PSY İMAN

PSY İMAN عضو مُنتسب بجمعية العاملين بمجال الصحة النفسية

24/04/2026

كُلنا بنخاف من الوقت الضايع قدام الشاشات.. 📺📱

بنتمنى نشوف ولادنا عندهم ثقة في نفسهم، بيعرفوا يتكلموا بلباقة، ويفكروا صح، وياخدوا قرارات مُناسبة لسنهم 🤍✨️

في CKC، إحنا أخدنا المبادرة وعملنا أول صالون ثقافي للأطفال في الوطن العربي .. هنا بنبني "عقل" بيعرف يحلل، ويناقش، ويبدع. 🤍💪🏻

​رقم الواتس اب في أول كومنت للإجابة على كل استفساراتكم ❤️🌿

24/04/2026

دايماً بنسأل نفسنا: "أودي ابني فين يتبسط، بس في نفس الوقت يستفيد حاجة حقيقية؟" 👫

الإجابة كانت في Creative Kids Corner.. 🎡🎠

المكان ده مش حضانة ولا مركز كورسات، ده أول صالون ثقافي للأطفال.

يعني المكان اللي بنسمع فيه صوتهم، بنحترم خيالهم، ​في CKC، طفلك مش مجرد رقم في الكشف..

ولكنّه في عيوننا فنان ومُفكر صغير بنساعده يكتشف نفسه في وسط بيئة كلها حُب ودعم. ✨🥰

رقم الواتس آب في أول كومنت للسؤال عن التفاصيل.. في انتظاركم تنورونا 📞

مين قال إننا لازم نكون مبسوطين 24 ساعة؟ 🤔في رحلتنا للبحث عن السلام الداخلي، كتير مننا بيقع في فخ "الإيجابية السامة"، يعن...
12/04/2026

مين قال إننا لازم نكون مبسوطين 24 ساعة؟ 🤔

في رحلتنا للبحث عن السلام الداخلي، كتير مننا بيقع في فخ "الإيجابية السامة"، يعني بيفتكر إنه لازم يكون مبسوط ومرتاح ومزأطط 24 ساعة في الـ 7 أيام في الأسبوع، وإنه لو حس بأي مشاعر سلبية يبقى فشل في رحلته. 🤦🏻‍♀️

​لكن الحقيقة هي عكس كده تماماً.. السلام الداخلي الحقيقي مش معناه إنك تمنع المشاعر السلبية من إنها تدخل يومك، السلام الداخلي هو إنك تعرف تستقبلها وتتعامل معاها من غير ما تخليها تتملكك.👌🏻

​تخيل كده إن مشاعرك هي زي ضيوف جاتلك على البيت، فيهم ضيوف مُرحب بيهم (السعادة، الامتنان، الأمل) وفيهم ضيوف تُقال على القلب (الحزن، الغضب، الإحباط).

السلام الداخلي هو إنك متطردش الضيوف التقال وتعمل نفسك مش شايفهم، ولا إنك تخليهم يستحوذوا على البيت كله ويقعدوا فيه على طول.

​في مشوارنا للسلام الداخلي، اتعلم إنك:

🤍 تقبل وجود مشاعرك السلبية ومتلومش نفسك عليها، قول لنفسك "أنا حاسس بكذا دلوقتي وده طبيعي".

🤍 إياك ثم إياك ثم إياك ترفض مشاعرك أو تتجاهلها أو تعاندها .. المشاعر لما تتعاند بتبقى شبه الذبابة الرزلة اللي بتقعد تزن في ودانك اكتر كل م تحاول تبعدها عنك ..

🤍 عبر عن مشاعرك بطريقة صحية (كتابة، رسم، احكي مع حد بتثق فيه، رياضة ..).

🤍 اسأل نفسك "المشاعر دي عايزة تقولي إيه؟ في حاجة محتاج أغيرها؟".

🤍 افتكر إن المشاعر زي الغيوم، بتيجي وتمشي، ومفيش مشاعر سلبية بتفضل للأبد.

​التعامل الواعي مع المشاعر السلبية هو العمق الحقيقي للسلام الداخلي، هو اللي بيخلينا نعيش حياتنا بصدق ومرونة، مش بإنكار وقمع، ويخلينا نبطّل نتعارك مع مشاعرنا ومع نفسنا ..

​قولولنا في التعليقات.. إيه أكتر طريقة بتساعدكم في التعامل مع المشاعر السلبية؟ 👇

​ #مشاعر #وعي #رحلة

مش شطارة إنك تراضي الكل وأنت أكتر واحد زعلان من نفسك.. 😔بعد ما عرفنا يعني إيه سلام نفسي، وواجهنا المخاوف، واتعلمنا نتبسط...
09/04/2026

مش شطارة إنك تراضي الكل وأنت أكتر واحد زعلان من نفسك.. 😔

بعد ما عرفنا يعني إيه سلام نفسي، وواجهنا المخاوف، واتعلمنا نتبسط بحلة المحشي البايتة .. جه الوقت نتكلم عن الحارس اللي هيقف يحمي كل مجهودنا من إنه يتهد في ثانية.😐

​كتير بنبني سلامنا الداخلي طوبة على طوبة وبمجهود جبار، وفجأة ييجي حد يحدف كلمة مالهاش لازمة، أو يتدخل في اللي ملوش فيه، أو يرمي عليك شيلة مش بتاعتك..

