جيرا السايح - Gera Elsaayeh

25/08/2026

برنامج "بنت الاصول" وحلقه بعنوان "مشورة بنت الاصول" ضيف الحلقه د.جيرا السايح طبيبة أسنان واستشارى علاقات أسريه. ماجستير لاهوت دفاعى من جامعة بايولا فى أمريكا البرنامج اعداد وتقديم أ / فله ميخائيل .

25/08/2026

كل سنه وكل حبايبي واهلي الغالين طيبين
بمناسبه المولد النبوي الشريف

23/08/2026

الست مش ملزمه والراجل مش ملزم

تعالوا اقولكم الحقيقه اللي محدش هيقولهلكم غيري

الحقيقه المطلقه ويعي من يعي وكل واحد براحته 👇

الست ملزمة👈 بكل حاجة هي مش ملزمة بيها ناحية جوزها لو احتاجها،

والراجل ملزم 👈بكل حاجة هو مش ملزم بيها ناحية زوجته لو احتاجته.

وأي حد يقولكوا حاجة تانية غير كده، يبقى 👈👈👈👈عبث.

لأن أي حاجة غير كده ما تبقاش جواز… تبقى عقد مؤقت بين اثنين هيفشلوا أجلا ام عاجلا

الزواج اتخلق علشان يكون عهد، مش تعاقد.

في العهد، إحنا بندي الـ100% بتوعنا.

بتعب علشانك، بحبك، وبكون موجودة علشانك مهما حصل… والعكس صحيح.

لو عندي حاجات أقدر أديهالك ومش عايزة أديهالك، وشايلاها جوايا👈فده مش حب ومش جواز.

ولو فيه حاجة أقدر أعملها علشانك ومش هعملها، وأنا قاعدة أتكلم عن حقي وحقك… فده مش جواز.

الجواز مش: “أنا أعمل اللي أنا ملزمة بيه وبس.”

الجواز: أنا ليك، وإنت ليا.
في وقت الاحتياج، وفي وقت التعب، وفي وقت القوة والضعف.

وده هو معنى العهد.

ملحوظه : لازم الطرفين يكونوا عندهم نفس التوجه في العلاقه والا برضو هنوصل لنفس النتيجه العبثيه وهي الفشل

23/08/2026

عكس كل اللي فاهمينه، العلاقة الزوجية زي علاقة الضفر باللحم؛ علاقة بتطلع بالدم.

ومهما كانت الناس مستسهلة الانفصال، إلا إن من أكتر الانفصالات الجارحه والمؤلمة على وجه الكرة الأرضية هو انفصال الزوج والزوجة.

وعشان كده، ناس كتير بتختار ترجع، مش لأنها نسيت أسباب الانفصال، لكن لتجنب الألم، وتجنب تبعات الانفصال وآثاره.

وعلى فكرة، 👈الزواج ده مشروع الهي .

الأسرة 👈 مشروع الله،
والأسره مصممه ان يكون فيه التحام بين أفرادها 👈إحنا لسه مش مستوعبين عمقه وقوته.

عشان كده اختاري كويس من الأول، لأنك ممكن تضطري ترجعي.

اختاري كويس من الأول.

وكل زوج وزوجه 👈لازم يحسبوا تصرفاتهم كويس جوه العلاقه دي 👈، لأنهم في أوقات كتير هيضطروا يرجعوا لبعض.

فبلاش نمرر الرجوع ونصعبه

اختاري كويس، لأن الانفصال مش سهل.

22/08/2026

حلقه مشوريه بحته من واقع الألم وإجابات علي اسئله كثيره في حلقه خاصه الثلاث القادم ١٠:٣٠ مساءا علي قناه لوجوس
برنامج بنت الاصول مع المذيعه الجميله فله ميخائيل ♥️🌺

انتظرونا يوم الثلاثاء ٢٥ اغسطس الساعه ١٢ ونصف ظهرا بتوقيت كاليفورنيا
مع برنامج "بنت الاصول". وحلقه بعنوان "مشورة بنت الاصول"
ضيف الحلقه د.جيرا السايح طبيبة أسنان
واستشارى علاقات أسريه. ماجستير لاهوت دفاعى من جامعة بايولا فى أمريكا
البرنامج اعداد وتقديم أ / فله ميخائيل .

21/08/2026

اللبس جزء من الرسالة اللي بتقدميها للعالم عن نفسك.

ومن الطبيعي إن كل إنسان يختار لبسًا لائقًا ومحترمًا، ومناسبًا للمكان والثقافة اللي موجود فيها، ومناسبًا لمعتقداته وما يؤمن به عن نفسه.

لكن في النهاية، اللبس مش هو اللي بيحط حدود علاقاتك بالآخرين، ولا هو اللي بيحميكي منهم.

شخصيتك 👈 هي اللي بتحدد المساحة اللي بتسمحي للآخر يدخلها في علاقته بيكي.

سلوكك هو الرسالة الحاسمة والحقيقية في رسم شكل علاقاتك بالناس حواليكي.

طريقة كلامك، أسلوبك، وضوحك، قدرتك على التعبير عن نفسك،
كل ده هو اللي بيعلّم الآخرين إزاي يتعاملوا معاكي، وإيه المساحة المسموح لهم بيها.

