Dr.Hagar kandeel
Founder of Humanity Arts and design all Humanity arts Programs, has DPF in Mental Health
د.هاجر قنديل
�دكتوراه في تأثير اليوجا على سلوكيات الإنسان الصحية والجسدية والعقلية
�مؤسسة برنامج فنون الإنسانية
�حاصلة على عدة شهادات في اليوجا والتأمل:-
Yoga therapy / Kundalini Yoga / Hatha Yoga / Sofi Meditation / Meditation Master L1, L2
04/10/2026
لو بتدوري على طريقة تعيشي بيها حياة أكثر صحة وتوازنًا تجمع بين الاهتمام بصحتك الجسدية وراحتك النفسية🌿
📌 ورشة أونلاين مجانية بمناسبة اليوم العالمي للصحة النفسية «ورشة مسار حياة صحي ومتوازن»
هنتعرف فيها على منهج فنون الإنسانية ومساره التدريجي لتحقيق توازن أشمل بين النفس والجسم والعقل
📅 الخميس 8 أكتوبر 2026
⏰ 10 صباحًا
💻 أونلاين عبر Google Meet
🎟️ الورشة مجانية
📌 للإنضمام للورشة ابعتي ( ورشة توازن ) 🤍
03/10/2026
الحياة المتوازنة مش بتبدأ بقرار كبير أو تغيير مفاجيء
لكن غالبا بتبدأ بعادات بسيطة بنكررها كل يوم
ودول أهم 5 عادات هيساعدوكي على صحة جسدية ونفسية أفضل:
١ـ خدي وقت للهدوء:
مش لازم اليوم كله يبقى إنجازات ومسؤوليات.. وجود وقت هادي لنفسك بيساعدك تلاحظي احتياجاتك وتفصلي شوية عن ضغط اليوم
٢ـ اسمعي جسمك
التعب وقلة النوم والتوتر أو قلة الحركة كلها إشارات تستحق إننا نلاحظها بدل ما نفضل نكمل ونتجاهلها
٣ـ خلي الحركة جزء من يومك
مش شرط تمرين شاق وقاسي المهم تلاقي شكل من أشكال الحركة يناسبك وتقدري تستمري عليه
٤ـ راقبي أفكارك ومشاعرك
الوعي بنفسك هو خطوة مهمة علشان تفهمي إيه اللي بيحصل جواكي وإيه اللي محتاج يتغير أو يتظبط
٥ـ ارجعي للحظة الحالية
التنفس الواعي والانتباه للحظة الحالية ممكن يكونوا طريقة بسيطة تاخدي بيها وقفة وسط زحمة اليوم
وافتكري إن الحياة الصحية المتوازنة مش هدف بنوصله مرة واحدة دي مسار بنمشيه خطوة بخطوة
📌 وعشان كدا عملنا ورشة «مسار حياة صحي ومتوازن»
ورشة أونلاين مجانية بمناسبة اليوم العالمي للصحة النفسية.. هنتعرف فيها على منهج فنون الإنسانية Humanity Arts ومساره التدريجي لتحقيق توازن أشمل بين النفس والجسم والعقل
وهيكون فيها مساحة للتأمل Meditation وتمرين للانتباه الذهني والهدوء ويساعدنا نرجع للحظة الحالية
📅 الخميس 8 أكتوبر 2026
⏰ 10 صباحا
💻 أونلاين عبر Google Meet
🎟️ الورشة مجانية
اكتبي "ورشة توازن" في الكومنتات وهيوصلك تفاصيل الورشة 🤍
30/09/2026
أحيانا بنكون عايزين نعيش بهدوء أكتر
نبقى أهدا في ردود أفعالنا ونركز أكتر وننام بشكل أفضل
