02/09/2026
تريند من اللطف التريندات علي الاطلاق👌🏻😍
الولد 13 سنة ولما باباه حصله مشكلة صحية علي الطريق عرف يتصرف ويتماسك ويكون عنده حسن تصرف وطلب الاسعاف وعرف يقولهم مكانه فين 👌🏻
ومشكور مسئول الهاتف في الاسعاف فضل يطمنه ويساعده لحد مالعربية عرفت توصله
📍 الجدير بالذكر في الموقف دا حاجات كتير لازم الاباء والامهات تاخد بالهم منها👌🏻
اول حاجة تعلم طفلك يبقي شجاع وميخفش بس في حدود المتاح يعني امتي يعرف يتصرف سيبه اكتر من مره يتصرف وانت واقف وراه من غير مايحس 😉 اتدخل في الوقت الصح
-علمه انك هتتدخل دايما ف الوقت المناسب اديله قوة وامان انه مش لوحده علشان ميبقاش بيخاف .
-اديله ثقة ف نفسه دايما انه شاطر وانه اتصرف صح وبلاش تحسسه انه معملش اي حاجة حتي لو حاول لمجرد المحاولة.
-ثانيا / علم طفلك يكون شخص مسئول من صغره خليه يساعد ويشيل ويحط حتي لو هيبدل الدنيا ومش هيعمل حاجة بس يبقي عارف اننا لازم نساعد علي الاقل
ثالثا /ودا مهم للاطفال في مرحلة الادراك الكامل يعني الطفل اول مايدخل المدرسة ويبقي بيتكلم كويس ويحفظ وواعي ومدرك لكل اللي حواليه متزهقش من انك تفضل تعرفه احنا رايحين فين والمكان اسمه اي والمنطقة دي فين 👌🏻
حاجات كتير مهم تعلمها ل ولادك علشان لاقدر الله لو حصل موقف مشابه ابنك يبقي بطل ويعرف يساعدك زي ماالطفل الجميل ربنا يحفظه كان السبب انه ينقذ باباه👌🏻♥️
#صحةنفسيه
