19/11/2025
زمان اول ما اخترعوا الانسولين الى بيتحقن مكنوش عارفين ( الكام منه بكام ) 🤨
بمعنى قد ايه منه مناسب لكمية الاكل الى باكلها 🥗
فاخترعوا نظام الوجبة الثابتة fixed meal و ده عبارة انى مثلا اقولك انت هتفطر بيضة و كوباية لبن و رغيف عيش و قطعة جبنة و هتاخد ٥ وحدات انسولين و هتفضل تفطر نفس الفطار طول الوقت عشان يفضل ال ٥ وحدات يعملوا نفس التأثير و هكذا ف باقى الوجبات 🥹
النتيجة كانت عدم التزام رهيب و سكر ملخبط طول الوقت لأن طبعا محدش يقدر يلتزم بنفس نوع الاكل طول الوقت دون ملل خصوصا الاطفال !
عشان كده بدأ عصر حساب الكربوهيدرات 🧮
الوجبة دى فيها كارب قد كدا ...و الطفل ده عشان يحرقهم محتاج انسولين قد كده بياخدهم و ياكل الى هو عايزه 🤷♀️
طبعا ده خلى الاطفال يحسوا بحرية اكبر و خلاهم قادرين ياكلوا كل حاجة 🍔🍦
للأمانة يا صديقى ده فعلا حقيقى بس مش الحقيقة كاملة !
لأن بعض الأشخاص استغلوا ده جداً لدرجة بقوا يحقنوا كميات كبيرة اوى من الانسولين عشان ياكلوا كل حاجة بكميات كبيرة جداً ! 😳
فبدئت تظهر نتيجة عكسية 😟
و الجسم بدأ ميستاجبش للانسولين اكنه مش حاسس بوجوده اصلااا !
طاب و الحل ؟! ... الاعتدال يا صديقى هو كلمة السر
و لو عايز تعرف اكتر عن حساب الكارب و النقاط .... تابعنا 💪💜
د.سعاد عصام
