Psy/ Rewan Ali

Website

Psy/ Rewan Ali أخصائية نفسية مهتمة بالصحه النفسيه وتقديم مساحه للدعم ،الفهم، بناء الوعي
أقدّم محتوى توعوي وعلاجي

12/09/2026

ليه بنعمل حاجات وإحنا مش فاهمين نفسنا؟
أحيانًا بنلاقي نفسنا بننكر الحقيقة، بنبرر تصرفاتنا، أو بنلوم الآخرين على مشاعر جوانا…
وده مش دايمًا بيكون عن قصد.
في علم النفس التحليلي، بنسمي ده الميكانيزمات الدفاعية: طرق نفسية بيستخدمها العقل لحمايتنا من القلق أو المشاعر المؤلمة.
لكن السؤال المهم:
إمتى الدفاع النفسي بيحمينا، وإمتى بيمنعنا من مواجهة نفسنا؟

28/08/2026

ليس للإنسان إلا ما يدركه ........ دي جمله منسوبه إلى جلال الدين الرومي
ما لا نراه، قد لا نستطيع التعامل معه.وما لا نفهمه، قد نخاف منه
وما نفسّره بطريقة مؤذية، قد يؤلمنا أكثر من الحدث نفسه.
أحيانًا لا نحتاج أن نغيّر الواقع فورًا، بل أن نغيّر الطريقة التي نراه بها لأن إدراكنا يصنع جزءًا كبيرًا من تجربتنا

فما تراه بعين الخوف، قد تراه بعين أخرى حين تشعر بالأمان

18/08/2026

مش كل شعور محتاج نحاربه… ومش كل ألم محتاج يختفي فورًا
أحيانًا البداية الحقيقية للتغيير هي إننا نسمح لمشاعرنا تكون موجودة من غير مقاومة أو حكم.

القبول مش معناه إنك راضي عن الألم، ولا إنك استسلمت له؛
القبول معناه: «أنا شايف اللي جوايا، فاهمه، ومش هحارب نفسي عشانه.»

لما نقبل مشاعرنا، بنوفر طاقة كانت بتضيع في مقاومتها… ونقدر نبدأ نتعامل معاها بشكل أهدى وأكثر وعيًا🤍

مش دايما الوعي كفيل أنه يغير قناعتنا أو سلوكنا أو حتى مشاعرنا "مش كل حاجة عقلك متوقعها هي حقيقة… أحيانًا محتاج تعيش التج...
15/08/2026

مش دايما الوعي كفيل أنه يغير قناعتنا أو سلوكنا أو حتى مشاعرنا

"مش كل حاجة عقلك متوقعها هي حقيقة… أحيانًا محتاج تعيش التجربة عشان تعرف
ممكن نكون فاهمين نفسنا جدًا، وعارفين أفكارنا وأنماطنا ومخاوفنا، وحتى عارفين إن بعض أفكارنا غير منطقية… ومع ذلك نفضل نتصرف بنفس الطريقة.

ده لأن المعرفة حاجة، والخبرة حاجة تانية.
إحنا طول الوقت بنبني توقعات من خبراتنا السابقة:
"لو قلت رأيي، هيتضايقوا."
"لو فشلت، مش هقدر أبدأ تاني."
"لو طلبت مساعدة، هبان ضعيف."
"لو خرجت من منطقة الأمان، هحصل لي حاجة."

وبالتالي بنبدأ نتصرف على أساس التوقع، مش على أساس الواقع،والأجمل إن التجربة مش لازم تثبت إن توقعك كان غلط.ممكن تكتشف:

آه، خوفي حصل فعلًا… بس اكتشفت إني قدرت أتعامل معاه.
أو:
"كنت متوقع الموضوع يبقى كارثي، لكنه طلع أصغر بكتير."
أو حتى:
"النتيجة طلعت مختلفة تمامًا عن اللي كنت متخيله."

فلسفة التجارب السلوكية في الحياة هي إن الخبرة أحيانًا بتعلّمنا حاجات التفكير لوحده مش قادر يعلّمها لنا.
التجربه مش محاولة لإجبارنا على التفكير الإيجابي، ولا لإثبات إن أفكارنا غلط ولكن بتورينا صورة منطقيه اكتر

لان أحيانًا التغيير مش بيحصل لما نفهم أكتر،
بيحصل لما نعيش تجربة جديدة تناقض أو حتى تعدّل اللي اتعلمناه قبل كده.
لأن فيه فرق كبير بين:
"أنا عارف إني أقدر أتحمل."
و
"أنا جربت، واتأكدت إني قدرت أتحمل."

