Dr. Nesma Asim

13/09/2026

🦠 عمرك سمعت عن مرض اسمه Leptospirosis؟!

مرض مش مشهور عند ناس كتير… لكنه موجود، وممكن يكون خطير لو ما اتشخّصش واتعالج بدري.

🔬 إيه هي الليبتوسبيرا؟
الـ Leptospirosis هو مرض بكتيري تسببه بكتيريا من جنس Leptospira.

🐀 بيجي منين؟

المصدر الأساسي للعدوى هو الحيوانات المصابة، وخصوصًا القوارض (الفئران والعرس بالنسبه لمصر)!!!

البكتيريا بتخرج في بول الحيوان المصاب، وممكن تلوث:
💧 المياه
🌱 التربة والطين
🏚️ الأماكن الملوثة

والإنسان ممكن يُصاب لما المياه أو التربة الملوثة تلامس:

- جرح أو خدش في الجلد
- أو الأغشية المخاطية للعين أو الفم أو الأنف.

⚠️ لذلك الخطر بيكون أكبر عند التعرض لمياه أو طين ملوث، خصوصًا أثناء العمل في بيئات رطبة أو الفيضانات ومش بس كده الناس اللي بتعمل في جمع القمامه وفرزها والسباكين سواء في البيوت أو في الصرف الصحي في الشوارع وكمان بنشوفه من مصدر غريب جدا...... إننا نشرب معلبات كالصودا والعصائر بدون ما نغسلها أو على الأقل نمسحها بيدخل من الفم مباشرة بسبب التخزين في مخازن بتتبول عليها الفئران .... اه والله 😭

🤒 طب أعراضه إيه؟

ممكن يبدأ بأعراض تشبه الإنفلونزا:
🌡️ حرارة مفاجئة
🤕 صداع شديد
💪 آلام عضلات، خصوصًا عضلات الساق والظهر
🤢 قيء أو غثيان
👁️ احمرار العين
اعراض شبه البرد يعني !!!

وفي بعض الحالات ممكن يتحول لمرض شديد ويؤثر على:
🟡 الكبد → اصفرار شديد
🫘 الكلى → فشل كلوي
🩸 وأحيانًا يسبب نزيفًا أو إصابة شديدة بأعضاء متعددة.

💊 طيب هل له علاج؟

أيوه ❤️
الليبتوسبيرا له علاج بالمضادات الحيوية، والعلاج المبكر مهم جدًا لتقليل خطر المضاعفات.

والحالات الشديدة ممكن تحتاج دخول المستشفى وعلاج داعم، وأحيانًا غسيل كلوي أو دعم لأعضاء الجسم حسب الحالة.

🚨 إمتى أشك فيه؟

لو شخص عنده حرارة مفاجئة + آلام عضلات شديدة + احمرار بالعين أو اصفرار، خصوصًا لو كان قبلها تعرض لمياه أو طين أو بيئة ممكن تكون ملوثة ببول الحيوانات…

هنا لازم نفكر في Leptospirosis ضمن التشخيصات المحتملة.

🩺 الخلاصة:
مش كل حرارة مع اصفرار معناها فيروس كبدي!
ومش كل ألم عضلات مع حرارة مجرد إنفلونزا.

أحيانًا السؤال المهم هو:
"كنت فين؟ واتعرضت لإيه؟" 👀
وفي قاعده كده في الامراض المعديه .... الحمى مجهوله المصدر دور على التيفود ثم البروسيلا ثم الليبتوسبيرا ....... ايووووووه التلاته موجودين وبقوه 😢

في انتظار استفسارات حضراتكم
دمتم بصحة وعافيه

د. نسمة عاصم
استشاري الباطنة والأمراض المعدية.

📍عيادات الحميات والكبد والامراض المعديه
الحضرة القبليه بجوار جراج البلديه أمام قهوة القليني على الترام
📞 01013353431
📞010 04968563

📍 عيادات اوكسي كيور الازاريطة ش طاغور على الترام
📞 034800715
📞 034819166
📞 01034345566
📞 01515325861

