Ghada Fahmiصوت الوعي

Ghada Fahmiصوت الوعي Contact information, map and directions, contact form, opening hours, services, ratings, photos, videos and announcements from Ghada Fahmiصوت الوعي, Mental Health Service, Alexandria.

صوت الوعي | Ghada Fahmi
Enneagram Life Coach
اعرف نمطك… وافهم نفسك والآخرين
كسر الأنماط السلبية وبناء توازن حقيقي
جلسة واحدة ممكن تغير طريقة تفكيرك وحياتك بالكامل
📩 احجز / احجزي جلستك

سألوا حكيم:إزاي تقدر تعيش في سلام؟فقال:إنت مش بتعيش في سلام…إنت بتختار تعيش فيهبتختاره…لما تتجاهل اللي أذاكولما تسيب الل...
22/04/2026

سألوا حكيم:
إزاي تقدر تعيش في سلام؟
فقال:
إنت مش بتعيش في سلام…
إنت بتختار تعيش فيه
بتختاره…
لما تتجاهل اللي أذاك
ولما تسيب اللي بيستهلكك
ولما تبعد عن أي مكان فيه وجع
لما تبطّل ترد على كل حاجة
وتبطّل تثبت نفسك لحد
وتفهم إن مش كل معركة لازم تدخلها
لما تستوعب إن
مش كل حد يستاهل فرصة
ومش كل علاقة لازم تكمل
السلام مش ضعف…
السلام قرار
قرار إنك تحمي نفسك
حتى لو اتفهمت غلط
وإنك تمشي
حتى لو قلبك لسه متعلق
السلام…
إنك تختار نفسك
كل مرة

#وعي #اتزان

“روشتة نفسية” مش كل مرة هتعرف تهرب من الأزمة النفسية…بس أنت تقدر تتعلم إزاي تعديها.خليني أقولك روشتة بسيطة…بس لو التزمت...
24/03/2026

“روشتة نفسية”
مش كل مرة هتعرف تهرب من الأزمة النفسية…
بس أنت تقدر تتعلم إزاي تعديها.
خليني أقولك روشتة بسيطة…
بس لو التزمت بيها هتفرق معاك بجد:

1️⃣ سمي اللي إنت حاسس بيه
ما تقولش “أنا متضايق” وخلاص…
حدد احساسك : قلق؟ ضغط؟ خوف؟ فقدان؟ حزن ؟
لما بتسمي الإحساس… بتفهمه.

2️⃣ ماتحاولش توقف الإحساس
كل ما تحاول تهرب… هيزيد.
سيبه يعدّي....سيبه ياخد وقته… يعني من الاخر سيسه .

3️⃣ قلّل التفكير… وزوّد الفعل
حتى لو عملت حاجة صغيرة جدًا
امشي...رتب افكارك..اكتب مشاعرك
الحركة بتفك التيبس .

4️⃣ ماتصدقش كل أفكارك
مش كل فكرة ها تيجي في دماغك ها تكون حقيقة.
في أفكار بتكون طالعة من خوف… مش من واقع.

5️⃣ خُد مسافة
من الناس اللي بتستنزفك…
ومن أي حاجة بتزود الضغط عليك.

6️⃣ اطلب دعم
مش لازم تعدي كل حاجة لوحدك.خلي حد يشيل شنطتك معاك عاااااادي.
كلمة مع حد فاهم ممكن تفرق جدا معاك .
في الآخر…
الأزمة مش نهاية.
دي مجرد مرحلة…وها تعدي ها تعدي
ولو فهمتها صح
هتطلع منها أقوى… وأهدى.





احنا اتعلمنا نصنّف كل حاجة بطريقتين:سهل… أو صعب.ولو حاجة اتحطت في خانة “صعب”…مخك فورًا بيترجمها:خطر.تجنّب.بلاش.بس الحقيق...
22/03/2026

احنا اتعلمنا نصنّف كل حاجة بطريقتين:
سهل… أو صعب.
ولو حاجة اتحطت في خانة “صعب”…
مخك فورًا بيترجمها:
خطر.
تجنّب.
بلاش.
بس الحقيقة مش كده.
المشكلة مش في الحاجة نفسها…
المشكلة في التصنيف نفسه .
جرب كدة تغير التصنيف.