ونهتم بصحتنا ونبدأ عادات جديدة ونحس إننا أخيرا عندنا مساحة نعيش ونستمتع بالحياة
لكن رغم كل محاولاتنا بنلاقي نفسنا متوترين أو مرهقين أو مش قادرين نركز وساعات حتى وإحنا قاعدين ومفيش حاجة بتحصل بنحس إن جسمنا مش عارف يهدا
بنصحى وإحنا مجهدين وننام وإحنا مش عارفين نفصل
ونتوتر من حاجات بسيطة ونلاقي نفسنا بنستجيب بسرعة أو بعصبية أكتر من اللي إحنا عايزينها
وساعات نفتكر إن المشكلة فينا إننا محتاجين نبقى أقوى
أو نتحكم في نفسنا أكتر أو نحاول نبقى إيجابيين
📌 لكن أحيانا الموضوع أعمق من كدا
جهازنا العصبي ممكن يكون محتاج اهتمام
الجهاز العصبي جزء أساسي من الطريقة اللي جسمنا بيستقبل بيها المعلومات من جوا ومن برا وبيستجيب للضغط والتغيرات اللي بتحصل حوالينا
وعشان كدا هو مرتبط بشكل كبير بحالتنا الجسدية والنفسية ولما نعيش تحت ضغط لفترات طويلة أو يكون جسمنا مش واخد كفايته من الراحة والحركة والتنفس الصحي ممكن يبدأ التوازن يتأثر تدريجيا
ممكن طاقتنا تقل وتركيزنا يتأثر ونومنا يتلخبط ومزاجنا يتغير ونحس إن جسمنا طول الوقت مستعد لمواجهة حاجة حتى لو مفيش خطر حقيقي قدامنا
وهنا نفهم حاجة مهمة:
السلام النفسي مش معناه إننا مش هنتوتر ولا معناه إننا مش هنخاف أو نزعل أو نتضايق
إحنا بشر وطبيعي نمر بكل المشاعر دي
لكن السلام النفسي ممكن يكون في قدرتنا إننا نرجع للتوازن بعد الضغط وإننا نقدر نهدى بعد يوم صعب
ونرجع نحس بجسمنا.. نسمح لنفسنا بالراحة..
ونتعامل مع مشاعرنا من غير ما تفضل هي اللي تقود كل تصرفاتنا
وعشان كدا في Humanity Rebalance & Rebreathing بنشتغل على استعادة التوازن بين الجسد والعقل والنفس من خلال مجموعة متكاملة من الممارسات:
- الحركة الواعية
- تمارين التنفس
- الاسترخاء
- الوعي بالجسم
- وتدريبات تساعد على إدارة التوتر ودعم تنظيم الجهاز العصبي
والهدف إنك تفهمي جسمك أكتر وتتعلمي أدوات تقدري تستخدميها في حياتك اليومية وتبني مساحة أكبر من التوازن والوعي والراحة
هو رحلة لاستعادة التوازن بين الجسد والعقل والنفس
📩 ابعتي كلمة «تنفس» في الرسايل عشان تاخدي كل تفاصيل الكورس والجلسات
29/09/2026
أحيانا بنعيش حياتنا وأيامنا بشكل سريع جدا..
بنتنقل من حاجة لحاجة ومن مسؤولية لمسؤولية
ومن فكرة لفكرة
بنصحى وإحنا بنفكر في اللي ورانا
وبننام وإحنا بنفكر في اللي لسه مخلصناهوش
وفي وسط كل دا ممكن ننسى إننا نقف وناخد وقت هادي نفصل فيه.. وقت مش عشان ننجز فيه حاجة
ولا عشان نحل مشكلة ولا حتى عشان نفكر في إجابة..
