مركز لسة فى أمل

20/03/2026

* مواقف عالية الخطورة – ليلة الوقفه *

*📌ليلة وقفه العيد ممكن تكون "فخ ذهني" للمدمن في التعافي لأنها مرتبطة في ذاكرته بذكريات التعاطي بحالة من النشوة أو الهروب أو حتى الأوهام إنه "بيكافئ نفسه" صوت المرض بيستغل المناسبات دي ويدخل يقولك: "مش هتفرق جرعة واحدة بس كجائزة ليك بعد كل الفترة دي"*

*📌لكن خلّي بالك صوت المرض كاذب ودايمًا بيقودك لنفس الحفرة اللي كنت بتحاول تطلع منها*

*💭ليه الليلة دي خطرة لأنها:*
- *مرتبطة في اللاوعي بسلوك إدماني*
- *فيها مشاعر مختلطة: فراغ ـ احتياج ـ حنين ـ احتفال زائف*
- *المجتمع حواليك بيشجع على الإشباع اللحظي وممكن تحس إنك "وحيد" في قرارك بالتبطيل*

*💭إزاي تحمي نفسك:*

* *1.كن في بيئة آمنة – وسط ناس فاهمة مرضك*
* *2.احضر اجتماع – اسمع وشارك وخد دعم*
* *3.اتصل بمشرفك أو حد من دايرة الثقه*
* *4.فعّل أدواتك ـ برنامجك اليومي*
* *5.اشغل وقتك بحاجات بسيطة: أهل ـ اغاني ـ فيلم*

*💭ذكّر نفسك دايمًا:*
- *لحظة ضعف واحدة ممكن تفتح باب إدمانك تاني*
- *مشاعرك حقيقية لكن أفكارك مش دايمًا صح*
- *ربنا أنقذك قبل كده متخليش لحظة تكسرك تاني*

*📌أصعب يوم في التبطيل أرحم بكتير من "أحسن يوم في الضرب" إوعى تكون ضحية لفكرة إنك "تستحق تكافئ نفسك" بجرعة انت تستحق تعيش… مبطل ـ حر ـ واعي*
#البرشام #المخدر #المدمن #سجاير #مدمن #الاسكندرية #الجمهوريةالجديدة

15/03/2026

14/03/2026

تواصل معانا حنقدر نساعدك
#البرشام #المخدر #المدمن #سجاير #البودرة #مصر #الاسكندرية

14/03/2026

عارف المدمن بيدور على إيه؟ ................................

أوعى تفتكر إنه بيدور على #الحشيش أو #البرشام أو #البودرة أو أو #.الفلوس أو...أو.. إلخ.

#سجاير او #شيشة

أى حاجة من دول لا كل دى بدايل ؛ مجرد بدايل، وبدايل خيبانة وضعيفه جدًا.
#المدمن بيدور على حاجة تانى خاااالص، حاجة فقدها من زمان..من زمان جدًا.
المدمن عنده ثقب أسود كبير جدا فى نفسه بيحاول يملاه بأى شكل ويبلع من خلاله أى حاجة.

المدمن عنده احتياج نفسى أساسى وعميق للغاية، المدمن محتاج علاقة، أيوه!!

* المدمن محتاج علاقة مع حد، بس مش أى علاقة، ومش أى حد.

* المدمن محتاج علاقة مع حد مايقولهوش (لا) على الفاضية والمليانة، زى ما كان بيتقاله من أبوه وأمه زمان.

* المدمن محتاج علاقة مع حد يلاقيه وقت ما يحتاجله، مش يكون مسافر أو مشغول عنه ومش مهتم بيه.

* المدمن محتاج علاقة مع حد يسعده ويبسطه ويفرحه بدون شروط حتى وهو فى أتعس وأضعف حالاته الإنسانية، مش حد يديله ده بشروط حادة وصارمة، زى إنه يسمع الكلام أو يشرب اللبن.

* المدمن محتاج علاقة مع حد يخفف عنه إحساسه العميق بالألم ويطبطب عليه ويطيب جراحه، مش حد يدوس على جرحه ويحسسه بالذنب مع كل نفس بيتنفسه.

* المدمن محتاج علاقة مع حد يرضيه ويشبع حرمان واحتياج سنينه وأيامه الأولى لغاية ما يفقد وعيه من الشبع وينام من الرضا، زى الطفل الرضيع فى حضن أمه، مش حد يتفنن فى سلبه وحرمانه من حقه فى الشبع ومتعته فى الرضا.

* المدمن اتحرم من علاقة واحدة فى حياته توصله كل ده.

* المدمن لقى ده فى مادة إدمانه، بغض النظر عن اسمها وطبيعتها،مابتقولهوش (لا) على الفاضية والمليانة، بيلاقيها وقت ما يحتاجلها، بتسعده وتبسطه وهو فى أضعف حالاته الإنسانية، بتخفف إحساسه العميق بالألم لغاية ما يفقد وعيه وينام.