بدل ما تقول:
“ده صعب”
قول:
“ده غير مألوف”
هنا الفرق كبير.
لأن “صعب” معناها:
أنا مش هعرف.
لكن “غير مألوف” معناها:
أنا لسه ما اتعودتش علي الحاجة دى..
وكل حاجة كانت صعبة عليك في يوم…
كانت في الحقيقة
مجرد حاجة غير مألوفة.حاجة انت لسة مش متعود تعملها
ومع التكرار…
بقت عادية.
ومع الوقت…
بقت سهلة.
فبدل ما تخاف من الحاجة…
اسأل نفسك الاول :
الحاجة دي صعبة …؟
ولا بس لسه ما اتعودتش عليها ...؟




كام موقف صغير كبرته جواكلحد ما بقى تقيل عليك؟موقف عدى عادي…كلمة اتقالت وخلاص…تصرف بسيط محدش ركّز فيه…بس إنت ما سبتوش يعد...
21/03/2026

كام موقف صغير كبرته جواك
لحد ما بقى تقيل عليك؟
موقف عدى عادي…
كلمة اتقالت وخلاص…
تصرف بسيط محدش ركّز فيه…
بس إنت ما سبتوش يعدي.
رجعتله تاني…
وفكرت فيه…
وحللته…
وكبّرته.
“كان المفروض أعمل كذا.”
“ليه قلت كده؟”
“أكيد شكلي كان غلط.”
ومرة ورا مرة…
الموقف بقى أكبر من حجمه.
بقى شاغل دماغك…
ومأثر على إحساسك…
ومخليك مش مرتاح.
مع إن الحقيقة؟
ولا حد فاكر.
ولا حد مهتم.
بس إنت…
ما رحمتش نفسك.
ايوة…
كام مرة ما رحمتش نفسك؟
كام مرة كان المفروض تقول لنفسك:
“برافو… على الحاجات الحلوة اللي عملتها”
بس بدل كده…
فضلت تلوم نفسك
على حاجات شايفها غلط
من وجهة نظرك إنت وبس؟
زي ما بتصغّر الحلو اللي بتعمله…
بلاش تكبّر الغلط.
اتعلم منه…
وخلاص.
وافرح…
إنك قادر ما تكرروش تاني.
ده اسمه جلد الذات.
ده مش وعي… ده قسوة.






لا إله إلا أنت سبحانك إني كنت من الظالمين.الآية العظيمة اللي قالها سيدنا يونس لنفسه.جملة في منتهى القوة."يا رب… أنا اللي...
09/03/2026

لا إله إلا أنت سبحانك إني كنت من الظالمين.
الآية العظيمة اللي قالها سيدنا يونس لنفسه.
جملة في منتهى القوة.
"يا رب… أنا اللي ظلمت نفسي."
هنا اعتراف واضح بالخطأ.
وهنا كمان الدرس الكبير.
الدرس مش في الصبر نفسه…
لأن الصبر ممكن يكون مجرد غاية.
لكن الوسيلة الحقيقية كانت حاجة أكبر.
وهي إن الإنسان يهدأ.
ويفكر.
ويراجع نفسه.
ليه أنا في الموقف ده دلوقتي؟
هل لأني ما كنتش صابر؟
ولا لأني لما صبرت… هديت؟
ولما هديت… قدرت أفكر....ثم استبصرت.
ولما استبصرت… أدركت.
وبعد ما أدركت… اتعلمت.
أحيانًا اللحظة اللي بتقف فيها وتواجه نفسك بتبقا
هي اللحظة الحقيقية للنجاة.
كام مرة وقوفك مع نفسك كان سبب في نجاتك ؟؟






18/01/2026

أهلًا بيكم في حلقة جديدة من صوت الوعي.
النهارده بنتكلم عن الكوتشينج،
مش كنصيحة جاهزة، ومش كتوجيه مباشر،
لكن كمساحة حوار بتساعد الإنسان يفهم نفسه أكتر،
ويحدّد اللي عاوزه بوضوح،
ويوصل لقراراته بنفسه.

حلقة بسيطة وهادية،
هنفهم فيها يعني إيه كوتشينج من غير تعقيد.



#بودكاست

#كوتشينج

#وعي
#حوار




17/01/2026

Hanan Zain Elden - Life Coach

16/01/2026

🎙️ صوت الوعي × كوتش حنان
في حلقة مميّزة من صوت الوعي، نستضيف كوتش حنان في حوار عميق عن الكوتشينج الحقيقي
مش كشعارات… لكن كرحلة وعي، فهم، وتغيير فعلي 👣
اتكلمنا عن:
🔹 يعني إيه كوتشينج بجد؟
🔹 إزاي الكوتشينج بيساعدنا نسمع نفسنا صح
🔹 الفرق بين النصيحة والتوجيه
🔹 ودور الوعي في اتخاذ قرارات أهدى وأصدق
الحلقة دي لكل شخص حابب يفهم نفسه أكتر
ويتحرّك في حياته بخطوات واعية مش ردود أفعال 🌱
📌 استنونا… وشاركوا الحلقة مع اللي يهمه الوعي الحقيقي
الهاشتاجات 👇