بس عشان نكون موجودين
وهنا بييجي دور التأمل
التأمل مش شرط يكون إننا نقعد فترة طويلة في مكان هادي ونفرغ دماغنا من كل الأفكار ومش معناه إن العقل لازم يسكت تماما
التأمل ممكن يكون لحظة نرجع فيها لنفسنا وسط الزحمة
نركز في نفسنا.. في تنفسنا.. في إحساس جسمنا.. في الأصوات حوالينا.. وفي اللحظة اللي إحنا عايشينها دلوقتي
بدل ما نفضل عايشين في اللي حصل أو بنقلق من اللي لسه هيحصل نتعلم نرجع للحظة الحالية
ومع الوقت التأمل ممكن يساعدنا إننا نلاحظ أفكارنا ومشاعرنا من غير ما نصدق كل فكرة بتعدي في دماغنا
ومن غير ما نحكم على كل إحساس بيظهر جوانا
ممكن نلاحظ الخوف من غير ما نهرب منه والغضب من غير ما نتصرف من خلاله والحزن من غير ما نلوم نفسنا عليه
وممكن نكتشف إن مجرد إننا نلاحظ اللي بيحصل جوانا أحيانا بيخلق مساحة بيننا وبين رد فعلنا
مساحة صغيرة.. لكن فيها اختيار .. والتأمل مش لازم ياخد وقت طويل
ممكن يكون دقايق قليلة في بداية اليوم أو نفس عميق قبل ما نرد أو لحظة هدوء من غير موبايل أو حتى إننا نشرب قهوتنا وإحنا موجودين معاها بدل ما نكون بنفكر في عشر حاجات تانية
لأن الهدف مش إننا نهرب من الحياة لكن إننا نعيشها بوعي أكبر
فجربي النهاردا تاخدي كام دقيقة لنفسك اقعدي في مكان هادي.. خدي نفس ببطء.. وسيبي كل حاجة زي ما هي
مش مطلوب منك تغيري حاجة مش مطلوب منك توصلي لحالة معينة ومش مطلوب منك تمنعي أفكارك
بس لاحظي إيه اللي بيحصل جواكي دلوقتي؟
إيه اللي حاسة بيه؟ وإيه اللي محتاجة تسمحي لنفسك تكون معاه من غير مقاومة؟
عشان كدا التأمل جزء أساسي في جميع جلسات فنون الإنسانية 🤍
📩 ولو حابة تعرفي أكتر عن برامجنا .. ابعتيلنا «فنون الإنسانية» في الرسايل وهنبعتلك كل تفاصيل الجلسة الفردية والورش الجماعية
📌 التأمل هو الخطوة التاسعة من خطوات الوصول للسلام النفسي من خلال فنون الإنسانية .. تابعيني عشان تعرفي باقي الخطوات 🤍
28/09/2026
أحيانا بنكون عارفين إحنا عايزين نوصل لفين
وعارفين إيه العادات اللي محتاجة تتغير لكن رغم كدا بنفضل حاسين إن في حاجة جوانا لسه معطلانا في مكاننا
يمكن تكون فكرة قديمة عن نفسنا أو خوف أو تعلق
أو دور اتعودنا نلعبه عشان نرضي اللي حوالينا أو حتى صورة معينة كنا فاكرين إن لازم نفضل محافظين عليها
وعشان كدا التغيير مش دايما معناه إننا نضيف حاجة جديدة لحياتنازأحيانًا البداية الحقيقية بتكون في التخلي عن حاجات قديمة
التخلي عن حاجة مبقتش شبهنا.. عن معتقد بيحط لنا حدود.. عن علاقة أو سلوك بيستنزفنا.. عن جلد الذات
وعن محاولة إننا نكون نسخة معينة عشان نستحق الحب أو القبول
لكن التخلي لوحده مش كفاية
لأن بعد ما نسيب مساحة، محتاجين نسأل:
أنا عايزة أتحلى بإيه؟
إيه الصفات والقيم اللي عايزة أقرب منها؟
عايزة أتحلى بالهدوء؟ بالشجاعة؟ بالرحمة مع نفسي؟
بالمرونة؟ بالثقة؟ بالقدرة على وضع حدود؟ بالرضا؟
ولا يمكن بالصدق مع نفسي حتى لو مش كل الناس هتفهمني؟
والتحلي مش مجرد كلام بنقوله عن نفسنا
لكنه حاجات صغيرة بنمارسها كل يوم لحد ما تبدأ تبقى جزء من طريقتنا في الحياة
ومن هنا يبدأ التجلي
مش بمعنى إن الحياة هتبقى مثالية
ولا إن كل حاجة هتحصل بالشكل اللي إحنا متخيلينه
لكن بمعنى إن اللي جوانا يبدأ يبان في اختياراتنا
