25/03/2026
● أنا على طول قلقان ، امتى اعرف ان القلق اللي عندي طبيعي أو
مرضي ؟ وامتى اعرف اني محتاج اروح لثيرابيست ؟
● اعرف ان القلق اللي عندي مرضي ومحتاج اروح لمعالج نفسي
لما القلق يوصل عندي اني بقلق دايماً من أقل شيء خصوصاً لو بيعطل حياتي وبيأثر على يومي بشكل كامل ومش بقدر أنجز اي شيء ولا حتى استمتع بالحاجات اللي بحبها وبيخليني واقف في مكاني ومش بقدر اعمل اي حاجة في حياتي سواء الحياة العملية أو الدراسية أو الشخصية، كمان ممكن القلق يأثر على صحتي الجسدية زي ان دايماً يجيلي ضيق تنفس وسرعة في ضربات القلب وكمان صداع مستمر وتفكير زائد وكمان بيأثر على النوم زي ان يكون عندي أرق دايماً ومعرفش انام من كتر القلق والتفكير، كمان القلق بيخليني دايماً متوقع الأسوأ في اي شيء وبيخليني اتجنب المواقف والأشخاص، كمان القلق ممكن يوصلني اني بسعى دايماً للمثالية (perfectionism) بسبب القلق والخوف الشديد من اني ارتكب الأخطاء، لو الأعراض دي مستمرة معاك لمدة طويلة وبتأثر عليك كدا أنت محتاج تروح لثيرابست
