Alamain Hospital NICU - حضانة مستشفى العلمين

  • Home
  • Egypt
  • Alamein
  • Alamain Hospital NICU - حضانة مستشفى العلمين

Alamain Hospital NICU - حضانة مستشفى العلمين وحدة العناية المركزة لحديثي الولادة

👶✨ ابن ابتسام ( صقر ) … بطل جديد خرج بالسلامة من حضانتنا 💙📌 اتولد في الأسبوع الـ 38 من الحمل، لكن لحظة الولادة كانت صعبة...
20/08/2026

👶✨ ابن ابتسام ( صقر ) … بطل جديد خرج بالسلامة من حضانتنا 💙
📌 اتولد في الأسبوع الـ 38 من الحمل، لكن لحظة الولادة كانت صعبة جدًا: ماقدرش ياخد نفسه بشكل تلقائي واحتاج تدخل سريع من فريق الحضانة علشان يبدأ يتنفس وتنتظم ضربات قلبه. بفضل الله ثم مجهود الفريق الطبي، قدر يستعيد أنفاسه تدريجيًا، ومع الرعاية الدقيقة تخطى مرحلة الخطر 🙏

بفضل سرعة استجابة الفريق الطبي، قدرنا نحافظ عليه من نقص الأكسجين بالمخ، وده كان السبب الرئيسي إنه خرج من غير أي مضاعفات 🙏

🍼 خلال أيامه الأولى:
• كان محتاج دعم بالأكسجين ومضادات حيوية.
• بدأ تدريجيًا يتغذى عن طريق الفم كل 3 ساعات.
• تم إيقاف الأكسجين بعد استقرار التنفس.
• التحاليل أظهرت ارتفاع في نسبة الصفراء بالدم (البيليروبين) ، وتم التعامل معه بالمتابعة والعلاج المناسب .

🌈 وبعد أيام من المتابعة الدقيقة، صقر دلوقتي خرج بالسلامة وهو مستقر، بيرضع بالفم، وبيكمل رحلته مع أسرته في البيت.

🙏 ندعو له بالصحة والعافية، ويكون دايمًا مصدر فرحة وأمل لأهله ولكل فريقنا الطبي

#خرجبالسلامة
#رحلةأمل

في إطار مرور الإدارة العامة لمكافحة العدوى خلال شهر يوليو 2026، حصلت حضانة مستشفى العلمين النموذجي على المركز الأول على ...
30/07/2026

في إطار مرور الإدارة العامة لمكافحة العدوى خلال شهر يوليو 2026، حصلت حضانة مستشفى العلمين النموذجي على المركز الأول على مستوى محافظة مطروح في التقييم الإحصائي لمكافحة العدوى، وذلك تقديرًا لالتزامها بتطبيق أعلى معايير الجودة وضمان بيئة آمنة للأطفال حديثي الولادة.

وقد أعرب الدكتور عمرو قنديل، نائب وزير الصحة للطب الوقائي، عن تقديره البالغ لمدير وحدة الحضانة، مثمنًا مجهوداته المتميزة في تطوير الخدمة والارتقاء بمستوى الأداء بما يتماشى مع سياسات وزارة الصحة في تعزيز منظومة مكافحة العدوى.

إن هذا الإنجاز يعكس الجهود المتواصلة لفريق العمل بالحضانة، ويؤكد حرص المستشفى على تقديم أفضل رعاية صحية وفقًا للمعايير الوطنية والدولية.

👶✨ الحمد لله… عدى ابننا خرج من الحضانة وهو بخير ✨👶في الوقت اللي ناس فقدت الأمل في حالة "عدى" بسبب صعوبة حالته، لكن فريق ...
20/07/2026

👶✨ الحمد لله… عدى ابننا خرج من الحضانة وهو بخير ✨👶
في الوقت اللي ناس فقدت الأمل في حالة "عدى" بسبب صعوبة حالته، لكن فريق الحضانة ما استسلمش. فضلنا نكمل شغلنا خطوة بخطوة، متابعة دقيقة يوم بيوم، علاج، تغذية، دعم للأهل، لحد ما الطفل اتحسن وخرج بالسلامة.