الاحترام الحقيقي مش مجرد شكل بنظهر بيه،

لكن شخصيتك هي الرساله الحاسمه والقادرة والاخيره

21/08/2026

اتشرفت بوجودي علي منصه راديو سكووب 👈برنامج شخبطه علي الحيط مع المذيعه الرائعه الجميله ساره فوزي
وحلقه بعنوان ( جرح الأب)

20/08/2026

حالتين يفقد فيها الأنسان رجولته النفسيه ؟!

14/08/2026

الناس من كتر ما نسيوا شكل الرجولة السوية، ما بقوش قادرين يتعرفوا على الراجل السوي المحترم لما يشوفوه… بيفتكروه فخ

حوار

اتفرجوا علي الكومنتات اللي علي الحوار 👈عبث

كله بيشتم وبيحلل

ادعوك تتفرج علي الحوار علشان تشوفوا نمط من أنماط الرجال المحترمه وبنات الناس المتربيين 👈هشام جمال وليلي زاهر

ازاي الراجل المحترم بيحب ،بيحترم شريكه حياته وبيحب نجاحها وبيدير بيته ويتفق علي سياسات بيته مع مراته وحدودهم سوا وبيعلن عن احتياجاته وطلباته

في دعوه للخروج عن الدحدره المجتمعيه اللي وصلنا ليها

لفته من الحوار 👇


12/08/2026

الست عاملة زي الخرشوفة… 🌿

علشان توصل لقلبها، لازم تقشّر كتير.

ربنا خلقنا كده
وكمان خلقك 👈بتعرف تقشر كويس

بس بشرط

👈 لازم تكون من نوعية الرجالة اللي بتعرف تتعب

تتعب مش بس في الشغل
لكن كمان تتعب في الحب؛ الرجالة اللي تعرف تزرع أمان، وثقة، وتواصل، وحماية، ورعاية وأصرار واستمرار

لما الست تدرك إنك بتحبها، وإنها تقدر تثق فيك، وإنها آمنة معاك… بتسلّم.

المشكلة في أيامنا المنيله دي وبعد تشوهات السوشيال ميديا
إن بعض الرجالة بيتعاملوا مع الست بمنطق الندية:

“إديني وأنا أديكي.”
“هتقدمي إيه قدام اللي أنا هقدمه؟”
“قدمي الطاعة الأول، وساعتها أبقى كويس معاكي.”

الست مش زيك
هي 👈مش زيك
هي 👈خايفه طول الوقت
👈طبيعتها خايفه

مفيش حد خايف ، يستحمل يتعامل بنديه

تقدملك أزاي منغير ما تطمنلك ؟!

انت ربنا خلقك 👈متمكن اكثر من الحياه
👈مدعو للحرب 👈للخروج للقتال 👈ملزم ترجع بفريسه

👈بتتعور وتتشلفط وتتعود علي ده
👈فعرفت تتغلب علي الخوف
👈طبيعتك علمتك الشجاعه والمبادرة واتعلمت متخافش

هي لسه بتخاف

والأصعب والأعقد… لما الراجل يجيب العلاقة للقاع؛ يزرع فيها خيانة، وعدم احترام، وانعدام أمان، ووحشية أو عدم مسؤولية، وبعد كل ده يتوقع منها إنها تفضل أنثى هادئة، مطمئنة، ومتسلمة له!

يعني هي اساسا خايفه بطبيعتها 👈قمت انت جيت خوفتها اكثر

رعبتها 👈ضاعفت خوفها بدل ما تهديه

أنوثة الست بتترعرع في وجود الحماية والرعاية والأمان والاحترام.

أنوثة الست بتترعرع في وجود رجولة آمنة.

مفيش ست تقدر تبقى أنثى في الغابة، وسط الخطر، وفي جو مليان تهديد.

، فورًا بتطلع لها أنياب ومخالب… تخربش وتعض.

لأنها خايفة.

الست لما بتخاف… بتخربش.

فلو هي بتخربش وهي معاك، اسأل نفسك قبل ما تلومها:

هل هي فعلًا حاسة بالأمان في وجودك؟
هل أنت الشخص اللي تقدر تسلّم نفسها له، ولا الشخص اللي محتاجة تحمي نفسها منه؟

وأكتر حاجة بتقتل أمان الست… إن الراجل يعاملها بمنطق الندية، وكأنه داخل معاها في منافسة، أو بيتعامل معاها كأنه واحده صاحبتها

الراجل مش ندّ للست.

الراجل في العلاقة الصحية قائد، وحامٍ، وراعٍ، ومسؤول.

والندية المستمرة في العلاقة بتسحب منك دورك، وبتحط العلاقة من البداية في مساحة صراع بدل ما تكون مساحة أمان.

علشان كده، متحطش نفسك من الأول في الموقف ده.

متخطش نفسك أبدا في موقف 👈الند الخايف

تحمّل مسؤوليتك من اول 👈 اختيار شريكة حياتك، 👈وفي طريقة معاملتك ليها، 👈وفي الرسائل اللي بتبعتها لها عن نفسك.

لأنك لو زرعت فيها الثقة…
ولو ملأت العلاقة بالمحبة والصبر والاستثمار وتحمل المسؤولية والإصرار…

هي هتسلم..

الثقة بتتبني ودورك انك تبنيها 👈مش دورها هي خالص

وبكده…
تبقى عرفت إزاي تقشّر الخرشوفة. 🌿