د/ محمد عماد بشير

25/05/2026

كل عام وحضراتكم بخير
اعاده الله علينا بالخير واليمن والبركات

23/05/2026

🚨 مريض كان بيتعالج على إنه أزمة في الرئة… لكن الحقيقة إن المشكلة كانت في البروستاتا والكُلى!

👨‍⚕️ المريض كان يعاني بالفعل من مرض مزمن بالرئة، ومنتظم على علاجه، لكن في الفترة الأخيرة بدأ النهجان يزيد بصورة ملحوظة رغم زيادة العلاج واستخدام أكثر من مضاد حيوي بدون استجابة حقيقية.

📌 هنا تظهر أهمية عدم التعامل مع أي عرض بشكل سطحي، وأهمية إعادة تقييم الحالة كاملة وعدم افتراض أن السبب دائمًا هو نفس المرض القديم.

🩺 أثناء الكشف والفحص الإكلينيكي، تم عمل سونار سريع على البطن والمثانة والكلي داخل العيادة، وكانت المفاجأة أن المشكلة الأساسية لم تكن من الرئة هذه المرة!

❗المريض كان يعاني من احتباس بول شديد نتيجة تضخم كبير بالبروستاتا، مما أدى إلى:
🔹 ضغط شديد على الكلي
🔹 تأثر وظائف الكلي
🔹 احتباس سوائل بالجسم
🔹 وارتشاح على الرئة تسبب في زيادة النهجان

✅ تم تحويل المريض فورًا لتخصص المسالك البولية، وبعد تركيب قسطرة بولية خرج حوالي ٥ لتر بول محتجز داخل الجسم 💧

🌿 وتحسن النفس بصورة ملحوظة جدًا مباشرة بعد تفريغ الاحتباس بفضل الله.

📖 الرسالة المهمة:
السونار لم يعد رفاهية أو خطوة إضافية…
في كثير من الحالات قد يكون جزءًا أساسيًا من الفحص، ويساعد على الوصول للتشخيص الصحيح بسرعة، خاصة عندما تكون الأعراض متشابكة أو مضللة.

🎯 أحيانًا دقائق قليلة من الفحص الجيد والسونار قد تمنع تدهورًا خطيرًا أو تنقذ مريضًا من مضاعفات كبيرة.

🙏 الحمد لله دائمًا وأبدًا.

13/05/2026

مقاومة الأنسولين وعلاقتها بالسمنة

28/04/2026

متابعينا الأعزاء

🤔 سؤال مهم جدًا!

تفتكر إيه اللي بيبدأ الأول؟

🔹 مقاومة الإنسولين هي اللي بتعمل سمنة؟
أم
🔹 السمنة هي اللي بتعمل مقاومة إنسولين؟

وهل فعلًا فيه تحليل اسمه مقاومة الإنسولين؟
ولو موجود... هل ليه لازمة وبيفيد في التشخيص؟ 👀

💬 اكتب رأيك في التعليقات
والإجابة العلمية الكاملة في البوست الجاي 🔥

د. محمد عماد بشير

28/04/2026

21/04/2026

هو تشخيص السكر بيكون بالسكر التراكمي ولا العشوائي ولا الصايم والفاطر !!
هل ينفع نعتمد علي التراكمي بس في كل الحالات ؟
الحقيقة لا منقدرش نعتمد علي تحليل واحد لتشخيص السكر وكمان مفيش تشخيص بيعتمد بشكل كامل علي تحليل !
حالة من حالات العيادة
حللت سكر تراكمي طلع عالي ٨.٥ !!
ولما حللت صائم وفاطر طلع طبيعي !
أ.د محمد علاء استشاري العظام حولها لينا لمعرفة التشخيص الباطني
بعد الفحص الإكلينيكي
الحالة عندها نهجان وتعب مع أقل مجهود وشحوب في الوجه والسكر العشوائي طبيعي كمان
المريضة سألت محتارة كدا انا عندي سكر ولا معنديش ولا العيب في المعمل ولا فيك يا
دكتور !!!🤣(دي من عندي)
قلتلها مش في حد يا ست الكل
في حالات السكر التراكمي بيكون عالي بشكل. كاذب زي حالات الانيميا اللي الغالب عندك
هنعمل تحليل صورة دم قبل ما ناخد اي علاج
وبالفعل تحليل الدم أظهر أنيميا شديدة وتم تحويلها للمستشفى لنقل دم ثم استكمال المشوار لمعرفة سبب الانيميا
دعواتكم بالشفاء للمرضي
دمتم بعافية

13/04/2026

بفضل الله ❤️
من الحالات اللي نورتنا في العيادة وربنا أكرمنا ووصلنا للتشخيص الصح بسرعة
مريض كان بيعاني من الم باسفل البطن وترجيع وكان بياخد علاج للترجيع ومضادات حيوية بدون كشف عند طبيب ولم يحدث تحسن
بفحصه كان الأعراض التهاب الزايدة
وتم تأكيد دا بالسونار والتحاليل اللي أظهرت فعلا ارتفاع بمعدل الالتهاب
وتم تحويله للمستشفى لاستئصال الزائدة الدودية
وتمت بفضل الله والمريض تماثل للشفاء الحمد لله
شكر خاص لدكاترة الجراحة في مستشفى أبوكبير 🫡
الكشف مش رفاهية لأن التشخيص الخطأ ممكن يؤدي لمضاعفات لا تحمد عقباها
دمتم بعافية

11/04/2026

بفضل الله ❤️
من الحالات اللي ربنا كرمنا بتشخيصها في العيادة
مريض جاي بالم في المعدة بقاله فترة مبيتحسنش بالعلاج
بعد فحصه والكشف بالسونار تبين إن المشكلة مش مجرد الم بالمعدة زي ما كان فاكر ولكن فيه بؤرة في فص الكبد الأيسر ظهرت بالسونار وتم تحويله لاستشاري الأشعة لتأكيد التشخيص واللي أكد علي وجود بؤرة ورم بالفعل وتم التوصية بعمل أشعة ثلاثية الأبعاد علي الكبد
دعواتكم للمريض بالشفاء العاجل
ونصيحة للجميع متستهونش بالم البطن ممكن يكون مشكلة كبيرة محتاجة تتلحق
دمتم بعافية