02/09/2024
الولادة بدون ألم
و ايه الفرق بين ال PCA وال TAP BLOCK 🤔 ؟
ال PCA جهاز او مضخة للتحكم في الألم ، حجمه صغير و بتروحي بيه البيت و بيتركب في الكانيولا ، بيكون فيه جرعات محدده من المسكنات بيتم ضخها بشكل أوتوماتيك بجرعات معينة عشان تقلل الألم بعد القيصرية وفيه زرار بتضغطي عليه لو حسيتي بزيادة في الألم أو احتاجتي لجرعة اضافيه
ممكن يكفيكي من 48 ساعة حتي 72 ساعة وفي ناس قعد معاها لحد ٥ أيام وإنسي خوف أول حركة وشيلي البيبي براحتك 💓
الPCA مش بس استخدامه للولادات القيصرية بس و لكن بيتم استخدامه مع العمليات الجراحيه بمختلف أنواعها اللي بيكون فيها ألم شديد بعد العمليه
📩 أما التاب بلوك 💉 Tap block في العمليه القيصريه
كلمة Tap معناها
Transversus abdominis plane block
فكرة التاب بلوك ببساطة اننا بنعمل بلوك ل الاعصاب المسئولة عن الاحساس في منطقة القيصرية ( الجلد - العضلات ) باستخدام بنج موضعي.
والطريقة ببساطة إن بعد ما طبيب النساء والتوليد بينتهي من العملية القيصرية ويغطي الجرح يقوم طبيب التخدير بعمل تاب بلوك وذلك بحقن تخدير موضعي في مكان معين في البطن وذلك باستخدام جهاز السونار إللي بيساعد تحديد الحقن في المكان الصح.
⛔ فاعلية هذة الطريقة جيدة جدا مع كل السيدات .
يستمر تخدير الألم لمدة 18 _ 24 ساعه بعد العمليه
وخلينا دايما فاكرين ان تقنيات الولادة بدون ألم هي تقنيات لتخفيف الألم لأقصي درجة ممكنه عشان تخلي حياتنا أسهل بعد الولاده و مش للقيصريات بس ،
🌹🌹 كمان الولادة الطبيعيه بقت أسهل بكتير مع ظهور حقنة الابيديورال اللي وظيفتها تقليل الألم اللي بتشعر به الأم في أثناء الولادة
epiduaral الابييديورال♦️♦️
الابييديورال هي نوع من أنواع البنج النصفي
عبارة عن حقنة بتتحقن في الظهر وبعد كدة ممكن تاخدي فيها جرعات متكررة ومناسبة جدا اثناء الولادة الطبيعية
مميزاتها:
- بتقعد فترة طويلة لأننا بنحقن جرعات متكررة فهي مناسبة جدا للولادة الطبيعية
-مش بتأثر على الطلق الطبيعي لو اتاخدت في توقيت صح والحالة المناسبة بالعكس في حالات كتير بتساعد في تطور الولادة
👨🏻⚕️👨🏻⚕️ كل التقنيات دي هيا حلول طبيه لازم تتم عن طريق طبيب متخصص في التخدير و علاج الألم
