزء من ذكريات زمان، بصح ما تعوضش الفحص الطبي والتشخيص والعلاج المناسب.

👵 الجدة عندها تجاربها…
👨‍⚕️ والطبيب عندو تخصصو.

كل واحد وتخصصو يا جماعة! 😂❤️
______________________________________
الحكيم لطرش وليد
طبيب الأطفال و حديثي الولادة
📍 **العنوان : حي الكيفان مقابل مركز التكوين المهني (CFPA) فوق صيدلية غفور الطابق الثاني - تلمسان

📞 للتواصل 0552774932- 0770583907
whatsApp 0552 77 49 32

02/09/2026

😂 واحدة من أغرب الاستشارات لي صراتلي…

👦🏻 طفل يعاني من التبول اللاإرادي.

شرحت للوالدين بهدوء:

🩺 «شوفو، التبول اللاإرادي يقدر يكون** وراثي**.»

👨🏻 الأب مباشرة:
«إيه إيه دكتور… وراثي بلا شك!
أخواله كانو يديروها حتى للمراهقة!» 😂

👩🏻 الأم 😳😡:
«آآآه؟!
وحتى أختك!!! أختك مازالت حتى هي تديرها!!!»

👨🏻😳
أنا: 😳😳😳

سكتنا كامل…

😂😂😂

وأنا نقول:

«يا جماعة… كي قلت وراثي، كنت نقصد الوالدين!!!
ماشي شجرة العائلة كاملة!!!» 😂😂😂

📌 وبالمناسبة، بعيدًا عن الضحك:
نعم، التبول اللاإرادي يقدر يكون عندو عامل وراثي، وخاصة إذا كان الأب أو الأم عانى من نفس المشكلة في طفولته.

أما هذي العائلة…

واضح باللي الجينات حابة تدير اجتماع عائلي كامل! 😂😂😂

01/09/2026

Une boîte a donner gratuitement ( sur ordonnance)
Date de péremption fin Octobre 2026

31/08/2026

🧠 سؤال اليوم

❓ واش هو الغذاء اللي ممنوع وبشدة على الطفل اللي عمره أقل من عام

---

⚠️ الإجابة الصحيحة:
C — العسل 🍯

حتى العسل الطبيعي 100% ممنوع قبل عمر سنة.

🚨 السبب هو خطر Botulisme infantile — التسمم الوشيقي عند الرضع.

سمّ البكتيريا يقدر يسبب شلل تدريجي للعضلات، ومن عواقبه:

😴 خمول وضعف واضح
🍼 ضعف الرضاعة وصعوبة البلع
💩 إمساك
💪 ارتخاء العضلات
🫁 وفي الحالات الخطيرة: شلل عضلات التنفس وصعوبة التنفس، وقد تكون الحالة مهددة للحياة.

🍯 ماشي كل حاجة طبيعية… تصلح للرضيع.

👶 العسل نستناوه حتى يكمل الطفل عامه الأول.
______________________________________
الحكيم لطرش وليد
طبيب الأطفال و حديثي الولادة
📍 **العنوان : حي الكيفان مقابل مركز التكوين المهني (CFPA) فوق صيدلية غفور الطابق الثاني - تلمسان

📞 للتواصل 0552774932- 0770583907
whatsApp 0552 77 49 32

29/08/2026

🌡️ «دكتور، ولدي نبدله قشه كثر من ليكوش!» 😂

هذي كانت شكوى أم لطفل يتعرّق بزاف.

قلت لها:
«نفهمك… بصح خلينا أولاً نعرفو: علاش يتعرّق؟»

👶 بعض الأطفال يتعرّقو أكثر من غيرهم، خاصة:
😴 أثناء النوم
🍼 أثناء الرضاعة أو الأكل
🏃‍♂️ مع اللعب والحركة
🌡️ في الجو السخون أو مع اللباس الثقيل

وهذا ما يعنيش مباشرة بلي الطفل مريض.

لكن كاين حالات وين التعرق يكون زايد وغير عادي، خاصة إذا كان:

💦 شديد حتى والجو بارد
💦 يبلل القش والفراش بشكل متكرر
💦 مصحوب بنقص في الوزن أو ضعف في النمو
💦 معاه خفقان، تعب، ضيق نفس أو أعراض أخرى

هنا ما نقولوش:
«عادي، راهو غير يسخن» ❌

لأن التعرق الزائد ممكن يكون مرتبط بـ:
🦋 مشاكل الغدة الدرقية
🫀 بعض أمراض القلب أو الرئة
🦠 الحمى أو بعض الالتهابات
💊 بعض الأدوية
🧬 وأحيانًا يكون وراثي…

يعني كاين ناس تورث الفيلات والعقار، وكاين اللي يورث التعرّاق 😂

🔎 التعرق عرض، وماشي تشخيص.

الطبيب يشوف الطفل كامل، ويسقسي على وقت التعرق، الظروف اللي يزيد فيها، النمو، النوم، الأدوية والأعراض المرافقة… وبعدها يقرر إذا كان يحتاج فحوصات ولا لا.

وبالمناسبة… 😂
إذا وصلتي لمرحلة «نبدله قشه كثر من ليكوش»
ممكن تستاهلي زيارة عند طبيب الأطفال أكثر من شراء قش جديد! 😅

👨‍⚕️ ماشي كل تعرّق مرضي… بصح ماشي كل تعرّق عادي. المهم نعرفو السبب.

26/08/2026

🪷 مالا قالولك:

«جيبي لوليدك 7 لسانات، ولا شربيه الماء لي شرب منو الزاوش… ضرك يولي يحكي وما يسكتش!» 😂

👈 ونتي صدقتيهم وقلتي:
«علاش لا؟ نجرب… يمكن تنفع!» 😅

بصح خلينا من الضحك شوية…

تأخر الكلام ما يتعالجش بوصفة شعبية.
لازم نبحثو على السبب:

👂 هل الطفل يسمع مليح؟
→ ممكن يكون عندو مشكل في السمع.

🗣️ هل عندو تأخر في اللغة؟
→ ممكن يكون تأخر أو اضطراب في اللغة.

🧠 كيفاش راهو التطور العام؟
→ أحيانًا يكون كاين اضطراب في التطور أو الجهاز العصبي.

🧩 كيفاش راهو التواصل والتفاعل مع الناس؟
→ وفي بعض الحالات لازم نستبعد اضطراب في التواصل، مثل طيف التوحد.

📱 وشحال راهو يتعرض للشاشات؟
→ ولا ساكن قدّام البرطابل طول النهار! 😂

🎯 لأن الطفل اللي متأخر في الكلام، الأهم ماشي واش نعطيوه… الأهم علاش ما راهوش يحكي.

الصح ماشي واش قالولك…
الصح واش يقول الطبيب؟ 👨‍⚕️

👈 ومالا إذا طيبتو لسان الكبش عرضونا 😂
وماء الزاوش… شربوه وحدكم، بصحتكم! 😂😂

وإذا عندكم وصفة أخرى أغرب؟ 😂
اكتبوها… نفتيلكم فيها! 👇
__________________________________
الحكيم لطرش وليد
طبيب الأطفال و حديثي الولادة
📍 **العنوان : حي الكيفان مقابل مركز التكوين المهني (CFPA) فوق صيدلية غفور الطابق الثاني - تلمسان

📞 للتواصل 0552774932- 0770583907
whatsApp 0552 77 49 32