Salma Adel

23/04/2026

"أحيانًا أكثر القلوب ابتسامًا… هي الأكثر وجعًا في الخفاء".
ليس كل من يبتسم سعيدًا، وليس كل من صمت مرتاحًا… بعضهم أتقن التماسك لدرجة أن ألمه أصبح غير مرئي، وكأن وجعه لا يستحق أن يُرى.
بعضهم لا يطلب النجدة بصوتٍ عالٍ… بل ينتظر قلبًا يفهم صمته.
فاقترب برفق، وكن إنسانًا قبل أن تكون ناقدًا… فبعض الأرواح على حافة السقوط، وتحتاج فقط من يشعر بها .

لهذا كان لابد أن نتحرك…
ولهذا جاءت فكرة الخط الساخن للدعم النفسي، لأن لحظة واحدة من الاحتواء قد تنقذ عمرًا كاملًا، وكلمة صادقة قد تعيد إنسانًا من حافة الغياب .

لا تنتظر العلامات الواضحة…
اقترب، اسأل، استمع، وكن رحيمًا بمن حولك.
فبعض المعارك لا تُرى… وبعض الأرواح لا تطلب النجدة إلا بصمت

رقم الخط الساخن : 01023033944

لينك التسجيل :
https://forms.gle/onGfF3gisSjKKBAj8

12/04/2026

كم مِن روح تألمت في صمت
كم مِن روح خافت من مواجهة ما بداخلها
وغيرهم وغيرهم
تعلّموا الرحمة قبل أن تتعلموا الحُكم
فليس كل من يبتسم بخير ، وليس كل مَن صمت كان ضعيفًا
بعض القلوب تُرهقها الحياة دون أن تُفصح ، و بعض الأرواح تنكسر وهي تحاول أن تبدو قوية.
كونوا لطفاء… فكل إنسان يخوض معركة لا يراها أحد ، و خففوا عن بعضكم، فالدنيا أثقل من أن نحملها قسوةً فوق قسوتها 🤍

14/03/2026

فخورة وممتنة أوي إني جزء من مشروع بناء ♥️🥹
المرحلة الأولى كانت غنيّة بالمعلومات والمهارات المفيدة فعلًا اللي فرقت معايا بجد ✨️🎓
والحقيقة إن الجمعية مش مجرد مكان بنتعلم فيه، لكن مكان بيلهمنا وبيفتح لنا طريق إننا نطوّر نفسنا ونسيب أثر حقيقي في حياة الناس.
أنا ممتنة لكل لحظة في الرحلة دي، والتجربة نفسها سابت أثر حقيقي فينا وفي شخصيتنا، وخلّتنا نتطور ونشوف نفسنا بشكل مختلف.
ومستنية بشغف المراحل الجاية بإذن الله 🤍

#كورسات
#تعلم

11/03/2026

خطوة مهمة و جميلة في طريق دعم الصحة النفسية للأطفال 🤍

25/02/2026

كل مرحلة عمرية ليها احتياجات مختلفة، وطريقة استخدام الشاشة لازم تتظبط على أساسها .
و في وسط زحمة الحياة، الشاشة أحيانًا بتبقى الحل الأسهل لتهدئة الطفل أو شغل وقته…
لكن الوعي الحقيقي إننا نعرف إمتى بتفيد، وإمتى ممكن تبقى عبء خفي على نموه وعلاقته بينا.
الأطفال مش محتاجين شاشات أكتر، هم محتاجين تفاعل، كلام، لعب، ووجود حقيقي.
التوازن والحدود الواعية هم الأساس عشان نطمن إن أطفالنا بيكبروا صح ❤️

