11/09/2026
خليني أعرفك بنفسي من جديد 🤍
أنا هبة عبد العظيم 🤍
كوتش علاقات زوجية للزوجات
أساعدك تفهمي ليه نفس المواقف بتتكرر مع جوزك، و إيه اللي في إيدك تغيريه عشان تقربي منه،تبني بينكم شراكة فيها تفاهم،استمتاع،احترام من غير ما تخسري نفسك🤍
يمكن تكوني زوجة بتحب جوزها جدًا...
وعلاقتكم مهمة عندك.
وعشان كده حاولتي كتير:
قريتي كتب..سمعتي بودكاست..حضرِتي كورسات واستشارات...حاولتي تفهمي هو بيتصرف كده ليه
و محتاج منك ايه ...
و تختاري تتكلمي بهدوء في وقت يكون مناسب بالنسباله ...
لكن رغم كل ده...
لسة مش عارفة تعملي ايه و نفس المواقف بتتكرر ...
تدخلي تتكلمي معاه عن حاجة مضايقاكي...
تحاولي تشرحي مباشر نفسك علاقتكم تبقي عامله ازاي ...
بتحسي انه مجبر لو عمل حاجه عايزاها ،او بيتجاهل اصلا
هو يحس إنه متهم ويدافع عن نفسه... وإنتي في الآخر تحسي إنك مش مسموعة.
أو تلاقي نفسك بتقولي:
"أنا مش هطلب تاني... المفروض يحس لوحده."
"انا مهما بحاول مفيش حاجة بتتغير."
"انا ليه كل مرة لازم اقنعه ان القرارات اللي تخص حياتنا تفضل بينا من غير تدخلات من برة"
"أنا أعمل إيه كمان؟"
وممكن تكوني من جواكي نفسك في حاجات بسيطة جدًا:
🤍نفسي أحس إن جوزي أقرب شخص ليا.
🤍نفسي لما أزعل منه يكون هو أول حد أروح له... مش أول حد أبعد عنه.
🤍نفسي أتكلم معاه براحة من غير ما أفضل أحسب كل كلمة.
🤍نفسي أحس إن رأيي له قيمة عنده، وإننا بنفكر سوا.
🤍نفسي نختلف ونرجع لبعض... من غير ما كل خلاف يعمل مسافة بينا.
لكن أحيانًا وإنتي بتحاولي تقربي...
بتلاقي نفسك بتعملي تصرفات تبعدكم من غير قصد.
مش لأنك مش بتحبيه... لكن لأنك في اللحظة دي بتكوني مشغولة إنك تثبتي له إنك مش الشخص اللي هو فاهمه، أو تحاولي تشرحي أكتر عشان يحس بيكي...
وهنا دوري...
أنا مش هديكي جملة تحفظيها وتقوليها لجوزك.
ومش هقولك:
"سيبي العلاقة وركزي على نفسك."
لأن هدفي مش إنك تبعدي عنه...
هدفي إنك تبني علاقة تكوني فيها قريبة منه، وفي نفس الوقت ما تخسريش نفسك.
نشتغل سوا إنك تفهمي:
إيه العلاقة اللي نفسك تعيشيها فعلًا؟
إيه المواقف اللي بتتكرر بينكم؟
ليه الموقف ده بيوجعك بالشكل ده؟
إنتي بتفسري تصرفاته إزاي؟
وهو ممكن يكون شايف تصرفاتك إزاي؟
وإيه الحاجات اللي بتعمليها بحسن نية... لكنها بدل ما تقربكم بتزود المسافة؟
لأن أحيانًا المشكلة مش إننا مش بنحاول...
المشكلة إننا بنحاول بنفس الطريقة اللي كررت الدايرة دي من البداية.
أنا مؤمنة إن الزوجة مش محتاجة تقضي سنين تجرب لوحدها:
مرة تسكت...مرة تشرح أكتر...مرة تتنازل...مرة تستنى إنه يفهم لوحده...
لحد ما توصل للحظة تقول:
"أنا تعبت مش عارفة أشتغل على نفسي في ايه؟"
أحيانًا البداية الحقيقية إنك تفهمي:
طريقتكم أنتم في التعامل مع بعض:امتى بيبدأ الموقف، وإزاي كل واحد فيكم بيفسره، وإيه اللي بيخلي الحوار ينتهي بزعل أو بُعد؟
عشان تختاري رد فعلك...
من غير ما كل موقف يسحبك لاتجاه مختلف.
وتعيشي علاقتك مع جوزك وأنتي واثقة إنك مع الشخص اللي اخترتيه...
مش شخصين طول الوقت كل واحد يثبت إن وجهة نظره هي الصح...
اللي يميز طريقتي في العمل...
إني مش بشتغل على الموقف لوحده.
بشتغل على فهم الدايره اللي بتكرره
لأن الموقف اللي بيحصل بينكم مش بيبدأ لحظة الكلام ....
قبله بيكون فيه تفسير، ومشاعر، وتجارب سابقة بتأثر على طريقة كل واحد فيكم.
