غذاء بذكاء Smart Diet

03/10/2026

هل ابنى بيعانى من سمنه وله لا ؟
سؤال محتاج إجابة ياترى نقدر نحكم على وزن ابنائنا بمجرد النظر؟! ...
العين مش دايما بتحكم صح .. تعالوا نعرف ازاى نحكم على وزن ابنائنا بعنينا.. والحلقة الجاية هنعرف ازاى نتابع وزن ابنائنا بطريقة علمية وصحيحه

01/10/2026

هو فى إيه ؟!! ليه بنجوع بعد الأكل؟!! لسه مخلصين أكل وبنروح نفتح التلاجه
مشكلة كبيرة وبتزيد وعشان كده قررت اعملكم عليها فيديو على السريع ... اعذرونى انى بغيب عنكم بس حقيقى وحشتونى دمتم طيبين وبالذكاء متغذيين

29/06/2026

الفيديو ده الأقرب إلى قلبى لانه بيفهمنا حاجه مهمه جدا بيفهمنا ايه سبب ادماننا للأكل من بره ؟ وإيه سبب رغبتنا الدائمه فى الصوصات والنكهات العاليه.. إن شاء الله الفيديو يفيدكم 🤲🤍
ودمتم طيبين وبالصحة متهنيين وبالذكاء متغذيين 🤍

20/06/2026

موسم الإجازات والناس اللى ظبطت نفسها وجسمها طول السنة هتزيد كام كيلو فى الاجازة 😭
ازاى نحافظ على وزننا ونستمتع بأجازاتنا ؟ هاقولكم فى الفيديو ده ..
ياترى انتم بتزيدوا فى الإجازات وله بتحافظوا على وزنكم🤔🤍؟!!

07/06/2026

🌞🤍
صباحكم جميل جدا
النظام الغذائى الصح اللى فيه شبه منك ومناسب لحياتك وبيقدر إمكانياتك وأوقاتك
مش النظام اللى يعجزك ويحطلك ممنوعات كتير ومسموحات تكلفك وقت ومال فوق طاقتك
النظام الصح اللى يساعدك تمشى عليه فترات طويله ويغير من عادات غلط لعادات صح
النظام الغذائى الصح اللى يوصلك لهدفك مش تفضل بتدور حوالين نفسك لا عارف تحقق هدفك ولا عارف تسكت على تعب جسمك
اختار النظام اللى يراعيك انت ويحترم ذوقك المختلف عن الناس التانية
دمتم طيبين وبالصحة متهنيين وبالذكاء متغذيين ونقول سلام.

06/06/2026

الماتشا مشروب مفيد لكن هل هو مشروب مناسب للأطفال أو لعمر المراهقين؟
ازيكم عاملين ايه
معلش شكلى مرهق شوية المره الجاية اشرب ماتشا واصحصح
قولولى مين أولاده بيشربوا ماتشا كتير؟

03/06/2026

خبر جميل 👏

١٠ أسئلة وأجوبة عن إنسولين الاستنشاق للأطفال

كتبتُ منذ أيام عن موافقة هيئة الغذاء والدواء الأمريكية في الاسبوع الماضي على استخدام إنسولين الاستنشاق للأطفال، وجاءت لي كثير من الاستفسارات عن هذه الطريقة التي قد تريح الأطفال وذويهم، وهذا هو الرد عليها؟

١- هل هناك فارق بين الإنسولين بالاستنشاق وإنسولين الحقن الذي نستخدمه الآن بعيدًا عن تجنب شكة الإنسولين؟
- هذا الإنسولين أسرع في عمله، ويمكن أخذه قبل الأكل مباشرة، ويبدأ تأثيره بعد ١٢ دقيقة، أما إنسولين الحقن فيحتاج إلى ما يقرب من نصف ساعة ليبدأ تأثيره.
- لا يتسبب في زيادة الوزن.
- انخفاضات السكر الشديدة أقل.
- يمكن تكرار الجرعة، أو استنشاق جرعة أصغر بعد ساعة أو ساعتين لضبط السكر بعد الأكل إذا كان ما زال مرتفعًا، وخاصة إذا كان الطفل يستخدم "سينسور" السكر.
- يمكن أيضًا استخدامه للـ"سناك" بين الوجبات لسهولة أخذه.

