Dr.Youstina Isaac د/يوستينا إسحاق

25/08/2026

25/08/2026

الفحوصات والتحاليل الطبيه المهمة قبل دخول الطفل المدرسه 🤓🎒:
أهم الفحوصات الطبية والتحاليل الأساسية للاطمئنان على صحة الطفل قبل دخول المدرسة تشمل الفحص الشامل للنظر، الأسنان، والدم لضمان تركيزه ونشاطه.

🟢الفحوصات الطبية الأساسية:

١-فحص النظر: للتأكد من قدرة الطفل على الرؤية بوضوح ومنع أي تأخر دراسي بسبب ضعف البصر.

٢-فحص الأسنان: للاطمئنان على خلو الأسنان من التسوس وعلاج أي آلام قد تشتت انتباه الطفل أثناء الحصص.

٣-فحص السمع: للتأكد من سلامة الأذن وقدرة الطفل على الاستماع والمشاركة بفاعلية.

✅التحاليل الطبية الهامة:

١-صورة الدم الكاملة (CBC): للكشف المبكر عن الأنيميا أو فقر الدم الذي يسبب الإرهاق وقلة التركيز.

٢-تحليل مخزون الحديد (Ferritin): لتقييم طاقة ونشاط الطفل ومساعدته على الاستيعاب.

٣-فحص فيتامين د: لدعم المناعة وصحة العظام وتقليل الشعور المستمر بالإجهاد.

24/08/2026

👶⚠️ 10 أخطاء بنعملها مع الطفل حديث الولاده ،وإحنا فاكرين إنها صح!
أول كام شهر مع المولود الجديد بيعدوا بتوتر، وعشان بنحبه وبنخاف عليه، ساعات بنقع في أخطاء بنفتكرها صح! 👶✨
عشان كده جمعتلك أهم 10 أخطاء في التعامل مع حديثي الولادة، عشان نتجنبها ونخلي رحلة الأمومة أسهل وأكثر أمان
❤️👇

1️⃣ التقميط والتدفئة الزايدة
التدفئة المبالغ فيها ممكن تضايق الطفل وتزود حرارته، فالأفضل تلبسيه طبقة واحدة زيادة عن اللي إنتِ لابساه في نفس الجو. 👕❄️

2️⃣ إعطاء المية أو الأعشاب 💧
لبن الأم أو اللبن الصناعي بيكفي احتياجات الطفل من السوائل خلال أول 6 شهور، ومش محتاج مية أو أعشاب إلا بتوجيه طبي.

3️⃣ نوم الطفل على بطنه 🛌
خلي طفلك ينام على ظهره في كل مرة، وعلى سطح ثابت ومستوٍ، لتقليل مخاطر النوم غير الآمن.

4️⃣ هز الطفل بقوة عشان يسكت ❌👶
هز الرضيع بعنف ممكن يسبب إصابات خطيرة بالمخ والعينين، وقد يؤدي إلى ما يُعرف بـ متلازمة هز الرضيع.

5️⃣ استخدام بودرة التلك والعطور 🧴
استنشاق بودرة التلك ممكن يسبب مشاكل للجهاز التنفسي، والعطور القوية ممكن تهيج جلد وأنف الطفل. الأفضل تجنبها واستخدام منتجات مناسبة للرضع عند الحاجة.

6️⃣ تنظيف الأذن بالقطن من جوة 👂⚠️
مش محتاج تدخلي أعواد القطن داخل قناة الأذن؛ التنظيف يكون من الجزء الخارجي فقط، لأن إدخالها للداخل ممكن يسبب إصابة أو يدفع الشمع للداخل.

7️⃣ وضع مواد غريبة على السرة 🩺
بلاش كحل أو زيوت أو خلطات على السرة. خليها نظيفة وجافة، واتّبعي تعليمات طبيب الأطفال أو المستشفى بخصوص العناية بها.

8️⃣ الاستحمام اليومي بالصابون القوي 🛁
جلد حديث الولادة حساس، والاستحمام المتكرر والصابون القوي ممكن يسبب جفاف وتهيج الجلد. غالبًا يكفي الاستحمام مرتين أو 3 مرات أسبوعيًا مع تنظيف المناطق التي تحتاج ذلك.

9️⃣ الالتزام بمواعيد صارمة للرضاعة ⏰🍼
خصوصًا في بداية الرضاعة الطبيعية، الأفضل الاستجابة لعلامات الجوع والرضاعة حسب احتياج الطفل، بدل الاعتماد فقط على مواعيد ثابتة بالساعة.

🔟 التهاون مع السخونية 🌡️🚨
لو عمر الطفل أقل من 3 شهور ودرجة حرارته 38° مئوية أو أكثر، لازم يتم تقييمه طبيًا بشكل عاجل، حتى لو شكله كويس.

❤️ افتكري دايمًا:
مش كل حاجة اتعودنا نعملها مع الأطفال زمان معناها إنها آمنة أو مناسبة دلوقتي.
احفظي البوست عندك 📌
وابعتِيه لأي أم لسه عندها مولود جديد 👶

23/08/2026

تطورات الطفل الرضيع في الشهر الرابع 👶🥰:
في الشهر الرابع، يصبح الطفل أكثر تفاعلاً ووعياً بما حوله. يرفع رأسه وصدره وهو على بطنه، ويبدأ بالضحك بصوت عالٍ والتعرف على وجوه أهله، كما يتحسن توافق يديه وعينيه ليتمكن من إمساك الألعاب وتقريبها إلى فمه.

🥰التطور الحركي والجسدي :
١-يرفع رأسه بثبات دون دعم عند حمله.
٢-يرتكز على كوعيه وهو مستلقٍ على بطنه.
٣-قد يتدحرج من وضعية البطن إلى الظهر.
٤-يمد ساقيه ويدفع بهما إذا لامستا سطحاً صلبأ.