29/01/2026

29 يناير 2026
تشرفت اليوم بحضور مؤتمر «مَن لهؤلاء؟»
تحت رعاية جمعية العاملين بمجال الصحة النفسية - Mental Health Workers ORG
والحقيقة إني ممتنّة جدًا، لأنّي في يوم من الأيام — إن شاء الله — هكون سبب إن طفل يتعالج من مشكلة محدش كان فاهمها فيه.
﴿وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا﴾
ممتنّة لكل لحظة في المؤتمر؛
من الورش، للعرض المسرحي اللي لمس قلبي بصدق،
وللإعلان عن أول برنامج متخصص في الوطن العربي لتخريج معالجين نفسيين متخصصين في علاج الأطفال.
كل كلمة وكل تفصيلة في المؤتمر كانت بمثابة رسالة راقية وفريدة،
موجّهة لأولياء الأمور، والمدارس، والمعالجين،
علشان نعرف إزاي نتعامل مع الطفل بوعي حقيقي بكل اللي بيمرّ بيه.
أسرة متزنة + مدرسة واعية + معالج متخصص = طفل سوي متزن
وأحب أتقدم بشكر خاص لرئيس المؤتمر
الأستاذ الدكتور / Dr. Ahmed Fahmy
كلام حضرتك دايمًا بينوّر جوانا أفكار جديدة،
وبيفتح قدّامنا أحلام كتير عايزين نحققها،
وتغيير حقيقي جوانا وفي وعينا وفهمنا لمجالنا.
ربنا يبارك في حضرتك، ودايمًا من نجاح لنجاح إن شاء الله،
وإن شاء الله السنة الجاية المشروع يكبر أكتر وأكتر.
ولولا حِلم حضرتك، ما كانش هيكون فيه «مَن لهؤلاء؟».

27/01/2026

أخطر وجع هو اللي محدش شايفه.
وأخطر طفل هو اللي اتعلّم يخبي ألمه بدري.
الصحة النفسية للأطفال
مش رفاهية، دي أساس أمانهم وحياتهم.

سؤال «من لهؤلاء؟»
مش شعار… ده إنذار.
لأن الطفل محتاج يفهم قبل ما يتكسر.

22/01/2026

هل كل وسواس عند طفل “قلق زيادة”؟
وهل كل طفل ينفع معاه نفس الأدوات؟
في أطفال محتاجين معالج فاهم عالمهم بجد.
يمكن عشان كده محتاجين نسأل بجد: من لهؤلاء؟

20/01/2026

الأطفال مش بيبالغوا… إحنا اللي اتأخرنا نفهم.
“مش طبيعي إن أطفالنا يحملوا هموم أكبر منهم ....ولا طبيعي إننا نفضل نتعامل مع وجعهم كأنه "دلَع" أو " مرحلة وهتعدّي" .
اللي بنشوفه النهارده بيقول إن الطفولة بقت تستغيث ، والمؤتمر ده محاولة نحط فيها النور على مساحات الظلام اللي محدش بيشوفها.
لأن المسؤولية ما بقتش سؤال…
بقت واجب علينا كلنا.”

متى أصبح الطفل مريضًا نفسيًا… ونحن لا ننتبه؟
لم تعد الطفولة كما كانت.
لم يعد القلق حكرًا على الكبار،
ولا الاكتئاب حكاية ناضجين أثقلتهم الحياة.
في عياداتنا اليوم،
نرى:
أطفالًا يخافون بلا سبب واضح 😔
أطفالًا تحاصرهم أفكار قهرية لا يفهمونها 🧠
أطفالًا يسألون أسئلة أكبر من أعمارهم…
عن الموت، والاختفاء، والراحة الأبدية 🌫️
فهل تغيّر الأطفال؟
أم تغيّر العالم من حولهم؟
أم أننا ما زلنا ننظر إليهم بأدوات قديمة،
بينما أمراضهم النفسية تتبدل وتتوحش؟
الأخطر من المرض…
أن نواجهه بلا فهم،
وبلا معالجين متخصصين
يعرفون كيف ينقذون الطفولة
قبل أن تنكسر من الداخل 💔
كل هذا… وأكثر
نناقشه بعمق علمي ورؤية إنسانية
في مؤتمر «من لهؤلاء؟»
لأن السؤال لم يعد ترفًا…
بل مسؤولية.
تفاصيل المؤتمر
🗓️ الموعد: 29 يناير
📍 المكان: مسرح الواي – جمعية الشبان المسيحيين
🔗 الموقع على الخريطة:
https://maps.google.com/maps/place//data=!4m2!3m1!1s0x14f5c38caec1aee9:0x8cef92f062793bc0
📲 لينك الواتساب في أول كومينت 👇