عدى اتولد يوم 24/5/2026 في الأسبوع الـ 28 من الحمل بوزن 1150 جم، ودخل الحضانة بسبب صعوبة في التنفس بعد رحلة طويلة مليانة تحديات، خرج بعد 59 يوم متابعة دقيقة على وزن 1650 جم.

🚑 رحلة العلاج:
• بدأ على جهاز تنفس صناعي مع محاليل ومضادات حيوية.
• حصل له انسداد في الأنبوبة الحنجرية أكثر من مرة ونوبات توقف تنفس.
• اتعمل له نقل دم أكثر من مرة بسبب الأنيميا.
• اتعملت له أشعة صدر أظهرت التهاب وانهيار في جزء من الرئة، لكن اتحسن مع العلاج.
• اتعملت له موجات صوتية على المخ، وكان فيه نزيف بسيط في البداية لكن الفحوصات الأخيرة طلعت طبيعية.
• التغذية بدأت تدريجيًا بأنبوبة المعدة، وفي الأول كان مش قادر يستحمل الرضاعة، لكن بعد كده اتحسن لحد ما بدأ يرضع بالفم
• وبدأنا نحسبله السعرات الحرارية عشان يقدر يزيد في الوزن ويشد حيله.

👩‍⚕️نجاح رحلة "عدى" كان بفضل تعاون فريق طبي كامل:
• أطباء الحضانة: متابعة دقيقة للتنفس، الضغط، التغذية، ونقل الدم.
• التمريض: مراقبة مستمرة، شفط الإفرازات، علاج طبيعي على الصدر، إعطاء الأدوية، ومتابعة العلامات الحيوية لحظة بلحظة.
• فريق الأشعة والمعمل: متابعة الأشعة والتحاليل بشكل دوري لتقييم الرئة والمخ والدم.
• الصيدلة الإكلينيكية : دور مهم جدًا في ضبط جرعات المضادات الحيوية، متابعة التداخلات الدوائية، التأكد من أمان الأدوية مع وزن الطفل الصغير جدًا، ومراجعة خطة العلاج الدوائي يوميًا مع الفريق.
• الأم: كانت جزء أساسي من الفريق، بتيجي يوميًا، وبتتعامل مع الطفل، وبتجيب لبن طبيعي ، وده ساعد في سرعة التحسن.

📃 الخطة عند الخروج:
• متابعة الوزن والقياسات بشكل دوري.
• دعم الأم والإجابة على أي استفسار علشان تكون مطمئنة وتعرف إزاي تهتم بيه في البيت.

🌸 بعد 59 يوم من الصبر والمتابعة الدقيقة، عدى خرج بالسلامة وهو مستقر، وداخل مرحلة النمو والرضاعة الطبيعية مع أسرته. 🙏 ربنا يحفظه ويبارك فيه ويجعله قرة عين لأهله، ويشفي كل أطفال الحضانات ويطمن قلوب أهاليهم.

🌸رحلة عدى كانت مثال على قوة الفريق الطبي المتكامل… وكل يد ساعدت كانت سبب في خروجه بالسلامة

#الحضانة

👶✨ الحمد لله… يونس خرج من الحضانة وهو بخير ✨👶اتولد في الأسبوع الـ 33 من الحمل بوزن 1.9 كجم. الولادة كانت طبيعية لكن من أ...
16/07/2026

👶✨ الحمد لله… يونس خرج من الحضانة وهو بخير ✨👶

اتولد في الأسبوع الـ 33 من الحمل بوزن 1.9 كجم. الولادة كانت طبيعية لكن من أول لحظة ظهر عليه علامات صعوبة في التنفس: سرعة في النفس ، صوت أنين ، وانكماش في عضلات الصدر. رغم البداية الصعبة، الطفل أطلق أول صرخة بعد الولادة.