🥰التطور الحسي والذهني :
١-يتابع الأشياء المتحركة بعينيه من كل الزوايا.
٢-يميز الألوان الزاهية ويبدي تفضيلاً لبعضها.
٣-يمد يده ليلتقط الأشياء عن عمد.
٤-يضع أي شيء تلمسه يده مباشرة في فمه للاستكشاف.

🥰التطور الاجتماعي والتواصل:
١- بتسم ويضحك باستمرار للتفاعل مع الآخرين.
٢-يصدر أصوات غمغمة تشبه الحروف مثل "با" أو "ما".
٣-ينتبه للأصوات العالية ويلتفت نحو مصدرها.

🥰النوم والغذاء:
ينتظم نومه قليلاً، ليحتاج إجمالاً بين 14 إلى 16 ساعة يومياً تشمل الليل وقيلولات النهار.

يُفضل الاعتماد الكلي على الحليب (طبيعي أو صناعي) مع الاستمرار في تأجيل الأطعمة الصلبة لشهر لاحق حسب توصيات منظمة الصحة العالمية.

23/08/2026

أهم ٩ دقايق في يوم طفلك
١-أول ٣ دقايق لما يصحى من النوم
٢-أول ٣ دقايق لما يرجع من المدرسه أو الحضانه
٣-اخر ٣ دقايق قبل ماينام 🥰

22/08/2026

المغص والانتفاخ عند الأطفال حديثي الولاده:
من اكبر المشاكل اللي بتقابل كل ام ،عشان كده هنتكلم عن أهم الحلول للمشكلة الشائعة دي.

🛑 إزاي تعرفي إن إبنك بيعاني من المغص ؟

بتلاقي الطفل
🔹وشه مكشر ومش مرتاح على اي وضع
🔹قافل ايديه الاتنين وعياط مستمر.
🔹جايب ركبته على بطنه زي ما يكون مقرفص
🔹وشه احمر وساعات بيبقى غامق اوي من الحزق
🔹بطنه منفوخة زي الطبله

🛑 طيب ايه السبب ؟

🔶 المغص مش بيعتبر مرض ولكن يعتبر مرحلة تطور طبيعيه في الأطفال حديثي الولاده ،وبيختفي عند سن ٥-٦ شهور.

🛑إمتى نقلق،أو إيه هي علامات الخطر ؟

١-الترجيع،بالذات لو القئ لونه أخضر ده مقلق جدا.
٢-العياط مستمر أكتر من ٣ ساعات.
٣-لو معاه حراره عاليه.
٤-لو معاه رفض للرضاعه وخمول.
٥-ظهور دم في البراز.
دي كلها علامات تدل إنه مش مغص طبيعي ولازم نتوجه بسرعه للطبيب.⚠️

🛑 نصايح وحلول للمغص الطبيعي أو الحميد في الأطفال الرضع..

١- خدي بالك من الحاجات اللي انت بتاكليها لو بترضعي طبيعي ... لإن حاجات زي القهوة و النسكافيه والبصل والثوم ومنتجات الألبان وكمان الحاجات السبايسي spicy ..ممكن تفرز في اللبن وتسبب غازات للطفل .

٢- لو بيرضع صناعي استشيري دكتور الاطفال لو محتاج يغيير نوع ال formula .

٣- طريقة الرضاعة نفسها

👈 لو الطفل بيرضع طبيعي لازم ح**ة صدرك والهالة حواليها تكون كلها جوا فم الطفل بحيث مايبلعش هوا وهو بيرضع وينزله لبن أكتر

وسواء الطفل بيرضع طبيعي أو صناعي لازم الطفل يرضع في وضع شبه جالس وأبدا ما ترضعيهوش وهو نايم لإن دا بيدي فرصة للغازات تتكون أكتر

٤- التكريع
لازم تكرعي الطفل مرتين ... مرة في نص الرضعة و مرة بعد ما يخلصها

٥- ممكن تنيمي الطفل على بطنه شوية بعد الرضعه ب نص ساعه الوضع دا بيساعد على التخلص من الغازات الزيادة بس ناخد بالنا كويس ان الطفل يكون مراقب في الوقت ده مينفعش تسيبيه لوحده ولدقائق معدوده ✋

٦-تمارين العجلة : بيكون بعد الرضاعة ب ساعة على الاقل

٧-مساج البطن: بطريقة دائرية مع إتجاه عقارب الساعه ولازم يكون بعد الرضاعة ب ساعة عشان ميرجعش

٨- الباكتيريا الحميده Probiotics عملت طفره في علاج المغص ..استشيري دكتور الأطفال علي أحسن الأنواع والجرعة المناسبه.

٩ - بنستعين ببعض أنواع الأدوية اللى بتحتوى على الثايميثكون زى الدنتينوكس أو الثايميثكون وغيرهم

١٠-النقط الهاضمة لللاكتوز :بتساعد على تخفيف المغص زي Easy col..استشيري دكتور الاطفال علي الجرعه المناسبه.

١١-الرضاعة الطبيعى بتبقى وقت الطلب on demand انما الرضاعه الصناعى هو اللى فيه تنظيم الرضعات بيبقى كل ساعتين او تلاتة وده بيقلل الانتفاخ لأنه الصناعى بيزود الانتفاخ والمغص اكتر من الطبيعى.

22/08/2026

صحة الأم النفسية بتنعكس على صحة طفلها! لو بتحسي بإرهاق أو ضغط، ماتتردديش تطلبي المساعدة. أخد قسط من الراحة أو مجرد الكلام مع صديقة ممكن يفرق كتير. اعتني بنفسك عشان تقدري تعتني بطفلك🥰🥰