وتلاقي نفسك بتقولي تمام وانت من جواك بتغلي وبتقول يا ريتني قُلت لأ .. والنتيجة؟ سلامك الداخلي بيتبخر وترجع لنقطة الصفر كأنك ما عملتش حاجة.😕

​السلام الداخلي مش معناه إنك تبقى نسمة وكيوت وبتوافق على كل حاجة..

​• مش معنى إنك "أونلاين" إنك مُتاح للرد على أي حد في أي وقت. وقتك ده ملكك أنت، ومحدش ليه حق يقتحمه إلا لو سمحت.

​• إنك تشيل شيلة غيرك وتتحمل نكد ومشاكل على حساب أعصابك ده مش جدعنة ده استنزاف رسمي.

​• كلمة لأ جملة مُفيدة في حد ذاتها مش محتاجة معاها اعتذار، ولا مبررات، ولا قصص وهمية. لو الحاجة هتضغط عليك، قول لأ وانت راضي عن نفسك.

​بلاش تسيب مودك في إيد حد تاني، كلمة تطلعك السما وكلمة تنزلك الأرض، سلامك نابع من استحقاقك إنك تعيش هادي، مش عشان الناس راضية عنك وأنت عايز تبقى حلو في عيونهم.

​تذكر دائمًا: "أنت لست مضطرًا لحضور كل معركة تُدعى إليها". ✋

​أحيانًا قمة السلام هي إنك تنسحب من خناقة ملهاش لازمة، أو تسكت في وش حد مُستفز، أو ببساطة ترسم حدودك وتنام مرتاح البال.

​قولولنا في التعليقات.. إيه أكتر حاجة "بتسحب" سلامكم النفسي وبتحسوا إنكم محتاجين تحطوا لها حدود واضحة؟ 👇

واستنوا البوست الجاي هقولكم إزاي تقولوا لأ من غير م تحسوا بالذنب وتأنيب الضمير 😊🤍

لو فنجان القهوة أو كوباية الشاي بلبن الصبح مغيرتش مودك، يبقى العيب في النظارة اللي شايف بيها حياتك ‼️😎​السلام الداخلي مش...
07/04/2026

لو فنجان القهوة أو كوباية الشاي بلبن الصبح مغيرتش مودك، يبقى العيب في النظارة اللي شايف بيها حياتك ‼️😎

​السلام الداخلي مش محتاج قصة حُب أسطورية ولا سفرية للمالديف عشان يتحقق، السلام الحقيقي هو إنك تمتن لـ:

حلة المحشي اللي بايتة في التلاجة من إمبارح 😋
ريحتك اللي بقت جميلة بعد دُش دافي بالشاور والشامبو اللي بتحب ريحتهم 💦
تقفيل الشغل في معاده وتسليمه 👨🏻‍💻
تتر بداية فيلمك المُفضل مع طبق فواكه أو تسالي 📽🎬
تمشية ع البحر بليل وانت بتقزقز لب أو بتشرب قصب 🌊

اللي بيعلق سعادته على حدث كبير هيفضل عُمره كله في صالة الانتظار وشه هيكرمش وسنانه هتقع وهو لسه متبسطش !

لكن اللي بيعرف يلقط السعادة والامتنان من كل تفاصيل يومه هو ده اللي فهم اللعبة صح.

​بطل تستني المعجزة وعيش اللحظات الحلوة، لأن الامتنان لأبسط حاجة هو أول خطوة عشان تعيش مرتاح البال ومن غير انتظار!

هاا هتستنى ولا هتعيش؟

شاركونا ممتنين ل ايه النهاردة؟🤍⚘️

#الامتنان

هيحصل ايه لو اكبر مخاوفك اتحققت؟السؤال ده هو العدو الأول لسلامك النفسي، بنقضي أيامنا بنحرق في أعصابنا ومشاعرنا بنرسم سين...
05/04/2026

هيحصل ايه لو اكبر مخاوفك اتحققت؟

السؤال ده هو العدو الأول لسلامك النفسي، بنقضي أيامنا بنحرق في أعصابنا ومشاعرنا بنرسم سيناريوهات مرعبة لمستقبل لسه مجاش، وننسى إن أغلب الحاجات اللي خوفنا منها محصلتش، واللي حصل منها.. اكتشفنا إننا في مواجهتها كُنا أقوى بكتير مما كنا نتخيل.

