Dr Nancy Mohamed

16/09/2026

من اشطر ر اقرب الحالات ليا🤍

16/09/2026

الWegovy و Mounjaro مش مجرد حقن للتخسيس.👀

اختيار الدواء المناسب بيعتمد على حالتك الصحية، هدف العلاج، الـBMI، والتاريخ المرضي والأدوية اللي بتستخدميها.

وفي حالات معينة، استخدامهم يكون غير مناسب أو ممنوع.

ما تبدأيش أي GLP-1/GIP medication من نفسك ‼️

13/09/2026

بتنامي قليل؟ ممكن ده يأثر على شهيتك أكتر مما تتخيلي 👀

قلة النوم مش بس بتخليكي تصحي مرهقة… ممكن كمان تأثر على إشارات الجوع والشبع في جسمك، فتلاقي نفسك جعانة أكتر أو نفسك في أكلات عالية في السكر والدهون.

ومع السهر، بيكون اتخاذ اختيارات الأكل الصحية أصعب، خصوصًا لو اليوم كله كان مرهق.

😴 عشان كده النوم الكويس جزء من الـhealthy lifestyle، مش رفاهية.

حاولي تحافظي على مواعيد نوم منتظمة، واهتمي بعدد ساعات النوم زي ما بتهتمي بأكلك وحركتك.🤍

09/09/2026

🌯 الLunch Box مش لازم يكون معقد عشان يكون متوازن.
اختار مصدر بروتين + نشويات + خضار/فاكهة، وغيّر الـcombinations حسب اللي بتحبه والمتاح عندك.

اعملوا Save the post وخليه مرجعكم لأفكار سريعة للمدرسة. 🤍

06/09/2026

الفاكهة ولا العصير؟ 🍊

رغم إن العصير معمول من الفاكهة، لكن الفاكهة الكاملة مش زي العصير.

🍊 الفاكهة الكاملة:
بتحتوي على ألياف تساعد على الشبع وتخلي امتصاص السكر أبطأ، وكمان بتاخدي وقت أطول في أكلها.

🥤 العصير:
أسهل وأسرع في الشرب، وممكن تستهلكي كمية أكبر من الفاكهة والسكر من غير ما تحسي بنفس درجة الشبع، خصوصًا لو العصير مصفّى أو مضاف له سكر.

وده مش معناه إن العصير “ممنوع” ❌
لكن لو الاختيار متاح، الفاكهة الكاملة غالبًا اختيار أفضل وأشبع. 🤍

اختاري الفاكهة كاملة معظم الوقت… وخلي العصير اختيار من وقت للتاني.

04/09/2026

02/09/2026

الحلويات مش عدوك…🧁🍰
السر مش في إنك تمنعيها، لكن في إنك تعرفي إمتى وإزاي تاكليها من غير إحساس بالذنب. التوازن هو اللي يخليك تستمري وتوصلي لهدفك. ✔️🤍

30/08/2026

هل جربت تبدأ وجبتك بالسلطة؟🥗

مش علشان “تملّي بطنك”، لكن لأن الخضار الغني بالألياف ممكن يساعد على زيادة الإحساس بالشبع، وده يخليك تاكل وجبتك براحة ومن غير استعجال.🥬

كمان، إضافة السلطة قبل الوجبة تعتبر طريقة بسيطة وسهلة تزود بيها استهلاكك اليومي من الخضار، وتحصل على فيتامينات ومعادن مهمة لجسمك.

افتكر إن السلطة لوحدها مش وجبة متكاملة، لكن لما تكون جزء من وجبة فيها بروتين ونشويات بكميات مناسبة، هتساعدك تحافظ على نظام غذائي متوازن وتشبع لفترة أطول.🤍

26/08/2026

لو الميزان طلع رقم أعلى قبل الperiod… متخافيش!
في أغلب الحالات ده بيكون بسبب احتباس السوائل والتغيرات الهرمونية، مش زيادة دهون. كملي على نظامك، وخففي الملح والكافيين والنشويات البسيطة، وهتلاحظي إن الوزن بيرجع لطبيعته بعد انتهاء الدورة. 🤍

25/08/2026

I'm truly honored to be part of a scientific event bringing together professionals in clinical nutrition, obesity medicine, weight management, and evidence-based obesity treatment.
Looking forward to valuable discussions about the latest advances in nutrition and obesity management, and to a day full of science, learning, and inspiring connections.