دكتور عبدالله زيتون استشاري جراحات الوجه والفكين وجراحات الغدة الدرقية

24/06/2026

03/06/2026

"يا ترى هنشيل نص الغدة ولا الغدة بالكامل؟" 🤔🦋

​سؤال مهم جداً، وهنا بتظهر أهمية إن المريض يكون مستعد يفهم حالته، ويتناقش في كل خطوة بتتعمل، وعارف هيستفيد منها إيه 💡. طرح الاختيارات الجراحية أمام المريض هو حق أصيل ليه طالما الحالة الطبية بتسمح بده 🤝.

​قصة حالة اليوم: 📝
بنوته عمرها 25 سنة 👩🏻، جاتلنا عاملة أشعة سونار في مكان غير موثوق به، والتقرير كان واصف تضخم حويصلي بالغدة، وإن أكبر واحد موجود في الفص اليمين 🔍. تم سحب عينة بالإبرة 💉، والنتيجة أظهرت "اشتباه من الدرجة الرابعة"، مما يُلزم التدخل الجراحي ⚠️.
​لو كنا اعتمدنا على الأشعة القديمة غير الدقيقة، كان القرار الأسهل هو استئصال الغدة بالكامل! وده كان هيخليها مريضة مزمنة تمشي على هرمون تعويضي مدى الحياة 💊.
​القرار الطبي والنقاش المشترك: 👨‍⚕️🗣️
طلبنا إعادة الفحص عند أستاذنا الدكتور محمد الشافعي، والصورة وضحت أكتر 📊: تبين وجود تضخم حويصلي بالجانب الأيمن فقط، مع وجود كيس حميد صغير جداً (3 مللي) في الجانب الأيسر ✅.
​هنا كان النقاش مع المريضة، واختارنا القرار الأنسب: استئصال فص واحد فقط وننتظر نتيجة العينة النهائية 🦋.

​النتيجة: 🎯
بفضل ربنا، العينة النهائية طلعت حميدة 🤲🏻✨. المريضة اطمنت تماماً من ناحية الورم، وفي نفس الوقت حافظنا على الفص التاني، وما تحولتش لمريضة مزمنة تعتمد على العلاج
مدى الحياة 💖.

​الجراحة مش بس مشرط 🔪.. الجراحة نقاش، فهم، وقرار مشترك بين المريض والدكتور 🫂🩺.

​د. عبدالله زيتون 👨‍⚕️
استشاري جراحة الفم والوجه والفكين وجراحة الرقبة 🎓
عضو كلية الجراحين الملكية بإنجلترا (MRCS) 🇬🇧
عضو هيئة التدريس بقسم جراحة الوجه والفكين والجمجمة - جامعة الإسكندرية 🏛️
📍 عيادة سموحة: 01555540177 📞
​ Abdalla Zaitoun