🤰 الأم: أول حمل وولادة حالتها الطبية سليمة بس حصل عندها نزول مياه الجنين لمدة ساعتين قبل الولادة.

🚑 الدخول للحضانة: من أول لحظة دخل على جهاز CPAP ، واتحط من غير رضاعة وعلى محاليل وكافيين و كالسيوم واحتاج دوبامين.

📈 التطورات:
• الحمد لله الطفل استقر تنفسيًا وبقى على هواء الغرفة من غير أكسجين إضافي.
• بدأ يرضع لبن الأم
• المحاليل اتشالت.
• الكافيين اتوقف بعد ما اتأكدنا انه مش محتاجه.
• الكالسيوم اتوقف.
• الدوبامين اتوقف بعد استقرار الضغط.

📃 الخطة:
• الاستمرار في زيادة التغذية تدريجيًا (advance feeding) مع متابعة التحمل.
• متابعة الوزن والقياسات يوميًا.
• الأم بتيجي يوميًا وبتتعامل مع الطفل وبتجيب لبن الأم (EBM)، وده بيساعد جدًا في سرعة التحسن.
• بعد استقرار الطفل، خرج بالسلامة على وزن 1850 جرام، مع متابعة دورية كل أسبوعين علشان نطمن على وزنه ونموه.

🌸 بعد رحلة متابعة دقيقة يوم بيوم، الطفل خرج من المرحلة الحرجة، واستقرت حالته ودخل في مرحلة النمو والرضاعة الطبيعية. وهنستمر في المتابعة معاه ومع والدته علشان نطمن على وزنه ونموه، ونساعد الأم في أي سؤال أو استفسار يخص التغذية أو العناية بيه في البيت.

🙏 ربنا يحفظه ويبارك فيه ويجعله قرة عين لأهله، ويشفي كل أطفال الحضانات ويطمن قلوب أهاليهم.






#الحضانة


👶✨ الحمد لله… يزن خرج من الحضانة وهو بخير ✨👶يزن اتولد يوم 12/6 في الأسبوع الـ 30 من الحمل بوزن صغير جدًا (1.35 كجم) وكان...
14/07/2026

👶✨ الحمد لله… يزن خرج من الحضانة وهو بخير ✨👶

يزن اتولد يوم 12/6 في الأسبوع الـ 30 من الحمل بوزن صغير جدًا (1.35 كجم) وكان محتاج رعاية مكثفة لأنه اتولد قبل ميعاده. من أول يوم دخل الحضانة على جهاز تنفس ودعم طبي، واتابع بدقة كل العلامات الحيوية. حصل له شوية نوبات توقف تنفس (apnea) واتعاملنا معاها، وكمان كان عنده صفرا عالية واتحط تحت العلاج الضوئي.

📈 مع الوقت بدأ يتحسن:
• بقى يتنفس لوحده على هواء الغرفة.
• بدأ يرضع لبن الأم كل 3 ساعات.
• وزنه زاد تدريجيًا لحد ما وصل 1.650 كجم عند الخروج.
• تحاليله بقت أحسن والحمد لله.

💡 يزن قعد معانا في الحضانة شهر كامل تحت متابعة شديدة يوم بيوم، لحد ما استقر تمامًا. ودلوقتي خرج وهو كويس، وداخل مرحلة النمو والرضاعة الطبيعية مع أسرته. وهنشوفه كل أسبوعين في المتابعة علشان نطمن عليه ونراقب وزنه ونموه.

🤱 وكمان بنساعد مامته في أي سؤال أو استفسار علشان تكون مطمنة وتعرف إزاي تهتم بيه في البيت.

🙏 ربنا يحفظه ويبارك فيه ويجعله قرة عين لأهله، ويشفي كل أطفال الحضانات ويطمن قلوب أهاليهم.

