أخصائي علاج طبيعي
| عظام ،اصابات الملاعب ،تغذية علاجية
21/07/2026
كتير وأنا بشخص عيان بكتشف حاجات هوا ماقلهاش في الكشف! وبعرف عنه حاجات في يومه وألم هوا ما حكاش عنه!
ازاي...!
الاجابة في ازاي احنا بكشف على المريض؟
المريض بيبدأ الكشف معاه من أول مايدخل من باب العيادة مش من أول ما أتكلم معاه ويحكيلي شكوته..😄 الكشف بيبدأ من قبل ما هوا يعرف😂
باخد بالي من مشيتك وطريقة قعدتك وتوازن الحوض وبلاحظ حاجات بتكون بالنسبالي علامات أو لمبة بتنور في دماغي لأعراض معينة..
وآخر حاجة في #التشخيص إني أطلب من العيان حاجة زي #الأشعة أو #التحاليل (عشان أأكد بيها اللي وصلتله مش أكتر) لأن التشخيص مش بيعتمد بس على الأشعة أو التحاليل، احنا بنعتمد على أداة استشعار دقيقة جدا وهيا الإيد! (أيوة الإيد).. (وعشان كدا ماينفعش التشخيص أون لاين🌚)
دكتور العلاج الطبيعي والأستيوباثي مدرب لسنوات على ال(Palpation) عشان يكتشف أدق التغييرات في أنسجة الجسم. بنحس بالشد العضلي والمزق والعقد العضلية (ونفرق بينهم)، و بحركة المفصل، وحتى باختلاف درجات الحرارة في مناطق الالتهاب!
لنصل بيك للتشخيص الدقيق عشان يقودنا للعلاج الفعال.
لو بتعاني من اصابة أو ألم مزمن مش هقولك احجز معادك معانا
أنا عايزك تكتشف جسمك عايز يقولك ايه.. 😌
وتخيل هتبقا فين خلال اسبوع واحد لو انتظمت على الجلسات😉👌
د.باسل خضر - أخصائي العلاج الطبيعي والتأهيل بـ 6 أكتوبر (ميدان الحصري). لأي استشارة مجانية اكتبلي في الكومنتات
21/07/2026
سمعت قبل كدا عن الإستيوباثي؟
في الطب تعودنا أن نعالج العَرَض، لو حسيت بصداع تاخذ مسكن،
لكن في طب الأستيوباثي (التقويمي)، احنا بنبحث عن السبب الجذري، أو المسبب الحقيقي للألم...
الأستيوباثي مش مجرد تدليك أو طقطقة! هو علم طبي يعتمد على فهم ميكانيكية الجسم بالكامل (عظام، مفاصل، عضلات، وأعصاب). وبيتعامل مع جسمك كوحدة واحدة متصلة، فألم كتفك ممكن يكون سببه مشكلة في الحجاب الحاجز أو في طريقة مشيتك!
حسب الأبحاث الحديثة، الأستيوباثي بيحسن قدرة الجسم الطبيعية على الشفاء الذاتي بدون أدوية أو تدخل جراحي..
لو بتعاني من ألم مزمن ورحت لدكاترة كتير ومشلاقي له حل..، شاركنا في التعليقات، أو احجز استشارتك في عيادتنا وهنساعدك تعرف سبب ألمك.
د.باسل خضر - أخصائي العلاج الطبيعي والتأهيل بـ 6 أكتوبر (ميدان الحصري). لأي استشارة مجانية اكتبلي في الكومنتات
د. باسل خضر - أخصائي العلاج الطبيعي والتأهيل بمدينة 6 أكتوبر (ميدان الحصري). لأي استشارة مجانية اكتبلي في الكومنتات.
19/07/2026
مين يعرف وزن رأسه قد ايه؟ 👇
وزن رأس إنسان البالغ تساوي تقريبا 8.2% من وزن جسمه، يعني لو وزنك 70 كم ،وزن رأسك بس = 5.8 كم ،ودا الوزن اللي بيتوزع على الفقرات العنقية،
طيب متخيل وزن رأسك كام لو منحنية للأسفل بزاوية 60 مثلا (أثناء مسكة الموبايل اللي كلنا بنعملها) النسبة هنا بتوصل ل38% من وزن الجسم يعني لو على المثال السابق وزن رأسك = 27كم تقريبًا!!
ومش بس الوزن بيزيد، دا كمان بيتركز على الفقرات ال6 وال7 العنقية بس!🥶 يعني أكتر وضعية ممكن تعرضك لإصابة في الفقرات العنقية بدون أي مجهود!😌
بس كدا حبيت أشاركم المعلومة دي، ومش محتاج أقولك الوضعية الصح إيه😂
عايز أقولك بس لو عندك ألم في الرقبة إن كل يوم بتفوته إنت بتضيع على نفسك فرصة تحسن وراحة أنت أولى بيها 🌹
د. باسل خضر - أخصائي العلاج الطبيعي والتأهيل بـ 6 أكتوبر (ميدان الحصري). لأي استشارة مجانية اكتبلي في الكومنتات.
