Kholoud tag-el Deen خلود تاج الدين

Kholoud tag-el Deen خلود تاج الدين Psychologist - Family Therapist

جسم الطفل بيبدأ يستعد لها من قبلها. 🎒🤍لو ابنك متعود على السهر والصحيان المتأخر، متحاوليش تغيّري كل حاجة مرة واحدة.ابدئي ...
04/09/2026

جسم الطفل بيبدأ يستعد لها من قبلها. 🎒🤍

لو ابنك متعود على السهر والصحيان المتأخر، متحاوليش تغيّري كل حاجة مرة واحدة.

ابدئي بخطوات صغيرة:
🌙 قدّمي معاد النوم تدريجيًا
☀️ ثبتي معاد الصحيان
📵 هدي استخدام الشاشات قبل النوم
🧸 اعملي روتين هادي ومتكرر قبل النوم

والأهم… متخليش الاستعداد للدراسة يتحول لمعركة.

إحنا مش محتاجين أطفال مثاليين من أول يوم،
محتاجين نساعدهم يرجعوا للروتين بهدوء. 🤍

قوليلي… إيه أكتر حاجة محتاجة تظبطيها عندكم قبل الدراسة؟ 👇

#أمومة

01/09/2026

مش عارفة ليه دايمًا بنفتكر إن السعادة محتاجة حاجة كبيرة…

مع إن ممكن تكون مثلا في بحر قدامنا،
قهوة على رواقة،
ضحكة مع حد بنحبه،
أو حتى لحظة هدوء محدش طالب مننا فيها حاجة. 🤍

وأحيانًا أجمل الحاجات دي مش بنكون مخططين لها أصلًا…
بتحصل وسط يوم عادي جدًا،
بس بتخلّيه يوم نفتكره ونبتسم.

تفاصيل صغيرة… بس بتخلق سعادة كبيرة. 🌊

والأجمل إننا مش لازم نسيب اللحظات دي ذكري وخلصت
لأ ده ممكن نفتكرها بمشاعرها الحلوة
و ناخد منها إحساسها،
ناخد من ذكرياتنا الحلوة طاقة وحافز للي جاي،
ونفتكر إننا قدرنا نعيش لحظات حلوة قبل كده…
وإن لسه قدامنا كتير نخلقه ونعيشه ونفتكره. 🤍

يمكن الحياة مش محتاجة كل يوم يكون مميز…
يمكن محتاجة بس إننا نعرف نصنع في اليوم العادي تفصيلة تستاهل نفتكرها 🌿

إيه حاجة من اللحظات الحلوة اللي عِشتوها قبل كده، حابين ترجعوا تدوا لنفسكم مساحة تعيشوا شبهها تاني؟ 🤍

﴿وَآمَنَهُمْ مِنْ خَوْفٍ﴾مش كل خوف بنحسه بيكون مبالغة…أحيانًا بيكون رد فعل طبيعي جدًا على لحظة مفاجِئة هزّت إحساس الأمان...
03/08/2026

﴿وَآمَنَهُمْ مِنْ خَوْفٍ﴾

مش كل خوف بنحسه بيكون مبالغة…
أحيانًا بيكون رد فعل طبيعي جدًا على لحظة مفاجِئة هزّت إحساس الأمان جوانا.

لو الزلزال خوّفك…
فإحساسك مفهوم وطبيعي.

لما يحصل شيء مفاجئ وخارج عن سيطرتنا، الجسم والعقل ممكن يدخلوا في حالة تأهب، وده يخليك تفضل حاسس بالقلق شوية حتى بعد ما كل حاجة تهدأ.

ومتخليش حد يقلل من إحساسك لأنه “محسّش”.
كل واحد عاش التجربة بشكل مختلف.

واللي محسّش برغم وجوده وسط الحدث زي حالاتي 😉 دي نعمة تستحق الامتنان، إن الله حاوطنا بأمانه ولطفه.
مش سبب إننا نقلل من خوف غيرنا، لكن سبب إننا نستشعر الأمن واللطف في حياتنا بشكل عام.

ربنا سبحانه وتعالى قال:
﴿الَّذِي أَطْعَمَهُمْ مِنْ جُوعٍ وَآمَنَهُمْ مِنْ خَوْفٍ﴾

نسأل الله أن يؤمّن قلوبنا قبل أجسادنا، ويحفظنا ويحفظ أهلنا وبلادنا من كل سوء، ويرزقنا السكينة والطمأنينة.

كل مرة بدخل أوضة الجلسات، بحس إني رجعت لمكاني.ناس كتير بتفتكر إن دوري هو إني أساعد اللي قدامي، لكن الحقيقة إن كل مرة بدخ...
18/07/2026

كل مرة بدخل أوضة الجلسات، بحس إني رجعت لمكاني.

