Gastro Clinic

21/08/2026

📢 تم بحمد الله نشر بحث علمي جديد
للدكتور محمود جمال الصباغ في
Al-Azhar International Medical Journal.

البحث يتناول دور قياس صلابة الكبد مع بعض المؤشرات غير التدخلية في التنبؤ بوجود دوالي المريء لدى مرضى تليف الكبد.

نسأل الله التوفيق، وأن يكون هذا العمل إضافة علمية نافعة.

28/07/2026

🚩❤️❤️🙏

14/07/2026

تتشرف أمانة المؤتمر بدعوة السادة الأطباء والمهتمين بمجال أمراض الجهاز الهضمي والكبد لحضور:

المؤتمر السنوي الخامس لأمراض الجهاز الهضمي والكبد

والذي ينظمه قسم الباطنة بمستشفى دمنهور التعليمي، تحت رعاية الأستاذ الدكتور أحمد الطيار.

📅 التاريخ: الجمعة 17 يوليو 2026
📍 المكان: قاعة ميراج

يأتي المؤتمر في إطار الحرص على مواكبة أحدث المستجدات العلمية والتطورات التشخيصية والعلاجية في مجال أمراض الجهاز الهضمي والكبد، بمشاركة نخبة من الأساتذة والاستشاريين.

يشرفنا حضوركم الكريم ومشاركتكم الفاعلة، ونتطلع إلى لقائكم في هذا الحدث العلمي المتميز.

30/06/2026

"سرطان القولون... المرض الوحيد اللي ممكن نمنعه قبل ما يحصل!"
سرطان القولون من أكثر أنواع السرطان انتشاراً... لكنه أيضاً من أكثرها قابلية للوقاية الكاملة.
ليه؟
لأن أغلب حالات سرطان القولون تبدأ كـ"بوليب" حميد صغير، بياخد سنوات طويلة عشان يتحول لورم خبيث.
ولو اكتشفنا البوليب ده مبكراً بمنظار القولون، بنشيله في نفس الجلسة... وخلاص، المشكلة اتحلت من جذورها قبل ما تبدأ أصلاً.
إمتى لازم تعمل فحص؟
↳ كل شخص بعد سن 45 سنة، حتى لو مفيش أعراض
↳ لو فيه تاريخ عائلي لسرطان القولون أو البوليبات
↳ لو فيه تغيّر مفاجئ في عادات الإخراج، نزيف، أو فقدان وزن غير مبرر
أكتر حاجة بتحزّن في عيادتي إني بشوف حالات كانت ممكن تتمنع بالكامل لو الفحص اتعمل بدري.
الفحص المبكر مش رفاهية... هو قرار بينقذ حياتك

16/06/2026

حديث صحفى عن سرطان القولون

أكد أخصائي الباطنة والجهاز الهضمي والكبد والمناظير، الدكتور محمود جمال الصباغ، أن الإصابة بسرطان القولون لم تعد مقتصرة على كبار السن.. تفاصيل..

07/06/2026

Get more from Gastro Clinic on Patreon. medical tutorial. Support Gastro Clinic and get exclusive access to their work.

02/06/2026

🧠 مريض الكبد بينسى ومش مركز؟ الموضوع مش نفسي.. ممكن يكون من الكبد نفسه!

كتير من الناس لما مريض الكبد يشتكي إنه بقى سرحان، بينسى كتير، أو تركيزه مش زي الأول، بيعتقدوا إن ده بسبب السن أو الضغط النفسي. لكن الحقيقة إن الكبد ممكن يكون هو السبب المباشر.

الكبد الطبيعي بيشتغل كفلتر للجسم، بينضف الدم من السموم اللي بتتكون كل يوم. لما يحصل تليف أو ضعف شديد في وظائف الكبد، السموم دي بتبدأ تتراكم في الدم، وأشهرها مادة اسمها الأمونيا.

📌 المشكلة إن الأمونيا دي بتوصل للمخ وتبدأ تأثر على الخلايا العصبية، وهنا تظهر أعراض ممكن تكون بسيطة في البداية ومحدش ياخد باله منها.