18/07/2026
قعدة الكنبة المريحة بعد الشغل.. ممكن تكون عدو صامت لظهرك😴
الجلوس بوضعية منزلقة (بحيث يكون وسطك بعيد عن ضهر الكنبة وضهرك محني بشكل حرف C).
الوضع ده بيعمل تمدد وإجهاد للأربطة الخلفية لفقرات الظهر، وبيزيد الضغط الداخلي للديسكات، والحركة دي مسبب أساسي لمتلازمة القوام السيء (Bad Posture).
اقعد ووسطك مستند لآخر الكنبة، وحط مخدة صغيرة تسند فقراتك القطنية، وخلي رجليك تلمس الأرض. ولو تعبان أوي روح نام😌👇
د.باسل خضر - أخصائي العلاج الطبيعي والتأهيل بـ 6 أكتوبر (ميدان الحصري). لأي استشارة مجانية اكتبلي في الكومنتات.
17/07/2026
#نصيحة
لو انتي من اللي بتحب تلبس الكعب العالي خديبالك من نفسك😇
لأن الكعب العالي مش بس بيتعب الرجل.. ده بيبوظ هندسة الظهر!
لبس الكعب العالي لمدة ساعات طويلة يومياً بيدخل جسمنا في (Bad Posture)
الكعب بينقل مركز ثقل الجسم لقدام، فبيضطر الظهر ينحني لورا بشكل مبالغ فيه عشان يوازن الجسم، وده بيعمل شد رهيب في عضلات الظهر ويسرع من الشد العضلي والتهابات في #الضهر و للقدم (Plantar Fasciitis).
استبدلي الكعب بأحذية طبية مستوية ومريحة، وخلي الكعب العالي للمناسبات الضرورية ولفترات قصيرة.
د.باسل خضر - أخصائي العلاج الطبيعي والتأهيل بـ 6 أكتوبر (ميدان الحصري). لأي #استشارة مجانية اكتبلي في الكومنتات.
16/07/2026
ركز في الكام #تمرين دول هيفرقو معاك في يومك وحركتك، احفظ البوست عندك وحافظ على #صحتك 🤗
16/07/2026
بتروح الجيم وتتمرن بقلب، بس حاسس إن جسمك ضعيف ومش قادر تجيب نفس الأوزان اللي كنت بتشيلها قبل كدا !
الموضوع مش كسل أو خمول أو نقص في الغذاء.. ده اسمه إجهاد عضلي متراكم (Overtraining). لما بتضغط على نفسك زيادة عن اللزوم، عضلاتك بتحتاج راحة، محتاجة تفصل بجد، والنوم لوحده مش كفاية!
بنوفرلك (جلسة الريكفري الشاملة) في العيادة.. دي مش مجرد جلسة عادية، ده ميكس من:
⚡️الحجامة
⚡️والمساج
⚡️والإبر الجافة
⚡️والإبر الصينية الإحترافية لتنشيط طاقة الجسم😍
وتقنيات استشفاء متخصصة هترجع جسمك يتنفس وتفك عضلاتك.. هتخرج من عندنا جاهز لتمرينة بكرة بجسم جديد كأنك لسه بتبدأ! وما تنساش تسأل على الdiscount..😉
د. باسل خضر - أخصائي العلاج الطبيعي والتأهيل بـ 6 أكتوبر (ميدان الحصري)
16/07/2026
15/07/2026
يتبع..
اتكلمنا قبل كدا عن اسباب ألم الظهر اللي ملهاش علاقة بالظهر أصلا!
وذكرنا من الأسباب القولون المزمن.. ☠️
(مش كل واحد عنده قولون هيشتكي من ظهره، لا..)
لكن فيه حالات أنا بقابلها فعلا التحسن معاهم بيكون صعب وبطيئ بسبب القولون وأحيانا بيكون القولون هوا السبب أصلا في الألم ده
ودايما بنصحهم بانهم يظبطوا أكلهم ويحاولوا يعالجوا القولون حتى لو مع دكتور باطنة لكن محدش مصدق ان حاجة زي كدا ممكن تكون هيا السبب في ألم الظهر..😥
#نصيحة : رجاءً لوعندك ألم في الظهر + عندك قولون مزمن -> روح عالج قولونك وبعدين دور على ألم ظهرك.. وبنسبة كبيرة هيكون خف😃
دا مش كلامي دا كلام المجلة العالمية في (العلاج اليدوي الأستيوباثي OMT ) The Journal of Osteopathic Medicine
د. باسل خضر - أخصائي العلاج الطبيعي والتأهيل بـ 6 أكتوبر (ميدان الحصري).
Address
2 المحور المركزى, قسم أول 6 أكتوبر, الجيزة,, مصر, 6 October City
Be the first to know and let us send you an email when Dr. Basel Khedr posts news and promotions. Your email address will not be used for any other purpose, and you can unsubscribe at any time.