وبدمج بين:
✨ الإرشاد الزواجي والأسري
✨ CBT
✨ Family Systems Therapy
✨ Coaching
لأننا مش بس محتاجين نعرف "نعمل إيه"
لكن محتاجين نفهم:
"ليه بنعمل اللي بنعمله؟"
ومن هنا نقدر نغير الطريقة اللي بنتعامل بيها مع المواقف.
أساعدك من خلال:
✨ جروب كوتشينج "على بصيرة"
مش كورس هتسمعي فيه معلومات جديدة عن العلاقات وخلاص...
هتدخلي بموقف حقيقي بيتكرر بينك وبين جوزك، زي خلاف على قرار، طريقة كلام، أو إحساس إنك مش مسموعة، وتشتغلي عليه وسط زوجات بيمروا بمواقف قريبة منك.
مش بس هتتعلمي من تجربتك أنتِ، لكن كمان من تجاربهم؛ تشوفي طرق تفكير مختلفة، وتكتشفي زاوية جديدة عن ردود أفعالك ما كنتيش واخدة بالك منها.
من خلال الأسئلة والتمارين هتفهمي: إيه اللي بيحصل في الموقف؟
إنتِ بتتصرفي إزاي؟
وإيه الخطوة اللي تقربك من العلاقة اللي نفسك فيها؟
وفي نهاية الـ3 أيام هتخرجي بـ:
🤍 اليوم الأول: بوصلة علاقتي
تحددي مسار واضح لشكل العلاقة اللي نفسك تعيشيها.
مش بس إيه اللي مضايقك دلوقتي... لكن إيه العلاقة اللي نفسك توصلي لها.
🌱 اليوم الثاني: خريطة تأثيري
تحددي إيه اللي تقدري تغيريه، وإيه اللي بتستنزفي نفسك في محاولة تغييره من غير تفضلي تلفي في نفس دايرة الارهاق..
🎯 اليوم الثالث: خطوتي على بصيرة
بيتكون عندك و ضوح تبدأ تظهر قدامك اختيارات جديدة تقربك من العلاقة اللي نفسك فيها من غير استنزاف و تبدأ تختاري خطوة جديدة غير اللي كنتي بتتعاملي بها قبل كدة...
✨ جلستين "مخطط الود"
جلستين فردية نشتغل فيهم"أنا و انتي"و بنفصل موقف حقيقي بينك وبين زوجك.
نفهم ليه نفس المواقف بتتكرر بينكم،ليه كل مرة بتوصلوا لنفس النقطة وإيه اللي بيحصل جواكي وجواه وقتها، نفهم ، وإيه الجزء اللي مش واضح ليكي في الموقف، وتبدأ تظهر قدامك اختيارات جديدة تقربك من العلاقة اللي نفسك فيها من غير استنزاف..
✨ رحلة ميثاق المودة 🤍
رحلة لمدة ٦ شهور بنبني فيها مع بعض طريقة جديدة تعيشي بيها علاقتك بجوزك… أقرب، أهدى، ومن غير ما تفضلي تجربي وتحاولي لوحدك.
خلال الرحلة هنشتغل على:
🤍 تحددي الوجهة | Vision العلاقة اللي نفسك تعيشيها
مش بس إيه اللي مضايقك في زوجك دلوقتي… لكن إيه شكل القرب والشراكة اللي نفسك توصلي له...
🌱 نحدد أكتر الأماكن اللي محتاجة تغيير
زي طريقة كلامكم، الخلافات اللي بتتكرر، تدخلات الأهل، الفلوس، وعلاقتكم بالأولاد...
🔄 نحدد ليه نفس المواقف بتتكرر
إيه اللي بيبدأ الخلاف؟ إنتِ بتفهميه إزاي؟ وهو بيفهمه إزاي؟ وليه كل مرة بتنتهوا لنفس النقطة؟
🪞 تفهمي نفسك وقت المواقف الصعبة
إيه اللي بيحرك رد فعلك؟ وإيه اللي يخليك تتصرفي بطريقة مش شبهك؟
🧭 يبقى عندك طريقة واضحة ترجعي لها
تعرفي منها: إيه اللي يقربكم؟ إيه اللي يبعدكم؟ وإيه الخطوة المناسبة بدل ما تحتاري كل مرة..
الهدف مش إنك تعرفي تعملي إيه عشان تغيري زوجك…
الهدف إنك تبني علاقة يكون فيها زوجك أقرب شخص ليكي، يسمعك.يشاورك.تكونوا سند لبعض من غير ما تدخلي طرف تالت بينكم و من غير اي تنازلات 🤍
ويسعدني انضمامك لـ جروب "كواليس المودة" المجاني...
مكان للزوجات اللي عندها نفس الرغبة:
تفهم علاقتها أكتر، وتشوف اللي بيحصل بينها وبين زوجها بشكل أوضح، وتبدأ تاخد خطوات صغيرة لكن مؤثرة 🤍
الرابط في التعليقات 👇
