11/05/2026
🌟المرحله اللي احنا فيها دي
تسمي (مرحلة الفوضي )
وهي فتره انتهاء حقبة زمنيه و بدايه حقبة أخري جديدة
فتره (غربلة ) ما بين انتهاء عصر الحوت (الظلمات و الفقر و الظلام السحر و الجهل و التلاعب و الضبابية)
وبدايه عصر الدلو (الحرية و التغيير و الوعي و الإنسانية ).
احنا بقي دلوقتي في النص ودي سنة 2026 "مرحلة انتقالية".
فحرفيا بيحصل فلترة و فتره عَصر كده (بتتاخد غسيل ومكوة😆)
لان انت كمان بتفلتر القديم من جواك ويشمل :
كل نمط قديم كل فكره كل شعور كل عقد كارمي
كل الأنظمة و الروتين و العادات و نومك الصحة و العقلية و ترددك الطاقي .
فانت حرفيا بتتنقي ومرحلة التنقية دي مش سهلة خالص
لان جواك اجزاء بتموت 🔥
هويتك القديمه بتفكيرها بتموت🫂
انت بتودعها وده مش سهل لا عليك و لا علي جسمك.
فخلينا نعترف انها فتره مش سهله فعلا عشان منضحكش ع نفسنا وفي نفس الوقت نكون فاهمين احنا ليه حاسين بده ف الوقت ده ، يعني نفهم التفسير ،ولما بنفهم بنهدي و العقل بيبطل يعمل دوشة و تحليل 🙂
ولما العقل يهدي بيجي 👈 التقبل
أن ده يتم بهدوء.
لان من غير التقبل بيحصل مقاومة
وصراع جواك🤐.
🍀ومع انتهاء كل حقبة زمنية لازم الحقيقه تظهر و تطلع ع السطح ، وكل ما هو مزيف هيطلع لانه هيموت ويكون لا مكان له
منها بقي حقائق عن الغذاء و الصحة و الدين و الطاقة و الروح و الجسد و كل المجالات
افتكر الجملة دي 👇
"كل ما هو مزيف سيموت"
حتي لو أهل الأرض جميعا متفقة عليه وبتعمله لكنه مزيف و غلط ،هتظهر حقيقته.
✨من الناس اللي هيفهم ويدرك و منهم اللي هيشكك ويعارض
👈لانه رافض للتغيير ومتمسك بالماضي و العادات والتقاليد حتي لو كانت غلط
بس هو رافض يواجه نفسه ويجدد منها
فسيظل كما هو متشدد
وبما أن سُنة الحياه والحقيقه الثابتة الوحيده هي (التغيير)،
فأذن اللي رافض وبيقاوم ده ، اكيد واضح هتكون النتيجة ايه .......
واللي متقبل و منفتح ع التغيير و التجديد هتحصله بردو الأعراض دي لانها اعراض انتقال من وضع لوضع
ولكن بصورة اخف واهدي وكمان هيحصله ارتقاء لتردده وبُعده الطاقي وتفكيره ووعيه هيرتفع ويكون متناسب مع القادم.
🌟زي انك بتقدم ف شركه لها شروط للتعيين لو مواصفاتك مطابقه هتتعين وتدخلها ، ولو لأ ، فالله يعينك 🤷.
💕هقولك تمرين :
تقدر تساعد نفسك بأنك تقعد مع نفسك قاعده مريحه ف هدوء وحط ايدك ع قلبك واسترخي وتنفس بهدوء خالص لحد ما افكارك تهدي
ثم
اسال نفسك
أنا ليه بخاف من تغيير عاده معينه او نظام معين ف حياتي أو ليه خايف من المستقبل ؟
وشوف هيطلعلك ايه ؟
✨واسمح بيه يخرج زي ما هو ، لا تقاطع نفسك ، ولا تقاومها ، اتركلها مساحه تعبر بحرية.
ثم واجه مخاوفك دي ، المشكله انك بتهرب من مشاكلك وخوفك بالتجاهل
وده بيضخم مشكلتك
لان الخوف هو وهم
الخوف وهم
الخوف وهم
الخوف شبح بيهدد حياتك.
انت واجهه وتغلب عليه بدل ما هو يغلبك،
وتعيش اسير لمعتقداتك وافكارك ومشاعرك اللي مخوفاك ومانعه انك تتقدم أو تعيش حياتك مرتاح بدون قلق .
سمر رفعت ☀️