19/01/2026

"التعامل مع الأطفال محتاج وعي أعمق بكتير من الكلام النظري… ومحتاج قلب حاضر قبل أي خبرة.
والمؤتمر ده خطوة مهمة عشان نكون قدّ المسؤولية فعلًا."

19/01/2026

مَن لهؤلاء؟ مؤتمر يصنع وعي جديد لحماية أطفالنا نفسيًا ✨️

❓ يعني إيه مؤتمر «من لهؤلاء؟» وليه مهم؟
ببساطة…
مؤتمر من لهؤلاء؟ مش مؤتمر تقليدي، ولا مجرد محاضرات علمية بنسمعها ونمشي.
ده مؤتمر معمول عشان يجاوب على سؤال بقى بيطارد كل بيت وكل معالج نفسي:
مين مسؤول عن أطفالنا نفسيًا؟ 🧠
الواقع اللي بنشوفه النهارده
بقينا بنواجه حالات بتزيد يومًا بعد يوم:
أطفال عندها قلق واكتئاب 😔
أطفال بتعاني من وسواس قهري
أطفال بتأذي نفسها أو بتفكر في الانتحار 💔
وأهالي تايهة… ومعالجين مش دايمًا مؤهلين للتعامل مع النوع ده من الحالات
📌 المؤتمر ده معمول:
للمعالج اللي حاسس إن الواقع سبق العلم
ولولي الأمر اللي خايف وعايز يفهم… مش يشخص لوحده
⭐ إيه اللي بيميز المؤتمر ده عن أي مؤتمر علمي؟
مش نظريات بس… علم مطبق وواقعي
عرض مسرحي مؤثر يوصل المعاناة للقلب قبل العقل
ورش تطبيقية على حالات حقيقية من العيادات
نقاشات مفتوحة مش محاضرات جافة
🔗 ربط حقيقي بين العلم والواقع اليومي
👥 مين الجهات اللي هتحضر؟
هيكون معانا:
متخصصين في الصحة النفسية
معالجين وأخصائيين نفسيين
مؤسسات مهتمة بالطفل والأسرة
وأولياء أمور جايين يفهموا ويتطمنوا
➡️ اللقاء ده مش للنخبة العلمية بس…
ده لكل حد حاسس بالمسؤولية
🔥 المفاجأة الكبيرة
في المؤتمر ده 👇
هنعلن عن أول برنامج متخصص في الوطن العربي
لتخريج معالجين نفسيين متخصصين في علاج الأطفال 👶
▪️ مناهج علمية حديثة
▪️ تطبيق عملي حقيقي
▪️ إشراف مهني معتمد
▪️بعيد عن الاجتهادات الشخصية
👈 الخلاصة
لو أنت:
معالج نفسي
ولي أمر
أو إنسان حاسس إن اللي بيحصل مع أطفالنا خطر ومحتاج وقفة
المؤتمر ده معمول عشانك
وسؤالنا واحد: من لهؤلاء؟
تفاصيل المؤتمر
🗓️ الموعد: 29 يناير
📍 المكان: مسرح الواي – جمعية الشبان المسيحيين
🔗 الموقع على الخريطة:
https://maps.google.com/maps/place//data=!4m2!3m1!1s0x14f5c38caec1aee9:0x8cef92f062793bc0
📲 لينك الواتساب في أول كومينت 👇