​أول خطوات حقيقية للوصول للـ السلام الداخلي هي إنك تُدرك الفرق الجوهري ده:

• ​الخوف من "البلاء" قبل وقوعه: ده بيكون من صُنع عقلك ووساوس الشيطان، فبيكون خالي تماماً من أي رحمة.. بيبقى عبارة عن إنك عمال تعمل زوم للوجع وتوقعات سلبية صافية، فبيحسسك إنك هتنهار.. وانهار فعلًا بس على مفيش !!

• ​وقوع "البلاء" نفسه (لا قدر الله): اللحظة دي بينزل فيها من ربنا لُطف وجبر مكنتش عامل حسابه، وقوة صبر مكنتش تعرف إنك تملكها، وهدوء بيخليك تتقبل الواقع وتتعامل معاه بمرونة لا كانت ع البال ولا ع الخاطر.

و​عشان توصل للسلام النفسي في وسط دوشة أفكارك، حاول تتبنى القواعد دي:

• ​فكّر نفسك إن شعورك بالخوف دلوقتي مش دليل على إن الواقع هيكون سيء ده مجرد رد فعل كيميائي لعقلك تجاه المجهول.

• ​أنت دلوقتي عندك طاقة تكفي النهاردة بس، متستنزفهاش في محاربة بكرة اللي لسه متوجدتش، وفي الغالب هيبقى أحسن من توقعاتك.

• ​السلام الداخلي مش معناه إن حياتك هتخلو من المشاكل، لكن هو القدرة على الحفاظ على توازنك وسط العاصفة، وتبقى عارف إنها هتاخد وقتها وتعدي، وكمان يبقى عندك القدرة للتعامل مع آثارها.

هوّن على نفسك.. استنزاف أعصابك في تخيل "إيه اللي ممكن يجرى" مش هيغير اللي هيجرى، لكنه أكيد هيفسد عليك "اللي بيجرى فعلاً" في لحظتك الحالية.

​خلي شعارك دايماً: "أنا أملك الآن، وسأتعامل مع الغد بما يفرضه الغد". وبس كده ..
​

​ #طمأنينة

الكل بيتكلم عن "الصحة النفسية".. بس هل هي فعلاً مجرد إننا "مش تعبانين"؟ 🤔كتير مننا بيحصر الصحة النفسية في فكرة (غياب الم...
02/04/2026

الكل بيتكلم عن "الصحة النفسية".. بس هل هي فعلاً مجرد إننا "مش تعبانين"؟ 🤔

كتير مننا بيحصر الصحة النفسية في فكرة (غياب المرض)، يعني لو مفيش اكتئاب أو قلق مُزمن يبقى إحنا تمام وزي الفل. لكن الحقيقة أكبر بكتير..

​الصحة النفسية هي "جودة حياة". ✨

​هي قدرتك على الشعور بـ السلام النفسي الداخلي حتى وسط ضغوط يومك، إنك تعرف تعبر عن مشاعرك بوضوح، وتحط حدود تحميك، وتكون قادر توازن بين مسؤولياتك وبين وقتك الخاص (سواء كان وقت للهوايات، لتصفية الذهن، أو حتى لمجرد الاستمتاع بصحبة نفسك).

​هي مش حالة ثابتة، هي رحلة فيها أيام صعبة وأيام حلوة، والمهم فيها إننا نتعلم إزاي نرجع نظبط كفة الميزان ونلاقي سلامنا النفسي تاني وتالت وعاشر، بعد كل مرة بنقع فيها. 🌱⚖️

لو سألتك .. إيه أكتر حاجة بتعملها وبتحسسك إن صحتك النفسية في حال أفضل؟ شاركنا رأيك في التعليقات. 👇

​

عساكم وأحبابكم من عوّداه 🤍🌿كل عام وأنتم بألف خير ⚘️
19/03/2026

عساكم وأحبابكم من عوّداه 🤍🌿
كل عام وأنتم بألف خير ⚘️

الحكاية مش مجرد شهادة وسطر جديد في السي في .. الحكاية حكاية حُب وشغف ❤️​الحمد لله، اكتملت فرحتي بالحصول على تقدير 'امتيا...
17/03/2026

الحكاية مش مجرد شهادة وسطر جديد في السي في .. الحكاية حكاية حُب وشغف ❤️
​الحمد لله، اكتملت فرحتي بالحصول على تقدير 'امتياز' في المرحلة الأولى في بناء من تخصص 'البالغين'.
​شكراً لدعمكم وحُبكم اللي دايماً بيشجعني أكمل. ✨🎓

15/03/2026

لحظات لا تُقدّر بثمن 🤍🤍🤍🎓🎓✨️
اللهم لك الحمد

Address

فيلا ٢٠١ شارع طيبة كليوباترا
Alexandria
00203

Website

Alerts

Be the first to know and let us send you an email when PSY İMAN posts news and promotions. Your email address will not be used for any other purpose, and you can unsubscribe at any time.

Shortcuts

Share

Category