Dr. Hala ElKelany د.هالة الكيلانى

21/08/2026

محتاج تاخد بالك… مش كل شعور لازم يتحكم فيك. 🤍

الغضب، الحزن، القلق… مشاعر طبيعية، لكن المشكلة بتبدأ لما المشاعر هي اللي تبدأ تسوق تصرفاتنا.

تنظيم المشاعر مش معناه إنك تمنع مشاعرك أو تتحكم فيها بالقوة؛
لكن إنك تفهمها، تستقبلها، وتتعلم تتعامل معاها بطريقة أكثر وعيًا وفعالية.

✨ وده اللي هنتعلمه في جروب DBT – مهارة تنظيم المشاعر:
إزاي نفهم مشاعرنا، نقلل من شدتها، ونتعامل معاها من غير ما نضيع نفسنا جواها.

✨جروب DBT ✨

مهارات العلاج الجدلي السلوكي
⚡بإشراف معالجين نفسيين

⚡مرة أسبوعيا لمدة 6 شهور

هنتعلم ونمارس في الجروب مهارات نعيش بيهم حياة تستحق أن تُعاش

⚡للاستفسار والحجز التواصل على :
01030418713
⚡بادر .. العدد محدود

16/08/2026

*لما يحصل خلاف بينك وبين شخص مهم بالنسبالك… 👀*

بتختار تحافظ على العلاقة؟
ولا تحافظ على حقك؟

وهل فعلًا لازم تختار واحد منهم؟ 🤔

يمكن المشكلة مش في إنك تختار…
لكن في إنك تتعلم إزاي تعمل الاتنين مع بعض، او ازاي تقلل الخساير قدر إمكانك .

✨ قريبًا هنبدأ مع بعض *مهارات العلاقات الفعّالة في DBT*
استنوا تفاصيل الجروب قريبًا…

14/08/2026

حنبدا قريبا موديول فاعلية العلاقات
اهلا بكم معنا

11/08/2026

ما تعيشش باقي حياتك بنفس نظرتك القديمة لنفسك طالما النظرة دي آذتك وعطلتك
مش مضطر تكمل بنفس النسخة
يلا نبدا نسخة أفضل مننا
ونخلي حياتنا

10/08/2026

05/08/2026

إحنا مش بنتعب لأن عندنا نقاط ضعف...
إحنا بنتعب لما نصدق إن وجودها معناه إننا أقل من غيرنا.
كل واحد فينا عنده حاجة يتمنى تكون فيه...
وده طبيعي.
لكن الخطر يبدأ لما نربط قيمتنا بالشخص اللي قدامنا، وننسى نشوف اللي جوانا.
💭 سؤال ليك:
إيه أكتر صفة بتبهرك في الناس؟
يمكن تكون هي نفسها الصفة اللي نفسك تنميها في نفسك.
اكتبها في التعليقات بكلمة واحدة. 🌿



#معًا_نبدأ_رحلة_حياة

28/07/2026

النتيجة هتقول مجموعك...
لكن عمرها ما هتقول قيمتك.

ورقة الدرجات بتقيس أداءك في امتحان...
لكن ما تقدرش تقيس ذكاءك، ولا أخلاقك، ولا تعبك، ولا قدرتك إنك تبدأ من جديد.

يمكن تحقق المجموع اللي بتحلم بيه...
ويمكن الحياة يكون ليها طريق تاني ليك.
وفي الحالتين... مستقبلك لسه بيتكتب.

اجتهدت؟
يبقى افتخر بنفسك.
قصرت؟
اتعلم، وابدأ من جديد.
اتأخرت؟
لسه قدامك فرص كتير.

ما تربطش احترامك لنفسك برقم.
ولا تسمح لنتيجة يوم واحد تحدد نظرتك لنفسك طول العمر.

قلنا كتيير مش عليكي غير السعي
سيبها على الله واتوكل عليه
ربنا يطمّن قلب كل طالب، ويكتب له الخير حيث كان.



#النتيجة

28/07/2026

والنهارده... قصتي أنا. 🥰

مع إتمامي سنة من عمري... وبداية سنة جديدة...
وقفت مع نفسي شوية.
ومع عمر مرّ أغلبه... ويعلم الله ما تبقي منه إن كان فيه بقية..
فيها ارضي ربي وأستغفر عن ذنبي وأعتذر عن خطئي وأعوض تقصيري ما استطعت ..