إحنا محتاجين ندي أنفسنا فرصه أننا نختبر الحياة مش بس نفسّرها بأفكارنا عشان منحرمش نفسنا من فرصه التغير والنمو🤍

افتراض الجهل بالامور ده ال بيخلي البني ادم قادر يستوعب تفسيرات مختلفه وعارف يطلع براه  متحرر من انحيازات أفكاره ومشاعره ...
01/08/2026

افتراض الجهل بالامور ده ال بيخلي البني ادم قادر يستوعب تفسيرات مختلفه وعارف يطلع براه
متحرر من انحيازات أفكاره ومشاعره وإحتياجاته
الموضوع مريح جدا أن الشخص يعترف بمحدويته انا مش عارف كل حاجه انا معنديش الحقيقه الكامله .... اني اخلي تفسيراتي على جمب عشان مدرك انها ناتج معتقد ملوش علاقه بالحواليا لي علاقه بيا وبافكاري عنهم وعن نفسي هنا البني ادم أصبح حر بمعنى الكلمه وأقرب لافضل نسخه منه 🤎

22/07/2026

ازاي وجود المختص النفسي بيكون مختلف عن وجود الأصدقاء؟

لأن الصديق بيحب يخفف عنك، ويمكن ينصحك من واقع تجربته...
أما المختص النفسي فبيقدم مواجدة مهنية
يعني يكون حاضر معاك بتركيز، يسمعك من غير أحكام، ويساعدك تفهم مشاعرك وأفكارك بطريقة مختلفه وحيادية اكتر من غير ما يفرض عليك رأيه أو يوجهك على حسب خبرته الشخصية

المواجدة المهنية بتوفر مساحة آمنة تساعدك تشوف الصورة بوضوح، وتتعلم تتعامل مع مشاعرك وتوصل لحلول تناسبك أنت

وجود الأصدقاء مهم، لكن لما يكون الألم أكبر من إن الدعم العادي يكفي، ساعتها المواجدة المهنية بتكون هي الحل الافضل 🤍

إحنا مش محتاجين نجري طول الوقت.....في ناس أول ما تقعد ترتاح، تحس بالذنب ولو اليوم مش مليان إنجاز، تحس إنها قصّرت بس الحق...
07/07/2026

إحنا مش محتاجين نجري طول الوقت.....

في ناس أول ما تقعد ترتاح، تحس بالذنب ولو اليوم مش مليان إنجاز، تحس إنها قصّرت بس الحقيقة إن جسمك مش معمول عشان يفضل في حالة استنفار 24 ساعة

كل ضغط، وكل استعجال، وكل مسؤولية بتخلي جهازك العصبي يفتكر إن في خطر، فيفضل صاحي ومشدود حتى لو مفيش خطر حقيقي.

وعشان كده ممكن تلاقي نفسك:
- تعبان من غير سبب والشعور بالانهاك

- مش عارف تركز

- أعصابك مشدودة.

- نومك خفيف أو متقطع أو صعوبه في الدخول ف النوم

- ومش قادر تستمتع حتى بالحاجات اللي بتحبها

ولما تبطّأ شوية... وتدي لنفسك فرصة تاخد نفس، أو تتمشى، أو تقعد في هدوء من غير استعجال... جسمك بيوصلّه رسالة بسيطة:

"إحنا بخير... مفيش حاجة محتاجة نحاربها دلوقتي."

ساعتها يبدأ جهازك العصبي يهدى، ويقل التوتر، ويرجع التفكير أوضح، والجسم يبدأ يستعيد طاقته.

الراحة هي اللي بتخليك تعرف تكمل من غير ما تنهك نفسك الراحة مش عكس الإنتاجية...

لأن الإنسان مش آلة تشتغل بنفس الكفاءة طول الوقت
كل مرة بتتجاهل تعبك، أو تضغط على نفسك أكتر، أو تأجل راحتك، جسمك بيدفع التمن

لما تدي نفسك وقت تهدى، حتى لو دقائق بسيطة، فأنت مش بتضيع وقت... أنت بتساعد جهازك العصبي يخرج من حالة الاستنفار، ويرجع لحالة الأمان.

ولما جسمك يحس بالأمان:

- تركيزك بيرجع.
- قراراتك بتبقى أوضح.
- انفعالاتك بتبقى أهدى.
- وطاقتك بترجع بشكل صحي، مش بالقوة والإجبار.