12/09/2026

❤️ للاسف عضة الإنسان لاخيه الإنسان هي من أخطر العضات 😬 ، خصوصًا لو العضة في اليد. ولاوني شفت عضات في الفخذ والكتف 🤷‍♀️
🦷 ليه عضة الإنسان خطيرة؟
عضة الإنسان خطيرة مش عشان قوة الأسنان، لكن عشان البكتيريا الموجودة في الفم، وقدرتها على الوصول للأنسجة العميقة، خصوصًا مفاصل وأوتار اليد. مثل:
Streptococci.
Staphylococcus aureus.
Anaerobic bacteria.
والعدوى ممكن تكون polymicrobial ، يعني أكتر من نوع بكتيريا في نفس الوقت 🥺.
فمثلا شخص يضرب شخص تاني بقبضته وسنه يخبط في مفصل صوابع الشخص التاني أو يعضه في خناقه ... وارد جداااا.👊
الجرح ممكن يكون صغير جدًا، لكن السن يكون دخل جوه الـ joint أو tendon sheath.
⚠️ هنا بقا الخطر إن المريض يقفل الجرح أو يتأخر في العلاج، فتنتشر العدوى للأنسجة العميقة وممكن تعمل مضاعفات شديدة
لو العدوى اتأخرت في التشخيص والعلاج، ممكن تسبب: التهاب خلوي أو خراج أو التهاب مفصلي أو في العظم نفسه أو للاسف ممكن يوصل للدم ويعمل تسمم بالدم.
Cellulitis.
Abscess.
Septic arthritis.
Flexor tenosynovitis.
Osteomyelitis.
Sepsis.
وفي إصابات تانيه لليد، ممكن تؤدي لفقدان وظيفة الأصابع أو احتياج تدخل جراحي.
يعني بكده هل عضة الإنسان أخطر من عضة الكلب؟
مش بالضرورة في كل الحالات. (ححط صورة للمقارنه) ....
يعني لو حد اتعض من إنسان يعمل إيه؟
* يغسل الجرح فورًا بالماء الجاري والصابون.
* مايقفلش الجرح بنفسه ولا يحط مواد مهيجة.
* يروح يتكشف طبيًا، خصوصًا لو العضة في اليد أو قرب مفصل.
* الطبيب يقيّم الاحتياج لمضاد حيوي، وتطعيم التيتانوس طبعا لان الجرح ممكن يتلوث بتراب الشارع لو خناقه ، وتقييم التعرض لفيروسات منقولة بالدم حسب طبيعة العضة وحسب الشخص اللي عاضض لو مصاب بفيروس ما.
وهنا بقا معلومة مهمة: انتقال HIV ( الايدز ) أو فيروس بي HBV عن طريق عضة الإنسان نادر جدًا لكن محتمل ، و يحتاج تقييم لو فيه دم ظاهر أو جرح عميق وتعرض لدم شخص مصاب.
الخلاصة أيوة الإنسان عضته مصيبه سودا في حين الكلب والقط آخرهم مصل السعار لدغات العقارب والثعابين لها امصال ضد السم وفي الاول والاخر دول حيوانات ربنا خالقهم يعملوا كده دفاعا لكن الإنسان عذره ايه.... مش بس في العض 🤔😉😕

مع تمنياتي لحضراتكم بدوام الصحة والعافية
د. نسمه عاصم

11/09/2026

ايه اسوأ عضة ممكن يتعضها الإنسان ؟! ويعمل ايه لو حصل ده؟!
ملحوظه ... عضه مش لدغات
في انتظار اجابتكم الجميلة 🌹

04/09/2026

🦠 اتجرحت؟! خد بالك من التيتانوس ⚠️

كتير من الناس فاكرة إن التيتانوس بييجي بس من مسمار مصدي…
لكن الحقيقة إن الموضوع أكبر من كده!

🔸 التيتانوس بييجي منين؟
المرض سببه بكتيريا اسمها Clostridium tetani، وجراثيمها موجودة في التربة والتراب والبيئة المحيطة.

وممكن تدخل الجسم من خلال:
🩸 جرح عميق أو ملوث
🔩 مسمار أو جسم حاد اخترق الجلد
🔥 الحروق
🐾 بعض إصابات الحيوانات
🪵 الجروح الناتجة عن أجسام ملوثة بالتراب

والأهم: مش لازم الجسم الغريب يكون مصدي!
المشكلة في تلوث الجرح بالجراثيم، وليس الصدأ نفسه.

🚨 طيب لو اتجرحت… أعمل إيه؟

1️⃣ اغسل الجرح جيدًا بالماء الجاري والصابون، ونظفه من أي أتربة أو أجسام غريبة.

2️⃣ لو الجرح عميق، متسخ، نافذ، أو نتيجة عضة/حرق → لازم تقييم طبي.

3️⃣ أهم سؤال: آخر جرعة تطعيم ضد التيتانوس كانت إمتى؟ 💉

حسب نوع الجرح وتاريخ التطعيم، الطبيب ممكن يوصي بـ:
✔️ جرعة منشطة من لقاح التيتانوس
✔️ أو في بعض الحالات Tetanus Immunoglobulin (TIG)
✔️ أو لا تحتاج لجرعة إضافية إذا كان التطعيم مكتملًا والجرح بسيطًا.

❌ ومتستناش ظهور أعراض التيتانوس!

لأن التيتانوس ممكن يسبب تقلصات وتشنجات عضلية شديدة، أشهرها تيبّس الفك وصعوبة فتح الفم والبلع، وقد يكون مرضًا خطيرًا جدًا.

💡 الخلاصة:
مش كل جرح يحتاج حقنة تيتانوس…
ومش كل جرح من مسمار يعني إنك هتصاب بالتيتانوس.
لكن كل جرح ملوث أو عميق يستحق إنك تسأل عن التطعيم.

🩺 الوقاية أسهل بكتير من علاج التيتانوس.

دمتم بصحة وعافيه
د. نسمة عاصم
استشاري الباطنة والأمراض المعدية

📍عيادات الحميات والكبد والامراض المعديه
الحضرة القبليه بجوار جراج البلديه أمام قهوة القليني على الترام
📞 01013353431
📞 01004968563

📍 عيادات اوكسي كيور الازاريطة ش طاغور على الترام
📞 034800715
📞 034819166
📞 01034345566
📞 01515325861

04/09/2026

📍عيادات الحميات والكبد والامراض المعديه
الحضرة القبليه بجوار جراج البلديه أمام قهوة القليني على الترام
📞 01013353431
📞010 04968563

📍 عيادات اوكسي كيور الازاريطة ش طاغور على الترام
📞 034800715
📞 034819166
📞 01034345566
📞 01515325861

03/09/2026

https://whatsupdoctor.net/ar/doctors-ar/profile-ar/?doctorId=0h4rM7E43RZXD51K6D9P4Md0BSB3

أنا د. نسمة عاصم، استشاري الأمراض الباطنة والأمراض المعدية، حاصلة على درجة الماجستير في طب المناطق الحارة والزمالة المصرية في الوبائيات والأمراض المعدية والإحصاء ....

03/09/2026

28/08/2026

تشرفنا ثقتكم...

27/08/2026