ناس كتير بتفتكر إن دوري هو إني أساعد اللي قدامي، لكن الحقيقة إن كل مرة بدخل أوضة الجلسات، أنا كمان بخرج منها بشكل مختلف.

كل جلسة بتفكرني بالقيم اللي مؤمنة بيها…
إن الإنسان يستحق إنه يتسمع بدون حكم.
وإن التغيير بيحصل مهما طال الطريق.
وإن الاحتواء أحيانًا يكون بداية التعافي.

يمكن أنا اللي بمسك الدفتر، وبسأل الأسئلة، وبصاحب الرحلة…
لكن في كل مرة بخرج من الجلسة، بفتكر ليه اخترت الطريق ده من البداية 🤍🤍

يمكن عشان كده بحب أوضة الجلسات 😍

مش لأن الجلسات مجرد شغل …
لكن لأنها المكان اللي كل يوم بعيش فيه أكتر القيم اللي مؤمنة بيها.

يمكن بكون موجودة علشان أساند حد في رحلته…
لكن الحقيقة إن الرحلة دي بتضيف ليا أنا كمان، وبتخليني أقرب للشخص اللي بحاول أكونه كل يوم.

وده المكان اللي فعلًا…
بلاقي فيه نفسي.
This is where I find myself. 🤍

وإنت… إيه المكان اللي بتحس فيه إنك لقيت نفسك؟

شرفتونا… واديتونا درس عمرنا ما هننساه.علمتونا إن الإيمان بالحلم هو أول خطوة لتحقيقه، وإن السعي الحقيقي عمره ما بيروح هدر...
07/07/2026

شرفتونا… واديتونا درس عمرنا ما هننساه.

علمتونا إن الإيمان بالحلم هو أول خطوة لتحقيقه، وإن السعي الحقيقي عمره ما بيروح هدر.

آمنتوا بالحلم، واشتغلتوا عليه بكل طاقتكم، وغيّرتوا نظرة العالم ونظرتنا إحنا لنفسنا.

بدأتوا بثقة لكل المشككين وأنكم المرة دي مطولين وعملتوها 💪🏻
بعد ما كانت كلمة “مستحيل وصعب ” بتتردد على لسان ناس كتير…
بقيتوا تقولولنا: “مش يمكن؟!”

ومش يمكن دي… كانت بداية الحكاية.

درجة ورا درجة…
مباراة ورا مباراة…
كبر الحلم، وكبرتوا معاه، وكبرتم في عيونا و عيون العالم كله.

حتى النهاية…
كانت هزيمة نتيجة، لكنها مكانتش هزيمة في القيمة ولا في الروح.

في هزائم بتنقص من أصحابها…
وفي هزائم بتخلي العالم كله يقف احترامًا لأصحابها.

أنتم خرجتم من البطولة…
لكنكم دخلتم قلوب ملايين المصريين، وخلّيتونا نؤمن من جديد إن الحلم مش رفاهية… الحلم قرار، والسعي هو اللي بيصنع المعجزات.

شكرًا على الفرحة…
شكرًا على الروح…
وشكرًا لأنكم رجّعتوا للمصريين إيمانهم إن كلمة “ليه لأ؟ مش يمكن ؟؟! أقوى بكتير من كلمة “مستحيل”.

ارفعوا رؤوسكم…
فأنتم لم تخسروا احترام أحد، بل كسبتم احترام العالم كله.

🇪🇬❤️

أوقات كتير إحنا بنفتكر إن الفوز الحقيقي هو إننا نطلع الأول… لكن مع الوقت بنكتشف إن في انتصارات أكبر بكتير من الميدالية.ا...
29/06/2026

أوقات كتير إحنا بنفتكر إن الفوز الحقيقي هو إننا نطلع الأول… لكن مع الوقت بنكتشف إن في انتصارات أكبر بكتير من الميدالية.

امبارح في بطولة الخماسي الأخيرة، آسر دخل وهو مش في أفضل حالاته… كان لسه خارج من دور التهاب في الشعب الهوائية، وكان محتاج جلسات نفس قبل البطولة وقررت انه ميدخلش البطولة كأمان ليه لكنه صمم يحاول بعد الرجوع للدكتور سمح بده وده كان اول تحدي بتجربة جديدة عليه وعليا كأم

دخل سباق السباحة… ومع نطة الستارت دخل تحدي أكبر نضارته اتخلعت منه، وفجأة بقى مش قادر يفتح عينه فالمئة ويشوف … لكن بدل ما يستسلم ويقف كمل، فضل يحاول باللي قدر عليه.