🌸 رحلة صعبة لكن مليانة أمل… ويزن بقى قصة قوة وصبر لأهله

للتواصل على رقم الواتساب01272483332







👶💖رحمة محمد خلاف.. بطلتنا الصغيرة اللي اتولدت قبل معادها في الشهر السابع بوزن 1150 جم. من أول لحظة كانت محتاجة إنقاذ وتن...
07/07/2026

👶💖
رحمة محمد خلاف.. بطلتنا الصغيرة اللي اتولدت قبل معادها في الشهر السابع بوزن 1150 جم. من أول لحظة كانت محتاجة إنقاذ وتنفس صناعي، ومرت برحلة طويلة مليانة تحديات: صعوبات في التنفس، نوبات توقف النفس متكررة، تغذية معقدة، التهابات، نقل دم، وأيام طويلة على أجهزة التنفس والدعم.

كل يوم كان تحدي جديد: متابعة دقيقة لكل نفس، لكل نبضة، لكل وزن بيتغير. نقلنا لها دم لما الهيموجلوبين نزل، عدلنا بروتوكولات الكافيين عشان نسيطر على نوبات توقف النفس، وفضلنا نراقب الأشعة والتحاليل عشان نطمن إن كل عضو بيشتغل كويس.

تعبنا معاها ما كانش مجرد علاج، كان سهر ليالي، قلوب بتدعي، وأيادي بتشتغل بدقة عشان نوصل بيها لبر الأمان. ومع كل خطوة صغيرة كانت بتاخدها، كنا نحس إن تعبنا بيتحول لأمل.

الحمد لله، بعد رحلة مليانة صبر وتعب، رحمة خرجت بالسلامة 🎀 وبتتابع معانا في العيادة 🌱✨. دلوقتي بتتغذى بالفورمولا والرضاعة الطبيعية، وبتزيد في الوزن تدريجيًا. كل زيارة ليها مش بس فرحة، لكنها شهادة على قوة الفريق وروح الرحمة اللي بتخلق حياة جديدة.

🙏 ندعو لها تستمر في النمو والصحة، وتكون دايمًا مصدر إلهام لكل أهالي أطفال الحضانات، ورمز إن الرحمة والتعب والصبر ممكن يغيروا مصير طفل صغير.

غزل عمر… بطلة صغيرة عمرها أيام ✨👶 اتولدت يوم 24/5 وزنها 1300 جم، وكانت محتاجة دعم كبير من أول لحظة. دخلت الحضانة وهي عند...
17/06/2026

غزل عمر… بطلة صغيرة عمرها أيام ✨👶
اتولدت يوم 24/5 وزنها 1300 جم، وكانت محتاجة دعم كبير من أول لحظة. دخلت الحضانة وهي عندها صعوبة في التنفس، لكن أول بكاء كان تلقائي… علامة قوة من البداية 💪💖.
🌸 على جهاز التنفس الصناعي، محاليل، مضادات حيوية، وكافيين… غزل واجهت كل التحديات بشجاعة. ومع الأيام، بدأت تتحسن: اتفطمَت من الأكسجين، بقت ترضع من لبن الأم مع لبن الـ preterm، ووزنها بدأ يزيد تدريجيًا.
👩‍👧 مامتها كانت معاها يوم ورا يوم، ترضعها وتتعلم معاها خطوات الرعاية. ومع المتابعة الدقيقة، غزل بقت مستقرة ومستعدة تخرج.
🎉 النهاردة غزل خرجت من الحضانة بخير وسلامة، راجعة لحضن مامتها 💙🍼 رحلة مليانة تحديات، لكن مليانة أمل… وغزل مثال حي إن كل يوم في الحضانة بيصنع قصة نجاح جديدة 🌹