٢- هل هناك اعراض جانبية على الرئة؟
- التأثير ضئيل جدًّا على كفاءة الرئة، ولا يتعدى ١٪؜ سنويًّا، وتعود إلى سابق حالتها تمامًا في غضون شهر بعد التوقف عن الاستنشاق.

٣-هل هناك موانع لاستخدامه؟
- موانع الاستخدام هي مرض الربو، وأمراض الرئة الأخرى، والتدخين،

٤- ما هى الجرعات التي تم الموافقة عليها؟
- الكبسولات التي توضع في البخاخ تأتي بجرعات ٤ وحدات، و٨ وحدات، و١٢ وحدة. وجارٍ اختبار كبسولة تحتوي على وحدتين.
- الجرعة بالاستنشاق أكبر من الجرعة عن طريق الحقن؛ لأن جزءًا من الجرعة يضيع في الحلق والقصبة الهوائية.
- لحساب الجرعة، تضرب الجرعة المعتادة في ٢، ثم تؤخذ أقرب جرعة أقل. مثلًا لو كانت الجرعة ٣ وحدات، تضرب في ٢ =٦، ثم تأخذ أقرب جرعة أقل (كبسولة ٤ وحدات). ولو كانت الجرعة ٥ وحدات، تضرب في ٢ =١٠، ثم تأخذ أقرب جرعة أقل (كبسولة ٨ وحدات).

٥- ما الاعراض الجانبية؟
- الكحة في نحو ٥٪؜، وتقل مع الوقت، وتتحسن بشرب الماء قبل الاستنشاق وبعده.
- ألم في الحلق، وهو نادرًا ما يحدث.

٦- هل ممكن الاستخدام لأقل من ٦ سنوات؟
- مع أن الأبحاث أجريت على أطفال من سن ٤ إلى ١٧، فإن عدد الأطفال أقل من ٦ سنوات في الدراسة كان قليلًا جدًّا؛ لذا اعتمدته هيئة الغذاء والدواء من سن ٦ سنوات.
- ربما يكون من الصعب على الأطفال تحت سن ٦ سنوات الاستنشاق بالطريقة السليمة، وقد يحتاجون إلى جرعات صغيرة غير متوافرة حاليًّا.

٧- هل يختلف الإنسولين نفسه عن الإنسولين المستخدم في الحقن؟
- لا، هو نفس الإنسولين العادي، ولكن يضاف إليه الماء ومادة عديمة الضرر يلتصق بها، في الحموضة عالية، ولكن عندما يدخل الرئة ذات الحموضة الأقل ينفصل عن هذه المادة، ويمتص الاثنين بسرعة في الدم.

٨- هل يحتاج إلى تبريد كالإنسولين الحالي؟
- ممكن يحفظ في درجة حرارة الغرفة لمدة ٣ أيام، ولكن يُفضل أن تبقى الكبسولات في الغلاف، ويحفظ في الثلاجة كالإنسولين العادي ليحفظ فترة طويلة بدون تلف.

٩- هل يمكن استخدامه للكبار من النوعين الأول والثاني الذين يعالجون بالإنسولين؟
- طبعًا، وله فائدة في النوع الثاني أنه لا يتسبب في زيادة الوزن، وسهل الاستخدام.

١٠- متى سيأتي إلى مصر؟ وما سعره؟
- لا أعرف. وأتمنى أن يتوافر خلال عام، وأتمنى أن يكون منخفض السعر، أو أن يغطيه التأمين الصحي.
د. أسامة حمدي

27/05/2026

كل عام وأنتم بخير وصحة وعافية 🤍🤲
ربنا يتمم قبوله على من فى عرفات ، ويرزقنا حج بيته العام القادم
واحب أقولكم وسعوا على أنفسكم وأهل بيتكم فى أيام العيد
وربنا يتقبل منا ومنكم
وإياكم والإسراف فى الأكل خدوا اللى إنتم عايزينه بس بدون إسراف
عيد سعيد عليكم وربنا يفرحنا جميعا بتمام القبول 🤲🐑

25/05/2026

نصيحه مهمه جدا لحجاج بيت الله الكرام🤍 ..
هنيالكم وعقبالى🤲
ربنا يرزقكم جميعا حج بيت الله لاتنسونا من صالح دعائكم 🤲🤍

18/05/2026

سؤال مهم من متابعتى الغالية🤍.. بتجوع جدا فى المحاضرات ؟ الحل إيه ؟