#كوتشينج

#الوعي








Hanan Zain Elden - Life Coach

07/01/2026

كل خطوة بتاخدها
حتى اللي فاكرها بسيطة
ليها معنى… وليها أثر ✨
في الريكورد ده
أنا وكوتش حنان بنناديك
تفكّر قبل ما تمشي
وتختار قبل ما تكمّل
مش كل الطرق شبه بعض
ومش كل الخطوات واحدة
بس الوعي دايمًا بيخلّي الأثر أصدق 🤍
اسمع…
وامشي وإنت عارف إنت رايح فين 🌿

#وعي
#الوعي
#إدراك
#فهم

ليه مش بنفهم بعض؟مشكلتك في العلاقة مش إنك حساس زيادة…ولا إن اللي قدامك بارد.مشكلتك إن كل واحد فيكم داخل العلاقة بنمط مخت...
06/01/2026

ليه مش بنفهم بعض؟

مشكلتك في العلاقة مش إنك حساس زيادة…
ولا إن اللي قدامك بارد.

مشكلتك إن كل واحد فيكم داخل العلاقة بنمط مختلف.
في العلاقات،

إحنا مش بنختلف علشان مش بنحب…
إحنا بنختلف علشان كل واحد بيحب بطريقته.

في نمط بيحب بالكلام.
ونمط بيحب بالفعل.
ونمط بيحب بالاحتواء.
ونمط بيحب بالمساحة.

المشكلة مش إن الحب ناقص،
المشكلة إننا بندور عليه في المكان الغلط.

الإنياجرام مش بيغيّر العلاقة،
بس بيوضحها.
بيخلّيك تفهم:
اللي قدامك محتاج إيه
قبل ما تحاسبه على اللي ما عملوش.
افهم النمط…
تخف الخناقة.
بص على العلاقة بنظارة غيرك… هتفهم أكتر.. ليه كل واحد بيتصرف بالشكل ده. ✅

سؤال ليك:
إيه أكتر حاجة بتطمنك في العلاقة؟
كلام؟ فعل؟ وجود؟ ولا مساحة؟

غادة فهمي | Ghada Fahmi
Enneagram Life Coach



#الإنياجرام

#العلاقات



02/01/2026

في الحلقة دي
الأسئلة كانت إذاعية…
بس الرؤية كوتشينج.
مش بنسأل علشان نسمع إجابة وخلاص،
بنسأل علشان:
نفتح وعي
نحرّك تفكير
ونساعد المستمع يشوف نفسه بشكل أوضح
اتكلمنا عن التعلّق
مش كشخص وبس،
لكن كحالة نفسية ممكن تبقى:
تعلّق بفكرة
بصورة ذهنية
بدور قديم
أو حتى بألم مألوف
وجود كوتش حنان زين في الحلقة
فرّق جدًا ✨
لأنها بتوصل المفهوم ببساطة
ومن غير تعقيد
علشان تساعدنا:
نضبط مفاهيمنا
ونفهم الفرق بين الثبات والتعلّق
وبين الأمان الحقيقي والتمسّك اللي بيقيدنا
الحلقة دي مش إجابات جاهزة…
هي دعوة للتفكير
وخطوة ناحية استبصار أعمق.
🎧 اسمعوا الحلقة
واكتبولنا في الكومنتات:
إيه أكتر فكرة أو نقطة لمستك؟ Hanan Zain Elden - Life Coach

إمتى الحاجة اللي بنتمسّك بيهاتتحوّل من أمان… لقيد؟التعلّق مش بس بشخص.ممكن تتعلّق:بفكرةبدوربصورة قديمة عن نفسكأو حتى بمشا...
02/01/2026

إمتى الحاجة اللي بنتمسّك بيها
تتحوّل من أمان… لقيد؟
التعلّق مش بس بشخص.
ممكن تتعلّق:
بفكرة
بدور
بصورة قديمة عن نفسك
أو حتى بمشاعر مؤلمة بس مألوفة
النهارده في الحلقة الخامسة من برنامج صوت الوعي مع كوتش حنان زين الساعة 7 مستنينكم هنتكلم عن التعلّق ه،
والأهم 👇
إحنا مستنيين نسمعكم.
لو عندك أي تعلّق بأي حاجة
حتى لو فكرة
اكتب في كومنت: نوع التعلّق ده إيه؟
وإحنا هنتناقش معاكوا فيه خلال الحلقة.
يمكن الكومنت بتاعك
يكون بداية تحرّر 🤍
🎧 استنونا النهارده الساعة 7
🔖 هاشتاجات




#التعلق



#تحرر
Ghada Fahmiصوت الوعي
Hanan Zain Elden - Life Coach

Address

Alexandria
5423022

Website

Alerts

Be the first to know and let us send you an email when Ghada Fahmiصوت الوعي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category