افتكر دايمًا...
مش كل بطء تأخير، ومش كل سرعة إنجاز.
أوقات كتير، أبطأ خطوة بتاخدها هي اللي بتخليك تكمل المشوار كله 💚

الملل.. مش دايمًا معناه إن مفيش حاجة نعملها كتير مننا بيفتكر إن الملل سببه الفراغ، لكن الحقيقة إننا ممكن نبقى مشغولين طو...
20/06/2026

الملل.. مش دايمًا معناه إن مفيش حاجة نعملها

كتير مننا بيفتكر إن الملل سببه الفراغ، لكن الحقيقة إننا ممكن نبقى مشغولين طول اليوم وبرضه حاسين بملل

الملل بيحصل لما اللي بنعمله ميكونش فيه معنى بالنسبة لنا أو ميكونش بيشبع احتياج جوانا.
عشان كده ساعات نقعد نقلب على السوشيال ميديا أو نتفرج على أي حاجة لساعات، ومع ذلك يفضل الإحساس بالملل موجود.
أوقات الملل بيكون وراه حاجات تانية زي:
روتين متكرر بقاله فترة طويلة.
• إحساس إن مفيش هدف واضح بنسعى له.
• وحدة أو قلة تواصل مع الناس.
• إرهاق نفسي خلّى الحاجات اللي كنا بنستمتع بيها فقدت طعمها.
• أو مشاعر تانية زي الحزن أو الإحباط مستخبية ورا إحساس الملل

عشان كده بدل ما نسأل: "أعمل إيه عشان أبطل ملل؟" ممكن نسأل: "أنا محتاج إيه دلوقتي ومش واخد بالي منه؟"
يمكن أحتاج أغيّر روتيني، أو أجرب حاجة جديدة، أو أقابل ناس بحبهم، أو حتى أرتاح شوية بدل ما أفضل أضغط على نفسي.
الملل مش عيب ولا مشكلة في حد ذاته.. ساعات بيكون مجرد رسالة من نفسنا بتقول إن فيه احتياج محتاجين نسمعه🤍

#الملل #مشاعر

05/06/2026

أصعب ما في المعاناة ليس الألم نفسه، بل أن يشعر الإنسان أنه مضطر لإخفائه خوفًا من أحكام الآخرين.
الصحة النفسية ليست وصمة، وطلب المساعدة ليس ضعفًا، بل خطوة شجاعة نحو التعافي.

كلما تحدثنا أكثر، فهمنا أكثر... وكلما فهمنا أكثر، تراجعت الوصمة.

✨ شاركنا:ايه اكتر فكرة مغلوطه عن العلاج النفسي منتشرة ؟

مش كل شخص بيعاني نفسيًا بيحتاج نفس الطريق للعلاج 👀لأن كل إنسان ليه قصته، شخصيته، وطريقته الخاصة في مواجهة الألم😅عشان كده...
22/05/2026

مش كل شخص بيعاني نفسيًا بيحتاج نفس الطريق للعلاج 👀
لأن كل إنسان ليه قصته، شخصيته، وطريقته الخاصة في مواجهة الألم😅

عشان كده تنوع المدارس العلاجية النفسية مش مجرد اختلاف نظري لكنه مساحة أوسع لفهم الإنسان بشكل أعمق وأصدق
لان كل نوع علاج أو مدرسه علاجيه معينه بتشتغل على نوع مشاكل معينه يعني مثلا
العلاج المعرفي السلوكي بنشتغل على الأفكار والسلوكيات المؤثرة على الحياة اليومية،
وفي العلاج الجدلي السلوكي بنتعلم تنظيم المشاعر وتحمل الضغوط،
وفي التحليل النفسي بنفهم جذور المشاعر والصراعات الداخلية،
وفي العلاج الإنساني بنركز على التقبل والنمو واكتشاف الذات
وفي العلاج الأسري بنشوف تأثير العلاقات والبيئة المحيطة على الفرد.

التنوع ده مهم…اكيد
لأن المشاكل النفسية مختلفة، واحتياجات كل شخص مختلفة ومفيش ثوابت ف التعامل مع البشر 🤷
الهدف مش “تطبيق مدرسة علاجية” بقدر ما هو الوصول للطريقة الأنسب لكل حالة
بشكل يساعد الشخص يشعر بالأمان، الفهم، والقدرة على التغيير الحقيقي.

طلب المساعدة النفسية مش ضعف أو وصمه دة خطوة وعيه وشجاعة اتجاه حياة متزنة وفعاله
ومهما كان اللي بتمر بيه، فدائمًا فيه مساحة للفهم، والدعم، والتحسن🤍

psy / Rowan Ali🤍
#وعي #ثيربي #جودةالحياة #تطور #نمو

Address

الاسكندريه
Alexandria
21500

Alerts

Be the first to know and let us send you an email when Psy/ Rewan Ali posts news and promotions. Your email address will not be used for any other purpose, and you can unsubscribe at any time.

Shortcuts

Share