وبعدها الجري طلبت منه ميدخلش رفض وقالي لو حسيت مش هقدر أكمل هوقف … ومع كل التعب كان عنده هدف واحد: يعمل اللي عليه.

والنتيجة؟ كسر رقمه القديم في السباحة والجري عن البطولة اللي فاتت.

الموقف ده فكرني إن دورنا مع أولادنا مش بس نعلمهم يكسبوافب الظروف المناسبة بس لكن نعلمهم معنى ان مجرد محاولتهم فالتحديات مكسب كبير، و إن التحديات جزء من الطريق.

الرياضة مش بس بتبني جسم قوي… الرياضة بتبني عقلية:
إنك تواجه.
إنك تكمل حتى لو الطريق صعب.
إن منافستك الحقيقية تكون مع نفسك قبل أي حد… إنك تبقى أحسن من نسخة نفسك اللي كانت امبارح.

المهم إننا نربي أولادنا إن الرياضة مش ضغط علشان يثبتوا نفسهم للناس… لكنها مساحة يتعلموا فيها الالتزام، والصبر، والإصرار، واحترام المنافس، والفرحة بالتطور حتى لو خطوة صغيرة.

يمكن آسر ما كانش في أسهل ظروفه، لكن اللي كسبه النهاردة أكبر من رقم جديد… كسب خبرة إنه يقدر يعدّي تحدي كان صعب عليه وان التحديات المفاجئة جزء من رحلة الحياة

وفعلًا… أحيانًا أعظم الانتصارات هي إنك تكمل وأنت عندك كل الأسباب اللي تخليك توقف ❤️



عرفات… تذكرة إننا نقف مع نفسنا قبل ما نقف على الجبلمش لازم تكون واقف على جبل عرفات علشان تعيش معنى الوقفة.كلنا في لحظة...
26/05/2026

عرفات…
تذكرة إننا نقف مع نفسنا قبل ما نقف على الجبل

مش لازم تكون واقف على جبل عرفات علشان تعيش معنى الوقفة.
كلنا في لحظة من اللحظات بنقف على “عرفات” الخاص بينا
مكان جوّانا بيخلينا نهدى، نراجع، ونعترف.

يوم عرفة مش بس للحجاج، هو فرصة للنفس إنها تهدأ بعد الزحام،
وتسأل نفسها بصراحة:
أنا ماشي ليه؟
وبأي نية؟
وباتجاه إيه؟
خلي وقفتك النهاردة بقرب اكتر من ربنا وتسليم و تجهيز للعيد
هتسلمنا بعدها للعيد
اللي بيفكرنا الفداء إن الاتصال بنفسك محتاج “تضحية”.
مش دايمًا بشيء مادي… أحيانًا بالتخلي عن خوف،
عن حكم تبنيناه عن نفسنا، عن شخص مش بيساعدنا نكون إحنا،
عن دور لبسناه ونسينا نفسنا تحته.

عيد الأضحى مش بس لحمة ولمة…
هو لحظة تسليم، ودرس بييجي كل سنة ويقولنا:
🎁 “اللي تسيبه بإيدك، هيرجعلك أنضج بروحك.”
🎁 “واللي تضحّي بيه عن وعي، بتسترده بشكل أصفى.”

السؤال الحقيقي:
إيه الحاجة اللي جوايا محتاجة تتحط على المذبح علشان أرجع لنفسي؟
تعلّق؟ ذنب؟ اندفاع؟ احكام؟ تردد؟
وإيه اللي محتاج أسلّمه علشان أتحرر؟

كل سنة وإحنا بنرجع للبيان …
نقطة النية. نقطة الحقيقة.

شاركني إيه الحاجة اللي ناوي تضحّي بيها السنة دي علشان تكون أقرب لنفسك، وربك؟”

#عرفات #الأضحية #الفداء

رسالة ليك النهارده 💌مش كل اللي بتمر بيه دلوقتيهو نهاية الحكاية.أوقات بنحكم على نفسنامن لحظة ضعف…أو فترة صعبة.بس الحقيقة ...
06/04/2026

رسالة ليك النهارده 💌

مش كل اللي بتمر بيه دلوقتي
هو نهاية الحكاية.

أوقات بنحكم على نفسنا
من لحظة ضعف…
أو فترة صعبة.

بس الحقيقة إن لسه في فصول جاية
ممكن تغيّر كل حاجة.

خليك مكمل 💛

تحب الفصل الجاي من حياتك يبقى عامل إزاي؟ 👇



Address

Alexandria

Website

Alerts

Be the first to know and let us send you an email when Kholoud tag-el Deen خلود تاج الدين posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Kholoud tag-el Deen خلود تاج الدين:

Shortcuts

Share