في طريقتنا في التعامل في علاقاتنا في حدودنا
وفي شكل الحياة اللي بنبنيها
أحيانا إحنا مش محتاجين نبقى شخص جديد
قد ما محتاجين نرجع أقرب للشخص اللي إحنا عليه أصلا
بعد ما نشيل طبقات كتير اتكونت جوانا مع الوقت
فاسألي نفسك:
إيه اللي محتاجة أتخلى عنه؟
وإيه اللي محتاجة أتحلى بيه؟
وإيه الجزء الحقيقي مني اللي مستعدة أسمح له يتجلى؟
يمكن الخطوة دي تكون مش عن الوصول لنسخة أفضل منك قد ما تكون عن الرجوع لنفسك 🤍
لو حاسة إن في حاجة جواكي محتاجة تتفك
أو إنك مستعدة تسيبي حاجة قديمة وتفتحي مساحة لحاجة جديدة
📩 ابعتيلنا «التجلي بالإنسانية» في الرسايل
وهنبعتلك كل تفاصيل الجلسة الفردية والورش الجماعية
التجلي بالإنسانية هي الخطوة الثامنة من خطوات الوصول للسلام النفسي من خلال فنون الإنسانية 🤍
📌 تابعيني عشان تعرفي باقي الخطوات
27/09/2026
حياتنا مش بتتكون بس من القرارات الكبيرة أو الأهداف اللي بنحطها لكن كمان من الحاجات الصغيرة اللي بنعملها كل يوم
ميعاد نومنا وصحيانا/ طريقة أكلناذ/ وقت الراحة/ استخدامنا للموبايل/ شغلنا وإنجازاتنا/ علاقتنا بالناس/ وحتى الوقت اللي بنسيبه لنفسنا
كل ده بيشكل إيقاع حياتنا ومع الوقت بيأثر على مشاعرنا وطاقتنا وجودة حياتنا
وأحيانا بنكون عارفين إحنا عايزين إيه لكن عاداتنا اليومية بتاخدنا في اتجاه تاني
نقول إننا محتاجين راحة لكن ما بنديش نفسنا وقت نرتاح
ونقول إن صحتنا مهمة لكن يومنا كله ما بيسمحش لنا نهتم بيها ونقول إننا عايزين نكون أقرب لنفسنا لكن طول الوقت مشغولين ومش بنسمع احتياجاتنا
وعشان كدا مهم نسأل نفسنا:
إيه العادات اللي بتدعم الحياة اللي أنا عايزاها؟
وإيه العادات اللي بتستنزفني أو بتبعدني عن نفسي؟
ومش لازم يكون الحل إننا نملا يومنا بعادات جديدة وقوائم مهام أكتر.. أحيانا إحنا محتاجين نبسط ونسيب مساحة للراحة، والعفوية، واللعب، والهدوء
لأن الإيقاع الصحي مش معناه إن كل يوم يكون مثالي ومنظم لكن إن يكون فيه توازن بين السعي والراحة، بين المسؤوليات واحتياجاتنا، وبين الإنجاز والحياة 🤍
فالسلام النفسي مش بس في إننا نعرف إحنا عايزين نوصل لفين لكن كمان في إن الطريقة اللي بنعيش بيها يومنا تكون متوافقة مع الحياة اللي اخترناها لنفسنا
لو حاسة إن يومك بيعدي بسرعة وبضغط أو إنك بتكرري عادات مش شبهك، أو محتاجة تعيدي ترتيب إيقاع حياتك
📩 ابعتيلنا «العادات الإنسانية» في الرسايل
وهنبعتلك كل تفاصيل الجلسة الفردية والورش الجماعية
العادات هي الخطوة السابعة من خطوات الوصول للسلام النفسي من خلال فنون الإنسانية 🤍
📌 تابعيني عشان تعرفي باقي الخطوات
24/09/2026
أوقات بنحط أهداف لأننا متعودين نحطها.. أو لأن الناس حوالينا شايفين إنها المفروض تكون أهدافنا.. فنفضل نسعى ونجتهد لكن من جوانا مش حاسين بالرضا أو المعنى
وعشان كدا مش كل هدف بنسعى ليه بيكون فعلا هدف شبهنا لأن الأهداف مش بس حاجات عايزين نحققها..
لكن هي انعكاس لقيمنا واحتياجاتنا والصورة اللي بنحب نكون عليها في حياتنا
لما نفهم نفسنا أكتر نقدر نحدد أهداف نابعة مننا إحنا.. مش من توقعات الآخرين.. ونفرق بين اللي أنا فعلا عايزاه واللي اتعلمت إني لازم أكون عايزاه.د
وكمان نفهم إيه اللي بيوقفنا عن تحقيق أهدافنا..