🔹 الأعراض المبكرة ممكن تكون:

نسيان متكرر للأشياء البسيطة
صعوبة في التركيز أثناء الشغل أو المذاكرة
بطء في التفكير أو الرد على الكلام
اضطراب في النوم (ينام طول النهار ويسهر بالليل)
إحساس بالإرهاق والتعب الذهني
تغيرات بسيطة في الشخصية أو المزاج

كتير من المرضى وأهلهم بيفتكروا إن دي حاجات عادية، لكنها أحيانًا بتكون أول علامة على تأثر المخ بسبب مرض الكبد.

🔹 لو الحالة اتطورت ممكن يظهر:
⚠️ لخبطة في الكلام
⚠️ عدم معرفة الوقت أو المكان بشكل صحيح
⚠️ رعشة في اليدين خصوصًا عند فرد الذراعين
⚠️ عدم اتزان أثناء المشي
⚠️ نعاس شديد أو فقدان للوعي في الحالات المتقدمة

❓طيب هل الأمونيا هي السبب الوحيد؟

الإجابة: لا.

في عوامل تانية بتزود المشكلة زي:

وجود عدوى أو التهابات بالجسم
الإمساك الشديد
النزيف من دوالي المريء أو المعدة
نقص الصوديوم في الدم
الجفاف أو استخدام مدرات البول بشكل زائد
بعض الأدوية المهدئة

💡 عشان كده ساعات مريض الكبد يبقى مستقر وفجأة يحصل له تشوش ذهني أو نعاس شديد بعد التهاب أو إمساك أو نزيف.

✅ الخبر المطمئن إن الحالة قابلة للعلاج في أغلب الأحيان إذا تم اكتشافها بدري.
علاج السبب، وتنظيم التبرز، وتقليل مستوى الأمونيا، ومتابعة وظائف الكبد بشكل منتظم كلها خطوات مهمة جدًا لمنع المضاعفات.

📍لو عندك مريض كبد وبدأت تلاحظ عليه نسيان غير معتاد، قلة تركيز، تغيير في مواعيد النوم، أو تصرفات غريبة عن طبيعته، ما تستناش لحد ما الأعراض تزيد... استشارة طبيب الكبد في الوقت المناسب ممكن تمنع مضاعفات خطيرة.





🩺💙

20/05/2026

01/05/2026

مريض شاب جه العيادة بعد فترة بيعاني من أعراض متكررة في الجهاز الهضمي، منها:

▪️ وجع متكرر أعلى البطن
▪️ انتفاخ بعد الأكل
▪️ حموضة وعدم ارتياح في المعدة
▪️ شهية أقل من الطبيعي ونقص بسيط في الوزن
▪️ اسهال وامساك بشكل متبادل ومستمر

وكان واخد علاجات قبل كده على إنها التهاب معدة أو قولون عصبي، لكن الأعراض فضلت مستمرة ومفيش تحسن واضح.

📌 مع استمرار الشكوى، ومع وجود تاريخ عائلي مهم لزوائد لحمية وسرطان قولون، قررنا نعمل منظار معدة ومنظار قولون عشان نحدد السبب الحقيقي.

📸 أثناء منظار المعدة ظهر وجود عدد كبير من الزوائد اللحمية المنتشرة بالمعدة (Gastric Polyposis) زي الصورة، وكمان منظار القولون أظهر زوائد متعددة.

وبعد استكمال الفحوصات، تم تشخيص الحالة بـ Familial Adenomatous Polyposis (FAP)، وهي حالة وراثية بتسبب ظهور أعداد كبيرة من الزوائد اللحمية، ولو ما اتشخصتش بدري وماتابعتش كويس ممكن تسبب مشاكل خطيرة.

⚠️ نتعلم إيه من الحالة دي؟

✅ استمرار الأعراض محتاج بحث عن السبب الحقيقي
✅ التاريخ العائلي مهم جدًا وممكن يغيّر التشخيص
✅ المنظار أحيانًا بيكون خطوة فارقة
✅ فحص أفراد العيلة مهم جدًا في الحالات الوراثية

📌 مش كل وجع معدة بسيط... ساعات الشكوى المستمرة بيكون وراها سبب مهم محتاج اكتشاف بدري.

👨‍⚕️ التشخيص المبكر والمتابعة المنتظمة هما أفضل حماية.