* المدمن بقى مدمن، لأنه محتاج، محتاج علاقة تقدمله ده، حتى لو كانت العلاقة دى مع قرص ترامادول.

* المدمن هايفضل يدمن طول ما العلاقة دى مش موجودة، أو مش موجودة بشكل حقيقي، لكن لو العلاقة دى اتوجدت مع أى حد حواليه (وبشكل حقيقي)، هايبطل إدمان، فوراً، وللأبد، مهما كان شكل إدمانه، ومهما كانت مادة إدمانه، علاقة حقيقية مع واحد صاحبه، يوصله منه فيها حب غير مشروط وقبول واحترام وسماح وتفهم واستيعاب، مهما حصل، علاقة حقيقية مع أستاذه.. يوصله منه فيها تقدير وقرب واهتمام.. اهتماااااااااااام.

علاقة حقيقية مع حبيب أو حبيبة، او علاقة مع ربنا تكون مليانة صدق واخلاص ومودة ورحمة ودفا وبراح واحتواء، فى كل الظروف والحالات.
مركز لسه فى أمل
حنقدر نساعدك
#مخدرات


#الجمهوريةالجديدة
#مصر
#المخدر #مدمن
#الاسكندرية

14/03/2026

⚠️ تحذير عاجل ومهم جداً:
الكيتامين و GHB خليط قاتل ومحدش يستهون بيه ⚠️
​يا شباب، اسمعوا الكلام ده كويس عشان صحتكوا وحياتكوا مش لعبة. فى الفترة الأخيرة، زاد استخدام الكيتامين والـ GHB فى الحفلات والنوادي، واللى كتير مش عارفينه إن خلطهم مع بعض بيخلق وحش حقيقى ممكن ينهى حياتك فى ثوانى.
​يعنى إيه كيتامين و GHB اصلاً؟
​الكيتامين: مادة كانت بتستخدم زمان كبنج للحيوانات، ودلوقتى بتستخدم كمخدر تفارقى بيخلى الواحد يحس إنه منفصل عن جسمه وواقع تانى.
​الـ GHB: مادة مهدئة قوية جداً، وغالباً بتستخدم كمخدر للاغتصاب لإنها بتسبب فقدان وعى وشلل مؤقت.
​ليه الخليط ده مميت؟
​لما بيتم خلط الكيتامين والـ GHB، بيحصل تآزر خطير بينهم بيضاعف تأثير كل واحد منهم على الجهاز العصبى. ده بيؤدى لمخاطر مرعبة، منها:
​كبت تنفس شديد: وده أخطر حاجة، لإن الجسم بيبطل يتنفس لوحده، وده بيؤدى لتوقف التنفس، والغيبوبة، وفى الآخر الوفاة.
​زيادة خطر الوفاة: الدراسات الطبية أثبتت إن خطر الوفاة من الخليط ده بيزيد 3.4 مرة مقارنة باستخدام الكيتامين لوحده.
​تقيؤ أثناء الإغماء: وده بيسبب خطر الاختناق لإن الواحد مش بيكون واعى عشان يتفادى دخول القيء لرئته.
​مخاطر تانية كتير: زى النوبات، واضطراب نبض القلب، وتلف دماغى محتمل.
​الفرق بين "الهاى" والجرعة القاتلة شعرة
​المشكلة الأكبر إن الـ GHB جرعته الفعالة قريبة جداً من الجرعة القاتلة، يعنى أى زيادة بسيطة ممكن تكون هى النهاية.
​ده مش "تجربة شباب"، ده خطر حقيقى
​ماتستهونوش بالموضوع وتقولوا "دى تجربة شباب وبكرة ننسى". دى مخاطر حقيقية ممكن تدمر حياتكوا للأبد.
​لو حد تعاطى الخليط ده وشفت عليه الأعراض دى:
​تنفس بطيء أو متقطع
​فقدان وعى
​زرقة فى الشفايف أو الأظافر
​تقيؤ
​اعمل إيه؟
​اتصل بالإسعاف فوراً (122 في مصر): كل دقيقة بتفرق.
​حطه على جنبه (وضع الإفاقة): لحد ما يوصل الإسعاف، عشان تمنع اختناقه لو قاء.
​اطلب المساعدة.
​حافظ على نفسك
​الحياة أغلى من أى "هاى" مؤقت. ماتسمحش للمخدرات إنها تضيع مستقبلك وحياتك.
​تذكر:
​الكيتامين والـ GHB خليط قاتل.
​المخاطر حقيقية ومثبتة طبياً.
​لا تتردد فى طلب المساعده 💔
حنقدر نساعدك





#مصر
#الأسكندرية