هل هو خوف؟
أفكار معينة عن نفسنا؟
عادات وسلوكيات؟
ولا يمكن الهدف نفسه محتاج يتراجع أو يتغير؟
لأن الوصول للسلام النفسي مش معناه إننا نحقق كل أهدافنا.. لكن إننا نكون واعيين بإيه اللي بنسعى ليه وليه بنسعى ليه ونختار أهداف تساعدنا نبني حياة أقرب لينا 🤍
لو حاسة إنك محتاجة تفهمي نفسك أكتر، وتحددي أهدافك بشكل أوضح، وتعيشي حياة شبهك وتوصلي للسلام النفسي:
📩 ابعتيلنا (الأهداف الإنسانية ) في الرسايل
وهنبعتلك كل تفاصيل الجلسة الفردية والورش الجماعية
الأهداف هي الخطوة السادسة من خطوات الوصول للسلام النفسي من خلال فنون الإنسانية 🤍
📌 تابعيني عشان تعرفي باقي الخطوات
22/09/2026
كل يوم بنعمل تصرفات وقرارات كتير.. وأوقات بنلاقي نفسنا بنكرر نفس السلوك رغم إننا عارفين إنه مش بيساعدنا.. أو بنتصرف بطريقة مش شبهنا،ط.. وبعدها نسأل نفسنا: أنا ليه عملت كده؟
السلوك مش بيظهر من فراغ.. لأ .. غالبًا وراه أفكار.. ومشاعر.. واحتياجات.. وتجارب سابقة أثرت في الطريقة اللي بنتعامل بيها مع نفسنا ومع اللي حوالينا
لما نبدأ نفهم سلوكنا بوعي ورحمة بنقدر نختار بدل ما نتصرف بشكل تلقائي .. ونغير العادات والأنماط اللي ما بقتش مناسبة لينا.. ونبني طرق جديدة في التعامل مع نفسنا ومع الحياة
وعشان نقدر نعيش حياة أقرب لينا ونوصل للسلام النفسي محتاجين مش بس نفهم مشاعرنا.. لكن كمان نفهم إزاي مشاعرنا وأفكارنا بتأثر على سلوكنا 🤍
لأن السلام النفسي مش معناه إننا نتصرف صح طول الوقت .. لكن إننا نكون واعيين بتصرفاتنا وقادرين نختار سلوك يساعدنا نعيش الحياة اللي عايزينها
لو حاسة إنك محتاجة تفهمي نفسك ومشاعرك وسلوكياتك أكتر وإنك عايزة تعيشي حياة شبهك وتوصلي للسلام النفسي
📩 ابعتيلنا (السلوك الإنساني) في الرسايل
وهنبعتلك كل تفاصيل الجلسة الفردية والورش الجماعية
السلوك هو الخطوة الخامسة من خطوات الوصول للسلام النفسي من خلال فنون الإنسانية 🤍
📌 تابعيني عشان تعرفي باقي الخطوات
21/09/2026
كل واحدة فينا بتمر بمشاعر مختلفة كل يوم
فرح، حزن، خوف، غضب، قلق، احتياج، حب، إحباط وغيرهم
وأوقات بنكون حاسين بمشاعر قوية لكن مش فاهمين هي جاية منين أو بنحاول نتجاهلها أو نسيطر عليها بدل ما نفهمها ونسمع الرسالة اللي وراها
فهم مشاعرنا مش معناه إننا نسيبها تتحكم فينا ولا إننا نحاول نتخلص من المشاعر الصعبة.. لكن إننا نتعلم نلاحظها، نفهمها، ونسمح لنفسنا نعيشها بطريقة آمنة ومتوازنة
وعشان نقدر نعيش حياة أقرب لينا ونوصل للسلام النفسي
محتاجين نفهم مشاعرنا ونعرف نتعامل معاها بوعي ورحمة 🤍
لأن السلام النفسي مش معناه إننا نكون مبسوطين طول الوقت لكن إننا نكون قادرين نفهم اللي بيحصل جوانا ونسمح لنفسنا نحس ونتعامل مع مشاعرنا بطريقة تساعدنا نعيش الحياة اللي عايزينها
لو حاسة إنك محتاجة تفهمي نفسك ومشاعرك أكتر
وإنك عايزة تعيشي حياة شبهك وتوصلي للسلام النفسي
📩 ابعتيلنا (المشاعر الإنسانية) في الرسايل
وهنبعتلك كل تفاصيل الجلسة الفردية والورش الجماعية
المشاعر هي الخطوة الرابعة من خطوات الوصول للسلام النفسي من خلال فنون الإنسانية 🤍
تابعيني عشان تعرفي باقي الخطوات
Be the first to know and let us send you an email when Dr.Hager Kandeel Fitness Psychological Coach posts news and promotions. Your email address will not be used for any other purpose, and you can unsubscribe at any time.