مرّ أمامي شريط طويل من الذكريات.
ذكريات لها ابتسمت فضحكت ... وأخرى أوجعتني...

تذكرت أحلامًا تحققت... وأحلامًا تأخر موعدها... وأحلامًا اكتشفت بعد سنوات أن عدم تحققها كان رحمة.
فاضت مشاعري بكل المراحل اللي عديت بيها... وطافت في بالي أفكار كتير...
كم مرة بدأت من جديد... وكم مرة ظنيت إن النهاية وصلت... ثم اكتشفت إنها كانت مجرد بداية لطريق آخر.
مش هقول: "يا ليت الزمان يعود يومًا..."
لأنه مش هيعود...
ولو عاد... يمكن ما كنتش هبقى الإنسانة اللي أنا عليها النهارده.

هفضل بحمد ربنا سبحانه من دبر لي امري و ممتنة لأجزاء من عمري صنعتني لكل تجربة أضافت لي... ولكل ألم أنضجني... ولكل نجاح شجعني... ولكل تعثر خلاني أقوى.
وهفضل ممتنة لعلاقات احتوتني بل وشكلت في أعماقي ... ولأشخاص مروا في حياتي وتركوا أجمل الأثر... وحتى لمن رحلوا... فإما بأثر وإما بدرس.
وهفضل أفكر نفسي دايمًا...
إن طول ما فيا نفس...
لسه أقدر أتعلم... وأتغير... وأعتذر... وأحاول أصلح... وأحلم... وأبدأ من جديد.

يمكن العمر بيتحسب بالسنين...
لكن الحياة... بتتقاس بعدد المرات اللي اخترنا فيها نقوم بعد ما وقعنا.
الحمد لله على ما مضى... والحمد لله على ما هو آتٍ...
اللهم اجعل ما مضى شاهد لي لا عليّ وثقل به ميزان الحسنات
وأسأله تعالى أن يجعل لي في القادم الخير والبركة والأثر الطيبً.🤲🤲

24/07/2026

لو سألتك دلوقتي..
آخر قرار أخدته لأنه يناسبك أنت... مش لأنه هيرضي الناس... كان إمتى؟

✍️يمكن من حق الناس يكون ليهم رأي.. لكن مش من حقهم يحددوا قيمتك.
قريبا ...
من Sanad Space
رحلتك لرفع تقدير الذات واستعادة الفطري منه .

#معًا_نبدأ_رحلة_حياة

21/07/2026

مش لازم كل رد فعل يخرج مننا في نفس اللحظة❗

🥀كام مرة قلت كلام وندمت عليه؟
🥀كام مرة خدت قرار في لحظة غضب واتمنيت بعدها لو الزمن يرجع ومتاخدهوش؟
🥀كام مرة حسيت إن مشاعرك بتدفعك لتصرفات غلط أو مش شبهك؟
🥀كام مرة حسيت إن اللي قدامك بيجبرك على رد فعل بتصرفاته؟

🛑لو اللحظات دي متكررة في حياتك يبقى أنت محتاج تتعلم ازاي توقفها.

طبق الخطوات دي قبل ما تندفع ورا قرار:

١. قف🛑:
خد لحظة توقف فيها قبل أي تصرف أو رد فعل.

٢. خد خطوة لورا👣:
ارجع، خد نفس عميق، وابعد عن الحدث لو تقدر.

٣. لاحظ👀:
شوف ايه اللي بيحصل دلوقتي، جواك وحواليك زي ما هو على حقيقته
أسأل نفسك:
أنا حاسس بإيه؟
أنا بفكر في ايه؟
ايه الأحاسيس الجسدية اللي حاسسها؟
ايه الرغبة الملحة الموجودة دلوقتي؟
ايه الموقف اللي حاصل حواليا دلوقتي؟

٤. تصرف بوعي🎯:
اختار رد الفعل اللي يخدم أهدافك ومبادئك
ويضمنلك أحسن نتيجة ممكنة وأقل الخساير.

🧠ليه المهارة دي مهمة؟
لإن عقلك بيميل لحمايتك أيًا كانت النتائج، وعشان كده بياخد رد فعل سريع غير محسوب في المواقف اللي مشاعرها عالية

لكن لما بترجع لورا بتسمح لنفسك في لحظة تفكير تخدمك أكتر على المدى القريب والبعيد

وبتعرف تفكر بهدوء قبل ما تاخد قرار.

طبق وشاركنا: هل قرارك هيبقى مختلف لو طبقت المهارة دي؟