#حضانةالعلمين


قصة نجاح من حضانة مستشفى العلمين النموذجي…الطفلة مريم اتولدت بوزن 2.9 كجم ، بس من أول لحظة كان عندها صعوبة في التنفس لدر...
02/06/2026

قصة نجاح من حضانة مستشفى العلمين النموذجي…
الطفلة مريم اتولدت بوزن 2.9 كجم ، بس من أول لحظة كان عندها صعوبة في التنفس لدرجة الزرقان
🐣 أول ما دخلت الحضانة بدأت على جهاز CPAP عشان يساعدها تتنفس. بعد الفحص اتضح إن عندها ارتفاع شديد في ضغط الشريان الرئوي (PPHN) .
🩺 في البداية كانت محتاجة دعم بالأدوية زي الأدرينالين والدوبامين والسيلدنافيل، وكمان مضادات حيوية وجلسات علاج طبيعي للصدر. اتعمل لها أشعة وإيكو، والنتيجة أظهرت إن الحالة بدأت تتحسن تدريجيًا: الضغط الرئوي بقى بسيط.
📊 يوم ورا يوم العلامات الحيوية استقرت:
• النفس بقى منتظم
• الأكسجين اتشال
• التغذية بالفم بدأت تدريجيًا لحد ما بقت كاملة
• الأدوية اتوقفت واحدة واحدة
• الوزن زاد وبقى ثابت
🎉 في الآخر، مريم خرجت من الحضانة وهي مستقرة، بتتنفس طبيعي وبتتغذى كويس، راجعة لحضن ماما بخير وسلامة 💙🍼🌸

الفرحة دي بتفكرنا إن كل يوم في الحضانة هو قصة أمل جديدة، وأن فريقنا فعلاً بيكتب حكايات نجاح صغيرة بتكبر مع أطفالنا 🌸

#حضانات #توام

✨ قصة نجاح جديدة من حضانتنا ( آسيا و حنين ) يوم 23/5 استقبلنا توأم بنات اتولدوا بدري (حوالي 34 أسبوع) وبوزن قليل، واحدة...
02/06/2026

✨ قصة نجاح جديدة من حضانتنا ( آسيا و حنين )
يوم 23/5 استقبلنا توأم بنات اتولدوا بدري (حوالي 34 أسبوع) وبوزن قليل، واحدة 2 كيلو والتانية 1.9 كيلو. اتولدوا في الطوارئ، وكان عندهم صعوبة في التنفس من أول لحظة.
🐣 أول ما دخلوا الحضانة، الفريق الطبي عمل خطوات الإنعاش السريعة، وبدأوا على جهاز CPAP عشان يساعدهم يتنفسوا. اتعمل لهم تغذية وريدية مع متابعة دقيقة لكل العلامات الحيوية.
🩺 في الأيام الأولى كان في صعوبة في النفس لكن مع الدعم المستمر الحالة بدأت تتحسن تدريجيًا.
• النفس بقى منتظم
• الأكسجين اتشال
• التغذية بدأت تدريجيا لحد ما وصلنا للرضاعة الكاملة بالفم
• الأدوية والمحاليل اتوقفت
📊 كل يوم كنا بنسجل تحسن في الوزن والمقاسات الحيوية، لحد ما بقوا مستقرين تمامًا.
🎉 النهاردة، بعد رحلة مليانة تحديات، التوأم خرجوا من الحضانة وهم كويسين ومستقرين، راجعين لحضن مامتهم بخير وسلامة 🍼💙
شكرًا لفريق التمريض والأطباء اللي كانوا معاهم خطوة بخطوة، أنتم فعلاً صُنّاع الأمل 🌸

#حضانات #توام

Address

مستشفى العلمين النموذجي
Alamein

Website

Alerts

Be the first to know and let us send you an email when Alamain Hospital NICU - حضانة مستشفى العلمين posts news and promotions. Your email address will not be used for any other purpose, and you can unsubscribe at any time.

Shortcuts

Share

Category