Dr. Fatma Saad

15/03/2022

1️⃣ مش بعرف التزم : مش لازم ابدأ التزم بكل العادات الصحية من أول أسبوع ممكن ابدأ ب ٣ عادات صحية زى ابدأ أقسم وجباتًى على ٤ او ٥ وجبات صغيرة على مدار اليوم - أشرب حوالى ٢ لتر ميه يوميا🚰 - أمنع اكل الجانك فود🍟🍔.
2️⃣مش بخس بسرعة : وليه أخس بسرعة !! جسمى بيخزن دهون على مدار سنين انا أتخلص منهم فى أيام !! لازم أصبر و التزم عشان أوصل إللى انا عايزة 👌.
3️⃣جسمى عامل بلوك أو حرقوا ضعيف : لا مش صح طول ما انا معنديش اى مشكلة صحية مزمنة و بقدر أقضى يومى كويس يبقا أقدر أخس 💪.
4️⃣مافيش وقت أحضر أكلىً: عايزة أقولك أنى احضر وجبة صحية مش بتاخد اكتر من ربع ساعة .
5️⃣بحب الأكل أكتر من نفسى : أصلى الأكل دا الحاجة الوحيدة اللى بتبسطنى!! 😇اللى يبسط أكتر ان تيشرت 👚 أو بنطلون👖 قديم يجى على مقاسى 😊.

Never give up 💪

09/03/2021

بوست مهم لأي حد عنده طفل صغير. ❤

- ازاي نحمي ولادنا من التحرش؟

الطفل سواء بنت أو ولد ما ينفعش تمامًا يتساب مع حد طول ما هو مش قادر يميز أو يتكلم (بحد أدنى ٤ سنين).
في الفترة دي لازم يتعلم عن جسمه، وازاي يحكي لو حصله حاجه، وايه الأماكن اللي ما ينفعش حد يقرب منها غير ماما، بعد كده ممكن -ولا يُفضل- انه يتساب مع الأهل في حضانة فيها كاميرات. لأن للأسف معظم حوادث التحرش بتحصل من الأهل ومن دواير الثقة.

من سن ٣ سنين بنبدأ نعلم الطفل ٤ حاجات مهمة:

١. جسمك بتاعك لوحدك وأنت بس اللي تقدر تتحكم فيه.
ممنوع تماماً الطفل يقعد على رجل أي حد مهما كان مين. وممنوع أن أهله يجبروه يحضن أو يبوس حد بالعافية تحت أي ظرف لأن ده بيخليه يحس أن الإجبار على الحب شيء عادي وممكن ما يفهمش الفرق لو حد تاني حضنه أو باسه بالعافية. كمان ما ينفعش حد يهزر قدام الطفل بجمل زي هتجوزه أو دي مراتي.
ومهم في السن ده أن الأهل يستأذنوا ولادهم قبل ما يحضنوهم عشان يتعودوا.

٢. أجزاء جسمي الخاصة:
لازم الطفل يفهم أن فيه أجزاء من جسمه ما ينفعش حد يشوفها/يلمسها غير ماما بس، وبالتالي لو حد تاني عمل ده لازم يقول لأهله.
الأطفال في السن ده بيتعلموا من أفعال أهلهم أكتر من الكلام عشان كده مهم أن الأهل ما يغيروش هدومهم قدام الأطفال ولا يغيروا هدوم ولادهم قدام الناس.

٣. أمان وحب غير مشروط من بابا وماما:
لازم الطفل يكون مستوعب أن مهما حصل أهله بيحبوه ومصدقينه وهيقفوا معاه مهما كانت الظروف. كتير من المتحرشين بيستغلوا سوء العلاقة بين الطفل والأهل ويقنعوه ان لو قال انه تم التحرش بيه أهله هيعاقبوه.

٤. لغة تواصل بين الطفل والأهل ومفيش أسرار:
لازم الطفل يحكي لأهله كل حاجه ويبقى فاهم أنما ما ينفعش حد يطلب منه حاجه ويقوله دي سر طول ما هو لسه صغير. غير كده لغة الحوار بتخلي الأهل يلاحظوا أي تغيير في سلوك الطفل بيدل انه اتعرض لحاجه. وما تكدبوش ولادكم وصدقوا كل كلمة بيقولوها. لو الطفل قال ما بحبش فلان قرب منه واسأله ليه واوعى تجبره يتعامل معاه.

29/01/2021

النوم الكافي من ٨ ل ٩ ساعات ليلًا
النوم مهم جدا عشان تستعيد عافيتك و تبنى العضلات و يبتدى جسمك يطلق هرمونات النمو و ده المفتاح لحرق الدهون

29/01/2021

عشان نخس لازم أحافظ على مستويات الانسولين منخفضة
١- ابعد عن اى حاجة فيها سكر أبيض .
٢-شرب الشاى الأخضر و القرفة يوميا.
٣-خفض النشويات البسيطة زى العيش الأبيض و المكرونة .
٤-ممارسة المشى او الرياضة باستمرار.
٥-زيادة كمية الألياف فى أكلك يوميا.
٦-الصيام المتقطع و فقدان دهون البطن .

29/01/2021

فوائد الفراولة
١- تساعد فى علاج بعض أنواع فقر الدم لانى فيها حمض فوليك و الحديد .
٢- يقلل من خطر الإصابة بهشاشة العظام مع التقدم فى السن.
٣-تنظيم مستويات السكر فى الدم و هذا ضرورى لمريض السكر .
٤- تعالج التهابات الجلد و ظهور التجاعيد .
٥-تمنع تكاثر الخلايا السرطانية.
٦- خفض ضغط الدم .

28/01/2021

28/01/2021

فوائد ١٠ آلاف خطوة يوميا